__________Milli Kitabxana__________
51
tarixli iclasda bir daha təkrar etdi. Mübahisələrə B.Şahtaxtin-
skinin çıxışı son qoydu. Yalnız onun çıxışından sonra Kazım
Qarabəkir Paşa geri çəkildi və Moskva müqaviləsi imzalan-
dıqdan sonra Güney Qafqazda yaranmış yeni şəraitdən xəbərsiz
olduğunu bildirdi. 30 sentyabr tarixli iclasda ümumi müqavilə-
nin imzalanması barədə razılıq əldə edildi. 1921-ci il oktyabrın
13-də RSFSR-in iştirakı ilə Azərbaycan, Gürcüstan və Ermə-
nistan Türkiyə ilə 20 maddədən və 3 əlavədən ibarət Kars mü-
qaviləsini imzaladılar (5, s. 141).
Müqavilənin birinci maddəsi ilə tərəflər bütün əvvəlki
qeyri-bərabərhüquqlu müqavilələri ləğv edirdilər. İkinci mad-
dəyə görə Azərbaycan, Gürcüstan və Ermənistan zorla qəbul
etdirilən müqavilələri rədd edirdilər və Türkiyə Millət Məcli-
sinin qəbul etmədiyi sənədləri qəbul etmirdilər. Üç respublika
1920-ci il 10 avqust tarixli Sevr müqaviləsini qeyri-bərabər-
hüquqlu müqavilə kimi rədd edirdi. Üçüncü maddəyə görə üç
respublika Türkiyədəki işğal rejimini rədd edirdi və bunu
xalqların hüquqları ilə bir araya sığmayan sayırdı. Dördüncü
maddə ilə sərhəd məsələləri tənzimlənirdi. Beşinci maddəyə
görə üç Güney Qafqaz respublikası və Türkiyə Naxçıvanın
Azərbaycan tərkibində saxlanılmasına razı olduqlarını bildirir-
dilər. Altıncı maddə ilə Türkiyə Batumu Gürcüstana güzəştə
gedirdi. Gürcüstan burada muxtariyyət yaratmalı idi. Yeddinci
maddəyə görə kömrük yumşaldılırdı. Səkkizinci maddəyə görə
Türkiyə və Gürcüstan yaylaq və qışlaqlardan birgə istifadə
etməli idilər. Doqquzuncu maddəyə görə tərəflər Qara dənizin
statusunun hazırlanmasını vacib sayırdılar. Onuncu maddəyə
görə tərəflər öz ərazilərində digərlərinə qarşı yönəldilən qrup
və təşkilatların yerləşdirilməsinə icazə verməmək barədə öhdə-
lik götürürdülər. On birinci maddə ailə hüququna və miras mə-
sələlərinə həsr edilmişdi. Bu məsələlər xüsusi sazişlə həll edil-
məli idi. On ikinci maddə ilə tərəflər ərazisində olan digər ölkə
vətəndaşları üçün əlverişli şərait yaratmaq barədə öhdəlik gütü-
rürdülər. Lakin bu hüqüq tərəflərin müttəfiqlərinin vətəndaşla-
__________Milli Kitabxana__________
52
rına aid edilmirdi. On üçüncü maddəyə görə 1918-ci ilədək Ru-
siyanın, indi isə Türkiyənin hesab edilən ərazilərinin hər hansı
sakini istəyinə uyğun olaraq türk vətəndaşlığından çıxa, Tür-
kiyəni azad şəkildə tərk edə, əmlakını və ya onun dəyərini özü
ilə götürə bilərdi. On dördüncü maddəyə görə tərəflər müqavilə
imzalandığı gündən altı ay müddətində 1918 – 1920-ci illər
müharibəsi qaçqınlarına dair xüsusi saziş bağlamalı idi. On
beşinci maddə ilə tərəflər Qafqaz cəbhəsində hərbi əməliyyatlar
zamanı cinayət törədən şəxsləri müqavilə imzalanan kimi
amnistiyaya buraxırdılar. On altıncı maddəyə görə tərəflər
müqavilə imzalandıqdan sonra iki ay müddətində olan keçmiş
hərbi və mülki əsirləri azad etməli idilər. On yeddinci maddəyə
görə ölkələr arasında əlaqələrin daimiliyini təmin etmək üçün
tərəflər dəmir yolu, teleqraf və başqa rabitə vasitələrini, insan-
ların və malların maneəsiz hərəkətini saxlamalı və inkişaf etdir-
məli idilər. On səkkizinci maddəyə görə tərəflər ticarət əlaqələ-
rini qurmaq, iqtisadi, maliyyə və digər məsələləri tənzimləmək,
dostluq münasibətlərini möhkəmləndirmək üçün müqavilə im-
zaladıqdan dərhal sonra Tiflisdə müvafiq ölkələrin komossiya-
sını yaratmalı idilər. On doqquzuncu maddəyə görə tərəflər
müqavilə imzalandıqdan sonraki üç ay müddətində konsul kon-
vensiyasını bağlamalı idilər. İyirminci maddəyə görə müqavilə
ratifikasiya edilməli idi. Ratifikasiya sənədləri İrəvanda müba-
dilə olunmalı idi. Müqavilənin 6, 14, 15, 16, 18 və 19-cu mad-
dələri ratifikasiya edilməməli və dərhal qüvvəyə minməli idi.
