~ 68 ~
göndərilmiş sakinlərindən 108 nəfəri müharibənin alovları
içərisində məhv olaraq öz həyatlarını qurban veriblər.
Dağbilici Qarabağ müharibəsi illərində. 1992-ci ildən
indiyədək Dağbilici kəndi Qarabağ müharibəsində 5 nəfər
şəhid verib. Bunlar aşağıdakılardır:
Hacı Əliyev, Təbəssüm Aslanov. Rəfael Səfərov, Ömər
Nəsirov və Elnur Ağarzayev.
Hal-hazırda kənddə 2 Qarabağ əlili yaşayır. Bunlar Zaur
Ağasıyev və Alimşah Nəcməddinovdur.
Kənd ərazisində dəmyə şəraitində geniş biçənək sahələri
mövcud olduğuna görə qış üçün ot tədarükü hər mövsümdə
burada yaxşı təşkil edilir. Ot tədarükünün vaxtında və itkisiz
təmin edilməsi bu yerdə heyvandarlığın səmərəli səkildə
inkişaf etdirilməsinə münbit şərait yaradır.
Kəndin məhəllələri. Kənddə hal-hazırda aşağıdakı mə-
həllələr vardır: (Məhəllələrin adları onların kənddə çağırıldığı
adla yazıldı.)
1. Sələhli məhəlləsi. Ağsaqqalı sələhli Nadirşah
Qasımov.
2. Nədirqulular məhəlləsi. Bunlar kənddə böyük tayfa
olublar. Əvvəlcə Sələhlilərlə bir yerdə olsalar da sonradan
ayrılaraq müstəqil məhəllə olublar. Ağsaqqalı Şirin
Məmmədov, Mumlu kəndində yaşayan rəhmətlik Səfərəli
Şıxverdiyevin ulu nəsli Nədirqulular tayfasından olub.
Sonralar tayfanın bu qolu güclü inkişaf etdiyinə görə Mumlu
kəndinə köçmüş və indiyədək orada yaşayır.
3. Həmzəlilər məhəlləsi. Ağsaqqalı Bayram müəllim.
4. Gilanlılar məhəlləsi. Ağsaqqalı İzzədin Nuriyev. Bu
məhəllədə bir ev var, yəni bir ailə yaşayır. Artıq onlar
Həmzəlilər məhəlləsi ilə birləşmək üzrədir.
5. Mamazarlılar məhəlləsi. Ağsaqqalı Malik Həmidov.
Bu məhəlləyə Müşküruclülər də deyirlər.
6. Qaflanlılar məhəlləsi. Ağsaqqalı İlham Qaflanov.
~ 69 ~
7. Allahverdi əmi məhəlləsi. Bu məhəllədə yaşayanlar
tarixən uzaqgörən, bilici olublar. Bunların bir qolu Mumlu
kəndinə köç edərək orada yaşayır.
RƏVAYƏT. Deyilənə görə qədim zamanlarda Dağbilici
kəndindən Həcc ziyarətinə çoxlu zəvvar gedib. Bunlardan biri
də Hacı Əbdül baba olub. Hacı Əbdül baba sağlığında baxıcı
olub. Öncədən hər şeyi görə və deyə bilib. Dünyasını
dəyişdiyinə görə qəbri kənd qəbiristanlığındadır. Yerli əhali
Hacı Əbdül kişinin qəbrini indi də ziyarət edirlər. Kim
ürəyində hansı niyyəti tutub onun qəbrini ziyarətə gəlirsə
arzusu, istəyi yerinə yetir.
Deyilənə görə Hacı Əbdül babanın Zilheccə adında bir
qızı vardı. O, uzun ömür sürməsinə baxmayaraq möhkəm
yaddaşa malik bir insan idi. Zilheccə nənə Dağbilici kəndində
yaradılmış Folklor kollektivinin repertuarını zənginləşdirən bir
neçə qədim nəğməni kollektivə hədiyyə edib. Məsələn :
Mübarək həftə so (yeddi səhəng ). Bu nəğmənin tarixi böyük,
həm də qədimdir. Zilheccə nənə söhbət edirdi ki, bu qədim
nəğmə İsmayıllı rayonundakı Həftə so kəndi ilə bağlıdır. O
dövrlərdə indiki Şabranın Dağbilici kəndilə indiki İsmayıllı
rayonunun Lahıc kəndi arasında geniş iqtisadi əlaqələri olub.
