30
Erkən orta əsr
mənbələri Şimali Qafqazda, Dağıstanın sahilboyu rayonlarında, Dərbəndə qədər Qafqaz
dağları ətrafında yerləşdirilən və artıq eramızın əvvəllərindən Şimali Albaniya ərazisinə axışan müxtəlif türk
tayfaları haqqında məlumat verirlər. Lakin bizim əlimizdə köçəri türk tayfalarının III əsrdən əvvəl Albaniyada
olmasına dair məlumat yoxdur. Arxeoloji dəlillər Albaniya ərazisindəki qədim türklər haqqında qiymətli
məlumat verir. 1935-ci ildə Y.İ. Qummel Gəncəçay bölgəsində Xanlardan cənub-qərbdəki 7 nömrəli kurqanda
qazıntı aparmışdır. Qarətçilər altı qədim qəbirdən yalnız birinə - 3-cü sərdabəyə toxunmamışdılar.
Nisbətən iri
olan bu qəbirdə ağ gildən 10 sm qalınlığında düzəldilmiş xüsusi döşənəkdə uzadılmış iki adam və bir tısbağa
dəfn olunmuşdu. Skeletdən aydın olur ki, onlardan biri arxası üstə boyaboy, digəri isə sağ böyürü üstə, ayaqları
bükülü halda birincinin baş tərəfində uzadılmışdı. Tısbağa qəbirin qərb küncündə arxası üstə idi. Görünür
tısbağa müqəddəs heyvan sayılmış və onu öldürmək qadağan imiş. Bu günə qədər də Azərbaycanda tısbağanı
öldürmək günah sayılır- Azərbaycanın bir sıra bölgələrində - Gəncədə, Mingəçevirdə Abşeronda və başqa
yerlərdə qədim torpaq, katakomba və kurqan qəbirlərində məzarın küncündə tısbağa qınına rast gəlinir.
Abşeron yarımadasının şərq
hissəsində, Mərdəkan, Şüvəlan qəsəbələri sahəsində Tunc dövrünün sonu
və dəmir dövrünün əvvəlinə aid bir sıra qədim abidələr aşkar edilmişdir. Arxeoloq Q. M. Aslanovun apardığı
arxeoloji qazıntılar zamanı içərisində avadanlıq olan bir neçə qəbir üzə çıxarılmışdır. Buradakı çoxlu əşyalar -
keramika məmulatı, silah, bəzək şeyləri ilə yanaşı, tısbağa qını və sümükləri də diqqəti cəlb edir. Həmin dövrə
aid Mingəçevir qəbirlərində də tısbağa qını və sümükləri tapılmışdır. Qəbirlərdə tısbağa qını və qalıqlarının
olması görünür, burada yaşamış qəbilələrin dəfn mərasimi ilə bağlı olmuşdur. Tısbağa qədim zamanlarda
[61 -
62]
Çində əbədiyyət rəmzi idi. Qədim türklərin qəbir əşyaları arasında tısbağa da vardır. Şimali Monqolustanda
türk xaqanı Kül-Tiginə 731-ci ildə imperator Syuantszunun göndərdiyi çinli ustalar tərəfindən tikilmiş yaraşıqlı
abidədə arxasına runik kitabəli stela bərkidilmiş çox iri (uzunluğu 2,25 m) mərmər tısbağa tapılmışdır.
Qədim türklər bu adəti çinlilərdən götürmüşlər.
Ehtimal ki, Abşeronda, Mingəçevirdə, Gəncədə və digər
yerlərdəki, tısbağa ilə dəfnetmə qədim türklərə məxsusdur. Bu göstərir ki, e.ə. birinci minilliyin əvvəllərində
Albaniya ərazisində irandilli və qafqazdilli tayfalarla yanaşı qədim türk tayfaları da yaşayırdı. Burada onların
sayı eramızın əvvəllərində və sonralar Dərbənd keçidi vasitəsilə şimaldan gələn köçəri türklər hesabına artırdı.
