Aydın Dadaşov
200
Yelena Ağayevlərin birliyində tamaşanı ustalıqla reallaş-
dıran dəqiq yozumlu rejissorun müstəsna əməyi oldu.
***
İmre Kalmanın “Bayadera” operettasına Azərbaycan
Dövlət Musiqili Komediya Teatrının səhnəsində 1940-cı
ildə, sonralar kinorejissor kimi “Ögey ana”, “Böyük dayaq”
filmlərini də ərsəyə gətirmiş Həbib İsmayılov, 1948-ci ildə
Şəmsi Bədəlbəyli quruluş vermişdilər. Böyük vətən mühari-
bəsinin başlanması birinci tamaşanın ömrünü yarıda kəssə
də, Firəngiz Şərifovanın – Odetta Derimontu, Kamal Kəri-
movun – Şahzadə Racı, Nəcibə Behbudovanın - Mariettanı,
Əlihüseyn Qafarlının – Lui Filippi, İbrahim Hüseynovun
Napoleon Sen Kloşu oynadıqları, musiqi və rejissor həlli
yüksək olan ikinci variant uzun müddət səhnədə qaldı.
“Bayadera” operettasının Cənnət Səlimova yozumunda
(2007) da bəstəkarın yaradıcılığına xas olan ənənəvi
valslardan, çardaşlardan, macar və qaraçı folklorundan başqa
yeni, ritmik fokstrotlara, şimmilərə geniş yer verilir. Bu
tamaşada kişiləri barmağında fırladan kasıb primadonna
Odetta Darimont rolunu soprano səsli, zərif plastikası,
gənclik təravəti ilə seçilən İnara Babayeva ustalıqla
oynadı. Onun Londonda universitet bitirmiş, bəstəkarlıqla
da məşğul olan zəngin hind şahzadəsi Rac (Firuz
Məmmədov), teatr tənqidçisi İştvanla sevgi macəraları
dramaturji strukturun əsasını yaradırdı. Lui Filippi Boris
Qrafkin, Napoleon Sen Klosini Emil Heydərov, Şahzadə Ra-
cın müəllimi, tərbiyəçisi saydığı hamisi Devini isə Əliməm-
məd Novruzov, məharətlə yaratdılar. Marietta rolunu isə
Rejissorluğun üslub problemləri
201
özünəməxsus işvə ilə oynayan Larisa Vinaqradovanın xəstə-
lənərək dünyasını dəyişməsi ilə onu bu rolda Marina Litvi-
nenki əvəzləməli oldu. Operettanın şərq-qərb motivini bir-
ləşdirməsi təkcə musiqidə deyil, dekorlarda, kostyumlarda,
geyimlərdə də öz əksini tapırdı.
Teatrda qadın aktrisalarının çoxluğunu, tamaşada isə
qadın personajlarının azlığını nəzərə alan quruluşçu rejisso-
run Bufetçi Co rolunu Cenniyə çevirməklə komizmi uğurla
yaradan sənətkar Tatyana Mordasovaya həvalə etməsi janr
təyinatının daha da zənginləşdirilməsində özünü doğrultdu.
Bununla belə, quruluşçu rəssamı İsmayıl Məmmədovun əsas
hadisələrin cərəyan etdiyi operetta tələbatına uyğun zəngin,
rəngarəng dekoru iştirakçılarla dolmadığından sadəcə fon
kimi qalmaqla təəssüf ki, mahiyyətcə də yeniləşə bilmədi.
Quruluşçu dirijoru Nazim Hacıəlibəyovun idarə etdiyi
orkestrin səsi isə xormeyster Vaqif Məstanovun azsaylı
truppasının səsini batırsa da, quruluşçu baletmeysterlər Zakir
və Yelena Ağayevlərin qurduğu rəqslər isə cəmisi bir neçə
məqamda hind elementlərini nümayiş etdirərək, bütövlükdə
solistlərin ətrafında passiv mövqe tutsalar da, tamaşa öz mis-
siyasını yerinə yetirdi.
