83
çatdı. Aliyə bacım qorxma, mənim haqqımda düşündüklərindən
sonra utanacaqsan. Mən bura alçaq bir məqsədlə yox, bacı-
qardaş söhbəti eləməyə gəlmişəm. Aliyənin baxışlarında kin-
küdrət göründü: «Özünü mənə sözlə tanıtma. Bugünkü
yığıncaqda sənin ürəyini, qəlbini gördüm, bunlar mənə bəsdir.»
– Mən heç kimdən qorxmuram. Aliyənin səsi elə çıxdı ki, elə bil
Təyyara deyirdi: «Sən nəsən ki, mən qorxam!» Təyyar
təqdiredircəsinə güldü:
– Onu bilirəm. Aliyə bacım, anladığıma görə mənə nifrət
edirsən, çünki mən durub Qəzənfərin barəsində ağız açmadım.
Mənim susmağım, onların təklifi: bunlar hamısı sənin xatirinə
idi. Mən xeyirxahlıq eləmək istəmişdim, amma sən tərsinə başa
düşürsən. Sənin yanına gəlməyəcəkdim. İncidiyini unuda
bilmədim. Sözün düzü bu narahatlıq məni yatmağa qoymadı.
Gəldim ki, hər şeyi açıb sənə söyləyim. Bir nəticəyə gəlmək
lazımdır. Məsələni qurtaraq; ya o yanlıq olsun, ya da bu yanlıq.
Mən bu günə kimi elə fərz edirdim ki, sən Əmiri sevirsən.
Yığıncaqda isə Qəzənfəri necə müdafiə etdiyini görəndə səni
anlaya bilmədim. Ona görə də mən yığıncaqda dillənmədim, sən
qələbə çaldın. Aliyə Təyyara qəribə bir heyrətlə baxırdı, onu
maraqla dinləyirdi. Sanki ürəyinin təşnəsi bu dağlar çeşməsinin
sərin suyu ilə soyuyurdu. – Aliyə bacım, – deyə Təyyar
söhbətini davam etdirdi, – mən yaltaq, ikiüzlü adam deyiləm.
Özünü tərifləyənlərdən, özündən deyənlərdən zəhləm gedir.
Öyünmək itə yaraşır. Mən sənin qarşında öyünməyə
gəlməmişəm. Mən ailə başçısıyam. Öz şəxsi həyatımdan
danışmıram. Demək istəyirəm ki, bu ailənin, gəmi ekipajının
başçısıyam. Burada ağıllı adamlar çoxdur. Lakin bunların
arasında ağlı, düşüncəsilə özünü idarə edə bilməyənlər də var.
Bir atanın ağıldan dövlətli də, ağıldan kasıb da övladı olur.
Ancaq onların hər ikisi ata üçün övladır. Mən bir qədər gələcəyə
nəzər salıb belə qərara gəlmişəm ki, gərək onların ikisindən biri
gəmidən getsin. Səni onların ikisi də sevir. Heç biri də öz
məhəbbətindən əl çəkmək istəmir. «İki qoçun başı bir qazanda
84
qaynamaz.» Gec də yox, lap bu günlərdə onların arasında bir
hadisə baş verməlidir. Əlbəttə Qəzənfər Əmirlə mərdi-mərdanə
vuruşmaz. Bəs, Qəzənfər nə etməlidir? Fiziki zəifliyinə görə
məğlub olmalıdır? Yox, o hər cür işlərə əl ata bilər. Mən
Qəzənfərdən belə şeyləri gözləməkdə haqlıyam, çünki onun
necə adam olduğunu çox yaxşı bilirəm. – Sən nə danışırsan?!
Heç elə alçaqlıq olar?!
– Aliyənin dəhşətdən nəfəsi tıxandı. Səsi elə bil dərin bir
quyunun dibindən boğulub çıxırdı. O qorxu və dəhşətdən
uçunurdu. Təyyar onun qolundan tutub stula oturtdu. – İndi
əyləşə bilərsənmi? Otur, mənim adamları hələ yaxşı tanıya
bilməyən bacım, otur. Aliyə bu saat elə bir vəziyyətdə idi ki, elə
bil kimisə öldürmüşdü, yaxud ona görə hansı bir günahsızısa
boğazında asmışdılar, bir azdan qəzəbli insan izdihamı qapını
sındırıb içəri doluşacaq, onu lənətləyib kötəkləyəcəkdilər. – Mən
Qəzənfəri ona görə müdafiə etmədim ki... Anasının xəstələndiyi
üçün səfərdən qalanı... – Aliyə bacım, o sənə yalan danışıb. Sən
uşaq kimi sadəlövhsən, hər sözə inanırsan. O içib, keflənib.
