50
Əsasında mifoloji təsəvvürlərin yatdığı kurqanda dəfn adə-
tinin fəlsəfəsi ilə bağlı daha bir maraqlı məsələyə diqqət yetir-
mək yerinə düşər. Azərbayca-Fransa birgə ekspedisiyasının So-
yuqbulaqda qazdığı 4 №-li kurqanın (2006) çiy kərpicdən hörül-
müş divarlara sahib kamerasının döşəməsində ağac kömürü,
ağac dirək fraqmenti aşkar edilmişdir (Лионне Б…, 2002, s.
54). Eyni hala N. Müseyiblinin tədqiq etdiyi 12 №-li kurqanda
(2005) da rast gəlinmişdir. Burada, 50 sm dərinlikdə yanaraq kö-
mürləşən budaqların qövsvari kül yığınına rast gəlinmişdir. N.
Müseyiblinin yazdığına görə, külün olduğu yerdə gil tərkibli tor-
pağın yanaraq qızamış parçalarına rast gəlinib ki, bu da odun
məhz bu hissədə yandırıldığına dəlalət edir.
Maraqlıdır ki, 70 sm dərinlikdə qəbir kamerasının hər kün-
cündə bir ədəd şaquli istiqamətdə basdırılan, diametri 4-5 sm
olan ağacların yanmış budaqlarının külə çevrilmiş qalıqları aşkar
edilmişdir. Burada da bu qalıqlarla yanaşı yanaraq qızarmış tor-
paq qalıqları var idi (Müseyibli N., 2014, s. 23-24).
Burada odla təmizləmə və təmizlənmə adətinin izlərini görü-
rük. Bu adətin orta əsrlərə qədər davam etdiyini söyləyə bilərik. Be-
lə ki, XIII əsrdə tatarların dəfn adətlərini müşahidə etmiş Gilyom de
Rubrukun yazdıqlarından belə məlum olur ki, tatarlar qəbrin üzə-
rində torpaqdan təpə qurur, öz zənginləri üçün isə piramidalar
tikirdilər. Dəfn mərasimindən sonra isə təmizlənmə mərasimi icra
olunurdu. İki böyük tonqal qalanır və dəfndə iştirak edənlər onların
arasından keçirdilər (Путешествие к татарам.., 1825, s. 22).
Çuvaş türklərinin odun müxtəlif xəstəliklərdən qoruma gü-
cünə sahib olduğuna inandıqlarını yazan V.K.Maqnitski bildirir
ki, «ondan müxtəlif insan və heyvanları xəstəliklərdən qurtar-
maq vasitəsi kimi istifadə edirdilər. Əski türklər “diri odun”, yə-
ni başqa od və məşəl vasitəsi ilə əldə edilməyən, təbii yolla –
sürtünmə vasitəsilə alınan odun daha böyük gücə sahib olduğu
qənaətində idilər. Odur ki, xəstəliyə düçar olan adam və heyvanı
sağaltmaq üçün “diri od”dan istifadə edilərdi. Bunun üçün kənd-
dəki bütün ocaq və məşəllər söndürülər, bundan sonra çölün or-
tasına palıd kötüyü gətirir, onu başqa ağacla tüstülənənə qədər
51
sürtər və nəhayət, “diri od” əldə edərdilər. Dərhal ocaq qalayar,
onun üzərində yumurta qaynadar və bu ocaqdan bütün evlərə ya-
nar od aparılardı. Daha sonra isə iki böyük ocaq qalanar, kəndin
bütün əhalisi və mal-qara bu ocaqların arasından keçirilərdi ki,
xəstəliklərdən uzaq olsunlar» (Магницкий, 1881, s. 136).
Bənzər inancın Azərbaycanda da geniş yayıldığı məlumdur.