Hər iki kənd bir-biri ilə möhkəm ticarət münasibəti yaradıblar.
Dağbilicidən Lahıca qax, qoz, müxtəlif ədviyyatlar, alça, alma
və armud qurusu, eləcə də doşab, bal və sair məhsullar
göndərilirdi. Lahıcdan isə Dağbiliciyə at nalı, bərsin, oraq, at
yəhəri, mis qablar (məcməyi, qazan, kəfgir, maşa) və digər
məişət əşyaları göndərilirdi.
~ 70 ~
Bugünkü Dağbilici kəndinin bir hissəsinin görünüşü
Kənddə aparılan qazıntılar barədə. Kənddə aparılan
qazıntılar zamanı qədim gil qablar və kərpic bişirmək üçün
istifadə olunan iki ədəd soba yeri aşkarlanıb. Kəndin
ağsaqqallarının dediyinə görə kəndin içərisi və ətrafları qədim
yurd yerləridir. Aparılan təsadüfü qazıntılar zamanı orada gil
qablar, insan sümükləri və digər əşyalar tapılıb.
Kənddən yetişən görkəmli və tanınmış şəxslər haqqında.
Kənddən yetişən görkəmli və tanınmış şəxslər çoxdur.
Lakin biz bu kitabda yalnız onların bir qismi haqqında
oxuculara məlumat verəcəyik:
Abımüslüm Baxşıyev – Əvvəlcə kənd müəllimi, sonra
ordu komandiri – polkovnik.
Bu cəsur insanı şəxsən tanıdığıma və mənim gənclik
yaddaşımda bir qəhrəman obrazı kimi dərin iz saldığına görə
bu kitabda onun haqqında bir qədər geniş söhbət açacağam:
HAŞİYƏ: Abımüslüm Baxşıyev əvvəlcə Altıağacda
kənd müəllimi işləyib. Müharibə başladığına görə cəbhəyə
çağırılıb. Orduda o, alay komsomol təşkilatının katibi, 416-cı
Azərbaycan diviziyasının siyasi rəhbərinin köməkçisindən
~ 71 ~
polkovnik rütbəsinədək yüksəlib. Müharibə dövründə Kerç
yaxınlığında gedən şiddətli döyüşlərdə fərqlənib.
Abımüslüm Baxşıyev cəsur bir Dağbilicili oğlu kimi
1941-1945-ci il Böyük Vətən müharibəsində uzun və
qələbələrlə dolu döyüş yolu keçib. Altı dəfə yaralansa da Allah
onu ölümdən qoruyub . Qafqazdan döyüşə atılan mahir döyüş
komandiri Ukrayna, Krım, Odessa, Kişinyov, Rumıniya,
Bolqarıstan və Avstriyayadək ağır və dağıdıcı döyüşlərin fəal
iştirakçısı olub.
Qırmızı Bayraq, üç dəfə Qırmızı ulduz, dörd dəfə I və II
dərəcəli Vətən müharibəsi ordenləri və bir çox medallara layiq
görülüb.
Oktay Sultanov – Tarix elmləri doktoru, professor.
Ramazan Məmmədov – biologiya elmləri üzrə fəlsəfə
doktoru.
Hüseyn Əliyev – Keçmiş “Bilici” sovxozunun sabiq
direktoru və kənd məktəbində direktor müavini vəzifələrində
işləyib.
Balaqadeş Sultanov – keçmiş kolxoz sədri.
Qurbanqulu Burcuyev – keçmiş kolxoz sədri.
Haqverdi Yarıyev – Əvvəlcə Bilici sovxozunun keçmiş
baş mühasibi, sonralar isə sabiq sovxoz direktoru vəzifəsində.
Məmməd Mahmudov – Azərbaycan KP Dəvəçi rayon
Komitəsinin təbliğat şöbəsinin keçmiş müdiri, Ağbaş
sovxozunun sabiq direktoru.
Muxtar Sultanov – müəllim və kənd tam orta məktəbin
direktoru işləyib.
Məmmədağa Ağayev – sabiq tam orta məktəb direktoru.
Saməddin Abdinov – kənd müəllimi və sabiq kənd
sovetinin sədri.
Bədrəddin Abdinov – Taxtalar kənd ümumi orta
məktəbinin direktoru.
Malik Həmidov – Dağbilici kənd tam orta məktəbinin
Dostları ilə paylaş: |