ONOR. EVARIST BARTOLO: Ninforma lill-Onor. Interpellant li mit-2 ta’ Frar 2017 l-istudenti Għawdxin bdew isegwu l-lectures permezz tal-video conferencing jew skype.
L-uniċi drabi li ġew, jew se jkollhom jiġu, Malta huma fil-21 ta’ Frar u fl-4 t’April minħabba sessjonijiet ta’ prattika fid-drama.
Biex setgħu jsiru dawn is-sessjonijiet l-Università qed tagħmel użu ta’ Teaching Assistant impjegata apposta, li tikkoordina s-sessjonijiet u tgħin lill-istudenti li jkunu qed isegwu l-lectures fiċ-ċentru tal-Università ta’ Għawdex.
Seduta 490
06/03/2017
DIPARTIMENT TAS-SIGURTÀ SOĊJALI – SINGLE PARENTS
31352. L-ONOR. CHRIS SAID staqsa lill- Ministru għall-Familja u Solidarjetà Soċjali: Jista' l-Ministru jgħid kemm huwa n-numru reġistrat mad-Dipartiment tas-Sigurtà Soċjali ta' single parents f'Malta u f’Għawdex? Kemm minn dawn huma nisa u kemm minnhom huma rġiel? Kemm minn dawn jirrisjedu f'Għawdex? Kemm huwa n-numru totali ta' tfal li qed jittrabbew minn dawn is-single parents?
20/02/2017
ONOR. MICHAEL FARRUGIA: Ninforma lill-Onor. Interpellant illi, in-numru ta’ Single Parents f’Malta u f’Għawdex reġistrati mad-Dipartiment tas-Sigurtà Soċjali huwa skont kif qiegħed jidher fit-tabella t’hawn taħt.
|
Malta
|
Ghawdex
|
Total Malta u Ghawdex
|
|
Single Parents
|
Numru ta' Tfal
|
Single Parents
|
Numru ta' Tfal
|
Single Parents
|
Numru ta' Tfal
|
Nisa
|
9,140
|
13,061
|
396
|
574
|
9,536
|
13,635
|
Irġiel
|
2,797
|
3,970
|
139
|
203
|
2,936
|
4,173
|
Total
|
11,937
|
17,031
|
535
|
777
|
12,472
|
17,808
|
Seduta 490
06/03/2017
KAŻIJIET TA’ SUWIĊIDJI
31353. L-ONOR. CHRIS SAID staqsa lill- Ministru għall-Intern u s-Sigurtà Nazzjonali: Jista' l-Ministru jgħid kemm kien in-numru stabbilit ta' suwiċidji li seħħew f'Malta u f’Għawdex fis-snin 2012, 2013, 2014, 2015 u 2016 sena b'sena? Kemm minn dawn seħħew f'Għawdex f’kull sena?
20/02/2017
ONOR. CARMELO ABELA: Ninforma lill-Onor. Interpellant li ninsab infurmat li n-numru ta’ suwiċidji rrapurtati huwa kif ġej;
Sena
|
Malta
|
Għawdex
|
Total
|
2012
|
24
|
2
|
26
|
2013
|
21
|
1
|
22
|
2014
|
30
|
1
|
31
|
2015
|
34
|
2
|
36
|
2016
|
20
|
1
|
21
|
Total
|
129
|
7
|
136
|
Seduta 490
06/03/2017
AWTORITÀ DWAR L-AMBJENT – UFFIĊĊJU F’GĦAWDEX
31354. L-ONOR. CHRIS SAID staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista' l-Ministru jgħid jekk l-Awtorità dwar l-Ambjent għandhiex uffiċċju tagħha f'Għawdex li huwa separat minn dak tal-Awtorità għall-Ippjanar? Jekk iva, fejn jinsab dan l-uffiċċju? L-istess Awtorità dwar l-Ambjent għandha numri tat-telephone speċifiċi tagħha għall-Uffiċċju ta' Għawdex?
