69
başlamışdı. 1993-cü ilin iyulunda ulu öndər Heydər Əliyevin hakimiyyətə
gəlişi elmi bu böhrandan xilas etdi. Heydər Əliyev Naxçıvandan Bakıya
qayıdışının ikinci günü Elmlər Akademiyasına gəldi. Azərbaycanın
görkəmli alimləri ilə görüşdü, respublikada olan vəziyyət haqqında onlara
məlumat verdi, məsləhət-ləşdi. Həmçinin Elmlər Akademiyasının
Azərbaycanın elmi, mədəni, mənəvi inkişafında böyük
əhəmiyyətə malik
olduğunu bəyan etdi. Alimləri öz gücünü Azərbaycan elminin inkişafına
böyük töhfələr verməyə səslədi.
Heydər Əliyev prezident seçildikdən sonra akademiyanın maliyyə
vəziyyətini yaxşılaşdırmaq üçün ciddi tədbirlər gördü. Elmin maddi-
texniki bazasını möhkəmlətmək üçün dövlət vəsaiti ilbəil artırılmağa
başlanıldı.
1997-ci ildə akademiklərin və akademiyanın müxbir üzvlərinin elmi
rütbə maaşları on dəfə artırıldı və sosial vəziyyətləri yaxşılaşdırıldı. 1997-
ci ildə Azərbaycan Elmlər Akademiyası əməkdaşlarının maaşlarının 50
faiz, 2002-ci ildə isə 2 dəfə artırılması akademiyanın kadr potensialının
möhkəmlənməsinə olduqca müsbət təsir göstərməklə elmi-tədqiqatların
geniş miqyas alması üçün əlverişli şərait yaratdı.
Prezidentin 15 may 2001-ci il tarixli fərmanı ilə Azərbaycan Elmlər
Akademiyasına “Azərbaycan Milli Elmlər Akademiyası” statusu verildi.
2001-ci ildə akademiyaya yeni seçkilər keçirildi. Onun həqiqi və müxbir
üzvlərinin tərkibi xeyli yeniləşdi və görkəmli alimlərlə möhkəmləndirildi.
Azərbaycan Respublikasının Prezidenti Heydər Əliyev 4 yanvar 2003-
cü ildə “Azərbaycan Milli Elmlər Akademiyasının statusu haqqında”
fərman imzaladı. Bu fərmanda ilk dəfə olaraq akademiyaya dövlətin elmi
və elmi-texniki siyasətini həyata keçirən ali dövlət elmi təşkilat statusu
verildi. Fərmanda göstərilirdi: “Azərbaycan Milli Elmlər Akademiyası
Azərbaycan Respublikasında dövlətin elmi və elmi-texniki siyasətini
həyata keçirən, Azərbaycan Respublikasındakı bütün elmi müəssisələrin
və ali məktəblərin elmi-tədqiqat fəaliyyətlərini əlaqələndirən, Azərbaycan
Respublikasını xarici ölkələrdə elmi və elmi-texniki fəaliyyət sahəsində
təmsil edən ali dövlət elmi təşkilatıdır”.
Keçid dövrünün çətinliklərinə baxmayaraq ölkədə ulu öndərin
rəhbərliyi və qayğısı sahəsində akademiyanın respublikamızda elm,
mədəniyyət və təhsilin, yüksəkixtisaslı elmi kadrların hazırlanmasındakı
rolu yüksəlməyə başladı. Akademiya sistemində yeni elmi-tədqiqat
institutları: Arxeologiya və Etnoqrafiya İnstitutu, Milli Münasibətlər
70
İnstitutu, Əlyazmalar İnstitutu, İnsan Hüquqları İnstitutu və Azərbaycan
Milli Elmlər Akademiyasının Naxçıvan bölməsi yaradıldı.
Azərbaycan Elmlər Akademiyası ilə yanaşı, respublikanın digər
nazirliklərində, idarə və müəssisələrində də elmin inkişafına böyük diqqət
yetirilməyə başlanmışdı. Artıq 2000-ci ildə respublikada 137 elmi-
tədqiqat müəssisəsi fəaliyyət göstərirdi. Bunlardan 95-i elmi-t
ədqiqat
institutu idi. Bu elmi müəssisələrdə 26,4 minə qədər elmi işçi çalışırdı ki,
bunlardan 1512 nəfəri elmlər doktoru, 8380 nəfəri elmlər namizədi idi.
Həmçinin ali məktəblərdə 834 nəfər elmlər doktoru və 5,4 min elmlər
namizədi bilavasitə elmi-tədqiqat işi ilə məşğul olurdu.
Müstəqillik illərində elmin nailiyyətləri heç şübhəsiz ki, res-
publikamızın iqtisadi, siyasi, mədəni inkişafına, bütünlükdə mənəvi
həyatın zənginləşməsinə, azad cəmiyyət yaradılmasına, Azərbaycan
dövlətçiliyinin möhkəmlənməsinə müsbət təsir göstərir, respublikanın
inkişafını sürətləndirirdi.
