30
Evrənin (Dünyanın) üçqatlı məbəd kimi yuxarıda Göyə,
aşağıda yerüstü və yeraltı bölməyə ayrıldığını düşünən et-
rusklar hər bölmənin öz tanrısı olduğuna inanırdılar. Bu, ver-
tikal bölgü idi. Horizontal bölgü isə Dünyanın dörd tərəfə
ayrılması ilə doğu-batı, quzey-güney cəhətləri bildirirdi. Do-
ğuda xeyirxah, batıda isə şər qüvvələri təmsil edən tanrı və
demonlar vardı. Etruskların çoxsaylı panteonu tam aydınlaş-
mayıb, çünki teonim kimi verilən bəzi adlar əslində epitetlər
ola bilər.
Siseron çağında etrusk dini görüşlərinə aid yazılan əsər
haqqındakı qeydlər etrusk kosmoqoniyasında göydəki 16
bölmənin hərəsinə aid birər tanrını, zodiakı təmsil edən 12
tanrını, planetlərə aid 7 tanrını və baş tanrı Tinlə bərabər
Ana (Uni), Minerva tanrıcalarını, həmçinin tanrılar kurulunu
( senatores deorum) sərgiləyir.
Etrusk törələri ( disciplina etrusca) m.ö. II əsrdə qələmə
alınmış bir neçə bitikdə əks olunsa da, onlar qalmamışdır,
yalnız onlardan bəhs edən bəzi yazarların verdiyi azacıq bəl-
gələrə əsasən bəlli olur ki, bunlar ildırımlar haqqında ( libri
fulgurales), gələcəkdən xəbərvermə ( libri haruspikini) və
törənlərə ( libri rituales) aid yazılmış kitablardır. Etrusklar
doğal olayları, təbiət hadisələrini ilahiləşdirib çoxlu tanrı və
tanrıcalara sitayiş edirdilər.
Başqa bir versiyaya görə, disiplina etruska tanrı elçiləri-
nin (peyğəmbərlərin), özəlliklə Taqın yorumlarına köklənən
törələrin yazıldığı qutsal bitiklər idi. Belə qutsal bitiklərin
sayı isə beş imiş: libri haruspicini, fulgurales, rituales,
fatales, acheruntici. Birincisi haruspika, ikincisi ildırım yo-
rumları, üçüncüsü icra olunası törənlər, dördüncüsü çeşidli
möcüzələr, beşincisi isə ölümdən sonrakı yaşamla bağlı idi.
Sadalanan bitiklərdən yalnız ildırım və törənlərə aid olanlar
haqqında müəyən məlumatlar bəllidir, digərləri haqqında isə
30
31
dolayı tanıtmalar vardır. Belə ki, heyvanın içalatı üzərində
falaçma qaydası Pyaçenzada tapılan ciyərformalı tunc fiqur
üzərindəki yazı və cizgilərdən bəlli olur.
Rituallar (törənlər) ilə bağlı bitikdə şəhərsalma, məbədlər
və mehrab tikmə qaydaları, divara bəzək vurulması, qapının
hansı səmtə açılması kimi məsələlər yer tutur. Burada həm
də budun, boy, soy bölgüləri, ordunun səfərbərliyi, savaşa
hazırlıq, ordunun başında kimin dura biləcəyi, savaş və barış
üçün hansı addımların atılması, dini və sivil törənlərin keçi-
rilmə günlərini bildirən təqvim də göstərilmişdir.
Belə törənlərin gerçək üzünü Roma şəhərinin salınması
ilə bağlı verilən bilgilərdə görmək olur. Tit Liviy yazır ki,
Roma şəhərinin əsası etrusk törəsilə qoyulmuşdur. Belə ki,
bu şəhərin Palatin təpəsində əsası qoyularkən onun sınırını
cızmaq üçün mərkəzdən eyni məsafə uzantısında dörd daşla
bəlirlənmşdir. Ona görə də sonralar Roma quadrata (Dörd-
bucaqlı Roma) deyimi yaranmışdı. Şəhərin ilkin qala hasarı
həmin kvadrat boyu kotanla açılan şırım üzərində tikilmişdi.