***
Azərbaycan Dövlət Musiqili Komediya Teatrının
tarixində ilk dəfə olaraq əcnəbi operettasının dilimizdə
səslənməsi İmre Kalmanın “İddialı qaraçı” əsəri əsasındakı
tamaşa (2010) ilə başlanır. Bu ideyanın müəllifi, liberettonu
şair-tərcüməçi Səyavuş Məmmədzadə ilə birlikdə dilimizə
çevirmiş rejissor – pedaqoq Faiq Zöhrabov rol bölgüsünü,
Aydın Dadaşov
202
masaarxası məşqləri həyata keçirsə də, gözlənilmədən
dünyasını dəyişməsi ilə operettaya quruluş vermək Cənnət
Səlimovaya həvalə olunur. Cavanlığında qrafinyaya
vurulmuş, sevgisi cavabsız qaldıqda baş götürüb doğma
yerlərdən getmiş məşhur musiqiçi Paule Racın (Firuz
Məmmədov) ailə müstəvisində baş verənlər operettanın
strukturunu yaradır. Onun qızı Zaraya vurulan Qastonun qraf
nəslindən olduğunu gizlədərək özünün çoban olduğunu
göstərməsi komizmi artırır. Qastonun nökəri, cavanlıqda
aktyorluq etmiş, içki düşkünü olan Radonun (Ramiz
Məmmədov) imperator Frans İosifin qiyafəsində Zaranı
Qastona alması dramaturji düyünün açılışına yönəlir. Paralel
hadisələrdə Harre Racın qızı Zaradan iki yaş kiçik olan
Yuliçkaya (Nərgiz Kərimova) vurulması ikinci dramaturji
xətti bəyan edir. Racın Fransada musiqi təhsili alan atasını
skripka ifaçılığı üzrə yarışa çağıran oğlunun Yuliça ilə
əvvəldən bir-birini sevdiyinin üzə çıxması dramaturji maneə
yaradır. Hadisələrin gedişində əsl Frans İosifin gəlişi
komizmi gücləndirir. Finalda hər iki cütlüklərdən əlavə
Paule Racın da ilk sevgilisi qrafinya ilə evlənməsi hadisələri
şirin sonluqla bitirir.
İ.Bramsın macar rəqsini tamaşanın strukturuna əlavə
etməklə rəqs elementini gücləndirən dirijor Yalçın Adıgö-
zəlzadə, quruluşçu rəssamı İsmayıl Məmmədov, baletmeys-
terləri Zakir və Yelena Ağayevlər, xormeysteri Vaqif
Məstanov olan tamaşanın uğurlu alınmamasının bir səbəbini
baş rollar istisna olunmaqla daim milli tipajları oynayan
ifaçıların bəzən səhnədə oynadıqlarına, xüsusən
oxuduqlarına gülmələri idi ki, bu da böyük sənətkar
Rejissorluğun üslub problemləri
203
F.İ.Şalyapinin: “Təxəyyülü olmayan müğənninin yaradıcılıq
qısırlığını nə yaxşı səs, nə səhnə təcrübəsi, nə də effektli
fiqurlar xilas edə bilər. Təxəyyül rola həyatın özünü və məz-
mununu verir”
167
ittihamı, deyimini yada salır. Uğursuzlu-
ğun digər səbəbi isə, illərdən bəri operettaya musiqi dinlə-
mək üçün deyil, ifaçı müğənniyə dözümsüzlük göstərərək
“sevimli” tipajının onu az qala qıdıqlayıb güldürəcəyi məişət
komediyasının əttökən epizodlarına baxmağa gələn tamaşaçı
zümrəsinin çaşqınlığı ilə bağlamaq olar.
***
1939-ci ildən iki bölməsi (azərbaycan və rus dillində)
ilə fəaliyyətə başlayan Azərbaycan Dövlət Musiqili
Komediya Teatrının rejissor sənəti ilə bağlı bütöv bir
mərhələsi Cənnət Səlimovanın üzərinə düşdü. Şübhəsiz ki,
dramaturji sənət qanunlarını dərindən bilməsi ilə musiqi ilə
bağlı çatışmazlıqların üstünü örtə bilən bu rejissorun
tamaşalarında ilkin mənbənin bədii dəyərinin təqdimatında
mahiyyət daşıyıcısı olan obrazlılıq önə keçdi. Onun quruluş
verdiyi operettalarda hər bir personaj özünün səs imkanlarını
nümayiş etdirən vokalçı olmaqla bərabər, tipaj, obraz, bəzən
hətta xarakter göstəricilərinə belə sahib oldu. Qohum-
əqrəbanı, dost-tanışı, əhalini, xalqı səciyyələndirən xor və
balet truppası belə bu göstəricilər kontekstində mövcud oldu.
Hazırladığı kütləvi bayram tamaşalarında birgə çalışdığı
rəssam İsmayıl Məmmədov, baletmeysterlər Zakir və
Yelena Ağayevlər, xormeyster Vaqif Məstanov da hədəfin
əldə olunmasıda yardımçıya çevrilə bilirdilər.
167
Ф.И.Шаляпин. Литературное наследие. том 1.1960., с.264.
Dostları ilə paylaş: |