İqtisadi nəzəriyyənin məqsəd və vəzifələri. İqtisadi nəzəriyyənin funksiyaları.
İqtisadi nəzəriyyənin obyekti və predmeti.
İqtisadi nəzəriyyə – təsərrüfatın aparılması, idarə edilməsi haqqında mühüm
nəzəriyyələri birləşdirən elm sahəsidir.
İqtisadi nəzəriyyənin özünəməxsus məqsədləri və vəzifələri mövcüddur.
Bütün digər elmlər kimi iqtisadi nəzəriyyə də müəyyən vəzifələr yerinə yetirir.
Bunlardan ən mühümlüsü 1)iqtisadi hadisə və prosesləri tədqiq etmək və onların
mahiyyətini izah etməkdir. İqtisadi nəzəriyyə fundamental, metodoloji bir elm
sahəsidir. İqtisadiyyatı bütövlükdə tədqiq etmək və nəzəri təhlilini vermək onun
əsas funksiyasıdır. İqtisadi nəzəriyyə müxtəlif iqtisadi hadisə və prosesin baş
verməsinin əsas, mühüm səbəbini aşkar edir. Ümumiyətlə elmin vəzifəsi proseslərin
mahiyyətini aşkar etməkdən ibarətdir.
2)İqtisadi nəzəriyyənin ikinci vəzifəsi digər iqtisadi elmlər üçün metodoloji əsas
olmaqdan ibarətdir.
Belə ki, iqtisadi nəzəriyyə nəzəri, metodoloji elm olmaqla iqtisadi hadisə və
prosesləri tədqiq edir, onların mahiyyətini aşkar edir. Digər iqtisadi elmlər isə həmin
hadisənin öz sahələrində təzahür xüsusiyyətlərini araşdırırlar. Məsələn, iqtisadi
nəzəriyyə ümumi iqtisadi qanun olan əmək məhsuldarlığının mahiyyətini, artırılması
amillərini nəzəri cəhətdən öyrəndiyi halda sahə iqtisadi elmləri bu qanunun öz
sahələrində (sənaye, kənd təsərrüfatı, tikinti və s.) təzahürlərini öyrənirlər. Məlum
məsələdir ki, iqtisadiyyatın müxtəlif sahələrində əmək məhsuldarlığı amilləri xeyli
müxtəlifdir.
3)İqtisadi nəzəriyyənin mühüm vəzifələrindən biri də cəmiyyət üzvlərində, daha
doğrusu onu öyrənənlərdə
iqtisadi təfəkkürü formalaşdırmaqdır. İqtisadi təfəkkür dedikdə cəmiyyət üzvlərində
iqtisadi hadisələr haqqında müəyyən təsəvvürlərin biliklərin olması və
fəaliyyətlərində onlardan istifadə etməsidir. İqtisadi təfəkkür istehsal mədəniyyəti,
istehlak mədəniyyəti, ekoloji mədəniyyət, vergi mədəniyyətini özündə birləşdirir.
Məsəl uçün, istehsal mədəniyyətinin yüksəlməsi istehsal amillərdən daha səmərəli
istifadə etməklə, daha çox, yüksək keyfiyyətli məhsul istehsal edilməsinə səbəb olur.
Bu isə istehsalçının , istərsə də cəmiyyət üzvlərinin tələbatlarının daha dolğun
ödənilməsi, ölkənin iqtisadi qüdrətinin möhkəmlənməsi deməkdir.
İstehlak mədəniyyətinin yüksəlməsi dedikdə cəmiyyət üzvlərinin istehlakının
norma daxilində olması nəzərdə tutulur. (Hər bir cəmiyyət üzvu istehlak etdiyi
məhsulu norma daxilində istehlak etsə, onda israfçılığın qarşısı alınar) Müasir
mərhələdə istehsal mədəniyyəti ilə yanaşı istehlak mədəniyyətinin daha geniş
yayılması, mənimsənilməsi xüsusi əhəmiyyət kəsb edir. Ətrafımıza diqqətlə baxsaq
insanların xeyli hissəsinin istehlak mədəniyyətinin xeyli aşağı olması nəzərə çarpır.
Bu səbəbdən də başqalarının əməyinin məhsulu olan çoxlu miqdarda ərzaq və digər
məxsul tullanır.
Məsələn , inkişaf etmiş ölkələrin bir çoxunda hər il 40-50% ərzaq məhsulu atılır.
(halbuki dünyada bir milliarda yaxın insan yemək tapmır)
Ekoloji mədəniyyətin yüksəlməsi cəmiyyət üzvlərinin onları əhatə edən ətraf
mühütdən daha səmərəli istifadə etməsi və onun qorunması və qayğısına qalmasına
gətirib çıxarır.
Dostları ilə paylaş: |