R E S E N Z İ Y A L A R
135
Azərbaycan dilinin Naxçıvan qrupu şivə-
lərinə həsr olunmuş bu atlasın quruluşu belə-
dir: material toplanmış yaşayış məntəqələrinin
siyahısı və xəritələrdəki kodu, proqramda və
xəritələrdə istifadə olunmuş şərti işarələr, atla-
sın tərtibi üçün toplanan materialların proqra-
mı, dialektoloji xəritələr (250 xəritə), yaşayış
məntəqələri üzrə informatorların siyahısı, atlas
qrupu üzvlərinin fəaliyyətinə və informatorlara
aid şəkillər, informatorların səsi yazılmış kom-
pakt disk. Bunlardan başqa, dialektoloji atlas-
da Naxçıvan Muxtar Respublikasının təbiətinə,
tarixi abidələrinə, etnoqrafiyasına aid çoxlu
şəkillər də yer almışdır.
Dil faktlarının xəritələrdə verilməsində
müxtəlif rəngli dairəciklərdən istifadə olun-
muşdur. Xəritələrdə, bir qayda olaraq, ədəbi
dillə uyğun gələn formalar qara rəngli dairə-
ciklərlə işarələnmişdir. Dialekt fərqləri isə qır-
mızı, göy, yaşıl, sarı, bənövşəyi, qəhvəyi dai-
rəciklərlə göstərilmişdir. Dialektoloji material-
lar toplanmış yaşayış məntəqələrinin sayı ra-
yonlar üzrə aşağıdakı kimidir: Sədərək rayonu
üzrə – 4, Şərur rayonu üzrə – 37, Kəngərli ra-
yonu üzrə – 9, Şahbuz rayonu üzrə – 20, Culfa
rayonu üzrə – 23, Ordubad rayonu üzrə – 32.
Dialektoloji atlasda Naxçıvan qrupu şi-
vələrinin bütün xüsusiyyətləri deyil, bir şivəni
digərindən fərqləndirən, izoqlos təşkil edən,
dilimizin tarixi üçün əhəmiyyətli olan fonetik,
qrammatik və leksik xüsusiyyətlər öz əksini
tapmışdır. Atlasda 64 xəritə fonetikaya, 111 xə-
ritə morfologiyaya, 19 xəritə sintaksisə, 56 xə-
ritə leksikaya aiddir. Tərtibçilər 250 xəritənin
hər birinə qısa şəkildə olsa da şərhlər yazmışdır.
Dialektoloji atlasda dilin inkişafının
müxtəlif dövrlərinə aid olan dil hadisələri (izo-
qloslar) əks olunur. Xəritələr müasir şivələrin
qədim tayfa dilləri ilə əlaqəsini, ayrı-ayrı dil
hadisələrinin etnik mənsubiyyətini müəyyən-
ləşdirməyə, bu və ya digər əlamətin müəyyən
bir ərazidə əmələ gəlməsinin səbəbini aydın-
laşdırmağa, yeni elmi nəticələr çıxarmağa kö-
mək edir. Məsələn, 55-ci xəritədə sözün ilk və
ya son hecasında ov elementinin dəyişmə
variantları göstərilmişdir (ov, of, o:, av, af, oğ,
oy, au). Buradakı av səs birləşməsi (davşan,
avçı, yavşan) XI əsrdə M.Kaşğarinin oğuzların
dilinə aid etdiyi av ‘ov’ forması ilə uyğun gə-
lir. Deməli, müasir Azərbaycan ədəbi dilində
dovşan, ovçu, yovşan fonetik tərkibində işlənən
sözlərin Naxçıvan qrupu şivələrində av səs
birləşməsi ilə işlənməsi (davşan, avçı, yavşan)
sözün qədim fonetik şəklinin saxlanması və
eyni zamanda qədim oğuzların dil xüsusiyyəti
kimi qəbul edilməlidir. Yenə 55-ci xəritəyə əsa-
sən demək olar ki, sözlərin av səs birləşməsi ilə
işlənməsi Naxçıvan Muxtar Respublikasının
bütün rayonlarında yayılsa da, bu izoqlosun sıx-
laşması, xəritədə izoqlos topaları əmələ gətir-
məsi əsas etibarilə Şahbuz, Culfa, Babək və
Kəngərli rayonlarının, qismən isə Şərur rayo-
nunun yaşayış məntəqələrində nəzərə çarpır.
