“TASDIQLAYMAN”
Buxoro davlat universiteti ilmiy
ishlar va innovatsiyalar bo‘yicha prorektor ______________ prof., T. H.Rasulov
Tadqiqotchi Babajanov Sarvarbek Bekpulatovichning “Jamoatchilik nazoratini ta’minlashning ijtimoiy-huquqiy mexanizmlari” mavzusidagi 09.00.04 – “Ijtimoiy falsafa” ixtisosligi bo‘yicha falsafa doktori (PhD) ilmiy darajasini olish uchun tayyorlagan dissertatsiyasi yuzasidan etakchi tashkilotning
XULOSASI
I.Tadqiqotning fan va amaliyot nuqtai nazaridan dolzarbligi
Jahonda bo‘layotgan global o‘zgarishlar inson omiliga, uning tafakkuri, ma’naviy-axloqiy fazilatlari va intellektual faolligiga alohida talab qo‘ymoqda. Bugungi ayniqsa, axborotlashgan davrda jamiyat a’zolari, xususan yoshlarning ijtimoiy-falsafiy tafakkuridagi o‘zgarishlarni ijobiy tomonga yo‘naltirish hamda salbiy ta’sirlarga qarshi tura oladigan yangicha fikr yuritishga, yangicha ishlashga ehtiyoj paydo qilmoqda. Shu sababdan, jahondagi milliy taraqqiyot g‘oyalarini o‘zida uyg‘unlashtirib, o‘zaro hamjihatlik tamoyillari asosida umuminsoniyat manfaatlari va intilishlariga mos bo‘lgan ham ilmiy, ham diniy tafakkurni shakllantirish zaruriyati paydo bo‘lmoqda.
Mamlakatimizda ijtimoiy-iqtisodiy, ma’naviy, diniy, huquqiy, siyosiy sohalarida keng qamrovli islohotlar va kompleks chora-tadbirlar amalga oshirilmoqda. Mazkur islohotlar zaminida milliy falsafa, qadriyatlar tizimi, ma’naviy merosni tiklash muhim ahamiyat kasb etadi. “Yangi O‘zbekiston va Uchinchi Renessans g‘oyasini farzandlarimiz ongiga aynan bolalik davridan, bog‘chadan va maktabdan boshlab singdirishimiz zarur. Buning uchun tarixni, ajdodlarimiz merosini, dunyo tajribasini, turli xalqlarning yutuq va kamchiliklarini atroflicha o‘rganish kerak”. Xususan bugungi kunda xalqimizning, ayniqsa yoshlar qatlamining yangicha tafakkuri va dunyoqarashini shakllantirishga o‘rgatish hamda ular ongini rivojlantirish omillari, mezonlari, usul va vositalarini ilmiy nuqtii nazardan o‘rganish dolzarb masaladir.
Dostları ilə paylaş: |