19
minikomputerdən və ya meynfreymdən istifadə edilə bilər. Server müştəriyə
çoxistifadəçi mühitində işləməyin ənənəvi üstünlüklərini – verilənlərin idarə
edilməsi, informasiya ilə kollektiv işləmək, verilənlərin şəbəkə administrasiyası və
onların qorunma imkanlarını verir. Özündən əvvəlki arxitekturalardan (meynfreym
və fayl serveri) fərqli olaraq “müştəri-server” arxitekturasında proqram
təminatından server və iş stansiyaları birgə istifadə edirlər.
• “Tay-tuşlar” şəbəkəsi [peer to peer network]. Bu növ arxitekturalı şəbəkədə bütün
komputerlər eyni dərəcəlidir. Burada heç bir komputer server kimi ayrılmır.
Şəbəkədə olan istifadəçilər komputerlərində olan fayllardan hansılarını digər
istifadəçilər ilə paylaşmalarını özləri müəyyənləşdirir. Bu növ şəbəkələri
quraşdırmaq və idarə etmək çox asandır. Kiçik ofislərin çoxunda “tay-tuşlar”
şəbəkəsindən istifadə olunur.
Geniş şəbəkələr daha geniş coğrafi ərazi üçün nəzərdə tutulmuşdur. Bu ərazi bir
bölgə, bir ölkə, hətta bütün dünyanı əhatə edə bilər. Ən böyük geniş şəbəkə,
şübhəsiz, İnternetdir. Geniş şəbəkələrin əksəriyyəti iki və daha artıq yerli şəbəkədən
ibarət olur və onlar bir-birinə yönləndiricilər vasitəsilə bağlanır. Belə şəbəkələrdə
rabitə kanalı olaraq telefon sistemlərindən, rabitə peyklərindən, mikrodalğalardan,
yaxud onların kombinasiyasından istifadə olunur. Geniş şəbəkənin iki variantı var:
1.
intranet
2.
ekstranet.
İntranet yalnız bir təşkilatın əməkdaşlarının istifadəsi üçün nəzərdə tutulur. Böyük
biznes qurumlarının çoxunun müxtəlif ofisləri arasında daxili sənəd dövriyyəsi
məqsədi ilə belə şəbəkələr qurulur.
Ekstranet şəbəkəsi intranetə bənzəyir, ancaq bu şəbəkədə təşkilatdan kənar xüsusi
şəxslərə daxili informasiya sistemindən istifadə etməyə icazə verilir. İnternet kimi,
intranet və ekstranet şəbəkələrində də veb texnologiyalarından istifadə olunur.
Şəbəkə əməliyyat sistemləri. Bildiyiniz kimi, bütün kompyuterlərin əməliy -
20
yat sisteminə ehtiyacı var. Əməliyyat sistemi başqa funksiyalarla yanaşı, komputerin
resurslarını da idarə edir.
Kompyuter şəbəkələrində iki növ əməliyyat sisteminin olması zəruridir. Bunlardan
birincisi, Windows, yaxud Mac OS kimi masaustu əməliyyat sistemidir. Digəri isə
şəbəkə əməliyyat sistemidir. Masaüstü əməliyyat sistemlərinin bəziləri (məsələn,
Windows, Mac OS və UNIX) şəbəkə funksiyalarına da malikdir. Bu sistemlər
avadanlıqların sayı çox olmadıqda qənaətbəxş işləyir. Şəbəkənin imkanlarından tam
istifadə etmək üçün isə tamfunksiyalı şəbəkə əməliyyat sistemləri tələb olunur.
Şəbəkə əməliyyat sistemi serverdə işləyir, fərdi komputerlərdə administrasiya,
mühafizə, fayl və printerlərin idarə olunması və digər xidmətləri təmin edir.
10.
KOMPUTER ŞƏBƏKƏLƏRİNİN ARXİTEKTURASI
Kompüter şəbəkələrinin vacib xarakteristikası onun arxitekturasıdır.
Şəbəkənin arxitekturası - verilənlərin ötürülməsi şəbəkəsinin reallaşdırılmış
strukturudur. Bu struktur onun topologiyasını, tərkibindəki qurğuları və onların
şəbəkədə qarşılıqlı əlaqələri qaydalarını müəyyənləşdirir. Şəbəkənin arxitekturası
çərçivəsində informasiyanın kodlaşdırılması, onun ünvanlaşdırılması və ötürülməsi,
məlumatlar axınının idarə olunması, səhvlərə nəzarət, qəza şəraiti və
xarakteristikaların pisləşməsində şəbəkə işinin təhlili ilə əlaqədar suallara baxılır.
Şəbəkələrin daha geniş yayılmış arxitekturaları aşağıdakılardır:
- Ethernet ( ingiliscə ether-efir)- geniş yayımlı şəbəkə. Belə arxitekturaya malik
şəbəkələrdə şəbəkənin bütün stansiyaları bütün məlumatları qəbul edə bilir. Bu
şəbəkələr xətti və ya ulduzvari topologiyaya malik olur və verilənlərin ötürülmə
sürəti 10 və ya 100 Mbit/san.-dir.
21
- Arcnet (Attached Resourse Computer Network- birləşdirilmiş resursların kompüter
şəbəkəsi)- genişyayımlı şəbəkə. Fiziki topologiyası- ağacvaridir. Verilənlərin
ötürülmə sürəti 2,5 Mbit/saniyədir.
- Token Rinq -estafetli halqavari şəbəkə, markerin ötürülməsi şəbəkəsi)- halqavari
şəbəkədir. Bu şəbəkələrdə verilənlərin ötürülməsi prinsipi belədir: hər bir halqaya
daxil olan qovşağın özündən əvvəlki qonşu qovşaqdan bir neçə unikal ardıcıl bitlər
ardıcıllığı olan markeri gözləyir. Verilənlərin ötürülmə sürəti 4 və ya 16
Mbit/saniyədir.
- FDDİ (Fiber Distrubuted Data İnterface) – optik lifli xətlərlə verilənlərin yüksək
sürətli ötürülməsinin şəbəkə arxitekturası. Verilənlərin ötürülmə sürəti 100
Mbit/saniyədir. Bu cür şəbəkələr ikiqat halqa və ya qarışıq (ulduzvari və ya ağacvari
alt şəbəkələrinin iştirakı ilə) topologiyaya malik olurlar. Şəbəkədə işçi stansiyaların
maksimal sayı 1000 ola bilər.
- ATM (Asynchronous Transfer Mode - asinxron
ötürmə tərzli)- perspektivli,
rəqəmsal verilənlərin. videoinformasiyanın və səsin eyni xətlə ötürülməsini təmin
edir. Əlaqə xətləri optik lifli xətlərdir. Verilənlərin ötürülmə sürəti 2,5
Qbit/saniyədir.
11.
LOKAL ŞƏBƏKƏLƏRİN BİRLƏŞDİRİLMƏSİNDƏ İSTİFADƏ
EDİLƏN QURĞU VƏ AVADANLIQLAR
Lokal şəbəkələrin yaradılmasında aşağıdakı qurğulardan geniş istifadə edilir:
- Körpülər (ingiliscə Bridge)- iki lokal şəbəkəni birləşdirir. Şəbəkələr arasında heç
bir dəyişiklik etmədən verilənləri paket şəklində ötürür. Bundan əlavə körpülər
şəbəkəni lokal verilənlər axınından qoruyaraq, xaricə digər şəbəkə seqmentləri üçün
təyin edilmiş verilənləri ötürməklə paketləri filtrləyə də bilərlər;
Dostları ilə paylaş: |