Q ə r a r Azərbaycan Respublikası adından
Yüklə 0,52 Mb. Pdf görüntüsü
|
- Bu səhifədəki naviqasiya:
- Hüquqi məsələlər
9 düşüb sınmış, Əfqanın qardaşı Cavid oturduğu masanın üstündən götürüb ona atdığı stəkan onun sağ yanaq nahiyəsinin yuxarı hissəsinə dəyib xəsarət yetirmiş, bundan sonra o, Əfqanın atdığı sınmış şüşəni götürüb ona atsa da, həmin şüşə də Əfqana dəyməyib yaxınlığında olan Vüsal adlı şəxsin qılçasına dəyərək xəsarət yetirmişdir. Həmin vaxt toyun gedişi pozulmuşdur. Həmin anda Əfqanın sol sifət nahiyəsini əli ilə tutduğunu, sifətindən qan axdığını görmüşdür. Əfqanın kim tərəfindən vurulmasını görməmişdir. Apellyasiya məhkəməsi iclasında məhkum edilmiş şəxs Həmidov Əfqan Əli oğlu göstərdi ki, 02 iyun 2015-ci ildə «Köhnə Bazar» şadlıq evində saat 18-də başlanmış toy mərasimində arvadı Ruhiyyə, qızı Tünzalə, anası Mıxsə, atası Əli və qardaşı Cavidlə birlikdə iştirak etmiş, həmin toyda Aqil Məmmədov və qardaşı Ceyhun Məmmədov və onların arvadları da olmuşlar. Aqilin əvvəllər onun ailəsi haqqında böhtanlar yaydığına görə aralarında ədavətləri olduğu üçün anası Mıxsə toy sahibinə narahatlıq olmaması üçün tərəflərdən birinin toydan çıxıb getməsini bildirmiş, lakin toy sahibinin xahişindən sonra yenidən masada oturmuşlar. Bu zaman Aqil və Ceyhun oturduqları masadan ona baxıb xoşagəlməz hərəkətlər etsə də o əhəmiyyət verməmiş, sonra da Aqil oturduğu masadan Ruhiyyəyə baxaraq ona qarşı göz-qaşı və əli pis hərəkətlər etmiş, buna görə də arvadı Ruhiyyə və anası Mıxsə Aqil və Ceyhuna yaxınlaşaraq onlara irad tutarkən onların anasını söydüyünü eşidib həmin masaya yaxınlaşmış, sonra Ruhiyyə onu kənara çəkərək sakit olmasını demiş, toy sahibinə Aqillə aralarında ədavətinin olmasını və münaqişəli olan hər iki ailəni eyni vaxtda toya dəvət etmələrinin düzgün olmadığını demiş, bu zaman toy dayanmış, toy sahibinin isə onları sakitləşdirdikdən bir qədər keçəndən sonra arvadı Ruhiyyə və qızı Tünzalə toydan çıxmış, onların arxasınca anası da toy məclisini tərk edərkən Aqilin onun anasını söydüyünü eşitmiş, ona görə də o, Aqilgilin oturduqları masaya yaxınlaşıb bunun səbəbini soruşarkən Aqil masanın üstündə olan dolu araq şüşəsini ona tərəf atmış, lakin həmin şüşə ona dəyməmiş, Aqil masanın üstündə olan ikinci araq şüşəsini götürüb masanın üstünə vuraraq sındırıb ona tərəf atmış, sınmış şüşə parçası əyildiyi üçün ona deyil, toyda iştirak edən Vüsalın ayağına dəymiş, o əyildiyi zaman yanında olan Ceyhun əlindəki «rezak»ın kəsici hissəsi ilə bir dəfə onun sifətinin sol tərəfinə vuraraq kəsmiş, dərhal da oradan qaçmışdır. Onun üzündən qan axdığı üçün qohumlarının köməkliyi ilə onu Kürdəmir rayon mərkəzi xəstəxanasına aparmışlar. Hadisə vaxtı Aqilə şüşə atmamış, ona hər hansı bir xəsarət yetirməmişdir. Aldığı xəsarətlə əlaqədar olaraq müalicə olunan zaman 3.017 manat məbləğində xərci çıxmışdır. Bununla əlaqədar olaraq ibtidai istintaq zamanı mülki iddia qaldırmaqla mülki iddiaçı kimi tanınmışdır. Apellyasiya məhkəməsi iclasında məhkəmə çıxışları zamanı Azərbaycan Respublikası Baş prokurorluğunun Dövlət ittihamının