20/02/2017
ONOR. JOSÈ HERRERA: Ninforma lill-Onor Interpellant li l-uffiċċju tal-Awtorita’ għall-Ambjent u Riżorsi qiegħed f’binja komuni ma' l-Awtorita’ tal-Ippjanar, iżda ż-żewg Awtoritajiet jużaw uffiċini separati. L-uffiċċji ta’ l-Awtorita’ għall-Ambjent u Riżorsi għandhom linji tat-telefon diretti u ddedikati għalih.
Seduta 490
06/03/2017
BDIEWA GĦAWDXIN – SECOND CLASS WATER - PROĠETT
31355. L-ONOR. CHRIS SAID staqsa lill- Prim Ministru: Jista' l-Prim Ministru jgħid fiex wasal il-proġett tas-second class water għall-bdiewa f'Għawdex? Kemm hemm bdiewa Għawdxin li s’issa qed jibbenefikaw minn dan il-proġett? Kemm qed iħallsu għall-użu ta' dan l-ilma?
20/02/2017
ONOR. JOSEPH MUSCAT: Ġejt infurmat mill-Korporazzjoni għas-Servizzi tal-Ilma li l-impjant ta’ Għawdex, li huwa wieħed minn tlett proġetti tan-newwaterfil-gżejjer Maltin, jinsab fi stat avvanzat fejn l-impjant huwa diġa’ nstallat u se jiġi kkummissjonat.
Seduta 490
06/03/2017
MINISTERU GĦAL GĦAWDEX – CONTRACTS FOR SERVICE
31356. L-ONOR. CHRIS SAID staqsa lill- Ministru għal Għawdex: Jista' l-Ministru jwieġeb il-mistoqsija parlamentari 29882 u jgħid kemm ingħataw contracts for service mill-Ministeru inkluż id-dipartimenti u l-entitajiet li jaqgħu taħt id-dekasteru tiegħu minn Marzu 2013 sal-lum, sena b’sena? Jista’ jagħti wkoll dettalji dwar it-tul ta’ żmien ta’ kull kuntratt, is-servizzi li ngħataw, kif ukoll il-pakkett finanzjarju u perkaċċi oħra fir-rigward ta’ kull tali kuntratt?
20/02/2017
ONOR. ANTON REFALO: Ninforma lil Onor. Interpellant li l-informazzjoni mitluba għadha qed tinġabar u tingħata f’xi seduta oħra.
Seduta 490
06/03/2017
AWTORITÀ TAD-DJAR – TISWIJIET LILL-INKWILINI
31395. L-ONOR. CHARLES MANGION staqsa lill- Ministru għall-Familja u Solidarjetà Soċjali: Jista’ l-Ministru jgħid kemm nefqet l-Awtorità tad-Djar biex isiru tiswijiet lill-inkwilini li qegħdin f’kirjiet u li m’għandhomx mezzi biżżejjed biex isiru dawn it-tiswijiet fl-2016? Jista’ jgħid ukoll kemm gawdew familji permezz ta’ din l-għajnuna?
21/02/2017
ONOR. MICHAEL FARRUGIA: Ninforma lill-Onor. Interpellant li, matul is-sena 2016, l-Awtorità tad-Djar wettqet diversi tiswijiet kif ukoll xogħlijiet ta’ titjib u tisbieħ fil-komun, bjut u faċċati fi blokki ta’ appartamenti u proprjetajiet oħra residenzjali mikrija mingħand il-Gvern u l-Awtorità tad-Djar. Dawn ix-xogħlijiet, li kienu mifruxa f’madwar 590 blokk jew proprjeta’ fi 43 lokalita’ differenti, laħqu spiża ta’ madwar €1.8 miljun.
Seduta 490
06/03/2017
DAR PAPA FRANĠISKU – KLIJENTI - IKEL
31396. L-ONOR. CHARLES MANGION staqsa lill- Ministru għall-Familja u Solidarjetà Soċjali: Jista’ l-Ministru jgħid kemm imorru jieklu klijenti bejn wieħed u ieħor f’Dar Papa Franġisku li nfetħet is-sena li għaddiet? Min huma l-persuni li qed jużaw dan is-servizz?
