43
AzərBAycAndA MəcBuri KöçKünLər və yerLi əhALinin
Bu narahatçılıqları aradan qaldırmağın bir yolu məcburi köçkünlərin ictimai binalardan yeni
xüsusi tikilmiş mənzillərə və qəsəbələrə köçürülməsini başa çatdırmaq və bu evlər və kənd
yerlərində müvəqqəti verilmiş torpaq sahələri üzərində onların mülkiyyət hüquqlarını təmin
etməkdir. Bu təcrübə Gürcüstanda həyata keçirilmişdir, belə ki, burada hökumət mənzil
sahəsini məcburi köçkünlərə simvolik ödəniş müqabilində satmışdır. ümumi narahatçılığı
aradan qaldırmaq və bu qərarın siyasi cəhətdən cəlbedici olması üçün vurğulamaq lazımdır
ki, məcburi köçkünlərin həyat şəraitinin yaxşılaşdırılması məqsədi daşıyan bu tədbirlər im-
kan yarandığı halda onların geri qayıtmaq hüququna mane olmur.
Maraqlıdır ki, sosial təcrid olunduqlarına görə narahatlıqlarını və vətənlərində məcburi
köçkün həyatı yaşadıqlarına görə özlərini alçaldılmış hiss etdiklərini ifadə etsələr də söhbət
edilən məcburi köçkünlərin əksəriyyəti özlərinin məcburi köçkün statusunu və məktəblər,
səhiyyə müəssisələri və sürgündə olan yeli icra hakimiyyəti orqanları kimi dövlət təsisatlarını
qoruyub saxlamaq istəyirlər. Bir tərəfdən bu cür mühafizəkar maraqlar onların öz doğma
yurdlarına olan emosional bağlılıqları ilə əlaqədardır və bu bütün məcburi köçkünlərin, o
cümlədən köçkünlük ərazisində doğulan gənc nəslin lokal səviyyədə kimliyini müəyyən
edir. digər tərəfdən, məcburi köçkünlərin özlərinin fərqli xüsusiyyətlərini qoruyub saxlam-
aqda maraqlı olması sırf praqmatik maraqlara dayanır. Belə ki, bu status onlara müəyyən
maliyyə gəliri, imtiyazlar və potensial olaraq, pulsuz mənzil sahəsi verilməsi imkanı ilə
təmin edir. Bundan əlavə məcburi köçkün rayonlarının dövlət müəssisələri onları işlə və
ictimai xidmətlərlə təmin edir.
Məcburi köçkünlərin yaşayış yerlərində inteqrasiyası onların qayıdış hüququna zərər
vurmamalıdır. eynilə, qayıdış məcburi köçkünlər üçün yeganə mümkün olan seçim kimi
nəzərə alınmamalıdır. qeyd etmək lazımdır ki, qayıdış kollektiv hüquq deyildir, o bir
neçə fundamental insan hüquqlarından, o cümlədən öz evinə qayıtmaq hüququndan və
fərdi mülkiyyət hüququndan irəli gələn fərdi insan hüququdur. Fərdi səviyyədə məcburi
köçkünlərin davamlı çözüm yolları, o cümlədən qayıdış, yerli inteqrasiya və ya ölkənin
hər hansı bir yerində məskunlaşma ilə bağlı qavrayışları və üstünlükləri fərqli ola bilər. Bu
səbəbdən də dövlətin siyasəti hər üç seçimin məcburi köçkünlərin fərdi istəklərinə uyğun
olaraq təmin olunmasını nəzərdə tutmalıdır.
45
AzərBAycAndA MəcBuri KöçKünLər və yerLi əhALinin
nəticə
d
inc birgə yaşama və qarşılıqlı dəstək Azərbaycanda məcburi köçkünlər və yerli
icmalar arasında olan qarşılıqlı əlaqələri təsvir edən əsas əlamətlərdir. Bu həm
ictimai, həm də şəxsi səviyyədə olan əlaqələrə aid edilə bilər. Araşdırma zamanı
hər iki qrup bildirmişdir ki, onların arasında hər hansı ciddi münaqişə və ya gərginlik yoxdur
və eyni dil və mədəni dəyərlərə malik olmaları onların arasında sosial sahədə birlik və
qarşılıqlı anlaşmanın güclənməsinə kömək edir. Bununla belə, mövcud vəziyyətə daha
yaxından baxdıqda hiss olunur ki, ictimai məzəmmət və təcridolunma məcburi köçkünlərin
üzləşdikləri əsas çətinliklərdir. İctimai məzəmmət özünü daha çox şəhərlərdə göstərir, belə
ki, burada yerli insanlar məcburi köçkünlərə şəhər həyatına uyğunlaşa bilməyən “kəndli”
kimi baxırlar. təcridolunma rayon mərkəzlərindən, şəhərlərdən və qəsəbələrdən aralı
inşa edilmiş yeni qəsəbələrdə açıq-aşkar nəzərə çarpır və bu da hər iki qrup arasındakı
əlaqələrin və qarşılıqlı ünsiyyətin zəifləməsinə səbəb olur.