müdafiəsi üzrə idarəsinin apellyasiya və kassasiya instansiyası məhkəmələrində dövlət ittihamının müdafiəsi şöbəsinin prokuroru, kiçik ədliyyə müşaviri Sadıqov Səyavuş Köçəri oğlu Lənkəran Ağır Cinayətlər Məhkəməsinin 10 fevral 2016-cı il tarixli, 1(089)- 40/2016 nömrəli hökmündən məhkum edilmiş şəxs Məmmədov Aqil Məhəmməd oğlu, onun müdafiəçisi Musazadə Elşən Möhrab oğlu, məhkum edilmiş şəxs Məmmədov Ceyhun Məhəmməd oğlunun müdafiəçisi Əzimov Əbdülhəsən Əliş oğlu tərəfindən ayrı-ayrılıqda verilmiş apellyasiya şikayətlərinin dəlilləri ilə razı olmadığını, törədilmiş cinayət hadisəsinin iş materialları ilə tam sübut edildiyini və birinci instansiya məhkəməsi tərəfindən məhkum edilmiş şəxs Məmmədov Aqil Məhəmməd oğlunun barəsində qanuni və ədalətli cəza təyin edildiyini bildirdi. Eyni zamanda, dövlət ittihamçısı S.K.Sadıqov göstərdi ki, məhkəmə Azərbaycan Respublikası CM-nin 67-ci maddəsinə əsasən hökmlərin məcmusu üzrə Ceyhun Məmmədova cəza təyin edərkən və cəzaçəkmənin əvvəlinin hesablanmasında səhvə yol vermişdir. Belə ki, Məmmədov Ceyhun Məhəmməd oğlu Lənkəran Ağır Cinayətlər Məhkəməsinin 19.09.2011-ci il tarixli hökmünə əsasən CM-nin 29,149.1-ci maddəsi ilə təqsirli bilinib 4 il 6 ay müddətinə azadlıqdan məhrum etmə cəzasına məhkum edilmiş, cəzaçəkməsinin əvvəli 13 iyul 2011-ci il tarixdən tarixdən hesablanmışdır. Təqsirləndirilən şəxs məntəqə tipli cəzaçəkmə müəssisəsində olarkən hazırki cinayət əməlini törətmiş, 19 avqust 2015-ci il tarixdə həbsə alınmışdır. Göründüyü kimi həmin cəzanın 4 ay 24 gün hissəsi çəkilməmiş qalmışdır. Lənkəran Ağır Cinayətlər Məhkəməsinin 19.09.2011- ci il tarixli hökmü ilə Ceyhun Məmmədova təyin edilmiş 4 il 6 ay müddətə azadlıqdan məhrum etmə cəzasının çəkilməmiş qalan 4 ay 24 gün hissəsi hazırki 10 fevral 2016-cı il tarixli hökmlə təyin olunmuş cəzaya birləşdirilməli olduğu halda, məhkəmə qanunsuz və əsassız olaraq 3 ay 24 gün hissəsini qismən birləşdirmişdir. Bundan əlavə məhkəmə Ceyhun Məmmədovun cəzaçəkməsinin əvvəlini onun həbsə
10 alındığı tarixdən, yəni 19.08.2015-ci il tarixdən hesablamalı olduğu halda həmin hissədə də səhvə yol verərək C.Məmmədovun cəzaçəkməsinin əvvəlini 19.09.2015-ci il tarixdən hesablamışdır. Odur ki, Lənkəran Ağır Cinayətlər Məhkəməsinin 10 fevral 2016-cı il tarixli hökmünün Ceyhun Məmmədov və Əfqan Həmidova aid hissədə dəyişdirilməsini cinayət qanunu normaları düzgün tətbiq edilməklə Ə.Həmidov barəsində Azərbaycan Respublikası CM-nin 70-ci maddəsinin tətbiq edilməsinə dair müddəaların hökmdən xaric edilməsini məhkəmə kollegiyasından xahiş etdi.
Apellyasiya məhkəməsi iclasında məhkəmə çıxışları zamanı məhkum edilmiş şəxs Məmmədov Aqil Məhəmməd oğlunun müdafiəçisi Şirinov Bağban Səfər oğlu Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli hökmündən məhkum edilmiş şəxs Məmmədov Aqil Məhəmməd oğlu və müdafiəçisi Musazadə Elşən Möhrab oğlu tərəfindən verilmiş apellyasiya şikayətlərinin təmin edilməsini, hökmün Aqil Məmmədova aid hissədə ləğv edilməsini, onun barəsində bəraət hökmünün çıxarılmasını məhkəmə kollegiyasından xahiş etdi.