Belə ki, Azərbaycanda “oddan ailəni, eləcə də evi şər qüvvələr-
dən qorumaq üçün də istifadə edirdilər. Bu məqsədlə ilin son
çərşənbəsində ağacların budaqlarını yandırar və otaqları tüstüyə
verərdilər” (Azərbaycan etnoqrafiyası, III , 2007, s. 345). Eləcə
də “toy günü gəlini iki yanan şamla müşayiət edər, üç dəfə oca-
ğın başına dolandırar və onu odun qoruyucu qüvvəsinə tapşırar-
dılar. Yeni doğulmuş uşağın köynəyini oda tutar, sonra geyindi-
rərdilər. Qədim inanclara görə, axşam vaxtı evdən od çıxarmaq,
kimsəyə od vermək olmazdı, əks halda xeyir-bərəkət çəkilə bi-
lərdi. Hələ qədimdən Azərbaycanda camaat yığışıb gənc ailə
üçün ev tikər və ilk vaxtlar onların, od istisna olmaqla, lazımi
ehtiyaclarını təmin edərdilər. Gənclər isə özləri çaxmaq daşı ta-
pıb, od yandırmalı idilər. Bu insanların xoşbəxtliyi öz əli ilə qa-
zanmasının, ailənin möhkəmliyi üçün vacib şərt olduğuna işarə-
dir. Belə ki, ocağın külünü təzə ay doğanda çıxarıb xəlvət yerə
tökərdilər. Odun üstündən keçməzdilər. Ocağın közünü iti əşya-
larla qarışdırmazdılar. Yaşlı nəslin bəzi nümayəndələri indiyə-
dək "od sahibinin" insanı müxtəlif bəlalarla, xəstəliklərlə, xüsu-
silə də ev rahatlığını pozan bədbəxtliklərlə cəzalandıra biləcəyi-
nə inanırlar” (Azərbaycan etnoqrafiyası, III , 2007, səh. 345).
Azərbaycanın bir sıra bölgələrində müalicə məqsədi ilə isti-
fadə edilən ardıc ağacı həmişə yaşıllığına görə müqəddəs sayılıb.
Onu qırmaq günah hesab edilirdi. «Analoji olaraq altaylarda “ar-
tış” adlanan bu ağacın müalicəvi xüsusiyyətləri ilə bərabər, tüstü-
sündən evlərdən, insan və heyvanlardan bəd ruhları qovmaq üçün
istifadə edilir. Azərbaycan türklərində olduğu kimi, Sibir və Altay
türkləri də hesab edirlər ki, bəd ruhlar, pis niyyətli adamlar tikanlı
bitkilərdən qorxurlar» (Həkimova N. Tuncay B., 2016, s. 14).
52
Azərbaycanda və Anadoluda bəzi xəstəliklərin müalicəsi,
xüsusən də qorxunun götürülməsi zamanı ardıcdan və tüstüver-
mədən istifadə edilər və xüsusi ovsun oxunardı (Nəğmələr,
inanclar.., 1986, səh. 121).
Maraqlıdır ki, Azərbaycanın ilk tunc dövrünə aid kurqanla-
rının bəzisindən «aşkar edilən ağac qalıqları əsasında, onların
möhkəm və uzunömürlü ardıc ağacı növü oldugu müəyyənləşdi-
rilmişdir» (Cəlilov B. M., 2013, s. 84).
Türklərə məxsus Y-xromosomlar və kurqan abidələri yazı
öncəsi türk tarixinin öyrənilməsinin ən əsas qaynaqları kimi
Elmi ədəbiyyatda fərqli məktəblər tərəfindən «DNT geneolo-
giya» və ya «Genetik geneologiya» adlandırılan elm sahəsi əslin-
də geneologiya elminin bir istiqaməti kimi yaranıb. Hazırda onu
müstəqil elm sahəsi kimi nəzərdən keçirənlər daha çoxdur. Bu
sahə və ya istiqamət ənənvi geneoloji metodlarla yanaşı DNT
analizlərinin nəticələrindən istifadə etməklə, insanların və ya
insan topluluqlarının qədim əcdadlarını və yaxın qohumlarını mü-
əyyənləşdirməklə məşğuldur. Bu zaman irsiyyəti təmin və təyin
edən Y və X xromosomlarının tədqiqinə diqqət yetirilir. Amma
ulu əcdadların üzə çıxarılması və nəsil ağacının rekonstruksiyası
məqsədilə daha çox Y-xromosomların tədqiqi əsas götürülür.
Niyə məhz Y-xromosomlar?
Məlum olduğu kimi irsiyyətin müəyyən edilməsinin əsasını
təşkil edən və tərkibi dezoksoribonuklein turşusundan (DNT)
ibarət olan cinsi xromosomlar iki tipə bölünürlər: Y və X xro-
mosomları. Hər adamda iki xromosom var. Bunlardan biri ona
atasından, digəri isə anasından keçir. Qadınlar həm atadan, həm
də anadan X – xromosomunu qəbul edir və bu üzdən də onlarda
eyni tipli iki X – xromosomu (XX) olur. Kişilər isə analarından
X, atalarından isə Y- xromosomunu qəbul edir və iki fərqli tipli
xromosoma (XY) sahib olurlar.
Y-xromosomu atadan oğula keçdiyi və minillər ərzində də-
yişmədiyi üçün nəsil ağacını yalnız onun vasitəsilə izləmək mü-
kündür. X-xromosomu əsasında isə bunu etmək mümkün deyil.
Çünki X-xromosomu anadan keçdiyi kimi atadan da keçə bilir və
Dostları ilə paylaş: |