Radioaktiv yoluxma zonasından çıxdıqdan sonra təcili surətdə dezaktivasiya,
yəni, radioaktiv tozu kənar etmək lazımdır. nsan bədənindən radioaktiv
maddələrin kənar edilməsi sanitar təmizlənməsi ilə həyata keçirilir.
Dezaktivasiya nüvə istehsalında, radioaktiv izotoplarla iş zamanı təhlükəsizlik
qaydalarına riayət edilmədikdə, radioaktiv tullantılar daşınarkən baş verən
qəzalardan sonra ətraf mühitin radioaktiv çirklənməsi zamanı həyata keçirilir.
Müharibə dövründə dezaktivasiya tədbirləri düşmənin nüvə silahının tətbiqindən
sonra nəticələrin aradan qaldırılması zamanı həyata keçirilir. Bundan da əlavə,
radioaktiv maddələrlə işləyən heyətin dezaktivasiyası planlı şəkildə daima həyata
keçirilir.
Radioaktiv yoluxma ilə mübarizədə radioaktiv maddələrin obyektlərin
üzərindən kənar edilməsi yeganə yoldur. Bu onunla izah olunur ki, radioaktiv
maddələrdə elementlərin radioaktiv bölünməsi baş verir. Bölünmənin sürətini
artırmaq və ya azaltmaq mümkün deyil, radioaktiv maddələri mikroorqanizmlər
kimi məhv etmək və ya kimyəvi maddələr kimi neytrallaşdırmaq mümkün deyil.
Dezaktivasiyanın əsas məqsədi – radioaktiv maddələrlə yoluxma səviyyəsinin
maksimal dərəcədə azaldılmasıdır.
Bu məqsədə çatmaq üçün fiziki və kimyəvi metodlardan istifadə olunur.
Yoluxmuş əşyaların (qurğuların) səthi ilə zəif əlaqədə olan radioaktiv maddələri,
məsələn, obyektin üzərinə düşmüş radioaktiv tozu fiziki metod ilə kənar edirlər
(tozu su ilə yumaq, parça ilə silmək, çırpmaq və s.). Dezaktivasiyanın fiziki
metdoları az effektli olduqda, yəni radioaktiv maddələr yoluxmuş əşyalarla
(qurğularla) möhkəm əlaqədə olduqda kimyəvi metodlardan (turşuların,
qələvilərin, yuyucu vasitələrin və s. radioaktiv maddələrlə əlaqədə olduqda su ilə
rahat təmizlənən digər birləşmələrin tətbiqi) istifadə olunur.
Paltarların ən sadə dezaktivasiya yolu – silkələmə, tozu taxta ilə çırpma, fırça,
tozsoran ilə təmizləmə, bu üsulların az effektliliyi zamanı, yuyucu vasitələrlə
xüsusi çamaşırxanalarda yuyulmadır.
Suyun dezaktivasiyası üçün bioloji süzgəclərdən istifadə olunur.
Yaxşı qablaşdırılmış məhsulların dezaktivasiyası üçün onları yuyurlar,
qablaşdırılmamış məhsulların dezaktivasiyası üçün isə onların üst səthlərini
soyurlar. Azqiymətli və kiçik miqdarlı məhsulları məhv edirlər.
Dezaktivasiyanın həyata keçirilməsinə nəzarət dozimetrik və radiometrik
cihazlarla yerinə yetirilir.
Dezaktivasiyanı həyata keçirən şəxslər mühafizə vasitələrindən istifadə etməli,
paltarın radioaktiv yoluxmasına vaxtaşırı dozimetrik nəzarəti yerinə yetirməli və
dezaktivasiyanı keçirdikdən sonra tam sanitar təmizlənməlidir.
45. Tam və qismə n sanitariya tə mizlə nmə si.
Radiasiyalı, kimyəvi və bioloji təhlükəli obyektlərdə qəzalar baş verdikdə və
kütləvi qırğın silahları (nüvə, kimyəvi, bioloji) tətbiq edildikdə insanların dərisi,
paltarları, texniki vasitələr, binalar, mühafizə qurğuları və ərazi radioaktiv,
kimyəvi, güclü təsirli zəhərli maddələr və bioloji vasitələrlə zəhərlənə bilər.
Radioaktiv maddələrin təsiri bir neçə gün ərzində, damcı şəklində olan
zəhərləyici maddələr bir neçə gün, soyuq vaxtlarda isə bir neçə həftə və ay davam
edir. Bioloji vasitələrin təsir müddəti bir neçə gün və ay ola bilər.