Apellyasiya məhkəməsi iclasında məhkəmə çıxışları zamanı məhkum edilmiş şəxs Məmmədov Ceyhun Məhəmməd oğlunun müdafiəçisi Fərəcov Salman Böyükağa oğlu Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli hökmünü Məmmədov Ceyhun Məhəmməd oğluna münasibətdə ləğv edib, onun barəsində bəraət hökmünün çıxarılmasını məhkəmə kollegiyasından xahiş etdi.
Apellyasiya məhkəməsi iclasında məhkəmə çıxışları zamanı məhkum edilmiş şəxs Həmidov Əfqan Əli oğlunun müdafiəçisi Allahverdiyev Arif Tariverdi oğlu Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli hökmündən məhkum edilmiş şəxs Məmmədov Aqil Məhəmməd oğlu, onun müdafiəçisi Musazadə Elşən Möhrab oğlu, məhkum edilmiş şəxs Məmmədov Ceyhun Məhəmməd oğlunun müdafiəçisi Əzimov Əbdülhəsən Əliş oğlu tərəfindən ayrı-ayrılıqda verilmiş apellyasiya şikayətləri və dövlət ittihamçısı Məmmədov Anar Ələsgər oğlu tərəfindən verilmiş apellyasiya protestinin təmin edilməməsini məhkəmə kollegiyasından xahiş etdi. Apellyasiya məhkəməsi iclasında məhkəmə çıxışları zamanı məhkum edilmiş şəxs Həmidov Əfqan Əli oğlu Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli hökmündən məhkum edilmiş şəxs Məmmədov Aqil Məhəmməd oğlu, onun müdafiəçisi Musazadə Elşən Möhrab oğlu, məhkum edilmiş şəxs Məmmədov Ceyhun Məhəmməd oğlunun müdafiəçisi Əzimov Əbdülhəsən Əliş oğlu tərəfindən ayrı-ayrılıqda verilmiş apellyasiya şikayətləri və dövlət ittihamçısı Məmmədov Anar Ələsgər oğlu tərəfindən verilmiş apellyasiya protestinin təmin edilməməsini məhkəmə kollegiyasından xahiş etdi. Apellyasiya məhkəməsi iclasında son sözündə məhkum edilmiş şəxs Məmmədov Ceyhun Məhəmməd oğlu Lənkəran Ağır Cinayətlər Məhkəməsinin 10 fevral 2016-cı il tarixli 1(089)-40/2016 nömrəli hökmünü ona münasibətdə ləğv edib, onun barəsində bəraət hökmü çıxarılmasını məhkəmə kollegiyasından xahiş etdi. Apellyasiya məhkəməsi iclasında son sözündə məhkum edilmiş şəxs Məmmədov Aqil Məhəmməd oğlu Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli hökmündən özünün və müdafiəçisinin verdiyi apellyasiya şikayətlərinin təmin edilməsini, hökmün ləğv edilməsini, barəsində ədalətli qərar qəbul edilməsini məhkəmə kollegiyasından xahiş etdi.
Azərbaycan Respublikası Konstitusiyasının 72-ci maddəsində göstərilir ki, dövlət və cəmiyyət qarşısında hər bir şəxs onun hüquq və azadlıqlarından bilavasitə irəli gələn vəzifələr daşıyır. Hər kəsin üzərinə vəzifələr yalnız bu Konstitusiya ilə və ya qanunla qoyula bilər. Hər bir şəxs Azərbaycan Respublikasının Konstitusiyasına və qanunlarına əməl etməli, başqa şəxslərin hüquq və azadlıqlarına hörmət bəsləməli, qanunla müəyyən edilmiş digər vəzifələri yerinə yetirməlidir. Konstitusiyanın 60-cı maddəsində isə qeyd olunur ki, hər kəsin hüquq və azadlıqlarının məhkəmədə müdafiəsinə təminat verilir. Konstitusiyanın 65-ci maddəsinə əsasən, məhkəmənin məhkum etdiyi hər bir şəxsin öz barəsində çıxarılmış hökmə qanunla nəzərdə tutulan qaydada yuxarı məhkəmədə yenidən baxılması, habelə özünün əfv edilməsi və cəzasının yüngülləşdirilməsi haqqında müraciət etmək hüququ vardır.
Yüklə 0,52 Mb. Dostları ilə paylaş:
|