Balta öz oxu ətrafında saat əqrəbi istiqamtəində
fırlandığı halda, şaroşkalar saat əqrəbinin əksi istiqamətində öz
oxları ətrafında fırlanırlar. Şaroşkalı baltaların effektliliyi, quyu
dibində işləmə müddəti və mexaniki sürəti – əsasən şaroş-
kaların və onların səthlərindəki dişlərin həndəsi formalarından,
şaroşkaların düzülüşündən və yastıqların quruluşundan, yuma
dəliklərinin diametrindən və istiqamətindən, dişlərin sərt
xəlitələrlə örtülməsindən və s. asılıdır.
Hazırda şaroşkalı baltalardan daha geniş istifadə
edilməsi onların pərli baltalara nisbətən bir çox üstünlükləri ilə
izah olunmalarıdır.
1.
Şaroşka dişlərinin ümumi süxurla görüşən uzunluğu
kəsici tipli baltanın pərlərinin kəsici səthinin ümumi
uzunluğundan xeyli artıqdır, lakin şaroşkalı baltaların
quyu dibi ilə təmas səthi kəsici tip baltalarınkından
çox kiçikdir. Odur ki, eyni oxboyu yükdə xüsusi
təzyiqin böyük olması hesabına qazıma gedişi
şaroşkalı baltalarda yüksək olur.
2.
Kütləşənə qədər şaroşkalı baltaların kəsici tip
baltalara nisbətən gedişi daha çox olur, çünki süxurun
hər dişə təsir müddəti pərli baltalara nisbətən çox
azdır və yeyilmə çox saylı dişlərə paylanır.
3.
Bərk süxurlarda işlədilərkən şaroşkalı baltalar üçün
tələb olunan fırladıcı moment çox kiçikdir, bu baltalar
pərli baltalara nisbətən daha müntəzəm və səlis
işləyir.
4.
Şaroşkalı baltalar quyu lüləsinin silindrik formasını
daha yaxşı təmin edir.
Şaroşkalı baltaların əsas nöqsanları onların quruluşunun
nisbətən mürəkkəb və qiymətinin baha olması, şaroşka
dayaqlarının kifayət qədər möhkəm olmamasıdır. Pərli
baltaların şaroşkalı baltalarla müqayisədə üstünlükləri onların
nisbətən sadə quruluşlu və qiymətlərinin ucuz olmasıdır.
Şaroşkaların sayına görə baltalar bir, iki, üç və çox
şaroşkalı olurlar.
Üç şaroşkalı baltalar. Bu baltalar iki üsulla hazırlanır.
Birinci üsulla hazırlanan baltalar bir-biri ilə tikişlə qaynaq
edilmiş 3 seksiyadan ibarət, diametri 46
346mm olur. İkinci
növ şaroşkalı baltalar tökmə üsulla hazırlanır (diametrləri
394
490mm olur). Bu növ baltaların yuma dəlikləri də iki cür
hazırlanır. Baltalardan bəzilərinin yuma dəliklərindən çıxan
maye şırnağı balta dişlərini təmizləmək məqsədilə şaroşkaların
üzərinə yönəldilir (şəkil 4.5). Bəzi baltalarda isə maye şərnağı
quyu dibinə istiqamətləndirilir ki, bu da quyu dibi süxurların
dağıdılmasına və quyu dibinin yaxşı təmizlənməsinə kömək
edir. Yuma dəlikləri baltanın mərkəzində və yan səthində açılır.
Belə baltalar hidromonitor effektli baltalar adlanır (şəkil 4.5),
rotor və elektrik üsulu ilə qazımada daha yüksək nəticələrə nail
olmağa imkan yaradır. Qeyd edilməlidir ki, bir çox xarici
ölkələrdə, o cümlədən ABŞ-da üç şaroşkalı baltalardan geniş
istifadə edilir. Hazırda üçşaroşkalı baltalar aşağıdakı tiplərdə
istehsal olunur (şəkil 4.6.).
Şaroşkalı baltanın quyu dibi ilə qarşılıqlı əlaqəsi
belədir: baltaya verilən oxboyu yükün təsiri nəticəsində
şaroşkalar üzərindəki dişlər, süxürün dağılmaya göstərdiyi
müqavimətindən çox olan hallarda süxura batır və onu dağıdır.
Qazımanın texniki-iqtisadi göstəricilərini yüksəltmək üçün
çalışmaq lazımdır ki, qazıma prosesinin əvvəlindən sonunadək
oxboyu yük süxurun dağılmaya göstərdiyi buraxıla bilən
gərginlik həddindən böyük olsun.
Müasir üç şaroşkalı baltaların ayrı-ayrı elementlərinin
dayanıqsız olması, dayaqlarının, işçi səthlərinin, yuma dəlik-
lərinin və onların hazırlandığı materialların yüksək keyfiyyətli
olmaması kiçikdiametrli quyu lüləsinin qazılmasında özünü
doğrultmur. Odur ki, çox dərin quyuların qazılmasında iki və
birşaroşkalı baltalardan istifadə olunur.
İkişaroşkalı baltalar. İkişaroşkalı baltanın gövdəsi bir-
biri ilə qaynaq edilmiş iki konusvari seksiyadan ibarət olur
(şəkil 4.7.).
Şəkil 4.5. Adi və hidromonitor baltalarla quyu dibinin yuyulması
Şəkil 4.5. Adi və hidromonitor baltalarla quyu dibinin yuyulması
Şəkil 4.6. Hazırda istehsal olunan
üçşaroşkalı baltaların tipləri
a b
Şəkil 4.7 İki şaroşkalı baltalar
1-seksiya (pəncə); 2-dayaq hissəsi; 3- şaroşka;4-şaroşka
səthindəki dişlər
a
b
v
q
Şəkil 4.8. Bir şaroşkalı baltaların növləri
a –kütləvi şəkildə istehsal edilən baltalar; b-üzəri halqavari şəkildə
yonulmuş baltalar; c-aşağı yumadeşikli balta; ç-konusvari dişli balta
Dostları ilə paylaş: |