Adamlar zəhərləndikdə sanitariya təmizlənməsi, ərazilər, qurğular, binalar,
texniki vasitələr xüsusi təmizləmə keçməlidirlər. Sanitariya təmizlənməsi –
adamların bədəninin və paltarlarının zəhərlənmələrdən təmizləməkdən ibarətdir.
Bu təmizləmə qismən və tam ola bilər.
Qismən təmizləmə zədələnmə ocaqlarında və yaxud onlardan çıxandan sonra
vaxt az olduqda bədənin açıq hissələrini müstəqil təmizləməklə bitir. Radioaktiv
maddələrlə zəhərləndikdə qismən sanitariya təmizləmə bu ardıcıllıqla aparılır:
-əlehqazı (respiraturu) çıxarmadan üst paltarları çıxarıb silirlər, süpürürlər və
çırpırlar;
-ayaqqabıları yaş əski ilə silir və yaxud yuyurlar;
-əlehqazların (resiraturun) çantasını silirlər, üzlü borucuğunu, qutusunu yaş əski ilə
silirlər;
-əlehqazı (respiratoru), əlcəkləri çıxarıb üzü, boynu, əlləri təmiz su ilə yuyub, ağzı
və boğazı qarqara edirlər.
Insanların dərisi və paltarı damcı – maye halında zəhərləyici maddələrlə
zəhərləndikdə qismən sanitariya təmizlənməsi təcili olaraq yerinə yetirilir. Bunun
üçün kimya əleyhinə paketin və ya maya ilə isladılmış tənzif dəsmalla, dərini,
paltarı və əleyhqazın üzlüyünü sürtmək lazımdır.
Tam təmizləmə vaxt çox olduqda zədələnmə ocaqlarından çıxandan sonra,
sanitar yuma məntəqəsində aparılır. Bu vaxt adamların bədəni isti su ilə, sabunla
və hamam lifi vasitəsilə yuyulur.
Xüsusi təmizləmə dezaktivasiya, deqazasiya və dezinfeksiyadan ibarətdir.
46. Fövqəladə hadisələr zamanı idarə edilmə və idarəetmə məntəqələri.
Sülh və müharibə dövrlərində mühafizə tədbirlərinin vaxtında və
müvəffəqiyyətlə yerinə yetirilməsini təmin edən başlıca şərtlərdən biri – FHN –nin
mülki müdafiə qüvvələrinin düzgün idarə edilməsidir.
Idarəetmənin mahiyyəti – MM rəhbər və qərargahının özlərinə tabe olan
qüvvələrə daim rəhbərlik etməsindən, onların fəaliyyətini qarşıda duran
vəzifələrinin icrasına yönəltməkdən ibarətdir.
Mülki müdafiənin idarə edilməsi üzrə əsas vəzifələr bunlardır:
-MM tədbirlərinin və dəstələrinin fəaliyyətinin əvvəlcədən planlaşdırılması, bu
planların vaxtaşırı olaraq dəqiqləşdirilməsi;
-sülh və müharibə dövrlərində fövqəladə hallar baş verərkən yaranmış vəziyyət
barədə məlumatların fasiləsiz surətdə toplanması və öyrənilməsi;
-fəaliyyət üçün vaxtında qərar qəbul edilməsi və onun icraçılara çatdırılması;
-qarşılıqlı fəaliyyətin təşkili və görülməli işlərin hərtərəfli təmin və təzhiz
olunması;
-iş tapşırıqlarının tabelikdəkilər tərəfindən vaxtında icra edilməsinə nəzarət və
onlara lazımi yardım göstərilməsi;
-MM dəstələrində və qərargahlarında şəxsi heyətin yüksək mənəvi – psixoloji
ovqatının saxlanması.
Ehtimal olunan hərbi münaqişələrinin xarakterindən, ölkədə xalq təsərrüfatının
vəziyyətindən və s. amillərdən asılı olaraq hazırda idarəetmə fəaliyyətinə yüksək
tələblər verilir. Bundan ən əsası aşağıdakılardır:
-idarəetmə qabiliyyətli olmalıdır. Bu MM rəhbərlərinin inamla qərar qəbul etmək
bacarığından və qərarın tabelikdəkilər tərəfindən icrasına qətiyyət və inadla nail
olmasından ibarətdir.
-idarəetmə çevik olmalıdır. Bu, vəziyyətin dəyişməsinin operativ və çevik surətdə
nəzərə alınması deməkdir.