yerli icmaların məcburi köçkünlərlə bağlı olan ən böyük narazılıqlarının səbəbi iyirmi il ərzində
məcburi köçkünləri xüsusi müdafiəyə ehtiyacı ola həssas qrup kimi nəzərdə tutan hökumət
siyasətindədir. yerli icmalar hesab edirlər ki, bəzi məcburi köçkünlər onlara verilmiş bu
imtiyazlardan öz maraqları üçün istifadə edirlər və ya yerli insanlarla olan mübahisələrində
öz statuslarından sui-istifadə edirlər. yerli icmalar eyni zamanda düşünürlər ki, hökumət
tərəfindən məcburi köçkünlərə göstərilən davamlı və hətta artan yardımlar və məcburi
köçkünlərin dolanışıq ehtiyaclarının qarşılanmasına yönəlmiş fəaliyyət ümumilikdə yoxsul
əhalinin ehtiyaclarının kölgədə qalmasına səbəb olmuşdur.
Məcburi köçkünlüyün artıq iyirmi il davam etdiyi bir şəraitdə, dəyişmiş və dəyişməkdə olan
şəraiti və məcburi köçkünlərin ehtiyaclarını nəzərə almaqla mövcud siyasətin ciddi şəkildə
yenidən baxılmasına ehtiyac vardır. hökumət qəbul etməlidir ki, məcburi köçkünlərin
hamısına eyni cür yanaşma artıq effektiv yardım strategiyası kimi özünü doğrultmur, çün-
ki bu yanaşma məcburi köçkünlərin artıq daha az homogen bir qrup olduğunu, müxtəlif
dərəcədə iqtisadi çətinlik və müxtəlif müdafiə ehtiyaclarının olduğunu nəzərə almır.
Bundan əlavə, məcburi köçkünləri narahat edən bəzi məsələlər–mənzil şəraitinin pis
olması və mülkiyyət hüquqlarının olmaması–əsasən onların köçkünlük problemi ilə bağlı
olsa da, digər çətinliklər, məsələn su təchizatı və ya dolanışıq müstəsna olaraq yerdəyişmə
ilə bağlı deyil və bütün Azərbaycan ərazisində rast gəlinən ümumi problemlərdir. Buna
görə də, xüsusilə yoxsul kənd yerlərində həm məcburi köçkünlərə, həm də qeyri-məcburi
köçkün icmalarına yönəlmiş hərtərəfli yardımların həyata keçirilməsinə ehtiyac vardır.
Bu cür hərtərəfli yanaşma məcburi köçkünlər və onların məskunlaşdıqları yerli icmalar
arasındakı gərginliyin aradan qalxmasına və eyni zamanda məcburi köçkünlər arasında
iqtisadi müstəqilliyin artmasına kömək edər.
46
“İyirMi iL MəcBuri KöçKünMü oLAr?”
hökumətin məcburi köçkünlərin iqtisadi müstəqilliklərinin daha da yaxşılaşdırılmasına
yönəlmiş daha fəal siyasət yürütməsinə mane olan geniş yayılmış narahatçılıq ondan
ibarətdir ki, məcburi köçkünlərin iqtisadi müstəqilliklərini və yerli inteqrasiyasını artırmaqla
hökumət məcburi köçkünlərin öz doğma yurdlarına qayıtmaq ehtimalını azalda bilər. Bu
narahatçılığı məcburi köçkünlərin əksəriyyəti etiraf edir. nəticədə, hökumət tərəfindən
həyata keçirilən mövcud yardım strategiyası əsasən qısamüddətli dolanışığın təmin
olunması məqsədi daşıyır və bu da məcburi köçkünlərin bu yardımdan asılılığını artırır və
onların özlərinə olan inamını azaldır.