21/02/2017
ONOR. MICHAEL FARRUGIA: Ninforma lill-Onor. Interpellant illi mit-18 ta’ Lulju 2016, jiġifieri minn meta nfetħet id-Dar Papa Franġisku, sal-aħħar ta’ Jannar 2017, in-numru ta’ kuntatti mas-servizz tal-ikel, kien ta’ 258. Dan in-numru jinkludi t-total ta’ drabi li l-klijenti kielu u mhux in-numru ta’ klijenti.
Dawn il-persuni huma nies bi problemi ta’ vizji varji, nies bi problemi ta’ saħħa mentali, persuni waħedhom, u nies barranin li ġejjin mill-Afrika jew mil-Lvant.
Seduta 490
06/03/2017
DAR PAPA FRANĠISKU – KLIJENTI - RQAD
31397. L-ONOR. CHARLES MANGION staqsa lill- Ministru għall-Familja u Solidarjetà Soċjali: Jista’ l-Ministru jgħid kemm hemm klijenti li jorqdu Dar Papa Franġisku b’mod regolari u x’inhu l-ammont ta’ barranin li jużaw dan is-servizz?
21/02/2017
ONOR. MICHAEL FARRUGIA: Ninforma lill-Onor. Interpellant li, in-numru ta’ drabi li klijenti raqdu Dar Papa Franġisku mit-18 ta’ Lulju sal-aħħar ta’ Jannar 2017 kien ta’ 286.
Minn dan in-numru, kien hemm 54 barranin li raqdu ġewwa d-dar għall-istess perjodu.
Seduta 490
06/03/2017
XELTER DAR MARIA DOLORES - KLIJENTI
31398. L-ONOR. CHARLES MANGION staqsa lill- Ministru għall-Familja u Solidarjetà Soċjali: B’referenza għax-Xelter Dar Maria Dolores li nfetaħ f’Diċembru 2016, jista’ l-Ministru jgħid kemm hemm klijenti li qegħdin jużaw dan is-servizz u x’kienet ir-raġuni li kellhom jużaw dan is-servizz?
21/02/2017
ONOR. MICHAEL FARRUGIA: Ninforma lill-Onor. Interpellant illi mid-29 ta’ Diċembru 2016 sat-23 ta’ Frar 2017 in-numru ta’ drabi li l-klijenti ta’ Dar Maria Dolores raqdu f’din id-dar kien ta’ 22. Dawn l-individwi huma kollha vittmi ta’ droga u persuni bi problemi ta’ saħħa mentali.
Seduta 490
06/03/2017
BINJIET – ENERGY EFFICIENT
31399. L-ONOR. CHARLES MANGION staqsa lill- Ministru għall-Familja u Solidarjetà Soċjali: Jista’ l-Ministru jgħid x’miżuri qed jittieħdu sabiex il-binjiet il-ġodda li se jinbnew dalwaqt ikunu energy efficient?
21/02/2017
ONOR. MICHAEL FARRUGIA: Ninforma lill-Onor. Interpellant illi, ser jittieħdu l-miżuri neċessarji sabiex il-binjiet il-ġodda li ser jinbnew ikunu energy efficient, u dan permezz ta’ materjal adekwat u wkoll kostruzzjoni u stil, speċjalment fl-aperturi esterni u s-soqfa, li jippermettu li l-binjiet ikkonċernati ma jaħlux enerġija.
Seduta 490
06/03/2017
BINJA BUQANA - PROĠETT
31400. L-ONOR. CHARLES MANGION staqsa lill- Ministru għall-Familja u Solidarjetà Soċjali: Jista’ l-Ministru jgħid f’liema stadju wasal il-proġett sabiex tiġi rranġata Binja Buqana?
21/02/2017
ONOR. MICHAEL FARRUGIA: Ninforma lill-Onor. Interpellant li, x-xogħol fuq Binja Buqana nbeda f’Diċembru li għadda u miexi skont il-pjan li tħejja. Sar diġa xogħol estensiv fuq it-travi fis-sotterran tat-tlett blokok u ġew investigati wkoll diversi pilastri sabiex isir magħruf x’hemm taħt il-wiċċ tal-art. Tħejjew id-disinji tal-interventi li jridu jsiru fuq il-bażijiet ta’ dawn il-pilastri kif ukoll id-disinji tal-pilastri l-oħra li jridu jiġu msaħħa. Ser jibda dalwaqt x-xogħol fuq it-terazzini tal-binja billi jinqala’ l-madum u tiġi ndirizzata l-problema fejn l-ilma qed jidħol fl-istruttura tal-binja u li qed jikkaġuna ħafna ħsara. Kif kien mistenni, skoprejna problemi ġodda li ma stajniex inkunu nafu bihom qabel iżda li kienu fil-pjan ta’ kontinġenza li ħejjejna.