-idarəetmə fasiləsiz və dayanıqlı olmalıdır; yəni bu sistem sülh və müharibə
dövrlərindəki hər cür fövqəladə hallarda tabelikdəki qüvvələrin fəaliyyətinə
fasiləsiz rəhbərlik etməyə imkan verməlidir.
-idarəetmə prosesində məxfilik rejiminə (xüsusən hərbi dövrdə) ciddi riayət
edilməlidir.
-idarəetmə işinə verilən ən əsas tələblərdən biri – onun bütün vəsilələrin – rəhbər
heyətin, idarəetmə orqanlarının digər heyətlərinin, rabitə və xəbərdarlıq
vasitələrinin və s. fəaliyyətə daimi hazır saxlanılmasıdır.
47. darəetmə məntəqələrinin təyinatı və yerləşdirilməsi.
Təyinatına və yerləşməsinə görə idarəetmə məntəqələri üç qrupa bölünür:
-ərazi idarəetmə məntəqələri;
-sahə idarəetmə məntəqələri;
-mülki müdafiənin hərbi hissələrində yaradılan idarəetmə məntəqələri.
darəetmə məntəqələrinin aşağıdakı növləri vardır:
-şəhər ehtiyyat idarəetmə məntəqələri – şəhər ərazisində, obyektlərdən kənarda
yerləşdirilir.
-şəhərdənkənar ehtiyyat idarəetmə məntəqələri - dərəcəli şəhərlərin və obyektlərin
ehtimal olunan dağıntılar zonasından və subasma təhlükəsi olan zonadan kənarda
yerləşdirilir;
-köməkçi idarəetmə məntəqələri – keçirilən MM tədbirlərinin və MM qüvvələrinin
ehtiyyat idarəetmə məntəqələrindən idarə edilməsi çətinləşdikdə və ya mümkün
olmayan hallarda yaradılır;
-səyyar idarəetmə məntəqələri – ehtiyyat idarəetmə məntəqələrininəsas tərkib
hissəsidir. Sülh və müharibə dövründə, MM qüvvələrinin hərəkəti zamanı, onlara
bilavasitə rəhbərliyi təmin etmək üçün yaradılır;
-hava idarəetmə məntəqələri – “Azərbaycan hava yolları” konserninin təyyarə və
vertolyot bazalarında təşkil olunur.
Idarəetmə məntəqələri burada yerləşən idarəedici heyətin fövqəladə hallarda
fasiləsiz işini, normal həyat fəaliyyətini və etibarlı mühafizəsini təmin etməlidir.
Bir sıra MM rəhbərləri üçün idarəetmə məntəqələri əvvəlcədən tikilmiş
mühafizə qurğularında təşkil olunur.
Idarəetmə məntəqələri, rabitə qovşaqlarının və ümumdövlət rabitə şəbəkəsinin
imkanlarından maksimum istifadə edilməsi nəzərə alınmaqla tikilir və avadanlıqla
təmin olunur.
Idarəetmə məntəqələri adətən aşağıdakı otaqlardan ibarət olur:
-MM rəhbərinin iş otağı;
-digər heyət, yəni operatorlar və telefonçu – operatorlar yerləşən operativ iş otağı;
-xidmət rəislərinin (mütəxəssislərin) iş otağı;
-rabitəçilər qrupu yerləşən rabitə qovşağı;
-növbələrlə dincəlmə otağı;
-idarəetmə məntəqəsinin heyəti üçün fərdi mühafizə vasitələri, ərzaq, su ehtiyatları
və s. saxlanılan otaq;
-sanitariya qovşağı.
48. MM – də rabitənin növləri və xəbərdarlıq sisteminin vəzifələri.
Rabitə - idarəetmə sisteminin tərkib hissısidir və onun əsas vasitələrindən
biridir. Rabitə olmadan fasiləsiz və çevik idarəetmə mümkün deyil. Xüsusən,
fövqəladə hallar yaranan dövrdə, müharibə vaxtı, habelə təbii fəlakətlər və güclü
istehsalat qəzaları baş verən şəraitdə rabitə çox böyük əhəmiyyət kəsb edir. Buna
görə də MM – in bütün vasitələrində - obyektlərdə, rayon və şəhərlərdə,
respublikada onun rəhbərinin qərarları ilə müvafiq rabitə və xəbərdarlıq sistemləri
təşkil edilir.