Azərbaycan hökumətini, geniş ictimaiyyəti və xüsusən də məcburi köçkünləri yerli inte-
qrasiya və qayıdış arasında seçimin birinin digərini istisna etmədiyinə inandırmaq çətin
vəzifə olaraq qalır. əlbəttə ki, yardım siyasəti məcburi köçkünlərin vaxt keçdikcə hansı
davamlı çözüm yoluna üstünlük vermək qərarlarına təsir edəcəkdir. Buna baxmayaraq,
məcburi köçkünlərin iqtisadi müstəqilliklərinin artırılması məqsədi daşıyan fəaliyyətlər
onların qayıdış hüququna mane olmamalıdır. əksinə, digərlərindən asılı olan və hökumətin
müdaxiləsi olmadan öz maraqlarını müstəqil şəkildə müdafiə edə bilməyən özünə inamsız
fərdlərdən fərqli olaraq, özünə güvənən məcburi köçkünlərin şüurlu şəkildə doğma
yurdlarında qayıdıb orada öz həyatlarını tədricən yenidən qurması daha real görünür.
sonda, araşdırmanın gəldiyi əsas nəticələrdən biri budur ki, hökumət cəbhə xəttinə yaxın
yerlərdəki kəndlərdə yaşayan icmalara – o cümlədən məcburi köçkün və qeyri-məcburi
köçkün icmalarına –olan diqqətini daha da artırmalıdır. yerləşmə baxımından bu icmalar
silahlı toqquşma, nizamsız açılan atəş və mina partlayışlarına qarşı xüsusilə həssasdırlar.
hökumət nizamsız açılan güllə atəşindən mühafizə məqsədilə müdafiə divarlarını inşa
etdirməklə və cəbhə xəttində yaşayan bəzi icmalara məcburi köçkün imtiyazları verməklə
onların təhlükəsizliyi və həyat şəraitinin yaxşılaşdırılması məqsədilə müəyyən tədbirlər
həyata keçirmişdir. Bununla belə, hökumətin bu siyasətində davamlılıq yoxdur, belə ki, bu
icmalardan bəziləri, o cümlədən qeyri-məcburi köçkünlər eyni şəraitdə yaşayan digər ic-
malarla müqayisədə daha çox imtiyazlar və üstünlüklərlə təmin olunmuşlar. Bu səbəbdən,
Azərbaycanda cəbhə xəttində yaşayan icmalardakı vəziyyəti ətraflı öyrənmək və onların
xüsusi ehtiyaclarına cavab verən strategiyaların işlənib hazırlanmasına ehtiyac vardır.
47
AzərBAycAndA MəcBuri KöçKünLər və yerLi əhALinin
İstinAd ediLMiŞ MənBəLər
“Amnesty international” təşkilatı, Azərbaycan: Qovulmuş və sonradan Diskriminasiya
Olunmuşlar – məcburi köçkün əhalinin vəziyyəti, 28 iyun 2007.
Azərbaycan respublikası dövlət neft Fondu, “qaçqın və məcburi köçkünlərin
problemlərinin həlli” 20 oktyabr, 2011 tarixdə əldə edilmişdir, mənbə: http://www.oilfund.az/
en_us/layiheler/mecburi-koeckuenlerin-meskunlasdirilmasi.asp
“В Азербайджане около шести тысяч семей беженцев поселились в пустовавших
домах”, [Azərbaycanda təxminən 6,000 məcburi köçkün ailəsi boş evlərdə məskunlaşıb],
23 dekabr, 2010. 20 oktyabr, 2011 tarixdə aşağıdakı mənbədən əldə edilmişdir: http://
news.day.az/politics/art244927.html
Bələdiyyələrin formalaşdırılmasında məcburi köçkünlərin iştirakı problemi” mövzusun-
da dəyirmi masa keçirilib, ApA İnformasiya Agentliyi, 12 noyabr, 2011. 20 noyabr, 2011
tarixdə əldə edilmişdir, mənbə: http://www.apa.az/az/news.php?id=240892
Brukinqs İnstitutu – Bern universiteti, Məcburi Köçkünlük üzrə Layihə, IASC Məcburi
Köçkünlər üçün Davamlı çözüm Yolları üzrə Çərçivə sənədi, aprel 2010.
