Qaraqalpaqstan Respublikası
Xalıq bilimlendiriw ministrligi
Respublika bilimlendiriw orayı
2022-2023-oqıw jılında uluwma
orta bilim beriw mekteplerinde oqıw basqa
tillerde alıp barılatuǵın klaslarda qaraqalpaq tili
(mámleketlik tili) páninen
9 – 11 - klass pitkeriwshıleri ushın juwmaqlawshı
mámleketlik attestaciya materialları hám
metodikalıq kórsetpeler toplamı
Nókis-2023
Qaraqalpaq tili (mámleketlik tili) páninen basqıshlı qadaǵalaw imtixanları menen juwmaqlawshı mámleketlik attestaciya materialları hám metodikalıq kórsetpeler toplamı Respublikalıq oqıw – metodikalıq orayı janındaǵı ilimiy metodikalıq Keńesiniń 2023-jıl -aprel -sanlı májlisinde kórip shıǵılıp, tastiyıqlandı hám en jaydıriwǵa usınıs etildi.
Mektep metod birlespeleri tárepinen imtixan biletlerine 15-20 %
muǵdarında ózgerisler kirgiziliwi múmkin.
Basqishlı qadaǵalaw imtixanları menen juwmaqlawshı mámleketlik attestaciya materialları hám metodikalıq kórsetpeler toplamın tayarlaǵan:
Zulfiya Ismaylova - Respublikalıq bilimlendiriw orayınıń
qaraqalpaq tili hám ádebiyati páni metodisti
Qaraqalpaq tili (mámleketlik tili) páni boyınsha 9-klass ushın imtixan biletleri.
Oqıw basqa tillerde alıp barılatuǵın uluwma orta bilim beriw mekteplerinde pitkeriwshi 9-klaslarda qaraqalpaq tili (mámleketlik tili) páninen jeterli dárejede awızeki sóylew kónlikpelerine, leksikalıq grammatikalıq bilimlerge, yaǵnıy sózlerdiń durıs jazılıwına baylanıslı imla qaǵıydaların biliwi, óz pikirlerin dálilley alıwı, is qaǵazları menen islep biliwi, mánili hám kómekshi sóz shaqapların ajırata alıwı, sóz dizbegi, gáp, gáp aǵzaların biliw, naqıl-maqallardıń mánisin biliwi, qaraqalpaq ádebiyatı úlgileri hám olardıń shıǵarmaları haqqında maǵluwmatlarǵa iye bolıwı, shıǵarma qaharmanlarına múnásebetin bildire alıwı, súwretlerde sáwlelengen waqıya-hádiyselerdiń mazmunın tusindirip bere alıwı, berilgen tekstti oqıp, mazmunın aytıp bere alıwı, qosıqtı tásirli etip oqıy alıwı, qosımsha ádebiy tekstlerdi, audio, video quralları járdeminde tıńlaw arqalı mazmunın túsine alıwı, xabarlar, xat jaza alıwı kerek.
Imtixan materialları qaraqalpaq (mámleketlik til) tili páninen Mámleketlik bilimlendiriw standartı hám oqıw baǵdarlamasında belgilengen materiyallar tiykarında tayarlanıp, imtixan biletleri 3 sorawdan ibarat:
1-soraw ushın muǵallim tekstler, qosıqlardan úzindilerden alıp aldınnan tayarlap qoyadı Bilet penen birge muǵallim tárepinen berilgen teksttiń mazmunın sóylep beriw, yaǵnıy sabaqlıqta berilgen ádebiy oqıw ushın usınıs etilgen tekstler, qosıqlar, qosımsha tańlanǵan materiallardan úzindilerdi tásirli etip mazmunın túsindirip berip, sorawlarǵa juwap beriwı, soraw dúziwi kerek. Oqıwshı tekstke ózi bilgen qosımsha maǵlıwmatlar menen tolıqtırıwına boladı.
2-soraw: Grammatikalıq tapsırma bolıp, bunda oqıwshı úyrenilgen leksikalıq-grammatikalıq materiallar tiykarında berilgen tapsırmalardı orınlaydı. Yaǵnıy noqatlar ornına kerekli qosımtalardı, sózlerdi qoyadı. Sózlerdi buwınlarǵa bóliw, túsirilip qaldırılǵan irkilis belgilerdi qoyıw, sózlerden paydalanıp gáp dúziw talap etiledi.
3-soraw: Erkin tema bolıp, sáwbet túrinde oqıwshınıń kúndelikli turmısı ushın zárúr bolǵan temalar boyınsha dúzilgen. Oqıwshı berilgen sorawlar boyınsha óz pikirlerin bayanlaydı hám shayır hám jazıwshılardıń qosıqlarınan kórkemlep oqıydı,mazmunın aytıp beredi, ustazıńızdı táriyipleń, qanday kitaplardı oqıǵandı jaqsı kóresiz?, sportshılardan kimlerdi bilesiz? sıyaqlı temalar arqalı oqıwshınıń múnásibeti hám keleshek rejesi haqqında pikirleri menen tanısıwıńız múmkin. Usı qosıqlardıń mazmunına baylanıslı oqıwshılardıń kúndelikli turmısında zárúr bolǵan temalar tiykarında óz pikirin bayan etiwi ushın 15-20 minut waqıt beriledi.
Dostları ilə paylaş: |
