Risklərin İdarə Edilməsi Standartı Azərbaycan Mərkəzi Bankı
3
Banklarda risklərin idarə edilməsi funksiyasını həyata keçirən nümunəvi təşkilati struktur
bu diaqramda təsvir olunur.
Təsvir olunan strukturun təşkilati elementləri müxtəlif adlarla tanına bilər və vəzifələrin
icrası bankın müxtəlif struktur bölmələri tərəfindən həyata keçirilə bilər. Risklərin idarə
edilməsi funksiyasını həyata keçirən təşkilati strukturda önəmli amil odur ki, bank
daxilində bütün əhəmiyyətli vəzifə və səlahiyyətlər, hesabat vermə və nəzarət iyerarxiyası
müəyyən edilsin.
Risklərin idarə edilməsi üzrə səlahiyyət səviyyələri və onlarla əlaqədar operativ qərarların
qəbul edilməsi Müşahidə Şurasından başlanır və yuxarıdan aşağı hər bir ixtisas sahəsi üzrə
həvalə olunur. Məsələn, bankda risklərin idarə edilməsi prosesini həyata keçirən və
yaranan məsələlər üzrə gündəlik qərarların qəbul edilməsi səlahiyyəti risklərin idarə
edilməsi komitələrinə həvalə edilə bilər (diaqramda göstərilən təşkilati struktura əsasən).
Risklərin idarə edilməsi komitələri Müşahidə Şurası tərəfindən təsdiq edilmiş əsasnaməyə
əsasən fəaliyyət göstərirlər və öz işində risklərin idarə edilməsi qaydalarını rəhbər
tutmalıdırlar.
Müşahidə
Şurası
Müşahidə Şurası bankın fəaliyyəti nəticəsində məruz qaldığı bütün riskləri başa düşməli və
onlar haqqında tam məlumatlar əldə etməlidir. O, həmçinin bankın fəaliyyəti nəticəsində
üzləşdiyi bütün risklərin münasib səviyyələrini müəyyən etməli və riskləri düzgün
müəyyənləşdirən, qiymətləndirən və onlara nəzarət edən səmərəli risklərin idarə edilməsi
sisteminin yaradılmasını təmin etməlidir. Bu məqsədlə Müşahidə Şurası risklərin idarə
edilməsini həyata keçirən təskilatı strukturunu və risklərin idarə edilməsi üzrə bütün qayda
və prosedurları təsdiqləyir.
Müşahidə Şurası risklərin idarə edilməsi üçün tam məsuliyyət daşıdığı halda, idarəedici
məsuliyyət İdarə Heyətinin üzərinə qoyulur.
İdarə Heyət
i
İdarə Heyəti Müşahidə Şurası tərəfindən təsdiq edilən və risklərin idarə edilməsini həyata
keçirən təskilatı strukturu yaradır və risklərin idarə edilməsi üzrə bütün qayda və
prosedurları hazırlayır.
İdarə Heyəti mütəmadi olaraq Müşahidə Şurasına risklərin idarə edilməsi barədə hesabat
verir – bu adətən bankda müəyyən edildiyi kimi, İdarə Heyətinin Müşahidə Şurasına
verdiyi aylıq və rüblük hesabatların bir hissəsini təşkil edir.
Müşahidə Şurası
Audit Komitəsi
Risklərin
İdarəedilməsi
Komitələri
İdarə Heyəti
Digər
departamentlər
Risklərin idarə edilməsi
departamenti
Risklərin İdarə Edilməsi Standartı Azərbaycan Mərkəzi Bankı
4
Risklərin idarə edilməsi üzrə daxili komitələr
Müşahidə Şurası İdarə Heyətindən asılı olmayan və risklərin idarə edilməsi üzrə müstəqil
qərarlar qəbul edə bilən daxili komitələr yaradır. Bu komitələr, bankın fəaliyyəti haqqında
ətraflı məlumata və bankda risklərin idarə edilməsi üzrə konkret məsuliyyətə malik olan
İdarə Heyətinin bir neçə üzvündən, eləcə də bankın struktur bölmələrinin rəhbər
işçilərindən təşkil olunurlar.
