45
Digər tərəfdən isə 1937-ci ildə İtaliya ABŞ, İngiltərə və Fransa kimi iqtisa-
di böhranla qarşılaşdı.Yalnız,İkinci Dünya Müharibəsinin başlanması ərəfəsində
iqti- sadiyyatda canlanma yarandı.Belə ki, 10 iri İtaliya trestinin kapitalı 1,9 mlrd.
lirədən 4 mlrd. lirə-dək çatdı.“Montekatini” trestində isə işçilərin sayı 50 mindən
70 minədək artımışdı.
İri maqnatlardan olan “Fiat” trestinin kapitalı 24 mln.lirədən 43,5 mln. lirə
səviyyəsinə yüksəlmişdi.Müvafiq olaraq “ İtolpirelli “də 26 mln.lirədən 53 mln.
lirəyə,Montekatinidə 67 mln.lirədən 159,4 mln.lirə-dək qalxmışdı.Bununla belə
İtaliyanın dövlət borcu artmış və 200 mln. lirə təşkil edirdi.Belə şəraitdə ölkədə
Mussolini rejiminə qarşı mübarizə güclənmiş və hərəkat iştirakçıları İtaliyada de-
mokratik respublika qaydalarını tətbiq etmək istəyirdilər.
İspaniya 1918-1939-cu illərdə
İspaniya Birinci dünya müharibəsindən sonrakı ilk illərdə
İspaniya Birinci dünya müharibəsi dövründə neytrallığını qoruyub saxla-
mışdı.Buna görə də ölkənin sənaye sahələri və kənd təsərrüfatı dağıntılara məruz
qalmamış,əksinə,yüksəliş başlanmışdı.Xarici ticarət 4 dəfə artmış,zəngin qızıl
ehtiyatı yaranmışdı.Mövcud çuqun və daş-kömür ehtiyatı yeni zavodların tikin-
tisinə şərait yaratmaqla yanaşı,burjuaziyanın güclənməsinə səbəb olmuşdu.An-
caq,iqtisadi yüksəlişdən əhalinin aşağı təbəqələri bəhrələnə bilməmişdi.
Hələ 1916-cı ildə ölkədə etiraz hərəkatı başlanmışdı.Birinci olaraq dəmir-
yolçular çıxış edərək əmək haqlarının artırılmasını tələb etdilər.Hökumət fövqə-
ladə vəziyyət elan etdi və inqilabi həyəcanlara qarşı mübarizəyə başladı.Eyni
zamanda Kataloniyaya muxtariyyət verilməsi uğrunda hərəkat gücləndi.Bu,
hərəkatın siyasi xarakter daşıdığını göstərirdi.1917-ci ilin avqustunda ispan fəh-
lələri ümumi siyasi tətil elan etdilər.Asturiya və Biskayda hərəkat silahlı üsyana
çevrildi.Liberal burjuaziya tətilçiləri müdafiə etməkdən imtina etdi.İspaniya so-
sialist partiyası kifayət qədər güclü olmadığından hərəkata rəhbərlik edə bilmə-
di.Anarxosindikalistlər də hərakatı müdafiə etmədi.Buna görə də tətil hərəkatının
iştirakçıları mübarizəni dayandırmağa məcbur oldu.Ancaq,1919-1920-ci illərdə
46
ölkədə inqilabi şərait ya-randı.Bu dövrdə həmkarlar ittifaqlarında 1125 min nəfər
sosialist partiyasından 211min nəfər birləşmişdi.İSFP-nın rəhbərliyi ümid edirdi
ki,fəhlə hərəkatının nəticəsində hakimiyyətə keçəcəkdir.Onlar zəif olmaqla
yanaşı, həm də inqilabi çıxışlardan qorxurdular.Yalnız,1921-ci ildə İspaniyada iki
siyasi partiya formalaşdı ki,həmin partiyalar fəhlə hərəkatınarəhbərlik edə
bilərdi.1921-ci ilin noyabrında Vahid İspaniya Kommunist partiyası yaradıldı.Elə
həmin ildə anarxosindikalistlər Baş Nazir Datonu öldürdülər.Bu,ölkədə siyasi
vəziyyəti gərginləşdirdi.Digər tərəfdən İspan imperalizmi Mərakeşdə ağır məğlu-
biyyətə uğradı.1921-ci ilin yayında ispan qoşunları rif tayfalarının üzərinə hü-
cuma başladı.Lakin,Anval altında baş vermiş döyüşdə məğlub oldular.Bu,ispan
monarxiyasına qaşı mübarizəni daha da gücləndirdi.Həmin illərdə inqilabi müba-
rizənin müxtəlif metodları tətbiq edilirdi.Belə ki,siyasi tətillər,nümayişlər və
milli-azadlıq hərəkatı, xüsusilə,geniş xarakter daşıyırdı.