Bütün səviyyələrdən olan rabitə sisteminin əsas vəzifələri – tabelikdəkilərin
fasiləsiz idarə edilməsini, qarşılıqlı fəaliyyətin təşkil olunması və saxlanmasını,
həmçinin sərəncamların, siqnalların və məlumatların vaxtında verilməsi və qəbul
olunmasını təmin etməkdən ibarətdir. Rabitə - yuxarı təşkilatın rəhbəri, tabelikdəki
qüvvələr və qoşunlar, həmçinin qarşılıqlı fəaliyyət göstərən orqan və qüvvələr
arasında təşkil edilir.
Rabitə sistemi işə daim hazır vəziyyətdə saxlanmalı, informasiyanın etibarlı
surətdə fasiləsiz, dəqiq və tez çatdırılmasına imkan verilməlidir.
Rabitənin təşkili üçün radiotelefon (məftilli rabitə), səyyar və siqnalla rabitə
vasitələrindən istifadə olunur. Bunlara rabitənin növləri deyilir.
Radio və telefon rabitə növü ən mürəkkəb şəraitdə belə, istənilən məsafədəki
çoxlu orqanlarla, eyni zamanda və dərhal rabitə yaradıb əlaqə saxlamağa imkan
verir.
Mə ftilli rabitə vasitələrindən isə həm sülh, həm də hərbi dövrdə mülki
müdafiənin bütün vasitələrindən daha geniş istifadə olunur.
Səyyar rabitə vasitələri xüsusən xilasetmə işləri aparılan vaxt cürbəcür
operativ sənədləri, şifahi sərəncamları, məlumat və xəbərləri icraçılara, eləcə də
yuxarı qərargahlara çatdırmaq üçündür. Səyyar rabitə vasitəsi kimi təyyarələrdən,
vertolyotlardan, avtomobillərdən və digər nəqliyyat vasitələrindən, bir sıra hallarda
isə hətta piyadalardan da istifadə edilə bilər.
Siqnalla rabitə vasitələrindən - əhalini xəbərdar etmək, habelə göstəriş və
siqnalları təkrar vermək məqsədilə istifadə olunur. Siqnal vasitələri elektrik və əl
sirenalarından, siqnal raketlərindən, yəni işıq və səs siqnalı verən vasitələrdən
ibarətdir.
Xəbərdarlıq müvafiq MM rəhbərinin və yaxud yuxarı qərargahın göstərişlərinə
ə
sasən təşkil edilir.
49. Obyektlə rdə və şə hə rlə rdə (rayonda) rabitə sisteminin təş kili.
Rabitə sistemi əmin amanlıq dövründə mövcud olan rabitə qovşaqları,
stansiyaları və xətlərindən, eləcə də MM qərargahlarının tabel rabitə vasitələrindən
istifadə olunmaqla təşkil edilir.
Şəhərin (rayonun) ərazisində vahid MM rabitə sistemi yaradılmalıdır. Buna
bütün mövcud qüvvə və vasitələri, o cümlədən də dolayı rabitə xətlərini bir
mərkəzdə
(MM
rabitə
xidmətində)
cəmləşdirmək,
onlara
rəhbərliyi
mərkəzləşdirilmiş halda planlaşdırmaq və rabitənin bütün növlərindən kompleks
halında istifadə etməklə nail olmaq mümkündür.
Şəhərin (rayonun) rabitə xidməti imkan verməlidir ki, MM rəhbərləri öz
idarəetmə məntəqələrindən tabelikdəki təşkilatların və mülki müdafiə qərargahları,
ə
razi MM dəstələrinin komandirləri, kəşfiyyat orqanları, əhalini köçürmə
(qəbuletmə), həmçinin hər cür təhlükəli hallar barədə vəzifəli şəxsləri və bütün
ə
halini vaxtında xəbərdar etmək mümkün olsun.
Obyektlərdə də rabitənin rolu və əsas vəzifələri mahiyyətcə şəhərdə (rayonda)
olduğu kimidir. Burada rabitə sistemi konkret olaraq müəssisənin rabitə qovşağını,
obyekt idarəetmə məntəqəsinin rabitə qovşağını və MM dəstələrinin rabitə
vasitələrini özündə birləşdirir.
ri müəssisələrdə rabitə qovşaqlarında, adətən, istehsalat avtomat – telefon
stansiyası ( ATS), radioyayım qovşağı, texnoloji rabitə xətləri (sexlərdə, şöbələrdə
dispetçer rabitəsi) olur.
Obyektlərin idarəetmə məntəqələrindəki rabitə qovşağında isə kommutator
(telefon stansiyası) radiorabitə vasitələri (əsasən ultraqısadalğa), siqnal vasitələri,
vacib obyektlərdə isə həmçinin son bloklu xəbərdarlıq cihazı olmalıdır.