Razılaşdırılmış hesabat prosedurlarına uyğun olaraq daxili komitələr eyni zamanda
Müşahidə Şurasına və İdarə Heyətinə hesabat verir. Risklərin idarə edilməsini daha da
operativ həyata keçirmək və əməliyyat cəhətdən dəstəkləmək üçün bankda adətən müvafiq
riskləri idarəetmə departamenti yaradıla və ya bu işə müvafiq əməkdaşlar müvəkkil edilə
bilər. Riskləri idarəetmə departamenti və müvəkkil əməkdaşlar daxili komitələrlə sıx
fəaliyyət göstərirlər.
Daxili komitələrin funksiyaları, vəzifə və səlahiyyətləri İdarə Heyəti tərəfindən
məsləhətləşmələrdən sonra hazırlanan və Müşahidə Şurası tərəfindən təsdiq edilən daxili
komitələrin əsasnamələr ilə müəyyən olunur və bankın fəaliyyəti nəticəsində üzləşdiyi
risklərin idarə edilməsindən ibarətdir. Daxili komitələr aşağıdakı sahələr üzrə konkret
məsuliyyət daşımalıdır:
risklərin və onlara nəzarət üsullarının müəyyənləşdirməsi, müvafiq risk xəritəsinin
tərtib edilməsi;
risklərin idarə edilməsi qaydalarının hazırlanması və onların tətbiq edilməsinə nəzarət
edilməsi (bu qaydalarda risklərin strukturu və idarə edilməsi metodologiyası müfəssəl
təsvir edilir və bu qaydalar müntəzəm olaraq yeniləşdirilir);
risklərə nəzarət üçün limitlərin müəyyən edilməsi (buraya qarşı tərəfin maksimal risk
təhlükəsi, risk mövqeyi məbləği kimi sadə tərkibli limitlər və Riskə məruz dəyər, Stres
testlər kimi risklərin qiymətləndirməsi metodları ilə ölçülən təkmilləşdirilmiş limitlər
daxildir);
bankın vəsaitlərin aktiv və passivləri üzrə bölüşdürülməsi. Bölüşdürülmə ilə bağlı
qərarlar likvidlik boşluğu (cəlb edilmiş vəsaitlərlə yerləşdirilmiş vəsaitlər arasında fərq)
təhlilləri əsasında qəbul edilməlidir. Likvidlik riski mövqeyini bağlamaq üçün ehtimal
edilən müddət müəyyən edilməlidir. Bu məqsədlə Riskə məruz dəyər metodu tətbiq edilə
bilər;
bankın vəsaitlərinin səmərəli istifadəsinin təmin edilməsi məqsədi ilə kreditləşdirmə və
maliyyələşdirmə sxemlərinin təsdiq edilməsı. Bu sxemlərdə bankın daxilində əməliyyat
vahidlərinin biri birinə təklif etdiyi aktiv, öhdəliklər, kapital və balansdankənar
məhsullarının qiymətləri də əks olmalıdır.
Müşahidə Şurası bankın üzləşdiyi bütün risklərin idarə edilməsini həyata keçirərkən,
vəzifələrini spesifik risk kateqoriyasını idarə etməkdə məsul olan bir və ya bir neçə xüsusi
komitə yarada bilərlər. Məsələn:
Kredit komitəsi (KK) - kreditlərin təsdiqlənməsini və idarə edilməsini yerinə yetirir;
Aktiv və passivləri idarəetmə komitəsi (APİK) - bankın maliyyə vəsaitlərinin
bölüşdürülməsinin təsdiqləməsini və idarə edilməsini yerinə yetirir;
Riskləri idarəetmə komitəsi (RİK) - digər risklərin idarə edilməsi həyata keçirir və
mövcud risklərin idarə edilməsi üzrə daxili komitələrinin fəaliyyətini əlaqələndirir.
Daha iri banklarda daxili komitələrin hər biri RİK-in birbaşa ümumi nəzarəti altında
fəaliyyət göstərir. Onlar razılaşdırılmış prosedurlara uyğun olaraq RİK-ə hesabat verirlər,
lakin buna baxmayaraq sərbəst iş qrafikinə malik olurlar.