68-ci xəritədə ismin təsirlik halında
saitlə bitən sözlərin -nı, -ni, -nu, -nü və -yı, -yi,
-yu, -yü şəkilçilərini qəbul etməsinin arealı
göstərilir. Türkoloji ədəbiyyatda yayılmış fikrə
görə, ismin təsirlik halında saitlə bitən
sözlərdə -nı variantının işlənməsi daha çox
qıpçaq dilləri üçün, -yı variantının işlənməsi
isə oğuz dilləri üçün səciyyəvidir. 68-ci xəritə
göstərir ki, Azərbaycan dilinin Naxçıvan
qrupu şivələrinin əksəriyyətində ədəbi dildə
olduğu kimi dördvariantlı -nı şəkilçisi işlənir.
Türk dillərinin oğuz qrupu üçün səciyyəvi olan
-yı, -yi, -yu, -yü şəkilçisi isə Naxçıvan regi-
onunun bəzi yaşayış məntəqələrində işlənir
(qalayı, kərkiyi, quzuyu, körpüyü). İsmin
təsirlik halında saitlə bitən sözlərin -yı şəkil-
çisini qəbul etməsi Naxçıvan Muxtar Respub-
likasının yaşayış məntəqələri üzrə aşağıdakı
kimidir: Şahbulaq, Düdəngə, Zeyvə, Axura,
Aşağı Daşarx, Tənənəm (Şərur r-nu), Hey-
dərabad, Sədərək, Qaraağac (Sədərək r-nu),
Gömür, Keçili (Şahbuz r-nu), Şıxmahmud
(Babək r-nu), Culfa ş., Düylün (Ordubad r-nu).
Fonetikaya aid xəritələrdə Naxçıvan qru-
pu şivələrində saitlərin və samitlərin işlənmə
R E S E N Z İ Y A L A R
136
xüsusiyyətləri əsas yer tutur. Bir neçə xəritədə
isə samitlərin artımı, samitlərin düşümü hadi-
sələri, geri assimilyasiyanın arealı, saitlər
ahənginin təzahür xüsusiyyətləri, metateza ha-
disəsi və s. öz əksini tapmışdır.
Azərbaycan dilinin dialekt üzvlənməsinin
müəyyən edilməsində sözün birinci hecasında y
samiti qarşısında a saitinin sabit qalmasının və
ya dəyişməsinin xüsusi rolu var. Bu cəhətdən
atlasın 2-ci xəritəsi diqqəti cəlb edir. Xəritəyə
görə, Naxçıvan qrupu şivələrində sözün birinci
hecasında y samiti qarşısında a saitinin, ədəbi
dildə və qərb ləhcəsinin şivələrində olduğu kimi
həm öz sabitliyini saxlaması (qayçı, qayış,
qaymax), həm də cənub şivələrində, xüsusilə
Təbriz dialektində olduğu kimi a > ə (qəyçi,
qəyiş, qəymax), a > e (qeyçi, qeyiş, qeymax) də-
yişikliyinə uğraması halları var. a saitinin göstə-
rilən mövqedə öz sabitliyini saxlaması Naxçıvan
Muxtar Respublikasının daha geniş ərazisinin
şivələrini əhatə edir. Bu xüsusiyyət Şərur, Kən-
gərli və Babək rayonlarının şivələrində xüsusilə
güclüdür. a > ə dəyişməsi əsas etibarilə Ordu-
bad, Culfa, Naxçıvan şəhər zonası və Şahbuz
şivələrində yayılmışdır. Sözün birinci hecasında
y samiti qarşısında a > e hadisəsi isə Ordubad
şivələrində müşahidə edilir.
