Dələvir, Xozu, Mağaraçıq, Seldağılan, Ağüzüm, Baş-Şörəyel, Balıqlı, Təpəköy, Düz kənd,
Qımılı, Oxçoğlu, Oğuz, Qaraxan və başqa kəndlərində gördüyü, şahidi olduğu hadisələri, yurdun
gözəlliklərini, xalqın adət-ənənəsini, ağrı –acılarını qələmə almışdır. Cahannamələrinin birində
oxuyuruq:
Tarixi min üç yüz on dörd sənədə,
Seyhat etdim, gəzdim diyar qürbəti.
İbtida Hoqamda oldum sakinət,
Sizə agah edim hər məlumatı.
Burada göstərilən hicri 1314-cü il, miladi tarixlə 1897-ci ilə uyğundur. Deməli, aşıq 1897-
ci ildə Hoqamda olmuşdur.
Aşıq Şenlik ilk sevgisinin uğursuzluğundan sonra Hürü adlı bir qızla evlənmişdir. Onun iki
oğlu-Qasım, İsgəndər, üç qızı –Hənifə, Gülənaz, Gülxanım dünyaya gəlmişdir. Şenliyin böyük
oğlu Qasım da aşıq olmuş, 1954-cü ildə vəfat etmişdir. Qasımın oğlu Yılmaz Şenlik babasının
ədəbi irsinin kamil bilicisidir.Yılmaz Şenlik Qarsda yaşayan məşhur aşıqlardan sayılır.
Yaradıcılığından əldə olunan örnəklər onun Aşıq Şenlik ənənələrini məharətlə davam etdirdiyini
göstərir:
Ay aydındı gəlimmi,
Ay qız , məsməli gəlin?
Daş-divarı dəlimmi,
Qurban kəsməli gəlin!
Aşığın həyatının qaranlıq tərəflərini, ən çox da son dövrlərini öyrənmək üçün yaradıclığı
yetərincə material verir. Bu baxımdan onun “Kağız “və “Bağışla məni”rədifli qoşmaları ciddi
maraq doğurur. Hər iki qoşmada aşığın qocalıq dövründə keçirdiyi sarsıntılar, ağrılı-acılı
dəqiqələri, atalıq qayğısı və övlad məhəbbəti bədii şəkildə ümumiləşdirilmişdir.
“Kağız” rədifli qoşması aşığın oğlu Qasımla Suxara kəndinin ağası Yusif ağa arasında olan
anlaşılmazlıqla bağlı deyilmişdir. Qış günlərinin birində Yusif ağa Qasımı güllə ilə vurub
yaralayır. Aşıq Şenlik həmin şeiri yazıb oğlu İsgəndərlə Şəvşət elində yaşayan dostu Molla Ziya
və Yeksan ağaya göndərir:
Gəl səni göndərim Şəvşət elinə,
Qəryeyi-Qüçendə əylən qal, kağız.
Tənəzzül eyləyib istiqbalinə,
Get Arif ustaya təzim qıl, kağız.
Molla
Ziyaynan etmişik ilqar,
İgid ilqarını eyləməz inkar,
Şiddətli şaxtadı,ixtiyarlıq var,
De ki, zalım dağlar vermir yol, kağız.
Aşıq dövrünün xeyirxah şəxslərinə -Arif ustaya, Əhsən ağaya, Molla Talıba, Molla Ziyaya
olan rəğbətini bildirməklə yanaşı, düşdüyü ağır vəziyyətdən çıxmaq üçün kömək istəyir. Burada
aşığın ictimai kədəri də seçilir. “Zalım dağlar vermir yol”deməklə aşıq Yusif ağa kimi zalımın
törətdiyi cinayəti tənqid edərək dostlarından kömək istəmişdir:
Şenlik der, səbəbsiz sağalmaz yara,
İlaç Allahdandı,qul edər çarə,
Yaralı Qasımı o loğmanlara,
Allaha amanat tapşır gəl, kağız.
