http://www.amu.edu.az
15 oktyabr 2014-ъц ил
6
Azərbaycan Tibb Universitetinin (ATU) Tədris-Cərrahiyyə
Klinikasında 2011-2014-cü illərdə rezidenturaya qəbulun
nəticələrinə həsr olunan tədbir keçirilib.
ATU-nun rektoru, Milli Məclisin deputatı, akademik Əhliman
Əmiraslanov tədbiri açaraq təkcə rezidentura ilə yox, bütövlükdə imtahan-
larla əlaqədar bir müzakirənin aparılmasına zərurət yarandığını vurğula-
yıb: “Qəbul qaydalarını, imtahanların aparılma qaydalarını bir də nəzərdən
keçirmək məqsədilə testləri hazırlayan mütəxəssisləri bura dəvət etmişik.
Bu, çox vacib məsələdir. Çünki o testləri hazırlayan ekspertlər də sizsiniz.
Bilirəm ki, Tələbə Qəbulu üzrə Dövlət Komissiyası ilə daim əlaqədəsiz,
yəni universitet bu işlərə qarışmır və test suallarını da siz hazırlayırsız.
Rezidentura sisteminin ölkədə təşkili ilə əlaqədar bizdə çox görüşlər olub-
dur. 10 il bundan qabaq biz bu barədə müzakirələr aparsaq da, təəssüf ki,
prosesin reallaşması çox gecikdi. Səbəbləri isə sizə yaxşı məlumdur. An-
caq yeni təhsil qanunu qəbul olunduqdan sonra təhsil nazirliyinin köməyi,
qayğısı sayəsində bir neçə ölkənin təcrübəsini Azərbaycana gətirərə bil-
dik. Xüsusilə Türkiyə təcrübəsini öyrəndik. Bu qənaətə gəldik ki, heç bir
ölkənin rezidenturaya qəbul və tədrisin aparılması qaydasının olduğu kimi
Azərbaycanda tətbiqi mümkün deyil. Nəhayət, 2010-cu ildə rezidentura
haqqında əsasnamə təsdiq olundu. Artıq 4-cü ildir ki, rezidenturaya qəbul
aparılır. Qəbulun ilk ilində də bir çox təxribatlarla üzləşdik. Biz bunla-
rın heç birinə fikir vermədik və bu sistemə keçdik. Səhiyyə naziri Oqtay
Şirəliyevə öz təşəkkürümü bildirirəm ki, bu işdə bizi müdafiə elədi.
Rezidentura tibbi təhsildə diplomdan sonrakı təhsildir və təhsilin bir
pilləsidir. Burada təcrübəyə üstünlük verilsə də, nəzəri cəhəti də unutma-
malıyıq.
Azərbaycan Tibb Universiteti üzrə 4 il ərzində 635 nəfər rezidenturada
təhsil alıbdır. Məzunların ən çox müraciət elədiyi ixtisas sahələri terapi-
ya, stomatologiya, cərrahiyyə, mama-ginekologiyadır. Sanitariya-gigiyena
sahəsində boş yerlərimiz də qalır. Əldə edilən uğurlara baxmayaraq rezi-
denturaya sənəd verən tələbələrin səviyyəsi bizi hələ də tam qane etmir və
düşünürəm ki, bu istiqamətdə görüləsi işlərimiz çoxdur”.
Tələbə Qəbulu üzrə Dövlət Komissiyasının (TQDK) sədri Məleykə
Abbaszadə toplantı iştirakçılarını ATU-nun bu möhtəşəm klinikasında sa-
lamlamaqdan məmnunluğunu dilə gətirərək bildirib ki, mühit dəyişəndə
mahiyyətin də dəyişməsi qaçılmazdır. Bilik və təcrübənin həkim üçün
nə qədər vacib olduğunu xatırladan Məleykə xanım test imtahanlarının
Azərbaycanda tətbiqinin ilkin məqsədindən də danışıb. Qeyd edib ki, ilk
məqsəd qiymətləndirmə aparılanda insan faktorunun təsir göstərməməsi
və korrupsiyanın aradan qaldırılması olub. Sonrakı illərdə test imtahan-
larının təkmilləşdirilərək indiki səviyyəyə çatdırıldığını söyləyən Tələbə
Qəbulu üzrə Dövlət Komissiyasının sədri əsas diqqəti 2011-2014-cü illərdə
rezidenturaya qəbulun nəticələrinə yönəldib.
