|
Ommaviy madaniyatJOURNAL OF NEW CENTURY INNOVATIONS118-122JOURNAL OF NEW CENTURY INNOVATIONS
WSRJournal.com
Volume – 3_ Issue-4_April_2022
121
bo‘lmaydi. Axir, millionlab tomoshabinlar e’tiborini jalb etish qudratiga ega bo‘lgan
tyelevideniye orqali dolzarb muammolarini ko‘proq aks ettirish, jamoatchilik fikrini
shakllantirish, yoshlarni ma’nan kamol toptirish mumkin-ku!
Yurtimiz istiqlolga erishgach, milliy ma’naviyat mohiyatini teranroq anglay
boshladik. Aytish joizki, sobiq mustabid tuzum davrida ma’naviyat, inson ruhiy
olami, adolat, qonun ustuvorligi, milliy-axloqiy qadriyatlar to‘g‘risida asosli
fikrlarni eshitish amri mahol edi. Ma’naviy barkamol inson kamoloti uchun suv bilan
havodek zarur ma’naviy qadriyatlar qadrini mustaqillik sharofati bilan teran anglab
yetdik. Respublikamiz birinchi Prezidenti Islom Karimov ham ma’naviyatning
ma’no-mohiyatini aniq-ravshan ta’riflagan: "Ma’naviyat – insonni ruhan poklanish,
qalban ulg‘ayishga chorlaydigan, odamning ichki dunyosi, irodasini baquvvat,
iymon-e’tiqodini butun qiladigan, vijdonini uyg‘otadigan beqiyos kuch, uning
barcha qarashlarining mezonidir". Bu quyma fikr zamirida olamcha ma’no
mujassam ekan, shunga yarasha yoshlarimizni yanada ma’naviyatli va ma’rifatli
bo‘lib kamolga yetishlari uchun astoydil kurashmog‘imiz darkor. Bugungi
globallashuv sharoitida Internet, radio va televideniye imkoniyatlari cheksizligi
haqida ko‘p gapirilmoqda, asosli maqolalar yoritilmoqda. Bunday imkoniyatlardan
aslida yoshlar ongini yot g‘oyalardan asrab qolish yo‘lida samarali foydalanish davr
taqozosidir. Ana shundagina “ommaviy madaniyat”ning yoshlar ongiga ta’siri
kamayib, asta-sekin barham topib ketishi ham mumkin. Shu bilan bir qatorda yoshlar
qalbida milliy qadriyatlarimizga nisbatan mehr uyg‘otib borish maqsadga
muvofiqdir. Shunda yoshlar orasida g‘arbona ideallarga ko‘r-ko‘rona ergashish kabi
holatlar urchib ketmaydi. Yoshlar qalbida mafkuraviy immunitetni to‘g‘ri
shakllantirish imkoniyatlari kengayadi. Mafkuraviy immunitet asosan ta’lim-tarbiya
jarayonida hosil qilinadi. Yoshlar ongu shuurida mafkuraviy immunitet puxta bilim
olish, his-tuyg‘ular, muayyan ko‘nikmalar vositasida shakllantiriladi. Ayrim
mutaxassislar fikricha, taraqqiyotning hozirgi bosqichida xalqlar orasidagi axborot
aloqalari jadal kengayib borayotganligi ko‘plab foyda bilan bir qatorda ma’naviy
zarar keltirish hollari ham uchrab turganligi asoslab berilayotir. Shu narsa ayonki,
bugungi kunda puxta bilim egallamagan yoshlar tanazzulga yuz tutishi mumkin.
|
|
|