|
İrəliləmə hərəkətinin kinematikası Abdullayev Kamran Vüqar oğlu p L a n
|
səhifə | 4/6 | tarix | 22.04.2023 | ölçüsü | 285,52 Kb. | | #106682 |
| İrəliləmə hərəkətinin kinematikasıHesablama sistemi
Hesablama cismi, onunla bağlı koordinat sistemi və vaxtı ölçən cihaz birlikdə hesablama sistemi adlanır.
Maddi nöqtə düzxətli hərəkət edirsə, onun vəziyyəti bir koordinat, müstəvidə hərəkət edirsə, iki koordinat, fəzada hərəkət edirsə, üç koordinat (şəkil 1) ilə təyin edilir.
Maddi nöqtənin fəzada vəziyyəti radius vektorla da təyin edilə bilir.
Radius vektor – koordinat başlanğıcını maddi nöqtə ilə birləşdirən vektordur və ilə işarə olunur.
Maddi nöqtənin hərəkəti zamanı onun koordinatları zaman keçdikcə dəyişir. Ümumi halda onun hərəkəti üç skalyar tənliklə
x = x(t)
y = y(t)
z = z(t)
və ya onlara ekvivalent olan r = r(t) vektorial tənliklə təyin edilir.
Hesablama sistemi – hərəkəti öyrənmək üçün istifadə edilən istinad (hesablama) cismi, ona bağlı koordinat sistemi və saatdan ibarət sistemdir.
Məsələnin həllində əlverişli hesabat sisteminin seçilməsi çox əhəmiyyətlidir. Məsələn, heliosentrik sistemdə planetlərin hərəkəti sadə qanunlarla ifadə edilir. Hesablama cisminə bağlanmış ixtiyari koordinat sisteminin (polyar, silindrik, Dekart) vəzifəsi hərəkətin fəzada konkret yerini bilməkdir. Hərəkəti zamana görə təsvir etmək üçün koordinat sisteminin müxtəlif nöqtələrində bir-birilə sinxronlaşdırılmış saatlar yerləşdirilir.
Müxtəlif hallarda maddi nöqtənin çatdığı nöqtələrin koordinatlarını ölçərək x (i), y (t), z (t) asılılığı müəyyən edilir. Bu asılılıqlar baxılan hərəkətin seçilmiş hesablama sisteminə nəzərən hərəkət tənliklərini ifadə edir.
Bütün hesablama sistemləri kinematik ekvivalentdir. Dinamika məsələlərinin həllində ətalət və təcilli hesablama sistemlərindən istifadə edilir.
Trayektoriya
Hərəkət edən maddi nöqtənin verilən hesablama sisteminə nəzərən cızdığı arasıkəsilməz xəttə trayektoriya deyilir.
Trayektoriyanın formasına görə hərəkətlər düzxətli və əyrixətli olur.
Yol – Müəyyən zaman fasiləsində maddi nöqtənin cızdığı hərəkət trayektoriyasının uzunluğuna gedilən yol deyilir.
Yol müsbət skalyar kəmiyyət olub, BS – də vahidi metrdir.
Yerdəyişmə - maddi nöqtənin başlanğıc vəziyyətini son vəziyyəti ilə birləşdirən vektordur.
Dostları ilə paylaş: |
|
|