Biologiya elmləri namizədi R. M. Qasımovanın Azərbaycanın qədim əhalisinin
antropoloji tiplərinin
respublikanın müasir əhalisinin antropoloji tiplərinə uyğun gəlməsinə dair tədqiqatları da fıkrimizi təsdiqləyir və
müasir Azərbaycan türkləri ilə qədim türklər arasında varislik əlaqələrinin olduğunu təsdiq etməyə
ə
sas verir.
Mil düzündə, Üçtəpə kurqanında aparılan qazıntı zamanı VII əsrin əvvəlinə, yaxud birinci yarısına aid edilən
adlı-sanlı xəzər döyüşçüsünün qəbri aşkar edilmişdir. Dərbənd və Qəbələ ətrafında və hunlar üçün səciyyəvi
olan deformasiyaya uğramış kəllələr tapılmışdır. Məlumdur ki, Qəbələ bölgəsi VI əsrdə tayfaları ilə
məskunlaşmışdı və bu şəhər sabir tayfalarının mərkəzi sayılırdı. Qədim türk tayfalarının Albaniyada olması
barədə arxeologiya ilə yanaşı, "etnik mənsubiyyətin müəyyənləşdirilməsində qiymətli material,
çox vaxt yeganə
və başqaları ilə müqayisədə ən doğru mənbə"
3
olan toponimika da məlumat verir. Əgər bir dilə mənsub coğrafi
ad uzun müddət ərzində qorunub-saxlanılırsa və böyük ərazidə yayılırsa, inamla demək olar ki, orada məhz
həmin dildən istifadə olımmuş və o dildə danışan əhali yaşamışdır.
Azərbaycanlıların etnogenlərində iştirak etmiş türk tayfa qruplarının adları Azərbaycanın bir sıra
yaşayış məntəqələri, kənd və yer adlarında mühafızə olunmuş etnonimlərdə (yaxud antroponimlərdə) əksini
tapmışdır. Qədim türk dillərinin leksikası ilə bağlı olan bir sıra toponimlər də mövcuddur. Bu toponim və
etnonimlərin öyrənilməsi türk tayfalarının Albaniyaya axınının və azərbaycanlıların
mənşəyi məsələsinin
tədqiqi baxımından mühüm maraq doğurur. Coğrafı adların bir sıra toponimləri qədim dövrə və eramızın ilk
əsrlərinə gedib çıxır. Onlardan biri yunan-latınca Albaniya formasının müvafiq gəldiyi Arrandır. Məlumdur ki,
antik və yunan-Roma tarixçiləri, coğrafıyaşünasları qədim və erkən orta əsrlər Azərbaycan ərazisinin mühüm bir
hissəsini Albaniya adlandırmışlar.
*
Arran ölkəsinin adının ilk dəfə çəkilməsi III əsrdən, İranda,
Nəqşi - Rüstəm
dərəsindəki Kəbeyi-Zərdüşt abidələrində Sasani hökmdarı I Şapurun (242-272-ci illər) zəbt etdiyi ölkələr
sadalanan kitabədən məlumdur.
[62 - 63]
Təqribən 262-ci ildə üç dildə (Parfıya, yınan və fars) həkk olunmuş kitabənin mətnində Şapura tabe olan
ölkələrin sadalandığı uzun siyahıda Zaqafqaziya ölkələri də (Parfıya versiyas;nda) qeyd edilmişdir.
(t
’r) pt (k) n
Atrpatakan Atropatena
’rmny
Ərmini Ərminiyə
wyrsn Virşi İberiya
sykn Sikn
Maxeloniya
’rdn
Arran və Albaniya qapıları
dl
’skn
Balasakan Balasakan
*
"Albaniya" və
"Arran" adları məsələsindən Y. B. Yusifov daha ətraflı bəhs etmişdir. Onun fıkrincə, Arran
sözünün mənşəyi bilavasitə,
yaxud dolayısı ilə İber-Qafqaz dillərinə gedib çıxır. Lakin onun istifadə olunan materialların fıloloji təhlilinə əcaclanan nəticələri
inandırıcı deyil.