müstəqilliyinə qəsd edən hər bir kəs - kim olur-olsun, bolşevik, menşevik
denikinçi və i.a. fərqi yoxdur - Azərbaycanın düşmənidir”.
Ziyadxanovun bu cavabı iki baxımdan əlamətdar və qibtəedicidir:
−
Azərbaycan
Cümhuriyyəti
ağlagəlməz
beynəlxalq
çətinliklərinə
baxmayaraq və ingilis generalının vasitəçiliyinə məhəl qoymayaraq Denikinə
münasibətdə müstəqil xətt yeridir, real Denikin təhlükəsi qarşısında büdrəmir və
başını itirmir, ləyaqət və şərəfini, həm öz milli mənafelərini, həm də obyektiv
olaraq Gürcüstanın mənafelərini mətanətlə qoruyur.
−
Rüstəmbəyova edilən “qə’ti bilin...” xəbərdarlığı təkcə Rüstəmbəyov
üçün ibrət dərsi deyildi. Bu geniş planda Azərbaycanın müstəqilliyi və
suverenliyi məsələsinə yanaşmaqda diplomatlarımızın, dövlət adamlarımızın
özündən qondarmaçılığının, rəsmi xətdən sapmaların, əyintilərin qarşısını almaq
dərsi idi, prinsipial məsələdə aydın, dürüst, dəqiq mövqe tərbiyə etmək dərsi idi.
Dövlət adamlarının təfəkküründə intizam, sözündə məs’uliyyət aşılamaq dərsi
idi.
Azərbaycan Ermənistanla da normal münasibətlər yaratmağa maksimum
sə’y göstərdi. 1919-cu ilin noyabrında Tiflisdə Azərbaycanla Ermənistan
arasında sülh sazişi bağlandı. Onu baş nazirlər N.Yusifbəyov və A.Xatisov,
habelə şahid kimi Gürcüstan Xarici Đşlər naziri E.Gegeçkori və müttəfiq
dövlətlərin Zaqafqaziyada ali komissarı əvəzi amerikan C.Rey imzalamışdılar.
C.Rey tərəflərin razılığı ilə sazişin tə’minatçısı tə’yin edilmişdi. Sazişə görə
Azərbaycan və Ermənistan silahlı münaqişələri dayandırmalı və bütün mübahi-
səli məsələləri danışıqlar vasitəsilə həll etməli idilər. Lakin sazişin mürəkkəbi
qurumamış Ermənistan sazişin şərtlərini pozdu. C.Rey Ermənistanın öz
öhdəliklərinə əməl etməsinə nail ola bilmədi.
(C.Rey 1919-cu ilin oktyabrında Azərbaycanda - əvvəlcə Bakıda, ondan
sonra Gəncədə olmuşdu. Gəncədə o, şəhərin tarixi və görməli yerləri ilə tanış
olmuş, Gəncə valisi X.Rəfibəyov, onun müavini H.Xoyski, şəhər bələdiyyə rəisi
Ə.Xasməmmədov, şəhərin digər rəsmi şəxsləri və ziyalılarla görüşüb söhbətlər
aparmışdı. Həmin adamlar dövrün yetkin, ziyalı, hərtərəfli inkişaf etmiş əsl
azərbaycanpərvər adamları idi. Onlar, ümumiyyətlə, Gəncə mühiti C.Reyə çox
güclü tə’sir bağışlayır.
Rey Azərbaycana, Azərbaycan xalqına, gəncəlilərə heyranlığını gizlətmir.
Açıq deyir ki, “mən bir çox ölkələri, o cümlədən Zaqafqaziya respublikalarını
gəzib dolanmışam, lakin özümlə Azərbaycan, onun xalqı, burada xalqların
münasibəti, nizam-intizam, öz Cümhuriyyətini mədəni əsaslarda qurmaq
cəhdləri haqqında, xüsusən də Azərbaycanın ilk paytaxt şəhəri olan Gəncə
şəhəri haqqında... ən yaxşı təəssürat, ən yaxşı xatirə aparıram”.
C.Rey Gəncə şəhərində ziyalıların apardığı mədəni işdən razılığını
bildirərək, bu fəaliyyət sayəsində Gəncədə cəhalətə üstün gəlinməsini, həyatda
ahəngdarlığa nail olunmasını, bütün vətəndaşlar üçün eyni şərait və onların
arasında xoş münasibətlər yaradılmasını, Gəncənin anarxiyadan qorunub
saxlanmasını xüsusi ilə qeyd etdi. Bütün bunlara görə, C.Reyin fikrincə,
Azərbaycanın gələcəyinə nigaran qalmamaq olardı.