Müqavilə beş nüsxədən ibarət tərtib edilmişdi. Müqavilənin
imzalanmasının tərəflər üçün böyük əhəmiyyəti var idi. Türk
diplomatiyası üçün: ona zorla qəbul etdirilən Sevr müqaviləsi-
nə qarşı Rusiya ilə birlikdə Azərbaycan, Gürcüstan və Ermə-
nistanın dəstəyini aldı; dünyaya və xüsusən Antanta ölkələrinə
Sevr müqaviləsinin iflasa uğrayacağını göstərdi; türklərin Ver-
sal sülh sisteminin özlərinə aid olan maddələrini dağıtmaları
XX əsrin ən böyük hadisələrindən biri oldu; üç Güney Qafqaz
respublikası, xüsusən Ermənistanla münasibətlərini tənzimlədi;
__________Milli Kitabxana__________
53
onlarla mehriban qonşuluq münasibətlərinin və işgüzar əlaqələ-
rinin qurulması üçün hüquqi-siyasi zəmin hazırladı; özünün
Güney Qafqaz respublikaları ilə olan sərhədlərinin təhlükəsiz-
liyini təmin etdi.
Konfransda vasitəçi rolunu oynayan rus diplomatiyası
üçün: öz siyasi məqsədlərinə çatmaqda rus diplomatiyası tanın-
mayan bolşevik hökuməti üçün Türkiyədən yeni dəstək aldı;
Güney Qafqaz respublikalarını vahid dövlətdə birləşdirməkdən
ötrü ciddi addımlar atdı; Türkiyə ilə sərhədlərində təhlükə-
sizliyi təmin etdi; Güney Qafqazda öz təsirini və hökmranlığını
möhkəmləndirdi; üç respublikanı Türkiyəyə qarşı qoymaq üçün
cəhdlər etdi (5, s. 142-143).
Azərbaycan, Gürcüstan və Ermənistan diplomatiyası üçün:
bu respublikaların Türkiyə ilə ərazi məsələləri həll edildi; Tür-
kiyə ilə mehriban qonşuluq münasibətlərinin əsası qoyuldu;
müqavilə imzalanması zahirən üç respublikanın müstəqil xarici
siyasət yeritməsi kimi təbliğ edilsə də əslində konfransda üç
respublikanın göstəriş verəni konfransda mühüm rol oynayan
Rusiya idi.
Türkiyə Böyük Millət Məclisi 1922-ci il martın 17-də 172
səslə Kars müqaviləsini təsdiq etdi. 1922-ci il martın 3-də
Azərbaycan Mərkəzi İcraiyyə Komitəsinin III sessiyasının
iclasında Kars müqaviləsi yekdilliklə təsdiq olundu. Martın 20-
də Ermənistan, iyunun 14-də isə Gürcüstan Mərkəzi İcraiyyə
Komitələri müqaviləni təsdiq etdilər. 1922-ci il sentyabrın 11-
də İrəvanda təsdiq fərmanları mübadilə edildi və Kars müqa-
viləsi həmin gündən qüvvəyə mindi. Kars müqaviləsi imza-
landıqdan sonra, hələ təsdiq olunmasına qədər Güney Qafqaz –
Türkiyə konfransı keçirildi. Kars müqaviləsinin maddələrini
həyata keçirmək məsələlərinə həsr edilmiş bu konfrans 1922-ci
il fevralın 15-də Tiflisdə öz işinə başladı. Aprelin 15-dən iyu-
lun 9-dək Rusiya və üç Güney Qafqaz respublikası ilə Türkiyə
arasında aşağıdakı konvensiyalar imzalandı: Konsul konvensi-
yası; konsul konvensiyasına əlavə; hüquqi yardım haqqında
Dostları ilə paylaş: |