16
imkan vermirdi. Bu isə o demək idi ki, gah Rusiyanın, gah ingilislərin ətəyindən
yapışan silahlı ermənilərlə Azərbaycan xalqı əliyalın vəziyyətdə üz-üzə qalacaqdı.
Şaumyan isə hər gün Leninə teleqram göndərir, bolşevik ordusunu Bakıya
çağırırdı. Beləcə, yenicə müstəqilliyini elan eləmiş Azərbaycan Respublikasının
taleyi tükdən asılı vəziyyətdə idi.
Azərbaycan Milli Şurası adından bəyanat yazıb İstanbuldakı Almaniya
böyük elçiliyinə gedən M.Ə.Rəsulzadə Almaniyanı yeni müzakirə açmağa dəvət
etdi. Türkiyə hökuməti də Almaniyaya ciddi-cəhdlə təsir edirdi.
Azərbaycanla Türkiyə hökuməti arasında Batum müqaviləsinin
imzalanması gənc Azərbaycan Respublikasının taleyində mühüm rol oynadı.
Azərbaycanı qəsbkarlardan təmizləmək üçün başda Nuru paşa olmaqla türk qoşunu
Azərbaycana yaxınlaşırdı. Bakıda isə bir tərəfdə Şaumyanın daşnak-bolşevik
hökuməti, bir tərəfdə oyuncaq Sentorkaspi hökuməti at oynadırdılar. Bütün bunlara
baxmayaraq müzəffər türk ordusu Bakıya çatmaq üzrə idi. Sentyabrın 15-də
Qafqaz-Müsəlman ordusunun komandanı general-leytenant Nuru paşa Gəncəyə -
Müstəqil Azərbaycan hökumətinin başçılarına xoş bir müjdəli teleqram göndərdi:
«Allahın köməyi ilə Bakı şəhəri saat 9-un yarısında bizim qoşunlar
tərəfindən alındı».
İstanbuldakı beynəlxalq konfransda diplomatik döyüşlər aparan
Azərbaycanın nümayəndə heyəti nəhayət ki, Ənvər paşanın yaxından köməyi ilə
Almaniyanı Azərbaycanın müstəqilliyini tanımağa razı sala bilir.
Elə buradaca Ənvər və Nuru Paşa qardaşlarının xalqımız qarşısında tarixi
xidmətlərini nəzərə alıb onlar haqqında bilgiləri də kitaba çatmaq qərarına gəldik.
Ənvər Paşa, Killiqli (1880, İstanbul - 4.8.1922, Tacikistan) - Türkiyənin
görkəmli dövlət xadimi, Osmanlı dövlətinin hərbi naziri; 1918-ci ildə erməni-
daşnakların soyqırımına məruz qalmış Azərbaycan xalqına hərbi yardım
göstərilməsinin əsas təşkilatçılarından biri. Birinci dünya müharibəsində (1914-18)
Böyük dövlətlərin Osmanlı imperiyasını bölüşdürmək siyasətini həyata keçirməkdə
olduğu mürəkkəb tarixi şəraitdə Böyük Turan imperatorluğu yaratmaq ideyasını
irəli sürmüş və əqidəsi yolunda şəhid düşmüşdür. İstanbulda hərbi təhsil almışdır.
1903-cü ildə kapitan, 1907-ci ildə mayor, 1913-cü ildə qayməqam, 1914-cü ildə
polkovnik, elə həmin ildə - 34 yaşında ikən general-mayor, 1916-cı ildə isə
general-leytenant rütbəsi almışdı. Osmanlı ordusunun Baş qərargah rəisi (1914),
Osmanlı ordusu Baş komandanının müavini (1915), Osmanlı sultanının xüsusi
yavəri (1916), hərbi nazir (1917) və Baş komandan müavini təyin edilmişdi.
