29
enlizolaqlı süzgəclərdən və fotoelektrik gücləndiricilərdən istifadə
edilir.
Atmosferdə UB şüalanma güclü udulmaya məruz qaldığına görə
bu oblastda müşahidələr yalnız atmosferdən kənarda, 100 km –dən
yüksək məsafədə raket və kosmik peyklərlə mümkündür. Bunun üçün
hələ XX əsrin 50-ci illərindən müxtəlif vakuum monoxromatorları və
spektrometrləri hazırlanmışdır.
c) dalğa uzunluğu 1000 Å-dən kiçik uzaq UB oblast onunla
xarakterizə olunur ki, şüaların qəbuledici səthə normal istiqamətdə
düşməsi zamanı qayıtma əmsalı çox kiçikdir. Bu da praktiki olaraq
adi optik sistemlərin işığı toplamaq üçün istifadə olunmasını
mümkünsüz edir. Bundan əlavə,
λ= 100-1000 Å oblastda bu diapazon
üçün şəffaf material olmadığı üçün işıq qəbulediciləri açıq tipli
olmalıdır, yəni qəbuledicilər giriş pəncərəsiz olmalıdır.
Uzaq UB oblastda Günəşin, ulduzlararası və planetlərarası mühitin
çoxsaylı müşahidələri aparılmışdır. Son illər xüsusilə günəşdənkənar
obyektlərin müşahidələri intensiv şəkildə aparılmaqdadır. Buna səbəb
odur ki, son dövrlərə qədər günəşətrafı mühitdə hidrogenin sıxlığının
n
H
= 0.1 – 1 sm
-3
olduğu hesab olunurdu. Lakin 912 Å -lik dalğa
uzunluğunda (Layman seriyasının sərhəddi) bir hidrogen atomuna
düşən udulmanın effektiv kəsiyi 10
-17
sm
2
olduğundan və
λ
3
–lə
mütənasib azaldığından 200 - 912 Å diapazonda şüalanma
ulduzlararası mühit tərəfindən tamamilə udulmalı idi.
«Koopernik» peykində qurulmuş UB teleskopla ulduzlararası
mühitin udulma xətlərinin öyrənilməsi sübut etdi ki, Günəşdən 100
pk məsafədə belə ulduzlararası mühit UB şüalanmaya
gözlənildiyindən daha şəffafdır. Doğrudan da, son illərin
müşahidələri çoxlu sayda isti ağ cırtdanların və subcırtdanların,
30
habelə qalaktikadankənar obyektlərin UB şüalanmasını aşkar etdi.
Bundan başqa, 1000-3000 Å diapazonda artıq on minlərlə müxtəlif
təbiətli UB şüalanma mənbələri aşkar olunmuşdur.
Məlumdur ki, temperaturu 10000 K-dən yüksək olan obyektlərin
şüalanmasının əsas hissəsi 3000 Å–dən kiçik diapazona düşür. Bu
obyektlərin spektri UB oblastda onların temperaturu, ener$i
paylanması, kimyəvi tərkibi və atmosferin xassələri haqqında
informasiya daşıyır. Bir çox geniş yayılmış elementlərin şüalanma və
udulma rezonans xətləri UB oblastda yerləşir və bu xətlərin
müşahidəsi fiziki şəraiti öyrənmək üçün mühüm vasitədir.
Günəşdə plazmanın temperaturu 30-50 min dərəcə tşkil edir,
daxili tacda isə 10
6
K-ə çatır. Ona görə fotosferdən uzaqlaşdıqca
atomların ionlaşma dərəcəsi artır və şüalanma spektri UB oblasta
sürüşür. Bu oblastda udma əmsalı dalğa uzunluğu kiçildikcə artır və
qəbul olunan şüalanma atmosferin getdikcə daha yüksək qatlarında
üzə çıxır. Beləliklə fotosfer şüalanması xromosferə 1700 Å
yaxınlığında, xromosferdən taca isə uzaq UB oblastda keçir. Bu
zaman 1500 Å yaxınlığında fotosferin kəsilməz spektri yox olur və
daha qısadalğalı oblastda xromosfer və tacın xətti şüalanma spektri
üstünlük təşkil edir.
Günəş spekrində UB oblastda L
α λ1216 Å, HeIλ584Å,
HeIIλ304Å, bundan başqa oksigenin karbonun, azotun və s.
xətlərinin müşahidəsi mühüm əhəmiyyətə malikdir. Spektral
ayırdetməsi 10
-2
Å- çatan UB spektrləri əsasında xromosferdə və
tacda
olan fiziki şərait, atom və ion konsentrasiyası, müxtəlif
həyəcanlandırma mexanizmləri və alışmalara gətirib çıxaran bir çox
proseslər öyrənilmişdir.
