4
depozit əməliyyatları isə yalnız banklar və poçt rabitəsinin milli operatoru
tərəfindən həyata keçirilir.
Mərkəzi Bank - pul və valyuta siyasətinin müəyyənləşdirilməsi və həyata
keçirilməsi, ödəniş sisteminin tənzimlənməsi və inkişafı, bank nəzarətinin
həyata keçirilməsi, dövlətin beynəlxalq qızıl-valyuta ehtiyatlarının saxlanması
və idarə edilməsi kimi mühüm strateji dövlət əhəmiyyətli funksiyaları həyata
keçirir.
Mərkəzi banklar pul siyasətinin məqsəd və vəzifələrini yerinə yetirmək
üzrə maliyyə alətlərindən istifadə edərək bankların fəaliyyətinə təsir göstərir.
Mərkəzi Bank açıq bazar əməliyyatı vasitəsilə bankların likvidliyinə və bazarda
pul miqdarındakı dəyişikliyə yol aça bilir. Bankların likvidliyində meydana
gələn dəyişmələr isə öz növbəsində kredit və fond həcminə təsir edir.
Mərkəzi Bank uçot dərəcəsini və öz əməliyyatları üzrə faiz dərəcələrini
müəyyənləşdirir. Mərkəzi Bank uçot dərəcəsini müəyyənləşdirərkən ölkədəki
mövcud makroiqtisadi durumu və maliyyə bazarının vəziyyətini nəzərə alır.
Mərkəzi Bank öz əməliyyatları üzrə faiz dərəcələrini pul bazarının lik-
vidlik vəziyyətini nəzərə alaraq özünün açıq bazar, yenidənmaliyyələşdirilmə
və depozit əməliyyatları üzrə faiz dərəcələrini təsbit etməklə və ya hərraclarda
tələb və təklif əsasında müəyyənləşdirir.
Mərkəzi Bank kredit təşkilatlarına məcburi ehtiyatlar saxlamaq barədə
göstəriş verə bilər.
Mərkəzi Bank pul siyasətinin məqsədləri kontekstində kredit təşkilat-
larının yenidən maliyyələşdirilməsini həyata keçirir. Bu zaman verilən kreditlər
dövlət qiymətli kağızları, dövlətin və digər etibarlı emitentlərin qarantiyaları və
zaminliyi, xarici valyuta, qızıl, müxtəlif formada qiymətli metallar və digər
aktivlərlə təmin olunur. Belə kreditlər 6 aydan çox olmayan müddətə verilir və
həmin müddətə uzadıla bilər.
Mərkəzi Bank özünün müəyyən etdiyi şərtlərlə və qarşılıqlı razılaşma
ə
sasında kredit təşkilatlarından depozitlər cəlb edə və kredit təşkilatları
tərəfindən aparılan ayrı-ayrı əməliyyatları müvəqqəti məhdudlaşdıra, o cüm-
lədən onların əməliyyatları üzrə faiz dərəcələrinin aşağı və yuxarı hədlərini
müəyyənləşdirə bilər.
Öz növbəsində də, banklar tərəfindən bəzi сektorlara kredit açılması, bə-
zilərinə isə kredit verilməsində rədd siyasəti I halda sektorun inkişafına yol
açar, II halda isə sektorun daralması ilə nəticələnə bilər. Bankların kredit siya-
səti şirkətlərin istehsal siyasətinə və mənfəət həcminə birbaşa təsir edir. Hətta
banklar şirkətlərin iflasından qurtarmaq imkanlarına malikdirlər.