de vaal, tomas, hüseynov, təbib və Karaşvili culia, “Ermənistan, Azərbaycan və
Gürcüstandakı qaçqın və məcburi köçkünlərin vəziyyəti”, Avropa parlamentinin Xarici
Məsələlər üzrə Komitəsinin xahiş ilə arayış sənədi, noyabr, 2007-ci il.
dünya Bankı, Azərbaycan: Mülkiyyətin Qurulması və İqtisadi Müstəqilliyin Dəstəklənməsi:
Məcburi Köçkünlərin Həyat Şəraiti, № AAA64-Az saylı hesabat, oktyabr, 2011.
dünya Bankı, Azərbaycanda Həyat Şəraitinin Qiymətləndirilməsi üzrə Hesabat,
№52801-Az saylı hesabat, mart, 2010, mənbə: http://www-wds.worldbank.org/external/
default/Wdscontentserver/Wdsp/iB/2011/02/04/000003596_20110207151220/ren-
dered/pdF/project0inform1nt1revised0after0pcn.pdf
dünya Bankı, Azərbaycanda səhiyyə sektoruna Baxış qeydi, 2005. 15 oktyabr, 2011
tarixdə aşağıdakı mənbədən əldə edilmişdir: http://siteresources.worldbank.org/intAzer-
BAiJAn/resources/healthsectornote_vol.1.pdf
“qaçqınların və Məcburi Köçkünlərin yaşayış Şəraitinin yaxşılaşdırılması və
Məşğulluğunun Artırılması üzrə dövlət proqramı”nın təsdiq olunması üzrə Azərbaycan
respublikası prezidentinin Fərmanı, Bakı şəhəri, 1 iyul, 2004.
quliyeva, Günel, yazdani, Jdan, Azərbaycanda məcburi köçkünlər, 17 dekabr, 2009.
20 oktyabr, 2011 tarixdə aşağıdakı mənbədən əldə edilmişdir: http://www.balcanicaucaso.
org/eng/regions-and-countries/Azerbaijan/idps-in-Azerbaijan
həsənov, əli, Baş nazirin müavini və qaçqınların və Məcburi Köçkünlərin İşləri
üzrə dövlət Komitəsinin sədri, məcburi köçkünlərin sosial problemləri uğurla həll olunur,
48
“İyirMi iL MəcBuri KöçKünMü oLAr?”
Azərbaycan qəzeti, 22 may 2011.
hüseynov, təbib, Qayıdış və onun alternativləri: Ermənistan-Azərbaycan münaqişəsi
üzrə araşdırma, “Dağlıq Qarabağ Münaqişəsində Məcburi köçkünlük: Qayıdış və onun
Alternativləri”, London, avqust, 2011.
“Məcburi Köçkünlərin və onlara Bərabər tutulan Şəxslərin sosial Müdafiəsi haqqında”
Azərbaycan respublikasının qanunu, 21 may, 1999.
“Məleykə Abbaszadə: Məcburi Köçkün Məzunların Qəbul İmtahanlarındakı Nəticələri
İldən-ilə Yüksəlir”, 525-ci qəzet, 22 dekabr, 2010.
Məmmədova, Kəmalə, Azərbaycan cəbhə xəttində mühafizə divarı tikir, “Anspress.
com”, 11 oktyabr, 2011. 20 oktyabr, 2011 tarixdə aşağıdakı mənbədən əldə edilmişdir:
http://anspress.com/index.php?a=2&lng=az&nid=121041
süleymanov, rəşad, komitə sədri: Azərbaycanda 400,000 məcburi köçkün hələ də
ağır şəraitdə yaşayır,
25 noyabr, 2010. 20 noyabr, 2011 tarixdə aşağıdakı mənbədən əldə
edilmişdir: http://en.apa.az/news.php?id=135109
süleymanov, rəşad, Azərbaycan “Böyük Qayıdışa” hazırdır,
28 iyul, 2009. 20 noy-
abr, 2011 tarixdə aşağıdakı mənbədən əldə edilmişdir: http://www.apa.az/en/news.
php?id=105516
taqverker, natali, “Azərbaycan sonuncu qaçqın düşərgələrini bağlayır” 7 fevral,
2008. 10 oktyabr, 2011 tarixdə aşağıdakı mənbədən əldə edilmişdir: http://www.unhcr.