Ninnota bi pjaċir li r-residenti huma ferm rikonoxxenti għal fatt li l-Gvern preżenti daħal għal din il-biċċa xogħol skabruża, kkaġunata mill-irresponsabilta tal-Gvern preċedenti li ma ndirizzax nuqqasijiet kbar li kienu għaddejjin u li kienu ġew notifikati lilu diversi drabi. Riżultat tal-irresponsabilita’ tal-Gvern preċedenti, l-ispiża kollha ser tinġarr mill-Gvern preżenti minflok mill-persuni responsabbli, minħabba li l-azzjoni ma ttieħditx fil-ħin li nġibdet l-attenzjoni tal-problemi strutturali.
Bi pjaċir ninforma lil din il-Kamra li hemm kollaborazzjoni sħiħa mir-residenti matul dan il-proċess li fih qed isiru x-xogħlijiet ferm bżonnjużi.
Seduta 490
06/03/2017
GĦAWDEX - MATERJAL/PUBBLIKAZZJONIJIET MAĦRUĠA MIS-SEGRETARJAT RESPONSABBLI MILL-ANZJANITÀ ATTIVÀ U PERSUNI B'DIŻABILITÀ
31403. L-ONOR. ROBERT CUTAJAR staqsa lill- Ministru għall-Familja u Solidarjetà Soċjali: Filwaqt li l-Ministru għat-tweġiba għall-mistoqsija parlamentari 31265 għamel referenza għat-tweġiba għall-mistoqsija parlamentari 31264 u peress li l-Ministru naqas li jpoġġi l-materjal rikjest fuq il-Mejda tal-Kamra għall-istess mistoqsija, jista’ l-Ministru jpoġġi fuq il-Mejda tal-Kamra kopja tal-materjal/pubblikazzjonijiet (b’kollox 14-il pubblikazzjoni) li għalihom għamel referenza fit-tweġiba għall-mistoqsija parlamentari 31264?
21/02/2017
ONOR. MICHAEL FARRUGIA: Ninforma lill-Onor. Interpellant illi l-informazzjoni mitluba għadha qed tinġabar u għaldaqstant it-tweġiba tingħata f'seduta oħra.
Seduta 490
06/03/2017
RESIDENZA SAN VINĊENZ DE PAUL - GENERATOR
31404. L-ONOR. ROBERT CUTAJAR staqsa lill- Ministru għall-Familja u Solidarjetà Soċjali: Jista’ l-Ministru jgħid liema kienu dawk is-swali fir-Residenza San Vinċenz de Paul li bejn is-7 u t-8 ta’ Frar 2017 effettivament spiċċaw bla dawl, għax jew kienu bla ġeneraturi inkella għax il-ġeneraturi li hemm stallati fl-istess residenza ma ħadmux kollha?
21/02/2017
ONOR. MICHAEL FARRUGIA: Nirreferi lill-Onor. Interpellant għat-tweġiba li tajt għall-Mistoqsija Parlamentari 31268.
Seduta 490
06/03/2017
BORD TAL-FOSTERING - PRASSI
31455. L-ONOR. ROBERT CUTAJAR staqsa lill- Ministru għall-Familja u Solidarjetà Soċjali: Jista' l-Ministru jgħid għaliex il-prassi li ilha tintuża għal numru ta' snin fir-rigward li l-Bord tal-Fostering minbarra f'Malta jiltaqa' ukoll regolarment fil-gżira Għawdxija issa twaqqfet ħesrem fuq deċiżjoni taċ-chairperson b'riżultat li din id-deċiżjoni qed toħloq inkonvenjent għall-foster carers li jgħixu f'Għawdex?