Hasarın içindəki İçərişəhərdə yaşamaq hüququ olanlar hasar
dışında olanlardan üstün idi. İçəriyə yalnız qapıdan girmək
olardı. Etrusk törəsinə görə bu qaydanı pozanı ölüm cəzası
gözləyirdi. Romul da həmin törəni pozan qardaşı Remi bu
nədənlə öldürmüşdü.
Libri rituales bitiyində sosial toplumun yaşam törələri,
siyasi-ictimai normalar və obiri dünyadakı durum haqqında
bilgi verilirdi. Bu bitiklərlə uğraşan uzman kahinlər iyerar-
xiyası vardı. Etrusk törələrinin roma toplumuna böyük təsiri
olmuşdur. Miladdan sonra, hətta romalılar 408-də qotların
Romaya hucumunu etrusk ritualı ilə dəf etmək istəmişdilər.
İldırım yorumu haqqında bitik. İldırım çaxmasını yoz-
maq üçün etrusk kahinlərinə romalıların da vaxtaşırı müra-
ciət etməsi başqa kitablara nisbətən ildırımla bağlı bitik haq-
31
32
qında daha çox məlumatın qalmasına səbəb olmuşdur. Bu
bitikdə ildırım çaxmalarını yozmaq qaydaları, ildırımın hansı
tərəfdən çaxması, nəyi vurması və harada eyni olayın təkrar
olunması ilə bağlı yozumlar vardı.
Seneka yazır ki, romalılar ildırım çaxmasını buludların
toqquşması ilə baş verdiyini düşünür, etrusklar isə ildırımın
çaxması üçün buludların toqquşduğunu və bunun tanrıların
istəyilə baş tutduğuna inanırdı. Göydən yerə göndərilən 12
türlü ildırımdan baş tanrı Tin yalnız üçünü, tanrılardan bə-
ziləri isə birər ildırım göndərirdi. Ona görə, baxıcılar çaxan
ildırımın hansı tanrı tərəfindən, hansı yöndən hansı amacla
göndərildiyini öyrənmək üçün fala baxırdılar.
Yandırıb-yaxmaq məqsədilə dağıdıcı ildırımı göndərmək
üçün Tin oniki tanrı şurasının razılığını almalı idi. Etrusklar
manubiy dediyi ildırımlara qorxunc olay kimi deyil, tanrının
xəbərdarlığı kimi baxırdılar. İldırımların bir qismi ehtiyatlı
olmaqla, bir qismi ölüm və sürgün olayının yaxınlaşması ilə,
digəri lukumona (başçıya) qarşı təhlükəli olayla bağlı idi.
Baxıcılar gözlənilən bu tür təhlükələrin qarşısını almaq üçün
müəyən vaxt ayarlayırdı, bunun icrasının dərhal, yaxud son-
raya saxlanması göstərilirdi.
Plini qeyd edirdi ki, deyilənə görə, car Volsini tanrıların
qorxunc yaratıq Voltu ildırımla öldürməsinə nail olmuşdur.
Bu qeyddən bəlli olur ki, ildırımdan düşməni məhv etmək
üçün də istifadə olunmuş, bu məqsədlə ildırımla ilgisi olan
tanrılara qurban sunulmuşdur.
Irq bitik (fal kitabı). Görünür, Irq bitik yalnız fərdlərin
deyil, bütöv toplumun, dövlətin başına gələcəkləri öngörü
ilə aydınlığa çıxarmaq amacı güdürdü. Belə fal kitabları Ön
Asiyada yayğın idi. Etrusklar insan yaşamını 12 yeddi illiyə
ayırır; hər yeddi il dönəmində insan verilən yeni imkanlara
uyğun davranmalı, tanrının ona bağışladığını qəbul edərək
32
Dostları ilə paylaş: |