Aşığın sədaqətli dostlarının köməyi sayəsində oğlu Qasım şəfa tapır. Lakin çox keçmir ki,
ailənin sevinci kədərə bürünür.
Qasım atasının səfərdə olmasında istifadə edərək,Yusif ağadan intiqamını alır. Yusif
ağanın oğlu Yunisi biyardan qayıdarkən güllə ilə vurub öldürür. Oğlu Qasımın tutulması Aşıq
Şenliyi çox kədərləndirir. Uzun müddət divanxanalarda ayaq döyür. Vilayət xanı İsmayıl
Vəzirova müraciətlə söylədiyi “Bağışla məni” rədifli qoşmasında oxuyuruq:
Familyan Vəzirov vilayət xanı,
Şərəfi Hatəmsən səxavət kanı,
Yeri, göyü, ərşi, kürşü rəhmanı,
Xəlq edib düzənə, bağışla məni
Aşıq Şenliyin ömrünün son günləri, ölümü haqqında mətbuat səhifələrində mübahisəli
fikirlər vardır. Bu barədə folklorşünas Ə.Axundov yazır: “Aşıq Şenlik Ermənistanın Gümrü
rayonunun Çobankərə kəndinə gəlmiş, ölənə kimi orada qalmış, XIX əsrin ikinci yarısında 80
yaşında ikən orada vəfat etmişdir”. Bu fikir dəqiqləşmə tələb edir. Çünki Çobankərə kəndi
Gümrü (indiki Kumayri) rayonunda deyil, keçmiş Zəngibasar (indiki Masis) rayonunun
ərazisindədir. Tarixi mənbələrdə göstərilir ki, əsrin əvvəllərində Çobankərə kəndində 2411 tatar
(azərbaycanlı-Q.V.) yaşamışdır.
Doğrudur, Aşıq Şenlik Çobankərə kəndində dəfələrlə olmuşdur. Aşıq İsgəndər
Ağbabalıdan yazıya aldığımız “Aşıq Şenliyin Çobankərə səfəri” adlı kiçik həcmli ibrətamiz
rəvayətdən göründüyü kimi aşıq tez-tez Çobankərə kəndinə toy məclislərinə dəvət olunarmış,
lakin Şenliyin Çobankərədə yaşayıb, orada da ölməsi fikri doğru deyildir.
Aşıq Şenlik heç bir sənət həmkarlarına nəsib olmayan tərzdə faciəli şəkildə dünyadan
köçmüşdür. Aşıq özününü humanist ideyaları ilə, demək olar ki, bütün Qafqazda sənətsevərlərin
rəğbətini qazanmışdı. Onun sənət şöhrəti ilə saysız pərəstişkarı olduğuna baxmayaraq bədxahları
da yox deyildi. Çünki Şenlik həmişə aşıq sənətinin saflığı keşiyində dayanmış, bu sənətə kamil
yiyələnməyən, “mərifət elmində dolu olmayan” lara qarşı həmişə barışmaz olmuş, ənənəyə
uyğun olaraq saz-söz yarışında çoxlarını məğlub edib, sazını əlindən almışdı. Aşığın ölümü ilə
bağlı Aşıq İsgəndər Ağbabalının söylədikləri maraq dogurur: “Aşıq Şenliyin şöhrəti ellərə
yayılmışdı. Şəyirdləri saz məclislərində həmişə onun şeirlərini oxuyardılar, yüksək mənsəbli
şəxslər toy məclisini aparmaq üçün Aşıq Şenliyi dəvət edərdilər.
Aşığı İrəvanlı Mehdixan toy məclisinə dəvət edir. Mehdixan aşıqları, onların sənətini
sevən, həmişə saz-söz məclisləri təşkil edən bir şəxs olub. Deyilənə görə, onun təşkil etdiyi saz-
söz məclisində qırxa yaxın usta aşıqlar deyişərlərmiş... Aşıq Şenliyin bağlamalarına cavab verə
bilməyən aşıqlar ona düşmən kəsilirlər. Saz-söz meydanında məğlub olmuş aşıqlar Şənliyin
çayına vədəli zəhər qatırlar”.