“Təfəkkür” jurnalının Baş redaktoru, iqtisad elmləri doktoru,
professor Müşfiq Atakişiyevə
Hörmətli Müşfiq müəllim!
Məqaləmin dərc olunduğu jurnalı alıb oxuduqdan
sonra, jurnala olan marağım məni jurnalın əvvəlki saylarını da oxumağa sövq etdi.
Hörmətli professor, bu cür jurnal nəşr etdirdiyinizə görə sizə təşəkkür edirəm.
Qloballaşan dünyanın bir parçası olan Azərbaycanda biliklər cəmiyyətinin
qurulması və inkişaf etdirilməsi zərurəti innovativ təfəkkürlü elmi müəsissələr
qarşısında tamamilə yeni tələblər irəli sürür. Bununla əlaqədar, göstərilən təşəbbüslər,
əlbəttə həmin elm ocaqlarının tanınması, elmi cəmiyyətə inteqrasiyası baxımından
məqsədmüvafiq hesab olunur. Bu istiqamətdə Elm və Təhsil Mərkəzi “Təfəkkür”
Universitetinin ərsəyə gətirdiyi “Təfəkkür” elmi xəbərlər jurnalının təsis olunması elmi
cəmiyyətin formalaşdırılması tələbilə üst-üstə düşür. Artıq 3 nömrəsi işıq üzü görən
jurnal yerli və xarici elm adamlarının diqqətini cəlb edə bilmişdir.
Heç təsadüfi deyildir ki, Azərbaycanın tanınmış ictimai-siyası xadimləri ilə
bərabər, fundamental tədqiqatlar aparan alimlərimiz də bu elmi nəşrlə əməkaşlıq edir.
Jurnalın sonuncu sayında Ukrayna Milli Elmlər Akademiyasının prezidenti Boris
Patonun məqaləsinin nəşr edilməsi elmi nəşrə olan beynəlxalq münasibətin
təzahüründən xəbər verir. Elmin müxtəlif sahələrində aparılan tədqiqatların nəticələrini
özündə əks etdirən bu yeni təsisat həm modern dizaynı və həm də orijinallığı ilə diqqəti
cəlb edir. “Təfəkkür” Universitetinə və eləcə də jurnalın redaksiya heyətinə ən xoş
arzularla..
Adil Əliyev
AMEA Geologiya İnstitutunun “Palçıq vulkanizmi” şöbəsinin rəhbəri,
geologiya-mineralogiya elmləri doktoru, professor, əməkdar elm xadimi