Akademik Abel Məhərrəmov və mətbuat (1996-2008-ci illər)
3
ÖN SÖZ
Kitabda Bakı Dövlət Universitetinin rektoru, Əməkdar
elm xadimi, millət vəkili, akademik Abel Məmmədəli oğlu
Məhərrəmovun Azərbaycanın uğurlu daxili və xarici
siyasətindən bəhs edən silsilə məqalələri, müxtəlif mövzular
ətrafında müəllifi olduğu materiallar və müsahibələri, elmi-
praktik konfranslarda, tədbirlərdə çıxış və mülahizələri,
parlament fəaliyyəti, xarici səfərləri və xarici qonaqlarla
keçirilən görüşləri, rektor olduğu müddətdə adını tarixə
«Qurucu rektor» kimi yazmasından bəhs edən çoxsaylı
məqalələr, həmçinin müxalifət qəzetlərində bir çox hallarda
qərəzçiliklə dərc edilən materiallar xronoloji ardıcıllıqla və
biblioqrafik məlumat şəklində toplanmışdır.
Nəzərə almaq olar ki, akademik Abel Məhərrəmovun
fəaliyyətinin digər sahələri, o cümlədən, elmi araşdırmaları,
televiziya və radio müsahibələri, müxtəlif tədbirlərdəki və
görüşlərdəki çıxışları bu kitabda qeyd olunmamışdır.
Bakı Dövlət Universiteti 90 illik yubileyi ərəfəsindədir.
Bu müddət ərzində onun tarixində iz qoymuş 23 rektoru ol-
muşdur. Səmimiyyətlə söyləmək olar ki, akademik Abel Mə-
hərrəmov xələflərinin irsini uğurla davam etdirməklə yanaşı,
adını bu təhsil ocağının tarixinə qızıl hərflərlə «Qurucu rektor»
olaraq yazmışdır. Rektor kimi işə başladığı ilk gündən bu gü-
nədək gərgin zəhmət, böyük məsuliyyətlə qarşısına qoyduğu
bütün işlərin öhdəsindən məharətlə gəlmiş və universitetin adını
dünyanın aparıcı elm və təhsil mərkəzlərinin sırasına yaza
bilmişdir. Akademik Abel Məhərrəmov Azərbaycan elminin
inkişafındakı xidmətlərinə görə Beynəlxalq qızıl EKO mükafat-
ına, Azərbaycan təhsilinin Avropaya uğurlu inteqrasiyasını
təmin etdiyinə görə Rumıniyanın Komandor dərəcəli «Qızıl
ulduz» ordeninə layiq görülmüş, kimya üzrə namizədlik və
Akademik Abel Məhərrəmov və mətbuat (1996-2008-ci illər)
4
doktorluq dərəcəsi verən İxtisaslaşmış Elmi Şuranın sədri,
Təhsil Nazirliyi Kollegiyasının üzvü, YAP İdarə Heyətinin
üzvü, Avroasiya Universitetlər Şəbəkəsinin İdarə Heyətinin
üzvü, Qara Dəniz Universitetlər Şəbəkəsinin vitse-prezidenti,
Əməkdar elm xadimi, millət vəkili, akademikdir. Akademik
Abel Məhərrəmov bu göstəricilərə ona görə layiq ola bilmişdir
ki, ömrünün bütün mərhələlərində heç bir çətinlikdən qorxma-
yıb, nədənsə şikayət etməyib, özlərini təsdiq etmədiklərinə bə-
raət qazandıranlarla bir sırada dayanmayıb. Akademik Abel
Məhərrəmov ona görə tanınmış sima, görkəmli elm xadimi ola
bilib ki, həmişə yüksək məsuliyyət hiss edib və bu məsuliyyət
özünün də dediyi kimi, marafon qaçışına bənzəyən həyat yol-
unda dayanıb nəfəs dərməyə, etdiklərindən zövq almağa, vəzifə
şərəfi duymağa ona aman verməyib.
Zəhmətsevərlik və yaradıcılıq, məqsədyönlü fəaliyyət və
vətənpərvərlik bu insanı daim narahat etmiş, yeni uğurlara
səsləmişdir.
Məhz bu səbəbdən də dövri mətbuatda akademik Abel
Məhərrəmov haqqında yüzlərlə məqalə işıq üzü görmüşdür.
Məqalələrin əksəriyyəti akademikin uğurlu fəaliyyətini əks
etdirmişsə də, bəzən düzü əyri görən «qələm sahibləri» də ol-
muş, ona qərəzçiliklə böhtanlar atmış, bəzi paxıl «dost»larının
dəyirmanına su tökmüşlər ki, demokratik insan olan
akademikin sağlam düşüncəsinə uyğun olaraq həmin yazılar
barədə də məlumat verilmişdir. Nəticədə bu kitabda 1000-dən
artıq məqalə haqda məlumat əksini tapmışdır. Əminik ki,
növbəti onilliklərdə bu yazıların sayı xeyli artacaq, qərəzçilik
azalacaqdır. Hörmətli akademikə şərəfli ömür yolunda uğurlar
arzulayırıq. Hesab edirik ki, «Abel Məhərrəmov və mətbuat
(1996-2008)» adlı kitab onunla tanış olan hər bir kəs üçün rek-
torun çoxşaxəli fəaliyyəti sayəsində qazanılmış uğurlarına
əyani sübutdur.