org/47aaf6734.html
yunusov, Arif, və Baqdasaryan, Laura, “Azərbaycan və Ermənistan cəmiyyətlərində
müharibə, sosial dəyişiklik və ‘nə müharibə, nə sülh’ sindromları”. “Liderlik Hədləri: Dağlıq
Qarabağ Sülh Prosesində Elita və Cəmiyyətlər” red. Laurence Broers, London: concilia-
tion resources, 2006
49
AzərBAycAndA MəcBuri KöçKünLər və yerLi əhALinin
MetodoLoGiyA
Bu hesabat Azərbaycanın şəhər və kəndlərində 2011-ci ilin sentyabr və oktyabr aylarında
əsasən fərdi və qrup şəklində həyata keçirilmiş müsahibələr, eləcə də sahə müşahidələri
əsasında əldə edilmiş empirik məlumatlara əsaslanır. Müsahibələrdə, məcburi köçkünlər
və qeyri-məcburi köçkün sakinlər, dövlət rəsmiləri və beynəlxalq qeyri-hökumət yardım
təşkilatlarının nümayəndələri iştirak etmişlər.
Müsahibələr aşağıdakı suallara yaxından cavab tapmaq məqsədilə aparılmışdır:
■
■
məcburi köçkünlərin əsas hüquq müdafiə ehtiyacları və zəiflikləri hansılardır və bu
ehtiyaclar yerli icmalarda olanlardan nə ilə fərqlənir?
■
■
hüquq müdafiə ehtiyacları şəhər və kənd kontekstində, o cümlədən cəbhə xəttinə
yaxın ərazilərdə bir-birindən nə ilə fərqlənir?
■
■
məcburi köçkünlər və onların məskunlaşdıqları yerli icmalar arasındakı əlaqənin
xüsusiyyəti nədir?
■
■
məcburi köçkünlərin problemlərinin davamlı həll yolları ilə əlaqədar məcburi köçkünlər
və onların yaşadıqları yerli icmalardakı fikirlər nədən ibarətdir?
Müsahibələr yarım-strukturlaşdırılmış formada həyata keçirilmişdir ki, bu da müsahibə
verənlərin onları narahat edən məsələlər barəsində daha ətraflı söhbət etmələrinə imkan
vermişdir. sahə araşdırmasını dəstəkləmək məqsədilə müəlliflər Azərbaycanda məcburi
köçkünlərlə əlaqədar qəbul olunmuş qanunvericiliyi və digər sənədləri, o cümlədən rəsmi
statistik məlumatları və bundan əvvəl aparılmış qiymətləndirmələri nəzərdən keçirmişlər.
sahə araşdırması əsasən iki şəhər və iki kənd ərazisində həyata keçirilmişdir. Bunlara
daxildir:
■
■
Bakı, paytaxt şəhəri və məcburi köçkünlərin ən çox məskunlaşdıqları yer (33 faiz):
Azərbaycan pedaqoji universitetinin yataqxanasında yaşayan məcburi köçkünlərlə
fərdi və qrup şəklində aparılmış müsahibələr. Bu müsahibələr qonşuluqda yaşayan
yerli sakinlərlə aparılmış fərdi müsahibələrlə tamamlanmışdır. eyni zamanda Bakı
şəhərinin kənarındakı pirşağı qəsəbəsində əvvəllər yataqxana/sanatoriya kimi
istifadə edilmiş binada məskunlaşmış məcburi köçkünlərlə ayrıca qrup müsahibəsi
aparılmışdır;
■
■
Gəncə, ölkənin ikinci böyük şəhəri: pedaqoji universitetin yataqxanasında, inzibati
binada yaşayan məcburi köçkünlərlə və yerli sakinlərdən ibarət iki qrupla fokus qrup
müsahibələri keçirilmişdir;
■
■
Ağdam rayonu (Azərbaycanın nəzarətində olan ərazi): cəbhə xəttinə yaxın ərazidə
yerləşən əhmədağalı və təzəkənd kəndlərində yaşayan məcburi köçkünlər və yerli
icmalarla ayrıca olaraq fərdi və qrup şəklində müsahibələri keçirilmişdir. əlavə olaraq
yerli icra hakimiyyəti orqanlarının rəsmiləri ilə müsahibələr də keçirilmişdir;
50
“İyirMi iL MəcBuri KöçKünMü oLAr?”