Gəncədə gördüklərindən, gəncəlilərlə görüşlərdən vəcdə gələn C.Rey
demişdi ki, mən “zəngin təbiətə və mədəni insanlara malik olan Gəncə şəhə-
rinin” vətəndaşı kimi qeydə alınaramsa, özümü xoşbəxt sayaram. Görünür,
Bakıda və Gəncədə iqtidar nümayəndələrinin, ziyalıların, aristokratların ada
“bəy” sözünü əlavə etməklə bir-birlərinə ən’ənəvi müraciəti, bu sözdəki incəlik
C.Reyin xoşuna gəlibmiş. Yə’qin, buna görə də, o, Gəncənin fəxri vətəndaşı
seçilərsə, məhz “Ceyms bəy adı ilə” seçilməsi arzusunda olduğunu bildirmişdi.
C.Rey ümid etdiyini bildirmişdi ki, Gəncə şəhər duması onun xahişinə
baxacaqdır. C.Rey Gəncədən Tiflisə getmək ərəfəsində bir xeyirxah addım atdı:
Gəncə şəhərinin kasıb adamları üçün 50 min manat ianə verdi.
Gəncəlilər C.Reyin xahişinə e’tinasız qalmadılar. C.Rey Gəncədən Tiflisə
qayıtdıqdan sonra Gəncə bələdiyyə rəisi Ə.Xasməmmədov “Azərbaycan Cüm-
huriyyətinin Amerika ilə gələcək mədəni-sənaye əlaqələri naminə” C.Reyi
Gəncə şəhərinin fəxri vətəndaşı seçmək təklifi ilə şəhər dumasına müraciət etdi.
Şəhər duması noyabrın 4-də həmin məsələyə baxaraq qərara aldı: “Polkovnik
Ceyms Rey, Ceyms bəy adı ilə Gəncə şəhərinin fəxri vətəndaşı seçilsin”.
Ceyms bəy Gəncə şəhərinin ilk və deyəsən, hələlik yeganə amerikan fəxri
vətəndaşıdır).
Ermənistanla normal münasibətlər yaradılmamasının başlıca səbəbi
Ermənistanın Azərbaycana ərazi iddiaları irəli sürməsi və bu iddiaları zorla
həyata keçirmək cəhdi göstərməsi idi. Ermənistan Naxçıvanı, Dağlıq Qarabağı,
Zəngəzuru Azərbaycandan qoparıb özünə qatmaq istəyirdi. Bu nə ilə
nəticələndi? Ermənistanın məğlubiyyəti ilə.
Təfsilata varmadan deyək:
−
Naxçıvanda hadisələrin cərəyanının həqiqi mənzərəsini Ermənistanın
birinci baş naziri Kazaçnuni 1923-cü ildə e’tiraf edib. O yazıb: “Müsəlman
Naxçıvanı və Şərurunda, ...müsəlman rayonlarında inzibati tədbirlərlə qayda-
qanun yarada bilmədik, silaha əl atmağa, qoşun yeritməyə, dağıtmağa və qırğın
törətməyə məcbur olduq. Vedibasar, Şərur-Naxçıvan kimi mühüm yerlərdə öz
hakimiyyətimizi hətta silah gücünə qura bilmədik, məğlub olduq və geri
çəkildik”.
−
XΙ Qızıl Ordu 32-ci diviziyasının kəşfiyyat rəisi 1920-ci il iyunun 25-də
Ermənistanın Zəngəzurdakı uğursuzluğu barədə yazmışdır: “Ermənistan
Zəngəzurda kürdlərin güclü müqavimətinə rast gəlib. Buraya göndərilən ən
yaxşı erməni dəstələri - Andranikin, Hamazaspın və Dronun dəstələri böyük
itkilər veriblər... Ararat hökuməti kürdlərə qarşı fəallığını dayandırmağa məcbur
olmuşdur”.
−
Ermənistanın Dağlıq Qarabağa yiyələnmək planı puç olmuşdu. 1920-ci
il martın 22-23-də Ermənistanın Dağlıq Qarabağda Azərbaycan hakimiyyətinə
qarşı təşkil etdiyi silahlı çıxış darmadağın edilmişdi. Erməni mənbələrinə görə,
o zaman müharibədə 30 min erməni məhv olmuşdu. Zənnimcə, bu rəqəm
şişirdilmişdir. Amma erməni silahlılarının külli miqdarda itki vermələri faktdır.
Dostları ilə paylaş: |