Ümumiyyətlə, bank kapitalının adekvatlıq əmsalı, bankların fəaliyyəti
real sektorun tərkibinə daxil olan müəssisələrin fəaliyyətindən çox fərqlidir:
1) Banklar fəaliyyətləri üçün lisenziyanı Mərkəzi Bankdan alır;
2) Bankın тəsisçilərinin şəxsi keyfiyyətləri, vicdan və xarakterləri özəl bir
araşdırma mövzusudur. Məsələn, Azərbaycanda bank inzibatçılarının mənəvi
5
keyfiyyətləri ilə bağlı tələblər «Banklar haqqında» Qanunda nəzərdə tutulur. Bu
da inzibatçıların «məqbul və lazımi keyfiyyətlərə malik şəxs» və «vətəndaş qü-
sursuzluğu» göstəricilərinə malik olmasını və bank sistemi üçün daha layiqli
namizədlərin seçilməsini şərtləndirir;
3) Lakin bu çoxluq hüdudsuz deyil, qanunla tənzimlənir. Məsələn, Azər-
baycan Respublikasında fəaliyyət göstərən kommersiya bankları və xarici bank-
ların yerli filialları üçün kapitalın tərkib hissələrini (komponentlərini), habelə
bank nəzarəti üzrə Bazel Komitəsinin müəyyən etdiyi prinsiplərə müvafiq surət-
də kapitalın adekvatlıq əmsallarını və onların hesablanması qaydalarını «Bank
kapitalının və onun adekvatlığının hesablanması qaydaları»müəyyən edir;
4) Banklar mal deyil, satınalma gücü istehsal edir. Bankçılıq pul ticarəti
deməkdir, yəni ucuz faizə aldığı pulları, daha yüksək faizə sataraq mənfəət əldə
edir;
5) Banklar rentabellik, likvidlik və riskin bölüşdürülməsi prinsiplərinə
çox bağlıdır. Banklar əlindəki pulu mümkün olduğu qədər çox fiziki və hüquqi
şə
xslərə paylamaqlа yanaşı kassadakı aktivlərin müəyyən bir hissəsini likvid
formada saxlamaq məcburiyyətindədir.
Məsələn,
Azərbaycan
Mərkəzi Bankın
bankların likvidliyinin idarə olunması haqqında Qaydalar respublikada fəaliy-
yət göstərən kommersiya banklarının və xarici bankların yerli filiallarının lik-
vidlik riski və likvidliyin idarə olunması üzrə bankların daxili siyasət, qayda və
prosedurlarına dair minimum tələbləri müəyyən edir;
6) Banklar dövlət orqanları tərəfindən çox ciddi nəzarət altındadır. Məsə-
lən, Azərbaycan Respublikasının «Cinayət yolu ilə əldə edilmiş pul vəsaitlərinin
və ya digər əmlakın leqallaşdırılmasına və terrorçuluğun maliyyələşdirilməsinə
qarşı mübarizə haqqında» Qanunu - cinayət yolu ilə əldə edilmiş pul vəsaitlərinin
və ya digər əmlakın leqallaşdırılması və ya terrorçuluğun maliyyələşdirilməsi ilə
bağlı hüquq pozuntularının aşkar edilməsi və qarşısının alınması üçün hüquqi
mexanizmin yaradılmasına, belə pul vəsaitlərinin və ya digər əmlakın leqallaşdı-
rılması və terrorçuluğun maliyyələşdirilməsi məqsədilə maliyyə sistemindən isti-
fadə olunması imkanlarını istisna edən şəraitin yaradılmasına, bu sahədə dövlətin
və cəmiyyətin maraqlarının qorunmasına yönəlmişdir;
7) Qanun, banklara kassalarında borclarına qarşı hər an likvid aktivlərinin
nisbətini təsbit etdiyi halda, digər müəssisələrdə belə bir məcburiyyət yoxdur;
8) Banklar pul yaratmaqla tədavüldə pulun miqdarına təsir edərək qiymət
mexanizminə təsir edə bilir, lakin digər müəssisələrin belə bir təsiretmə
imkanları mümkün deyildir;
9) Nizamnamə kapitalının həcmi digər şirkətlərə nisbətətn çox yüksəkdir.
Hazırda Azərbaycanda yeni bank təsis etmək üçün 50 milyon manat tələb edilir;
10) MB bankların sağlamlaşdırılması və iflası zamanı lazımi tədbirlər və
proqramlar hazırlayır. Ona görə də böhran dövründə Mərkəzi Bank öz siyasə-
tini makroiqtisadi sabitliyin, bankların və sistem əhəmiyyətli müəssisələrin ma-
liyyə sabitliyinin qorunmasına, habelə iqtisadi artımın dəstəklənməsinə yönəlt-