8
5. Birjada əqdlərin bağlanılması
5.1. Birjada əqdlər aşağıdakı şərtlər daxilində bağlanılır:
5.1.1. Əqdin hər iki tərəfi birjanın ticarət sistemində bu Qaydalara müvafiq şəkildə bir-birinə
uyğun şərtlərlə sifariş daxil etdikdə;
5.1.2. Əqdlər birjanın ticarət sistemi vasitəsi ilə, bu Qaydalarda nəzərdə tutulmuş müvafiq
ticarət üsulu vasitəsilə bağlanıldıqda.
5.2. Hər bir əqd üzrə aşağıdakı məlumatlar ticarət sistemi vasitəsi ilə ticarət iştirakçılarına bu
qaydalara uyğun olaraq açıqlanır:
5.2.1. Əqdin bağlanıldığı qiymətli kağızın və ya törəmə maliyyə alətinin adı;
5.2.2. Qiymətli kağızların və ya törəmə maliyyə alətinin miqdarı;
5.2.3. Bir lot qiymətli kağızın və ya törəmə maliyyə alətinin qiyməti;
5.2.4. Əqdin tərəfləri olan birja üzvləri.
5.3. Birjada əqd elektron ticarət sistemi (sistemləri) vasitəsi ilə bağlanılır.
6. İstinad qiyməti
6.1. Birjada istinad qiyməti aşağıdakı qaydada müəyyən edilir:
6.1.1. İstinad qiyməti qiymətli kağızlar üzrə ticarətin baş verdiyi ən son ticarət günü ərzində
bağlanılmış əqdlərin (Birjada bağlanılmış ünvanlı əqdlər və yerləşdirilmə üzrə əqdlər istisna
olmaqla) orta çəkili qiymətidir;
6.1.2. Qiymətli kağızlar ilk dəfə ticarətə buraxıldıqda, istinad qiyməti bu qiymətli kağızların
birjanın listinq qaydaları ilə müəyyən edilmiş listinq qiymətidir;
6.2. Birjada hərrac qaydasında yerləşdirilmiş investisiya qiymətli kağızları ilk dəfə təkrar
bazarda tədavülə buraxıldıqda, istinad qiyməti bu qiymətli kağızların yerləşdirilməsi zamanı
təyin edilmiş orta çəkili qiymət olaraq müəyyən edilir.
6.3. Birjanın İdarə Heyəti bazarın qorunması məqsədi ilə qiymətli kağızlarla qlobal
əməliyyatlar və korporativ hadisələr zamanı istinad qiymətini dəyişə və ya ləğv edə bilər.
9
7. Qiymət dəhlizi
7.1. Birjada ticarətə buraxılmış qiymətli kağızlar və törəmə maliyyə alətləri üzrə sifarişlər və
kotirovkalar aşağıdakı qaydada müəyyən edilmiş qiymət dəhlizi çərçivəsində olmalıdır:
7.1.1. Qiymət dəhlizinin yuxarı həddi bu Qaydalara uyğun olaraq təyin edilmiş istinad
qiymətindən 20% yuxarı olaraq müəyyən edilir;
7.1.2. Qiymət dəhlizinin aşağı həddi bu Qaydalara uyğun olaraq təyin edilmiş istinad
qiymətindən 20% aşağı olaraq müəyyən edilir.
7.2. Təqdim edilən sifarişlərin və kotirovkaların qiyməti qiymət dəhlizindən kənarda olduqda,
bu sifarişlər və kotirovkalar ticarət sistemi tərəfindən rədd edilir və ticarət üçün qeydiyyata
alınmır.
7.3. Qiymətli kağızlar ticarətə buraxıldıqdan sonra və ya bu qiymətli kağızlar üzrə son
bağlanış qiyməti təyin edildikdən sonra onlarla 30 (otuz) ticarət günü ərzində əqd
bağlanılmadıqda (ünvanlı əqdlər istisna olmaqa), qiymət dəhlizinin yuxarı və aşağı həddi bu
qaydalara əsasən yeni istinad qiymətinin təyin olunmasınadək tətbiq edilmir.
7.4. Birjada ticarətə buraxılmış törəmə maliyyə alətləri üzrə bu Qaydaların 7.1.1. və 7.1.2.-ci
bəndi ilə nəzərdə tutulmuş qiymət dəhlizindən daha aşağı dəhliz həddi müəyyən edilə bilər.
Bu zaman dəhliz həddi bu Qaydaların 56.2-ci bəndinə müvafiq törəmə maliyyə alətlərinin
standartlaşdırılmış formasında qeyd edilir.