22/02/2017
ONOR. MICHAEL FARRUGIA: Ngħarraf lill-Onor. Interpellant illi l-Bord tal-Fostering qatt ma tella’ laqgħat ġewwa Għawdex.
Seduta 490
06/03/2017
DAR TAL-ANZJANI TAL-MOSTA – INKJESTI DWR NUQQASIJIET
31456. L-ONOR. ROBERT CUTAJAR staqsa lill- Ministru għall-Familja u Solidarjetà Soċjali: Jista' l-Ministru jpoġġi fuq il-Mejda tal-Kamra r-rapporti relatati mal-inkjesti li saru dwar nuqqasijiet li saru jew allegatament saru fid-Dar tal-Anzjani tal-Mosta?
22/02/2017
ONOR. MICHAEL FARRUGIA: Nitlob lill-Onor. Interpellant sabiex jirreferi għar-risposta li jiena tajt għall-mistoqsija parlamentari 29904 u ninfurmah illi m’għandi xejn iżjed xi nżid ma’ dik ir-risposta.
Seduta 490
06/03/2017
DAR TAL-ANZJANI TAL-MOSTA – ĦADDIEMA - XHIEDA
31457. L-ONOR. ROBERT CUTAJAR staqsa lill- Ministru għall-Familja u Solidarjetà Soċjali: Jista' l-Ministru jgħid kemm kien l-ammont ta' ħaddiema li jaħdmu fid-Dar tal-Anzjani tal-Mosta, li ssejħu fl-Uffiċini tad-Dipartiment tal-Anzjani sabiex jagħtu l-veduti/xhieda tagħhom dwar il-fatt li fl-istess dar, għal numru ta' ġimgħat, l-anzjani residenti ripetutament kienu qed jużaw l-istess frieket u skieken tal-plastik minflok ma jintremew u jintużaw oħrajn ġodda?
22/02/2017
ONOR. MICHAEL FARRUGIA: Nitlob lill-Onor. Interpellant sabiex jirreferi għar-risposta li jiena tajt għall-mistoqsija parlamentari 29904 u ninfurmah li m’għandi xejn iżjed xi nżid ma’ dik ir-risposta.
Seduta 490
06/03/2017
GĦAJNUNA MINN CSD GĦAT-TINDIF FIL-LOKALITÀ TA’ SAN PAWL IL-BAĦAR
31472. L-ONOR. GODFREY FARRUGIA staqsa lill- Ministru għat-Trasport u l-Infrastruttura: Jista’ l-Ministru jgħid x’inhi l-għajnuna li ngħatat mill-Cleansing Service Directorate (CSD) fejn jidħol tindif fil-lokalità ta’ San Pawl il-Baħar? Kemm hi stmata li tiswa din l-għajnuna? Jista’ l-Ministru jgħid kemm kienet l-għajnuna fis-snin 2015 u 2016?
22/02/2017
ONOR. JOE MIZZI: Ninforma lill-Onor. Interpellant li d-Direttorat għat-Tindif jagħti għajnuna kontinwa matul is-sena kollha lill-lokalita’ ta’ San Pawl il-Baħar.
Ta’ kuljum isir ġbir ta’ skart u knis ta’ toroq tul il-promenade kollha, l-pjazza ta’ Buġibba, Triq it-Turisti kif ukoll fiż-żona tal-Bus Terminus. Dan ix-xogħol isir ta’ kuljum mit-Tnejn sal-Ħadd, is-sena kollha.
Apparti hekk jiġu offruti diversi servizzi ta’ emergenza f'kull ħin tal-ġurnata, ġbir ta’ annimali mejta kif ukoll ħasil ta’ toroq matul ix-xhur tas-Sajf.
Dan ix-xogħol huwa stmat li jiġi jiswa lid-Direttorat għat-Tindif iktar minn €200,000 fis-sena.
L-ispiża konnessa mal-lokalità fl-2015 kienet ta’ €183,365 filwaqt li matul is-sena 2016 ġiet tiswa €209,654.
Seduta 490
06/03/2017
TINDIF TA’ BAJJIET
31473. L-ONOR. GODFREY FARRUGIA staqsa lill- Ministru għat-Trasport u l-Infrastruttura: Jista’ l-Ministru jgħid xi pjanijiet ta’ tindif hemm fejn jirrigwarda tindif ta’ bajjiet għal matul is-sajf li ġej?
