|
Qirx altinci kitab ————— may 2011 İyul 2011
6
problemlərinə böyük diqqət və qayğı ilə yanaşmışdır. Ulu öndə-
rimizin bu siyasəti prezident İlham Əliyev tərəfindən də davam
etdirilir. Qələbə bayramı ərəfəsində dövlətimizin başçısının sə-
rəncamı ilə müharibə iştirakçılarına, onların ailələrinə birdəfəlik
maddi yardımın edilməsi bu qayğının bariz nümunəsidir.
Böyük Vətən müharibəsinin görkəmli sərkərdələrindən biri,
xalqımızın rəşadətli oğlu, tank qoşunları general-mayoru, iki
dəfə Sovet İttifaqı Qəhrəmanı Həzi Aslanovun abidəsi önünə
toplaşmış müharibə veteranları, ictimaiyyətin nümayəndələri,
paytaxt sakinləri prezident İlham Əliyevi hörmət və ehtiramla
qarşıladılar.
Burada Fəxri qarovul dəstəsi düzülmüşdü.
Dövlətimizin başçısı müharibə veteranlarını səmimiyyətlə
salamladı, onların hər birini Qələbə bayramı münasibətilə
təbrik etdi.
Azərbaycan prezidenti 1941–1945-ci illərin ağır və çətin
sınaqlarından keçmiş veteranlara yaxınlaşaraq, onların prob-
lemləri, qayğıları ilə maraqlandı. Veteranlar ümummilli lideri-
miz Heydər Əliyevin onlara göstərdiyi diqqət və qayğını xa-
tırladaraq, onun siyasi xəttini davam etdirən prezident İlham
Əliyevə dərin minnətdarlıqlarını bildirdilər. Onlar ölkəmizin
hərtərəfli inkişaf etdirilməsi üçün çalışan dövlətimizin başçısını
bundan sonra da dəstəkləyəcəklərini vurğuladılar.
Prezident İlham Əliyev İkinci dünya müharibəsi veteranları
ilə xatirə şəkli çəkdirdi.
Dövlətimizin başçısı iki dəfə Sovet İttifaqı Qəhrəmanı Həzi
Aslanovun abidəsi önünə əklil qoydu, İkinci dünya müha-
ribəsində misilsiz qəhrəmanlıqlar göstərmiş cəsur sərkərdənin,
xalqımızın igid oğullarının əziz xatirəsini dərin ehtiramla yad
etdi.
Fəxri qarovul dəstəsi hərbi marşın sədaları altında Ali Baş
Komandanın qarşısından keçdi.
7
SOVET İTTİFAQI QƏHRƏMANI QAFUR
MƏMMƏDOVUN ADINI DAŞIYAN PARKLA
TANIŞLIQ
9 may 2011-ci il
Azərbaycan Respublikasının Prezidenti İlham Əliyev ma-
yın 9-da Sovet İttifaqı Qəhrəmanı Qafur Məmmədovun adını
daşıyan parkda olmuşdur.
Dövlətimizin başçısı İlham Əliyev alman faşizminə qarşı
müharibədə misilsiz rəşadət nümunəsi göstərmiş Sovet İttifaqı
Qəhrəmanı Qafur Məmmədovun büstü önünə gül dəstəsi qoydu.
Sonra Azərbaycan prezidenti parkda yaradılan şəraitlə tanış
oldu.
Qafur Məmmədovun adını daşıyan park da dövlətimizin
başçısının Bakı şəhərində parkların və xiyabanların əsaslı
şəkildə yenidən qurulması ilə bağlı verdiyi tapşırıqlara əsasən
qısa müddətdə yenidən qurulmuşdur. Xüsusi tərtibatı ilə diqqəti
cəlb edən parkda müasir fəvvarə quraşdırılmışdır. Parkdakı
yaşıllıq zolaqları təzələnmiş, çoxlu sayda bəzək və gül kolları
əkilmişdir. Parkın işıqlandırma sistemi də tamamilə də-
yişdirilmişdir. Əhalinin istirahəti üçün burada bütün lazımi
şərait yaradılmışdır.
Parkla tanışlıqdan sonra prezident İlham Əliyev Sovet İtti-
faqı Qəhrəmanı Qafur Məmmədovun qardaşı qızı Tamilla
Məmmədova ilə görüşüb söhbət etdi.
8
ULU ÖNDƏR HEYDƏR ƏLİYEVİN MƏZARINI
ZİYARƏT
Fəxri xiyaban
10 may 2011-ci il
Mayın 10-u müasir müstəqil Azərbaycanın memarı və
qurucusu, görkəmli dövlət xadimi, xalqımızın dahi oğlu və
ümummilli lideri Heydər Əliyevin anadan olmasının 88-ci
ildönümüdür. Qədirbilən Azərbaycan xalqı, bütün dünyada
Heydər Əliyevi tanıyanlar və sevənlər səkkizinci ildir bu dahi
şəxsiyyətin doğum gününü onsuz qeyd edirlər.
Ümummilli liderimizin ad günü ərəfəsində olduğu kimi,
mayın 10-da da səhər tezdən respublika ictimaiyyətinin nü-
mayəndələri, ölkəmizin müxtəlif rayon və şəhərlərindən Bakı-
ya gəlmiş insanlar, Azərbaycan paytaxtının qonaqları axın-axın
Fəxri xiyabana üz tutur, ulu öndər Heydər Əliyevin məzarı önünə
əklillər, təzə-tər güllər qoyur, onun əziz xatirəsini dərin
ehtiramla yad edir, ruhuna dua oxuyurlar.
Xalqımızın xilaskar oğlunun doğum günündə Azərbaycan
Respublikasının Prezidenti İlham Əliyev və xanımı Mehriban
Əliyeva, ailə üzvləri, ulu öndərin doğmaları, yaxınları onun
məzarını ziyarət etmək üçün Fəxri xiyabana gəldilər.
Prezident İlham Əliyev ümummilli liderimiz Heydər Əliyevin
məzarı önünə əklil qoydu, ulu öndərin ruhu qarşısında baş əydi.
Azərbaycan Respublikasının Dövlət himni səsləndi.
Prezident İlham Əliyevin xanımı Mehriban Əliyeva və ailə
üzvləri ümummilli liderin abidəsi önünə gül dəstələri qoydular.
Sonra dövlətimizin başçısı və ailə üzvləri oftalmoloq-alim,
akademik Zərifə xanım Əliyevanın, görkəmli dövlət xadimi Əziz
Əliyevin və tanınmış həkim, alim Tamerlan Əliyevin mə-
zarlarını ziyarət etdilər və önünə gül dəstələri qoydular.
Dostları ilə paylaş: |
|
|