13. Kommensalizm və
mutalizm.
Kommensalizm – müxtəlif növdən olan iki orqanizmin elə yaşayış formasıdır
ki, bu zaman tərəflərdən biri digərinin qidasının istifadə edir, enunhesabına
qorunur və ya hər hansı bir fayda əldə edir, lakin ona heç bir zərər yetirmir.
Məsələn, adi qarğa öz yuvasını ağquyruq qartalın yuvası yanında quraraq,
düşməndən qorunur. Qartal isə qarğadan nə bir fayda, nə də bir zərər görmür.
Mutalizm – iki müxtəlif növdən olan orqanizmlərin elə birgə yaşayış formasıdır
ki, bu zaman tərəflər qarşılıqlı, faydalı və zəruri münasibətdə olur. Mutalizmdə
heyvanların biri o birisiz yaşaya bilmir. Məsələn, abdal xərçəng ilə
bağırsaqboşluqlu heyvan olan aktiniyanın birgə yaşayışını göstərmək olar. Hər iki
növ bir-birinə xeyir verir. Abdal xərçəng aktiniyadan ona görə istifadə edir ki,
aktiniya dalayıcı hüceyrələri ilə onu düşməndən qoruyur. Aktiniya isə oturaq həyat
tərzi keçirdiyi üçün xərçəngdən “nəqliyyat” kimi istifadə edir, eyni zamanda onun
qida qalıqları ilə qidalanır.
14. Amensalizm, parazitizm və yırtıcılıq.
Amensalizm – özü xeyir görməyən və başqasına birtərəfli ziyan vuran yaşayış
formasıdır. Hövzələrin dibində yaşayan qalxanxərçənglər torpağı daim qarışdırır və
oradakı və oradakı yosunların inkişafına mənfi təsir göstərir.
Parazitizm -parazitlə sahibin birgə yaşayış formasıdır. Bəzən parazit sahib
üzərində yalnız qida qəbulu zamanı olur və bir müddətdən sonra sahibi asanlıqla
tərk edə bilir. Məsələn, zəlilər, gənələr, qansoran həşəratlar və s. Bəzən isə
parazitlər uzun müddət sahibin üzərində və ya daxilində yaşayır və sahiblə sıx
bağlı olur. Parazit sahibin xaricində yaşadıqda ektoparazit, daxilində yaşadıqda isə
endoparazit adlanır.
Yırtıcılıq – bir heyvanın digəri ilə qidalanmasıdır. Məsələn, bütün ətyeyən
heyvanlar otyeyən heyvanlarla qidalanırlar.
15. Antropogen amillər.
Antropogen amillə
r – insanın təsərrüfat fəaliyyəti nəticəsində onu əhatə edən
ə
traf mühitə göstərdiyi təsirdir. Bu amillər vasitəli və bilavasitə ola bilər. Bilavasitə
təsirə misal olaraq, geniş ərazilərdə meşələrin qırılmasını, ov heyvanlarının hədsiz
sayda məhv edilməsini göstərmək olar. Bu isə bir sıra növlərin kəskin azalmasına,
bir çox hallarda isə tamamilə sıradan çıxmasına səbəb ola bilər.
Vasitəli antropogen amillər landşaft, iqlim, atmosferin fiziki vəziyyəti və
kimyəvi tərkibi, hidrosfer, torpaq və s.-nin dəyişməsi yolu ilə baş verir. Mühitin
sənaye və məişət tullantıları ilə çirkləndirilməsi ekoloji tarazlığın pozulmasına
səbəb olur.
16. Areal haqqında tə
lim.
Hər bir heyvan növünün özünəməxsus yayılma sahəsi, yəni arealı vardır. Areal
növün ekologiyası ilə sıx əlaqədardır. Ona görə də növün uyğunlaşmaları ilə
yanaşı, onun arealı da mühüm əlamət hesab olunur. Baxmayaraq ki, areal bütöv bir
sahə kimi göstərilir, əslində areal daxilində növ bütövlüdə deyil, müəyyən
biotoplarda yayılır.
Heyvanların yayılması tək-tək və qrup şəklində baş verir. Yayılma – növün
ayrı-ayrı fərdlərininyerdəyişməsi, xüsusilə onların arealdan kənarda yeni sahədə
məskunlaşmasıdır. Bu yayılmada iki cəhəti - ərazi boyu başdan-başa və maneəni
dəf edəndən sonra yayılmanı nəzərə almaq lazımdır. Əgər yayılmaya təsir göstərən
ə
lverişsiz mühit və maneə olmasa, heyvanlar müəyyən müddətdən sonra bütün Yer
kürəsində yayıla bilərlər.
17. Fiziki və bioloji maneələr.
Heyvanların yayılmasına təsir edən maneələri 2 yerə bölürlər: fiziki və bioloji
maneələr. Fiziki maneələr bunlardır: düzənlikdə yaşayanlar üçün dağ silsilələri,
rütubət sevənlər üçün quru iqlim, quruda yaşayanlar üçün su hövzələri, şirin suda
yaşayanlar üçün duzlu sular və s. Böyük ərazi də fiziki maneə kimi rol oynaya
bilər. Məsələn, bəzi quşlar arealını genişləndirə bilmirlər. Çünki, məsafə artdıqda
onlar bala çıxarmağa vaxt tapa bilmirlər. Əsil fiziki maneələr quruda yaşayanlar
üçün dəniz və okeanlar, dənizdə və okeanlarda yaşayanlar üçün isə materiklərdir.
Bioloji maneə dedikdə müəyyən növ canlıların yayılmasının qarşısını alan
mühitə yaxşı uyğunlaşmış bioloji qüvvələr – bitki və heyvanlar başa düşülür.
Məsələn, Avstraliyada göyərçinlər geniş yayılmışdır. Lakin onlar Zond adalarında
çox azdır. Çünki, Zond adalarında aöac həyat tərzi sürən meymunlar, sincablar və
kiçik yırtıcılar göyərçin yuvalarını dağıdırlar. Avstraliyada isə belə yırtıcılar
yoxdur.
18. Miqrasiya və onun səbəbləri.
Miqrasiya – heyvanların müə
yyən istiqamətdə və ilin müəyyən vaxtlarında
qanunauyğun halda yerdəyişməsidir. Miqrasiya latınca “köçmə” deməkdir.
Bütün canlılar ilin fəsillərindən asılı olaraq istər üfüqi, istərsə də şaquli
istiqamətdə yerlərini dəyişə bilirlər. Xüsusilə, dağlıq zonada, dərin su hövzələrində
heyvanların şaquli yerdəyişməsi baş verir. Məsələn, payızda dağlara qar yağdıqda
temperatur aşağı düşür, bu vaxt dağ keçiləri, dağ qoyunları, kəkliklər tədricən qida
ilə zəngin olan dağ yamaclarına enməyə məcbur olurlar. Onların ardınca yırtıcılar
– canavar, tülkü, qaplan da dağ ətəklərinə enir. Həmçinin, bəzi balıqlar və
onurğasız heyvanlar ilin müəyyən bir dövrünü suyun üst qatlarında, digər dövrünü
isə suyun dərinində keçirirlər.