22/02/2017
ONOR. JOE MIZZI: Ninforma lill-Onor. Interpellant, li fil-ġranet li għaddew sar pjan estensiv sabiex titneħħa l-ammont ta’ alka rekord li telgħet fuq il-bajjiet ramlin fix-xhur li għaddew, b'konsegwenza ta’ diversi maltempati li laqtu lill-pajjiżna.
Dan ser isir bi pjan organizzat, u li ser ikun lest fil-ħin għal meta jibda l-istaġun tas-Sajf.
Iktar minn hekk din is-sena għall-ewwel darba il-ħaddiema kollha tas-sezzjoni tal-bajjiet ser ikunu qed jaħdmu b'shift.
Wara li kien sar proġett pilota, permezz ta’ introduzzjoni ta’ shift fil-bajja tal-Mellieħa matul is-sena li għaddiet, dan irriżulta fil-pożittiv u għalhekk ġie estiż dan il-proġett għal fuq il-bajjiet kollha ta’ pajjiżna.
Bħalissa ninsabu fil-fażi konklusiva tal-manutenzjoni ta’ slielem u għamara oħra tal-baħar, li matul din is-sena din l-infrastruttura sofriet madwar €25,000 permezz ta’ irjieħat qawwija li laħqu lill-pajjiżna.
Infakkar ukoll li matul is-sena li għaddiet sar investiment f'opra tal-baħar għall-ewwel darba, u dan ser ikun l-ewwel Sajf li din l-opra tal-baħar ser tkun qed tintuża mill-bidu tal-istaġun.
Ser jiżdiedu ukoll l-ammont ta’ kontenituri tal-iskart f'diversi bajjiet, sabiex il-pubbliku jkollu fejn jiddisponi mill-iskart tiegħu.
Seduta 490
06/03/2017
CSD – KAŻIJIET TA’ ILMENTI
31474. L-ONOR. GODFREY FARRUGIA staqsa lill- Ministru għat-Trasport u l-Infrastruttura: Jista’ l-Ministru jgħid kemm kienu n-numru ta’ każijiet ta’ lmenti li rċieva l-Cleansing Service Directorate (CSD) matul l-2016? Kemm minn dawn ġew solvuti mill-:
a) CSD?
b) Kunsill Lokali?
c) entitajiet oħra?
22/02/2017
ONOR. JOE MIZZI: Ninforma lill-Onor. Interpellant, li matul is-sena 2016 ġew reġistrati 2,943 każ fid-Direttorat għat-Tindif.
Dawn ġew solvuti kif ġej :
Direttorat għat-Tindif 2,651
Kunsilli Lokali 137
Entitajiet oħra 57
In-numru ta’ każijiet li għadhom pendenti jammontaw għal 98. Fil-maġġor parti tagħhom dawn huma każijiet li jikkonċernaw żoni li s-sid tagħhom huwa l-privat. Nista’ ngħid li kollha qed jiġu segwiti u żgur li ser ikunu solvuti fil-jiem li ġejjin.
Seduta 490
06/03/2017
MARSASKALA - GROUND TAL-FUTBOL - XOGĦOL
31475. L-ONOR. GODFREY FARRUGIA staqsa lill- Ministru għat-Trasport u l-Infrastruttura: Jista’ l-Ministru jelenka fuq il-preparamenti tax-xogħol fuq il-ground tal-Football propost f’Marsaskala u f’liema stadju waslu?
22/02/2017
ONOR. JOE MIZZI: Ninforma lill-Onor. Interpellant li ġiet sottomessa l-applikazzjoni lill-Awtorita’ tal-Ippjanar u din ġiet rakkomandata għall-approvazzjoni mill-case officer. Il-każ instema’ mill-bord nhar it-28 ta’Frar, 2017. Sadanittant ġiet pubblikata is-sejħa għall-offerti u din għandha tagħlaq fis-7 ta’ Marzu 2017. Id-direttorat tal-PARKS beda l-proċess biex jaqla’ xi siġar affettwati mill-proġett u jinżergħu f’bnadi oħra amministrati minnu.
