5
Tədqiqatın məqsədi və vəzifələri. Auditor yoxlamalarının planlaşdırılması,
auditor arayışının hazırlanması mərhələsində analitik proseduralardan istifadə
edilməsi metodikasının nəzəri cəhətdən işlənib hazırlanması və praktikada geniş
tətbiq edilməsi buraxılış işinin əsas məqsədini təşkil edir. Həmin məqsədə çatmaq
üçün aşağıdakı vəzifələr kompleksi müəyyən olunmuş və müvəffəqiyyətlə həll
edilmişdir:
- ölkə və xarici təcrübənin ümumiləşdirilməsi əsasında auditin mahiyyətinin və
respublikanın iqtisadi həyatında onun yeri və rolunun müəyyən edilməsi;
- auditdə istifadə olunan analitik proseduraların nəzəri, praktiki və metodoloji
əsaslarının işlənib hazırlanması;
- auditor yoxlamalarının aparılması prosesi ilə analitik proseduraların tətbiqi
mexanizminin qarşılıqlı əlaqələrinin müəyyən olunması;
- auditin təşkili prosesinin və onun idarə edilməsinin konkret alqoritmlərinin
əsaslandırılması;
- auditor yoxlamaları zamanı analitik proseduralarn istifadə edilməsi
mexanizminin işlənib hazırlanması.
Dissertasiya işinin nəzəri və metodoloji əsasını auditin və maliyyə təhlilinin
problemlərinə həsr olunmuş respublika və xarici ölkə iqtisadçılarının fundamental
tədqiqatları, beynəlxalq audit standartları, mühasibat uçotu, audit və vergitutma üzrə
əsas normativ-hüquqi sənədlər və bir sıra tanınmış auditor firmalarının fəaliyyət
təcrübəsi təşkil edir.
Tədqiqatın elmi yeniliyi analitik proseduralardan istifadə olunmaqla auditor
yoxlamalarının aparılması metodikasının təkmilləşdirilməsi ilə bağlı kompleks
praktiki məsələlərin qoyuluşu, nəzəri jəhətdən əsaslandırılması və həll edilməsindən
ibarətdir. Tədqiqat prosesində elmi yenilik sayıla biləjək aşağıdakı nətijələr əldə
edilmişdir:
- xaricdə və respublikada işlənib hazırlanmış metodikaların tənqidi təhlili
nəticəsində «analitik proseduralar» anlayışının mahiyyəti, məzmunu dəqiqləşdirilmiş
və onun məqsədi müəyən olunmuşdur;
6
- analitik proseduraların növləri müəyyən edilmiş və ölkənin audit təxrübəsində
onlardan istifadə imkanları araşdırılmışdır;
- auditin planlaşdırma və son mərhələsində analitik proseduraların tətbiqinin ilkin
şərtləri müəyyən edilmişdir;
- respublikada auditor yoxlamalarının aparılması zamanı istifadə olunan analitik
proseduraların tətbiqi alqoritmləri işlənib hazırlanmışdır;
- analitik proseduralardan istifadə sahəsində mövcud olan xarici təcrübənin
ümumiləşdirilməsi və tətbiqi imkanlarının öyrənilməsi auditorun «analitiak
proseduraların məqsədinin təyin olunması», «təhlil metodunun və informasiya
bazasının seçilməsi», «analitik qərarların qəbul olunması üçün kriteriyaların müəyyən
edilməsi», «nəticələrin ümumiləşdirilməsi», «yekun qərarın əldə edilməsi» kimi
fəaliyyət ardıjıllığını müəyyən etməyə imkan vermişdir:
- auditor yoxlamalarının planlaşdırma və son mərhələləri üçün zəruri olan
analitik proseduraların real fəaliyyət göstərən müəssisənin auditi prosesində tətbiqi
variantı təklif edilmiş və onlardan istifadənin səmərəliliyi nəzəri və praktiki cəhətdən
əsaslandırılmışdır.