Səfərdən buna görə qalıb. Mən onu danışdırmışam. Anasının
xəstələndiyi barədə mənə heç nə deməyib. Demək, anası xəstə
deyilmiş. Xəstələnmiş olsa sözlə onun vəziyyətini bir az da
ağırlaşdıraraq mənə danışardı. Bir də ki, doğru sözün ahəngi
başqadır. Gərək sən bunu müəyyən etməyi bacaraydın. Adam
danışanda onun gözlərinin içinə diqqətlə bax, ifadə tərzinə yaxşı
fikir ver, gör dilin söylədiklərini gözlərdə əks olunanlar
təsdiqləyirmi. İndi mənə de görüm o sizlə kinoya getmişdimi? –
Getməyə qoymadım. Dedim ki, get ananla görüş.
– O nə söylədi? – Dedi kinodan sonra gedəcəm. – Bəs, sən
onu necə məcbur etdin?
– Mən məcbur etmədim, öz sözü ilə onun özünü
utandırdım. O mənə söyləmişdi ki, anamı çox istəyirəm. Mən də
ona həmin sözü xatırlatdım.
– Sonra? – Sonra duruxub getdi. – Onun keflənməsinin
səbəbini təhlil etməyək ki? Məncə aydındır, o barədə çənə
85
çalmağa dəyməz, elə deyilmi? Aliyə öz keçmiş qüsurlu
hərəkətini xatırlayıb kədərlənən, indiki ağlının o zaman başında
olmadığına təəssüflənən adam qüssəsilə:
– Elədir, – dedi. – Mən o vaxt belə fikirləşmişdim. Mənim
ağlıma o gedəndən sonra gəldi ki, Qəzənfər gedib içəcək. Biz
onu axtardıq, ətrafdakı aşxanaların bir neçəsinə baxdıq, ancaq
tapmadıq. Təyyar cibindən bir papiros çıxartdı. Papirosun
gilizinə üfürüb onu damağına aldı. O papiros çəkmək istəyirdi.
Lakin papirosu yandırmır, kibriti baş və şəadət barmaqları
arasında fırlatmaqla tüstüyə olan meylini öldürürdü. O nəyin
haqqındasa xeyli fikirləşdi. Aliyə də sözünü qurtarıb gözlərini
ona dikmişdi. Görəsən Təyyar ona indi nə deyəcəkdi? Aliyənin
baxışları cəsarətsiz və utancaq idi. Təyyar kibriti cibinə qoyub
papirosu damağından götürdü.
– Hə, Aliyə bacım – deyə dalğınlıqla dilləndi. –
Yığıncaqdakı müdafiədən mən elə bilirdim ki, hər şey sənə
məlumdur, Qəzənfəri sevirsən, bunun üçün də onun gəmidən
qovulmasına etiraz edirsən. Demək o səni aldadıbmış. Qəzənfər
sənə qızıl-qırmızı yalan danışıbmış. Bəs indi nə fikirdəsən?
Aliyə nə deyə bilərdi? Onların hansını sevirdi? O hələlik bu
haqda heç nə söyləyə bilməzdi. Axı, onun ürəyində məhəbbət
fırtınası qopmamışdı, qəlbini sevgi qasırğası ehtizasa
gətirməmişdi, könlündəki yer bomboş idi. Hafizəsinə hələlik heç
kimin surəti nəqş olunmamışdır. Belə bir xəyal Aliyənin zehninə
köçürülmüş olsaydı o həmin surəti öz həsrəti, intizarı ilə bəzəyib
əzizləyərdi. Soruşanda cəsarətli olar, tərəddüd etməz, ürəyinin
arzusunu, könlünün diləyini dilinə gətirməkdən utanmazdı.
Aliyənin könül aləminə bahar gəlməmişdi. – Bilmirəm. – Özünü
başa düşürsən? Aliyə başının hərəkətilə: bəli – dedi. Təyyar
təəccübdən çox məzəmmətə oxşar bir tövrlə:
– İnanmıram – dedi – Yoxsa ikisini də sevirsən? Aliyə
utanaraq:
– Heç elə olar?! – deyib başını aşağa saldı. – Heç birini
sevmirsən? Aliyə əllərini sinəsində çarpazlayıb çiyinlərini atdı.
Dostları ilə paylaş: |