Seduta 490
06/03/2017
BELT VALLETTA – FUNTANA TA’ TRITONI - XOGĦOL
31476. L-ONOR. GODFREY FARRUGIA staqsa lill- Ministru għat-Trasport u l-Infrastruttura: Jista’ l-Ministru jelenka fuq il-preparamenti tax-xogħol dwar il-funtana ta’ Tritoni fid-daħla tal-Belt Valletta?
22/02/2017
ONOR. JOE MIZZI: Ninforma lill-Onor. Interpellant li l-proġett tar-restawr tal-funtana tat-Tritoni huwa proġett maħsub biex jerġa’ jagħti ħajja lill-funtana billi jsiru bosta xogħolijiet li kienu ilhom meħtieġa għal għexieren ta’ snin. Kien proprju f’din il-leġiżlatura li saru n-negozjati meħtieġa biex ix-xogħol li huwa maħsub jiswa’ EUR 4 miljun seta’ jinbeda.Huwa maħsub li jitlesta sal-aħħar ta’ din is-sena.
F’din il-fażi x-xogħolijiet prinċipali jinkludu dan li ġej:
· Iż-żarmar u r-restawr tal-figuri tat-Tritoni u l-plattin, li infatti ġja’ ittieħdu fil-Fonderia Artistica Ferdinando Marinelli ġewwa Firenze, l-Italja. Hemmhekk tneħħielhom il-konkos li kien jimla’ parti mill-figuri u sar sand blasting fuqhom bħala parti mir-restawr. Bħalissa qed ikun mistħarreġ l-aqwa trattament għar-restawr tagħhom. Qed ikun esplorat ukoll l-aqwa metodu sabiex isir il-plattin li jserraħ fuq idejn it-Tritoni.
· Ir-restawr tat-travertin, li jifformaw id-dawra dekorattiva tal-funtana. Tali xogħol qed isir wara li sar ittestjar tal-aqwa formula maħsuba li taqla’ kimiċi minn mat-travertin li tul iż-żmien neħħew ħafna mis-sbuħija ta’ din il-funtana.
· Qiegħed isir ukoll it-tħammil meħtieġ fil-parti fejn qabel kien hemm il-latrina pubblika bil-għan li ssir plant room maħsuba li tagħti s-servizzi mekkaniċi u elettriċi lill-funtana permezz ta’ tunnel li jgħaqqad il-plant room mal-funtana. Dan ix-xogħol qiegħed jitwettaq ukoll taħt il-ħarsien tas-Sovrintendenza tal-Patrimonju Kulturali, bil-għan li x-xogħolijiet isiru f’rispett sħiħ lejn l-istrutturi ta’ valur storiku.
L-Inġinier Joseph Scicluna qiegħed iservi bħala Project Manager għal dan il-proġett u qed isir monitoraġġ kontinwu bil-għan li x-xogħol li jsir ikun wieħed li jilħaq il-kwalita’ mistennija u jsir fiż-żmien previst.
Seduta 490
06/03/2017
XATT TAL-QAJJENZA - XOGĦOL
31477. L-ONOR. GODFREY FARRUGIA staqsa lill- Ministru għat-Trasport u l-Infrastruttura: Jista’ l-Ministru jgħid fiex wasal ix-xogħol tax-Xatt tal-Qajjenza?
22/02/2017
ONOR. JOE MIZZI: Ninforma lill-Onor. Interpellant li x-xogħol relatat max-xatt tal-Qajjenza f’Birżebbuġa jinsab fil-fażi ta’ l-implementazzjoni. Ix-xogħolijiet li għaddejjin bħalissa huma tqiegħid ta’ servizzi u kostruzzjoni ta’ bankini taħt is-supervizjoni ta’ Transport Malta. It-tieni fażi tal-proġett, man-naħa tal-bankina tal-bajja tinkludi f’pavimentar u ‘soft furniture’ li se tinbeda f’Ottubru ta’ din is-sena kif pjanat fil-programm ta’ xogħlijiet.
Seduta 490
06/03/2017
Dostları ilə paylaş: |