Tələbə Qəbulu üzrə Dövlət Komissiyasının şöbə müdiri Natiq Əli-
yev, Azərbaycan Respublikası Səhiyyə Nazirliyi Aparatının rəhbəri Zə-
kiyyə Mustafayeva tədbirə toplaşanlara həmin dövrün statistikası ilə
bağ lı məlumat veriblər. Bildirilib ki, səhiyyəmizin inkişafının əsas
istiqamətlərindən biri tibbi təhsil və kadr islahatlarıdır. Nazirlər Kabine-
tinin 2010-cu il 18 mart tarixli sərəncamı ilə təsdiqlənən “Təhsil haqqın-
da” Qanuna uyğun olaraq 2011-ci ildə ilk dəfə rezidentura vasitəsilə 37
ixtisas üzrə həkimlərin hazırlığına başlanıb. Birinci il imtahanlarda 1.063
namizəd iştirak edibsə (onlardan 819-u 2011-ci ilin məzunları olub), 2014-
cü ildə imtahanlarda 1.414 namizəd iştirak edib və onların 666 nəfəri bu-
ilki məzunlardır.
Rezidenturaya imtahanlar iki mərhələdə keçirilir. Test imtahanları ilk
mərhələdə əsas fənlər üzrə, ikinci mərhələdə isə ixtisas üzrə keçirilir. Bun-
dan əlavə, gələcəkdə imtahanların üçüncü mərhələsinin - simulyator və
manekenlərdə təcrübənin keçirilməsi planlaşdırılır.
Arif MƏMMƏDLİ
B
ir
neçə
ay
bundan
əvvəl
Azərbaycan Tibb Universitetinin
Tədris-Terapevtik
Klinikasında
hema tologiya şöbəsi fəaliyyətə başlayıb.
Bu şöbə universitetin rektoru, akademik
Əhliman Əmiraslanovun təşəbbüsü sa-
yəsində yaradılıb.
Tədris-Terapevtik Klinikanın hematologiya şöbəsinin
həkimi Valeh Hüseynovun dediyinə görə, burada
xəstələrə yüksək səviyyəli tibbi xidmət göstərilir, on-
lara müasir avadanlıqların köməyi ilə daha dəqiq diaqnoz qoyulur, müalicə təyin edilir: “Hazırda dün-
ya təbabətinin əsas hədəflərindən biri hematoloji xəstələrin yüksək səviyyədə müalicə almasını təmin
etməkdir. Bunlardan biri də yüksək dozalı kimyəvi preparatlarla müalicə fonunda xəstələrə sümük iliyinin
və ya periferik qandan kök hüceyrələrinin köçürülməsidir. Bunun üçünsə hematoloji şöbədə yardımçı
bölmələr olmalıdır”.
V.Hüseynov bildirir ki, artıq ATU-nun Tədris-Terapevtik Klinikasındakı hematologiya şöbəsindən belə
bölmə - aferez bölməsi mövcuddur. Bunun üçün Klinikaya Belçikanın “Terima” şirkətinin müvafiq avadan-
lığı gətirilib. Eyni zamanda, bu cihazın vasitəsilə gələcəkdə periferik qandan kök hüceyrələrini toplayıb
xəstələrə kök hüceyrə köçürə biləcəyik. Bu da bizim qarşıdakı hədələrimizdən biridir”.
Qeyd edək ki, trombositləri toplamağa imkan verən belə cihaz regionda ilk olaraq ATU-nun Tədris-
Terapevtik Klinikasında quraşdırılıb.
ATU-nun mətbuat xidməti
2011-2014-cü illərdə rezidenturaya
qəbulun nəticələri müzakirə edilib
Oktyabrın 3-də Tədris-Cərrahiyyə
Klinikasında təhsil nazirliyinin
nümayəndələri Azərbaycan Tibb
Universitetinin I kurs tələbə-
lə ri ilə görüşüblər. Görüşə
uni versitetimizə yüksək bal-
la qəbul olunan tələbələr, mü-
vafiq fakültələrin dekanları və
əməkdaşları qatılıblar.
Universitetin tədris işləri üzrə pro-
rektoru, professor Sabir Əliyev Təhsil
nazirliyi nümayəndələrinin 600-dən
çox bal toplayan tələbələrlə görüşə
gəlməsini yüksək qiymətləndirərək
universitet rəhbərliyi adından onlara
təşəkkürünü çatdırıb. Görüşün əsas
məramının bu tələbələrin hər biri-
ninin gələcək fəaliyyətini diqqətdə
saxlamaq olduğunu bildirən pro-
rektor Azərbaycan Tibb Universite-
tinin tarixi inkişaf yolundan söhbət
açaraq professor-müəllim heyətinin
tərkibi haqqında da məlumat verib.
Boloniya prosesinin tədrisin qay-
dalarında yeni tələblər qoyduğunu
deyən S.Əliyev qiymətləndirmədəki
fərqliliklərə toxunaraq universitetdə
ayrıca Virtual Test Mərkəzinin
fəaliyyət göstərməsinin üstünlüklə-
rin dən danışıb. O, tibb təhsilinin
əməli vərdişlərin və bacarıqların
öyrədilməsi ilə aparıldığını vurğula-
yaraq bu məsələlərə ciddi yanaş-
mağın zəruriliyini önə çəkib.