Müstəqillik illərində böyük öndər Heydər Əliyev tərəfindən
ardıcıllıqla həyata keçirilən Azərbaycanın inkişaf strategiyasının tərkib
hissələrindən biri milli mədəniyyətimizə, ədəbiyyat və incəsənətimizə
göstərilən böyük dövlət qayğısı olmuşdur. Milli mənəvi dəyərlərə
söykənən bu strategiyanın aparıcı ideyaları milli ideologiya,
azərbaycançılıq, demokratiya, dövlətçilik, xalqçılıq, vətənpərvərlik,
iqtisadi inkişaf və tərəqqi olmuşdur.
Müstəqillik illərində Heydər Əliyev milli mənəvi dəyərlərimizin, milli
ideologiyamızın məhək daşı olan Azərbaycan dilinin və ədəbiyyatının
inkişafına xüsusi önəm vermiş, onların inkişafına qayğı dövlət
səviyyəsinə yüksəlmişdir. Milli mədəniyyətimizin, ədəbiyyat və
incəsənətimizin dərin bilicisi olan Heydər Əliyev klassik ədəbiyyata,
müasir ədəbi prosesə, sənət və mədəniyyətin bütün sahələrinə xüsusi
qayğı göstərir, onun inkişafı üçün əlindən gələni edirdi. Heydər Əliyev
milli mədəniyyətimizi, ədəbiyyat və incəsənətimizi xalqımızın əsrlərin
dərinliklərindən süzülüb gələn, daim zənginləşən milli sərvəti və
intellektual mülkiyyəti kimi qiymətləndirir, hər bir azərbaycanlıya bu
zəngin xəzinədən istifadə etməyi zəruri hesab edirdi. Bu sərvəti
yaradanları yüksək qiymətləndirir, mədəniyyət, ədəbiyyat və incəsənət
xadimlərini, yaradıcı ziyalılarımızı xalqın yetirdiyi dahi insanlar kimi
xarakterizə edirdi.
71
Heydər Əliyev ədəbiyyat və mədəniyyəti xalqın milli sərvəti,
intellektual mülkiyyəti kimi qiymətləndirərək yazırdı: “Azərbaycan
xalqının milli sərvəti və intellektual mülkiyyəti, eyni zamanda,
Azərbaycan ədəbiyyatıdır, mədəniyyətidir... Bizim mənəvi potensialımız
- ədəbiyyatımız, mədəniyyətimiz intellektual potensialımızın əsasını
təşkil edir. Bunu yaradanlar bizim xalqın dahi insanlarıdır”.
1
Heydər Əliyev bütün ömrü boyu, Azərbaycana rəhbərlik etdiyi bütün
dövrlərdə Azərbaycan ədəbiyyatına, onun görkəmli nümayəndələrinə,
yazıçılarına, şairlərinə və bütün yaradıcı ziyalılarına xüsusi diqqətlə
yanaşmış, onlara qayğı göstərmiş, onların əsərlərinin çap edilib
yayılmasına və təbliğ edilməsinə böyük əhəmiyyət vermişdir.
Keçid dövründə, olduqca çətin bir şəraitdə Məhəmməd Füzulinin 500
illik yubileyinin keçirilməsi və bu yubileyə bir çox xarici ölkələrdən, o
cümlədən YUNESKO-dan nümayəndələrin dəvət edilməsi tədbirin böyük
poeziya bayramına, ədəbiyyatımızın dünya miqyasında təbliğinə
çevrilməsinə bariz bir misaldır
2000-ci ilin fevralında respublikamızda türk respublikaları dövlət
başçıların, bir sıra digər xarici ölkə nümayəndələrinin və YUNESKO-nun
Baş direktorunun iştirakı ilə Azərbaycan xalqının ölməz dastanı olan
“Kitabi-Dədə Qorqud”un 1300 illik yubileyinin keçirilməsi müstəqil
Azərbaycanın böyük xalq, dövlət bayramına çevrildi. Min illərdən bəri
vətəndən didərgin düşmüş möhtəşəm qəhrəmanlıq abidəmiz, ulu ana
kitabımız birdəfəlik əbədi olaraq doğma vətənə qayıtdı, dilimizin qədim-
liyini sübut etdi.
“Kitabi-Dədə Qorqud” dastanını Azərbaycan xalqının fəxri kitabı
hesab edən Heydər Əliyev deyir: “Biz öz tariximizlə, mədəniyyətimizlə,
ədəbiyyatımızla fəxr edirik və fəxr etməyə haqqımız vardır. Həqiqətən də
“Kitabi-Dədə Qorqud” dastanı kimi böyük elm, mədəniyyət, ədəbiyyat
1
Heydər Əliyev. Ədəbiyyatın yüksək borcü və amalı.- B., 1999. -S. 420.
Dostları ilə paylaş: |