Hərbiləşməmiş MM dəstələrinin rabitə vasitələri – müxtəlif tipli telefon
aparatlarından, telefon kabelindən, ultraqısadalğa radiostansiyalardan və tabel üzrə
verilən digər avadanlıqdan ibarətdir.
Rabitə xidmətlərini icra etmək üçün obyektlərdə, eləcə də MM dəstələrində
rabitə qrupları və manqaları yaradılır. Bunların təşkilatı strukturu, şəxsi heyətinin
sayı və avadanlıqla təchizat normaları yuxarı MM rəhbərləri tərəfindən müəyyən
edilir. Obyektin rabitə sistemi MM – in bütün fəaliyyət məntəqələrində - yəni
müəssisənin daimi yerləşdiyi yerdə, köçürülmüş fəhlə və qulluqçular məskunlaşan
şə
hərdənkənar zonada, MM qüvvələri zədələnmə ocaqlarına yürüş edərkən və
xilasetmə işləri aparılan sahələrini etibarlı rabitə ilə təmin etməlidir.
50. Obyektlərdə və şəhərlərdə (rayonda) xəbərdarlıq sisteminin təşkili.
MM sistemində siqnalların və xəbərlərin verilməsi qaydası belədir;
Xəbərdarlıq siqnallarının həm respublika MM qərargahı tərfindən verilib regional
bölmələrə, şəhərlərə və rayon mərkəzlərinə çatdırılması mümkündür, həm də
siqnal, məlumat və xəbərlər şəhər rayon və obyekt MM qərargahlarının özləri
tərəfindən verilə bilər.
Xəbərdarliq sistemi obyektlərdə rəhbər heyətin, MM dəstələrinin və digər
işçilərinin iş və işdənkənar vaxt xəbərdar edilməsi qaydasını müəyyən edən
sənəddir.
Siqnal və sərancamları tez çatdırmaq üçün vacib obyektlərin MM – in
mərkəzləşdirilmiş avtomat xəbərdarlıq sisteminə qoşurlar.
Belə sistem obyektin özündə də yaradıla bilər.
Mərkəzləşdirilmiş avtomat xəbərdarlıq sisteminin tərkibi S – 40 və S – 28
elektrik sirenalarından, məsafədən idarəetmə və məcburi çağırış aparaturundan (M
- MCA) və rabitə xətlərindən (kanallarından) ibarətdir.
S – 40 elektrik sirenası küçələrdə qoyulmaq üçündür, səsi 300 – 700 metrdən
eşidilir. S – 28 sirenası isə sənaye müəssisələrinin səs küylü sexlərində qoyulur.
Təhlükə potensiallı obyektlər yerləşən sahələrdə isə, həmçinin lokal (məhəlli)
xəbərdarlıq sistemi də yaradılmalıdır. Bu sistem obyektlərin və ərazinin vahid bir
sturukturda birləşdirilmiş xəbərdarlıq vasitələrindən ibarətdir. Məqsədi – fövqəladə
hallar yarandığı barədə həmin obyektin işçilərini, habelə ehtimal olunan
zəhərlənmə, yaxud fəlakətli subasma zonalarında yerləşən müəssisələrin, idarə və
təşkilatların rəhbərlərini, eləcə də əhalini vaxtında xəbərdar etməkdir. Lokal
xəbərdarlıq sisteminin quraşdırılması sxemi və iş prinsipi məsələn, kimyəvi
təhlükəli obyektin radiotranslyasiya (radioyayım) qovşağı – buradan yaşayış
məntəqəsinə əvvəlcədən çəkilmiş xüsusi kabel xətti və son xəbərvermə vasitələri –
elektrik sirenaları, küçələrdəki səsucaldan cihazlar və mənzillərdəki radio
repreduktorlar.
Lokal xəbərdarlıq sistemindən istifadə qaydası belədir:
“ Kimyəvi təhlükəli obyektdə güclü təsirli zəhərli maddələrin ətrafa yayılması
ilə baş verən qəza hallarında növbətçi dispetçerin fəaliyyət qaydası haqqında
birtipli təlimat” mövcuddur. Bu sənədə görə, belə obyektlərdə fövqəladə hallar
yaranarkən müəssisənin növbətçi dispetçeri obyektdəki bütün işçilərə, həmçinin
2,5 km – dək radiusda yerləşən digər müssisələrin, idarə və təşkilatların
rəhbərlərinə, eləcə də əhaliyə xəbər vermək üçün müstəqil olaraq qərara gəlmək
səlahiyyətinə malikdir.
Dostları ilə paylaş: |