IV qrup üzrə 600-dən çox
bal toplayan tələbələrin böyük
əksəriyyətinin bizim universiteti
seçdiyini söyləyən prorektor I kurs
tələbələrini ilk uğurları münasibətilə
təbrik edib, bu uğurların gələcəkdə
də davam etdiriləcəyinə əminliyini
bildirib.
Təhsil
nazirliyinin
aparat
rəhbərinin müavini Yaqub Piriyev
ilk növbədə görüş iştirakçılarına
təhsil naziri Mikayıl Cabbarovun sa-
lamlarını çatdıraraq bu il tələbə adı
qazanan gəncləri təbrik edib. Bildi-
rib ki, IV qrupda 11000
abituriyent iştirak edib-
dir. Onların 406 nəfəri
600-dən çox bal topla-
yıb. 360 nəfər 600-dən
çox bal yığan abituri-
yent Azərbaycan Tibb
Universitetini seçibdir
ki, bu da çox böyük
bir rəqəmdir. Res-
publikamızda
digər
ixtisas
qruplarında
400-ə yaxın 600-dən
çox bal toplayanların
nəticəsi 2 faizə ya-
xındır. Sizin qrupda isə bu nəticə 4
faizi keçmişdir. 600-dən çox bal yı-
ğan tələbələriniz 30 faizdən çoxdur:
“Qeyd etmək istəyirəm ki, qəbul
olunduğunuz ixtisaslar ölkəmiz
üçün prioritet təşkil edir və bu ixti-
saslar gələcək karyeranızın baş-
lanğıcıdır, mürəkkəb səhifələrindən
biridir.
Ölkəmizin
iqtisadiyyatı
sürətlə inkişaf edir. O cümlədən elm
və ali təhsil sahəsində də inkişaf
vardır. Əsas hədəflərimizdən biri
də ali təhsil səviyyəsində tədrisin
keyfiyyətinin yüksəldilməsidir. Bu
gün əmək bazarında, o cümlədən
tibb əmək bazarında böyük boşluq-
lar vardır. O boşluqları doldurmaq
üçün biz əmək bazarında rəqabətə
davamlı kadr hazırlığı aparmalıyıq.
Bunun üçün tək müəllimlər yox, siz
tələbələr də çalışmalısınız. Təhsil
nazirliyində tədrisin kredit sistemi
ilə təşkili barədə 348 N-li bir qərar
qəbul olunub. Bu qərar indiyədək
qəbul olunan qərarlarla müqayisədə
çox pozitiv bir qərardır. Yeni qərar
tələbələrə imkan verir ki, qiymətləri
aşağı olduqda onu yüksəltmək im-
kanı qazansınlar”.
Yeni standartların hazırlandığını
vurğulayan Təhsil nazirliyinin rəsmisi
“2007-2015-ci illərdə Azərbaycan
Respublikası gənclərinin xaricdə
təhsil proqramı”nın bu gün də
həyata keçirildiyini söyləyib. Qeyd
edib ki, bu proqramla 3000 tələbə
oxuyur ki, onlardan 900-ə yaxını tibb
təhsilli tələbələrdir. Çünki ölkəmiz
üçün prioritet olan bu sahəyə böyük
həcmdə vəsait ayrılır.
Tədris hissəsinin müdiri dosent
Nəsimi Qasımov, tibbi profilaktika
və tibbi biologiya fakültəsinin deka-
nı dosent Aydın Məmmədov, hərbi
tibb fakültəsinin tədris məsləhətçisi
t\x polkovnik ley-
tenantı
Məharət
Rza yev və I kurs,
42
b
qrup tələbəsi
Rövşən Əsgərov
da çıxış edərək
öz fikirlərini bö-
lüşüblər. Təd rislə
bağlı
mövcud
qaydalara edilən
dəyişikliklərə, fərq-
lənmə
diplomu-
nun hansı meyar-
larla verilməsinə
və təkrar yay
dinləmələri zamanı ortaya çıxan
çətinliklərə də aydınlıq gətirilib.
Axırda tədbir iştirakçılarının su-
alları cavablandırılıb və tələbələrə
paylanan sorğu vərəqləri dolduru-
lub.
Görüşdə Təhsil nazirliyinin ali
təhsil sektorunun müdiri Natiq İbra-
himov da iştirak edib.
A.KAMRANOĞLU
Tədris-Terapevtik Klinikada Trombosit toplamağa
imkan verən yeni cihaz quraşdırılıb
TƏHSİL NAZİRLİYİNİN NÜMAYƏNDƏLƏRİ 600-DƏN YUXARI
BAL TOPLAYAN I KURS TƏLƏBƏLƏRİ İLƏ GÖRÜŞÜBLƏR