■
■
tərtər rayonu: cəbhə xəttinə yaxın ərazilərdə yerləşən qapanlı, qarağacı
, əskipara,
İsmayılbəyli, səhlabad və hüseynli kəndlərində yaşayan məcburi köçkünlər və yerli
sakinlərlə fərdi və qrup şəklində müsahibələr keçirilmişdir.
Ağdam və tərtər rayonlarına edilmiş sahə səfərlərinin həyata keçməsində Beynəlxalq
qırmızı Xaç cəmiyyəti (BqXc) yardım etmişdir. eyni zamanda, BqXc Bərdə rayonun-
da fəaliyyət göstərən yerli əməkdaşlarından, “oxfam” təşkilatının Bakı şəhərində çalışan
əməkdaşlarından və ermənistanın işğalı altında olan qubadlı rayonunun hazırda Bakının
yaxınlığında, paytaxtdan sonra ikinci ən böyük məcburi köçkün icmasının məskunlaşdığı
sumqayıt şəhərində yerləşən yerli icra hakimiyyətinin məcburi köçkün rəsmisindən
müsahibələr götürülmüşdür.
Məcburi köçkün icmaları və yerli sakinlərin iştirakı ilə həyata keçirilmiş fərdi və fokus qrup
müsahibələri zamanı ailələr təsadüfi seçim yolu seçilmişdirlər və 5-10 nəfərin iştirakı ilə kiçik
qruplar şəklində keçirilən müsahibələr əvvəlcədən planlaşdırılmamış formada aparılmışdır.
yerli dövlət orqanlarının birbaşa müdaxiləsi olmadan və əvvəlcədən seçimlər aparılmadan
həyata keçirilmiş bu cür spontan respondent seçimi fərdi qaydada və qrup şəklində aparılan
müzakirələrdə adi insanların yerli problemlər barəsində daha səmimi söhbət etmələrinə
imkan vermişdir. Müsahibə götürdüyümüz insanlara əvvəlcədən məlumat verilmişdir ki,
anonimliyi qorumaq məqsədilə onların adları qeyd olunmayacaqdır. Buna baxmayaraq,
ümidsiz halda olan bəzi məcburi köçkünlər onların fərdi problemlərinin həll olunacağına
ümid edərək xüsusi olaraq onların adlarının qeyd olunmasını xahiş etmişlər. əksər məcburi
köçkünlər öz problemləri barəsində açıq söhbət etsələr də, bəziləri şübhə ilə yanaşırdılar,
çünki iyirmi il ərzində çətin şəraitdə yaşadıqları müddətdə onlar bir çoxları ilə bu barədə
söhbətlər etmişlər və bu danışıqların nəticəsində onlar öz problemlərinin əməli həll
olunması ilə az rastlaşmışlar.
vaxt məhdudiyyəti və qısamüddətli empirik xarakterli araşdırmanın xüsusiyyətini nəzərə
alaraq, araşdırma yalnız seçilmiş kənd və şəhərlərdə məhdud ərazilərdə həyata keçirilmişdir.
Bu araşdırmada şəhər və kənd yerlərindəki məcburi köçkünlər və onların məskunlaşdıqları
icmaların müxtəlif hüquq müdafiə ehtiyaclarının miqyasını təsdiqləmək üçün statistik
dəlillər təqdim olunmamışdır. Buna baxmayaraq, ölkənin müxtəlif yerlərindəki məcburi
köçkün və yeli icmalarda yaşayan insanların verdikləri cavablar bəzi ümumi problemlər və
hüquq müdafiə ehtiyaclarını aşkar edir. Bu onu göstərir ki, müəyyən problemlər bütövlükdə
ölkə ərazisində eynidir və bu baxımdan məcburi köçkünlər və onların məskunlaşdıqları
yerli icmalarda əlavə araşdırmalar aparılmalıdır.
Brukinqs İnstitutu və London
İqtisadiyyat İnstitutunun
Məcburi Köçkünlük üzrə birgə
Layihəsi
1775 Massaçusets prospekti, Şq
vaşinqton, dc 20036
ABŞ
tel: +1 (202) 797-2477
Faks: +1 (202) 797-2970
e-poçt: idp@brookings.edu
İnternet səhifəsi: www.brookings.edu/idp
Dostları ilə paylaş: |