Aparılmış tədqiqatın praktiki əhəmiyyəti Respublika Auditor Palatasının
təcrübəsində alınmış praktiki nəticələrin tətbiq edilməsinin mümkünlüyü ilə təsbit
olunmuşdur. İşin nəticələri auditor standartlarının hazırlanmasında da istifadə oluna
bilər.
İşin həcmi və strukturu. Magistr dissertasiya işi giriş, iki fəsil, nəticə və
təkliflərdən, istifadə edilmiş ədəbiyyat siyahısından ibarətdir.
I FƏSİL. AUDİTDƏ İSTİFADƏ EDİLƏN ANALİTİK
PROSEDURALARIN NƏZƏRİ VƏ PRAKTİKİ ƏSASLARI
1.1. Analitik proseduralar-auditor yoxlamalarının təşkilinin tərkib elementi
kimi
7
Auditor yoxlamalarının aparılması zamanı istifadə edilən analitik proseduralar
əsas iqtisadi göstəricilərin və parametrlərin təhlilini, mühasibat məlumatlarının faktiki
məlumatlarla, uçot məbləğlərinin auditor tərəfindən hesablanmış rəqəmlərlə
müqayisəsini əhatə edir. Göründüyü kimi, idarəetmənin ən mühüm funksiyalarından
biri sayılan auditdə analitik proseduralar auditor yoxlamalarının həyata keçirilməsi
prosesində auditora köməklik göstərilməsi və müəssisənin maliyyə-təsərrüfat
fəaliyyətinin kompleks təhlilinin aparılması məqsədilə tətbiq olunur. Bundan başqa
bütün proses ərzində analitik proseduralardan istifadə aparılan auditin keyfiyyətinin
yüksəlməsinə və sərf edilən vaxtın azalmasına bilavasitə müsbət təsir göstərir.
Qeyd etmək lazımdır ki, müasir bazar münasibətləri şəraitində auditdə istifadə
olunan analitik proseduralara iki mövqedən yanaşmaq mümkündür. Birinci halda
auditor mühasibat və maliyyə hesabatlarının reallığını və obyektivliyini sübut etməyə
imkan verən parametrlər blokunu müəyyənləşdirir. İkinci halda analitik proseduralar
auditin müxtəlif mərhələlərində tətbiq edilən zəruri auditor proseduraları kimi
nəzərdən keçirilir. Fikrimizcə, auditdə analitik proseduraların tətbiqinin zəruriliyi
uçotda, eləcə də mühasibat və maliyyə hesabatlarında əks etdirilmiş və araşdırmaq
üçün seçilmiş göstəricinin reallığının və doğruluğunun yoxlanılması ilə izah oluna
bilər. Aydındır ki, auditin aparılması zamanı aşkar edilmiş bütün nöqsanlar haqqında
faktların toplanılması analitik proseduralar vasitəsilə həyata keçirilir. Lakin, auditor
yoxlamalarının aparılma müddətinin məhdud olmsı, yerinə yetirilən iş və xidmətlərin
dəyərinin sifarişçi ilə bağlanılmış müqavilə əsasında qabaqcadan razılaşdırılması
səmərəli auditor proseduralarının seçilməsi problemini meydana çıxarır. Bu zaman
həmin proseduralardan faktiki nəzarətin, təftişin və yoxlamanın üsullarının və digər
analitik proseduraların fərqləndirilməsi obyektiv zərurətə çevrilir.
Qeyd etmək lazımdır ki, auditin aparılması prosesinin müxtəlif mərhələlərində
auditor özünün ixtisas səviyyəsinə və tədqiqat obyektinin xarakterinə görə yuxarıda
sadalanan proseduralardan birini seçir. Lakin, təcrübədə auditor bu və ya digər faktın
təsdiqi üçün reqlamentdə nəzərdə tutulmayan bir neçə auditor prosedurasından
istifadə edir və onların tətbiqi «ümumidən fərdiyə-yoxlama prinsipi» üzrə həyata
keçirilir. Bundan başqa, uçot obyektlərinin və maliyyə hesabtların yoxlanılması,