«İttihad və tərəqqi» partiyasının liderlərindən biri, türk xalqlarının mənəvi-siyasi
birliyi ideyasının - turançılığın fəal tərəfdarlarından idi. Fevral inqilabı (1917)
nəticəsində Romanovlar mütləqiyyətinin devrilməsindən sonra Rusiya ərazisindəki
türk xalqlarının milli-azadlıq hərəkatının güclənməsi Ənvər paşada turançılıq
ideyalarının reallaşmasına ümidi artırdı. Rusiyanın türk-müsəlman xalqlarının, o
cümlədən, Azərbaycan xalqının həyatında baş verən ictimai-siyasi prosesləri
17
yaxından izləyirdi. 1917-ci ilin sonlarında Qafqaz cəbhəsində və Cənubi
Qafqazdakı hadisələr haqqında aldığı məlumatlardan sonra Ənvər paşada
Rusiyanın müsəlman xalqlarına, o cümlədən, Azərbaycan türklərinə konkret hərbi-
siyasi kömək göstərmək meyli gücləndi. Ənvər paşa ilk vaxtlar qardaşı Nuru
paşanın rəhbərliyi ilə Tehranda xüsusi bir qurum yaratmaq və həmin qurum
vasitəsilə Azərbaycan, Dağıstan, Türküstan və hətta Əfqanıstanda cərəyan edən
proseslərə fəal təsir göstənnək niyyətində idi. Bu planı bütünlüklə reallaşdıra
bilməsə də, Qafqaz İslam Ordusunun yaradılması ilə Azərbaycan və Dağıstandakı
milli azadlıq hərəkatını dəstəkləməyə müvəffəq oldu. Ənvər paşa Qafqaz İslam
Ordusu adı altında türk zabitlərinin rəhbərliyi və iştirakı ilə Azərbaycanda üç
piyada diviziyadan ibarət hərbi korpus yaradılmasını planlaşdırırdı. 1918-ci ilin
əvvəllərində Nağı Şeyxzamanlının başçılığı altında Azərbaycandan gəlmiş
nümayəndə heyəti ilə görüşdükdən sonra Ənvər paşa, qəti olaraq, Azərbaycan
türklərinə hərbi yardım göstərmək qərarına gəldi. Həmin qərarın uğurla həyata
keçirilməsinə, Azərbaycan türklərinin böyük ümid bəslədiyi hərbi yardımın
vaxtında və yetərincə çatdırılmasına qətiyyətlə girişən Ənvər paşa bu mühüm və
çətin vəzifəni yerinə yetirəcək zabitlərin seçilməsinə də xüsusi diqqət yetirirdi.
Qəbul olunmuş qərara əsasən, Azərbaycana göndəriləcək zabitlərin rütbəsi bir pillə
artırılmalı və onlara ikiqat əmək haqqı verilməli idi.
Ənvər paşa Qafqaz İslam Ordusuna kimin başçılıq edəcəyinə də böyük
əhəmiyyət verirdi. Bu vəzifəyə başqa namizədlərin də olmasına baxmayaraq,
Ənvər paşa Qafqaz İslam Ordusu komandanı vəzifəsini qardaşı Nuru paşaya etibar
etmişdi. Qafqaz İslam Ordusunun struktur baxımından tabe olduğu Şərq ordular
qrupunun komandanı vəzifəsinə isə Ənvər paşanın yaxın qohumu Xəlil paşa təyin
edildi. Bununla o, Azərbaycan türklərinə hərbi yardım göstərilməsini özünün daha
çox etibar etdiyi yaxın qohumlarına həvalə etdi. 1918-ci il aprelin 5-də Ənvər paşa
Qafqaz İslam Ordusunun təşkil olunması və onun qarşısında duran vəzifələrə dair
təlimnaməni təsdiqlədi. Bu təlimnamədə Qafqaz İslam Ordusunun təşkili
prinsipləri və onun qarşısında duran vəzifələr konkret olaraq müəyyənləşdirilirdi.
Nuru paşa Gəncəyə yetişdikdən sonra aydın oldu ki, Azərbaycanın
müstəqilliyinə qənim kəsilmiş Bakı Soveti qoşunlarının artıq Gəncə istiqamətində
başladıqları hücum əməliyyatının qarşısını almaq üçün yerli qüvvələrdən qısa
müddətdə güclü ordu yaratmaq mümkün olmayacaqdır. Odur ki, Nuru paşa
Türkiyə rəhbərliyi, o cümlədən Ənvər paşa qarşısında Azərbaycana türk hərbi
qüvvələrinin göndərilməsi barədə məsələ qaldırdı. 1918-ci il iyunun 4-də Batumda
Azərbaycan Xalq Cümhuriyyəti ilə Osmanlı dövləti arasında imzalanan
müqavilədən sonra Ənvər paşa Azərbaycana hərbi qüvvələr göndərilməsinə dair
göstəriş verdi.
Türk hərbi qüvvələri və Azərbaycan milli qoşun hissələrindən təşkil edilmiş
Qafqaz İslam Ordusunun təchizatını, fəaliyyətini daim nəzarət altında saxlayan
Ənvər paşa Azərbaycana hərbi yardım göstərilməsinin dayandırılmasını tələb edən