8. Ticarətin dayandırılması
8.1. Birjada ticarət, ticarət olunan bazarlar və qiymətli kağızlar üzrə dayandırıla bilər.
8.2. Birjada ticarət aşağıdakı hallarda ticarət olunan bazarlar üzrə dayandırılır:
8.2.1. Ticarət sistemində və ticarət sisteminin quraşdırıldığı proqram texniki vasitələrdə
texniki nasazlıqlar baş verdikdə, ticarət sisteminə birja üzvlərinin qoşulması Birja tərəfindən
texniki cəhətdən təmin oluna bilmədikdə və ya Birjanın ticarət sistemində, habelə ticarət
sisteminin işinə təsir edə biləcək proqram texniki avadanlıqlarda öncədən elan edilmiş
profilaktik işlər görüldükdə;
8.2.2. Bazarın qorunması məqsədi ilə Birjanın bazarda sui-istifadə hallarının qarşısının
alınmasına dair qaydalarında nəzərdə tutulmuş hallarda;
8.2.3. Fövqəladə hadisələr baş verdikdə;
8.2.4. QKDK-nın müvafiq qərarı ilə;
8.2.5. Qanunvericilikdə nəzərdə tutulmuş digər hallarda.
8.3. Birjada ticarət aşağıdakı hallarda qiymətli kağızlar üzrə dayandırılır:
8.3.1. Bu Qaydaların 9-cu bəndinin müddəaları ilə nəzərdə tutulduğu hallarda;
8.3.2. Birjanın listinq və bazarda sui-istifadə hallarının qarşısının alınmasına dair qaydalarında
nəzərdə tutulmuş hallarda;
8.3.3. Bu Qaydaların 6-cı bəndinin müddəalarına müvafiq olaraq istinad qiymətinə düzəlişlər
olunduqda;
10
8.3.4. QKDK-nın müvafiq qərarı ilə;
8.3.5. Qanunvericilikdə nəzərdə tutulmuş digər hallarda.
9. Qiymət qeyri-sabitliyinin qarşısının alınması
9.1. Qiymətli kağızlarla bağlanılacaq əqdin qiyməti bu qiymətli kağızlar üzrə cari ticarət günü
ərzində bağlanılmış son əqdin qiymətinə nəzərən 10% aşağı və ya 10% yuxarı həddə çatdıqda,
Birja bazarda qiymət qeyri-sabitliyinin qarşısını almaq məqsədi ilə qiymətli kağızlar üzrə
ticarəti dayandıraraq, bu Qaydalarla müəyyən edilmiş tarazlaşdırıcı hərrac üsulu ilə davam
etdirir.
9.2. Qiymət qeyri-sabitliyinin qarşısının alınması məqsədi ilə tətbiq edilən tarazlaşdırıcı
hərracın müddəti 90 (doxsan) saniyədən 120 (bir yüz iyirmi) saniyəyədək davam edir və
təsadüfi qaydada müəyyən edilmiş vaxtda bitir. Bu müddətin sonunda ticarət dayandırılmadan
öncəki ticarət üsulu ilə Birjanın ticarət reqlamentinə uyğun olaraq davam etdirilir.
9.3. Bu Qaydaların 9.1.-ci bəndinin müddəalarına müvafiq olaraq, ticarətin müvəqqəti
dayandırılması “Hamısını İcra Et” şərti ilə təqdim edilmiş sifarişin təmin edilməsi nəticəsində
baş verəcəksə, bu zaman belə sifariş avtomatik olaraq ləğv edilir və ticarət dayandırılmadan
davam etdirilir;
9.4. Bu Qaydaların 9.1.-ci bəndinin müddəalarına müvafiq olaraq, ticarətin müvəqqəti
dayandırılması “Qalığı Ləğv Et” şərti ilə təqdim edilmiş sifarişin təmin edilməsi nəticəsində
baş verəcəksə, bu zaman belə sifarişin ticarətin dayandırılmasına səbəb olmayan hissəsi icra
edilir, digər hissəsi isə ticarət dayandırıldıqdan sonra avtomatik olaraq ləğv edilir.
9.5. Bu Qaydaların 9.1.-ci bəndinin müddəaları ünvanlı əqdlərə şamil edilmir.
9.6. Bu Qaydaların 9.1.-ci bəndinin müddəaları Birjanın ticarət reqlamenti üzrə fasiləsiz
ticarət fazasından öncə açılış fazası tətbiq edildikdə, fasiləsiz ticarət fazası ərzində tətbiq
edilir.
9.7. Ticarətin dayandırılması müddəti ərzində, bu müddətədək daxil edilmiş sifarişlər ticarət
iştirakçıları tərəfindən ləğv edilə bilər.
9.8. Ticarətin dayandırılması müddəti ərzində ticarət iştirakçıları tərəfindən yeni sifarişlərin
daxil edilməsi və artıq daxil edilmiş sifarişlərə düzəlişlərin edilməsi qadağan edilir.
9.9. Birjanın ticarət reqlamenti ilə açılış fazası nəzərdə tutulduqda, ticarət dayandırıldıqdan
sonra açılış fazası ilə tarazlaşdırıcı qiymətli hərrac qaydasında başlayır. Bu halda, açılış
fazasının müddəti 15 (on beş) dəqiqədən artıq olmamalıdır.
9.10. Ticarət dayandırıldıqda Birja QKDK-nı və ticarət iştirakçılarını 1 (bir) iş günü ərzində
məlumatlandırır.
Dostları ilə paylaş: |