37-ci xəritə Naxçıvan qrupu şivələrində
dilönü dodaqlanan ö saitindən sonra dodaq-diş
v samitinin geniş yayıldığını göstərir (gövər-
çin, sövüd, gövərti). Bu xüsusiyyət həmin şi-
vələrin həm Cənubi Azərbaycan şivələri ilə
uyğunluğunu göstərir (Təbriz şivələrində: gö-
vərçin, gövərmax), həm də digər oğuz dilləri ilə
ortaq xüsusiyyətlərini aşkar etməyə imkan verir
(müqayisə et: türk dilində güvercin ‘göyərçin’;
qaqauz dilində qüvercin ‘göyərçin’; türkmən
dilində sövüt ‘söyüd’, düvün ‘düyün’).
Naxçıvan qrupu şivələrində bəzi səslərin
ön tələffüzə meyilli olması, bəzi saf samitlərin
müqabilində affrikat samitlərin (c, ç, ц, dz) iş-
lənməsi kimi fonetik xüsusiyyətlər dialektoloji
xəritələrdə dəqiq şəkildə verilmişdir. Atlasın
giriş hissəsində akad. T.Hacıyev doğru olaraq
qeyd edir ki, «Azərbaycanın heç bir dialekt-
şivə zonasında həm kəmiyyətcə, həm də tipik-
liyinə görə Naxçıvan qrupundakı səs keçidləri
yoxdur. Bu fonetik mənzərə atlasda diqqətlə
əks olunmuşdur» (s.9).
Dialektoloji atlas Naxçıvan qrupu şivələ-
rində Azərbaycan dilinin qərb ləhcəsi şivələri
üçün səciyyəvi olan xüsusiyyətlərin mövcud-
luğunu da əyani şəkildə göstərir. Söz ortasında
saitlərarası mövqedə kipləşən b samitinin nov-
lu v samitinə keçidi 32-ci xəritədə öz əksini
tapmışdır. Regionun əksər şivələrində söz or-
tasında saitlərarası mövqedə b samiti öz sabit-
liyini saxlasa da, b > v dəyişməsi də nəzərə
çarpacaq dərəcədə yayılmışdır. Velyar ŋ sami-
tinin bəzi şivələrdə saxlanması (22-ci xəritə),
saitlə bitən isimlərin təsirlik halında -yı şəkil-
çisinin işlənməsi (68-ci xəritə) və s. bu qəbil-
dən olan xüsusiyyətlərdir.
«Azərbaycan dilinin Naxçıvan dialekto-
loji atlası»nda leksikaya aid xəritələr dilimizin
lüğət tərkibinin zənginliyi, onun tarixi inkişafı,
başqa dillərlə qədim əlaqələri, leksik vahidlə-
rin yaranma yolları haqqında mövcud təsəv-
vürləri daha da genişləndirir. Naxçıvan qrupu
şivələrində ‘əmiarvadı’ mənasında əmmə, çiçə,
həmşirə, əmcanı, əmdostu, ağbacı sözlərinin
(6 söz), ‘əl dəyirmanı’ mənasında dəsdər, kir-
kirə, əldaşı sözlərinin, ‘ağacdan meyvə çırp-
maq üçün istifadə olunan əşya’ mənasında to-
lamaz, tolamazdı, tolazma, tolazdırma, tolazı,
zopa, zola, çırpanax sözlərinin (8 söz), ‘mal-
darlıqla məşğul olub yayda yaylağa, payızda
qışlağa köçən əhali’ mənasında yarımköçəri,
elat, yaylaxçı, tərəkəmə sözlərinin (hamısı türk
mənşəlidir), ‘təndirə çörək yapmaq üçün isti-
fadə olunan əşya’ mənasında etnoqrafik səciy-
yəli əppəx'yapan, rəfətə, irəfətə, rifdənə, ifidə-
nə sözlərinin işlənməsi dialektoloji xəritələrdə
öz əksini tapmışdır. Maraqlıdır ki, Kəngərli ra-
yonunun 9 yaşayış məntəqəsindən səkkizində
elat sözü, yalnız birində tərəkəmə sözü, Sədə-
rək rayonunun 4 yaşayış məntəqəsinin hamı-
sında tərəkəmə sözü işlənir (210-cu xəritə).
Dostları ilə paylaş: |