31
1959-cu ildə L
α
xəttində gecə səmasının diffuz şüalanması aşkar
olundu. Müşahidələr sübut etdi ki, bu xətt Yerdən 10 yer radiusu
qədər məsafədə geotacda yerləşən hidrogen atomunun Günəşdən
gələn şüalanmanı udaraq yenidən şüalandırması nəticəsində yaranır.
Bundan başqa Yerin, həm də Günəş şüalanmasını HeI
λ 584 Å
xəttində səpən helium tacı da mövcuddur.
Planetlərin UB fotometrlərlə və spektrometrlərlə tədqiqi üçün
əsasən onun atmosferinin aşağı hissəsini və səthini peyklərdən
müşahidə edirlər. Planet səthinin parlaqlığı, atmosfer təzyiqi, kimyəvi
tərkib və temperaturun təyini, temperatur və tərkibin hündürlüyə görə
atmosferdə paylanması və s. belə məsələlərdəndir.
Günəşdənkənar mənbələrin UB oblastda tədqiqi 1000-3000 Å
oblastda görüş sahəsi bir neçə dərəcə olan geniş formatlı
fotometrlərdə aparılmışdır. Tədqiqatlar göstərmişdir ki, UB oblastda
ümumi şüalanma sahəsi bu diapazonda qalaktikanın diskinə doğru
maddə paylanması artdıqca böyüyür. Diskret mənbələrin tədqiqində
iki istiqamət yaranmışdır. Birinci istiqamət müxtəlif tip obyektlərin –
cavan ulduzların, dumanlıqların, alışan ulduzlaın, qalaktikaların
fotometrik və kiçik ayırdetməli spektroskopik müşahidələridir.
Alınan nəticələr kataloqlaşdırılmaqdadır. Belə müşahidələrə OAO-
2A, TD-1A, ANS peyklərində aparılmış fotometrik ölçmələr və
obyektiv prizmalı teleskopla aparılmış Soyuz-13, Apollon -16, OKS
Skayleb misal ola bilər.
λ < 3000 Å oblastında seyfert qalaktikalarının, BL Lac tipli
obyektlərin, kvazarların və digər qalaktikadankənar obyektlərin
kəsilməz spektrinin qeyri-istilik təbiəti öyrənilir. Bütün başqa
diapazonlarla yanaşı, UB oblastda bu obyektlərin tədqiqi onların
32
ener$i mənbəyinin təbiətini öyrənməyə, nüvəsindəki aktivliyin
səbəblərini başa düşməyə kömək edir.
2.3. Uzaq UB oblastda müşahidə optikası
Məlumdur ki, optik şüşələr λ < 3000 Å oblastında qısa dalğalı UB
şüalanmanı tamamilə udur. Kvars şüşə λ < 1700 Å oblastında
şəffafdır. Deməli, yaxın UB oblastda teleskop-refraktor da hazırlana
bildiyi halda, uzaq UB oblastda yalnız reflektorlardan istifadə etmək
olar. Hazırda buraxma sərhəddi uzaq UB oblastda yerləşən bir neçə
kristal məlumdur. Bunlar sapfir (1425Å), kvars (1700 Å), LiF (1050
Å), MgF
2
(1150 Å), CaF
2
(1225 Å), BaF
2
(1350 Å)-dir (Şəkil 2.3.1).
Bu kristalların tətbiqində əsas çətinlik onların qalınlığı artdıqca
buraxmasının azalması və böyük diametrli linzalar düzəltmək
mümkün olmamasıdır. Bu kristalların bir sıra xassələri, məsələn,
kosmos şəraitində şüalanmadan dəyişdiyi üçün onlardan düzəldilən
optik hissələr üzərinə xüsusi tələb qoyulur ki, bu da əlavə texniki
çətinliklər yaradır.
Bütün yuxarıda sadalanan çətinliklər ona gətirib çıxarır ki, bu
materialları kiçik sahəli (3-4 sm
2
) süzgəclər və fabri linza kimi,
yaxud qəbuledicilər üçün fotonları buraxan pəncərə kimi istifadə
edirlər.
Alüminium təbəqəsi λ < 2000 Å oblastında əksetdirmə
qabiliyyətini itirir, ona görə güzgülərin üzəri başqa maddələrlə
örtülür. Şüalar səthə perpendikulyar düşdükdə məlum olmuşdur ki,
hər bir spektral diapazona özünəməxsus əksetdirici material tətbiq
olunur. Məsələn, Al+MgF
2
üçün