Primo de Rivera diktaturası dövründə İspaniyanın
daxili və beynəlxalq vəziyyəti
1923-cü il sentyabrın 20-də Anval altında məğlubiyyətin səbəbləri kortesdə
müzakirə olundu.Hələ sentyabrın 13-də Kataloniya hərbi dairələrin komandanı
general Migel Primo de Rivera hərbi dairələrə və Katalon iri burjuaziyasına
arxalanaraq Barselonada hakimiyyəti ələ keçirdi.Tezliklə,İspaniya hökuməti
istefa verdi,XIII Alfons isə Madriddə hakimiyyəti Primo de Riveraya verdi.Primo
de Rivera generallardan və admirallardan ibarət hərbi direktoriya yaratdı.Daxili
İşlər Naziri vəzifəsinə Katalon fəhlələrinin qənimi Martines Amido təyin edildi.
Ölkədə hərbi vəziyyət elan olundu.Konstitusiya dəyişdirildi,korteslər buraxıldı,
yerlərdə isə hakimiyyət hərbi qubernatorların əlinə keçdi.O,xalqa müraciətdə
bildirdi ki,ölkə dərin böhran qarşısındadır.Buna görə də tətillər qadağan olunur,
amansız senzura tətbiq edilirdi.İspaniyada faşist İtaliyası formasında rejim yara-
dılması qərara alındı.Eyni zamanda muxtariyyat hərəkatının qarşısı alındı, kata-
lonların,baskların və qalisiyalıların rəsmi sənədlərdə dilləri ləğv edildi.
47
Diktaturanın yaradılması bilavasitə kapitalizmin nisbi sabitləşməsi dövrünə
təsadüf edir.Ancaq,İspaniya iqtisadiyyatında hələ də yarımfeodal xüsusiyyətlər
qalmaqda idi.1928-ci ildə XIII Alfons və Primo de Rivera Romada görüşdülər.
XIII Alfons İtaliya kralına bildirdi:”Bu,mənim Mussolinimdir.”İtaliya diktatoru
Primo de Riveranı İspaniya faşizminin lideri kimi tanıdı.Primo de Rivera ilk
günlərdən etibarən faşist diktatoru Mussolinini dəqiq anlaya bildi.
Ancaq,İspaniya diktatoru Mərakeş problemi təkbaşına həll edə bilmədi.
Yalnız,İspaniya və Fransa arasında rif qəbilələrinin hərəkatına qarşı birgə fəa-
liyyət haqqında saziş bağlandı.1925-ci ildə Primo de Rivera hərbi hökuməti mül-
ki hökumətlə əvəz etdi.Lakin,diktator qeyri-məhdud hökmranlığını saxlamaqda
idi.
Primo de Rivera diktaturası real müqavimətlə qarşılaşmadı.İspaniya sosia-
list fəhlə partiyası diktatura ilə mübarizə aparmaqdan imtina edir.Anarxo-sindi-
kalistlər isə mübarizənin mənasız olduğunu bildirir.Həmin dövrdə bütün siyasi
partiyaların fəaliyyəti qadağan olunur.Bütün bunlar ona gətirib çıxarır ki,dikta-
turadan narazılıq güclənir.Diktaturaya qarşı ilkin olaraq ziyalılar çıxış edir.On-
ların başlıca tələbi demokratik azadlıqların verilməsi idi.Onların sırasında Migel
de Unamuno,Visente Blasko İbanes və Antonio Maçado və başqaları vardı.
Tezliklə,ölkədə etraz hərəkatı gücləndi.Anarxo-sindikalistlər isə terroru ge-
nişləndirdi.Kiçik burjuaziya hesab edirdi ki,Primo de Rivera diktaturası dövlət
monopolist kapitalizmini möhkəmləndirəcək,bu isə burjuaziyanın maraqlarının
təmin edilməsi demək idi.Lakin,bununla razılaşmayan burjuaziya müxalifətə keç-
di.Eyni zamanda Kataloniyada muxtariyyət uğrunda mübarizə genişləndi.Primo
de Rivera diktaturasının hakimiyyətdə qalmaq üçün göstərdiyi bütün cəhdlər
nəticəsiz qaldı.Hərbi dairələrin komandanlığının diktatoru müdafiə etmədiyi
halda isə Primo de Rivera 1930-cu il yanvarın 28-də istefa verdi.Onun istefasının
başlıca səbəbi İspaniya problemlərini həll edə bilməməsi,sosial bazanın yaradıl-
maması və nəhayət,fəhlə və miili hərəkatın güclənməsi idi.
Diktaturanın çökməsindən sonra hakimiyyət mülkədarların və burjuaziya-
nın əlinə keçdi.Kommunist partiyası monarxiya idarə üsulunun tamamilə ləğv
Dostları ilə paylaş: |