Ağarəhim Əsərlər
444
rəyan edən hadisəni öz həyatına köçürür. Nazimin daxili aləminə
nüfuz edir, keçirdiyi psixoloji halları keçirir, başqa sözlə, onunla
birlikdə sevinir, şənlənir, fərəhlənir və s.
Hekayədə təsvir olunan hadisənin baş vermə zamanını dəyiş-
məklə məzmunun nağıl etdirilməsi, də faydalıdır. Tutaq ki, hekayə
keçmiş hadisəyə həsr olunmuşdur. Ola bilər ki, müəllim şagirdlərin
yaradıcı fəaliyyətini və şüurluluğunu təmin etmək üçün məzmunu
indiki, yaxud gələcək zamanda nağıl etdirsin. Məsələn, II sinifdə
İ.Əfəndiyevin ―Maraqlı hadisə‖ hekayəsini indiki zamanda təzahür
edən, (davam etməkdə olan hadisə kimi) şagirdlərə nağıl etdirmək
olar. Şagirdlər müəllimin tələbi ilə işə girişirlər. Hadisənin ayrı-ayrı
elementlərinin, hər cümlənin üzərində düşünür, götür-qoy edir, əhə-
miyyətsiz olanı atır, faktları yeni söz və cümlələrlə təsvir edirlər.
Keçmiş hadisəni davam etməkdə olan prosesə çevirirlər. Yaxud ək-
sinə. İndiki zamanda ifadə edilən məzmunu keçmiş, yaxud gələcək
zamana çevirib nağıl etdirilməsi məsləhətdir. Əlbəttə, həmişə yox,
müəllim ehtiyac duyduqda bu variantlardan istifadə
:
edə bilər.
II sinifdə tədris ilinin sonunda, III-IV siniflərdə isə il boyu eyni
mətndə verilmiş müsbət və mənfi obrazın hərəkətlərini müqayisəli
şəkildə şagirdlərə nağıl etdirmək lazımdır. Bu prosesdə şagirdlər
daha müstəqil fəaliyyət göstərirlər. Onlar qarşı-qarşıya duran surət-
lərin hərəkətinə diqqət yetirir, xarakterlərini, psixologiyalarını öy-
rənirlər. Sonra onların əlamətlərini tutuşdurur, müqayisə edir, hər
ikisinin fəaliyyətini nağıl edirlər. Məslən, II sinifdə ―İlk bahar‖ he-
kayəsi oxunduqdan sonra ―İlk baharda hansı çiçəklər görünür?
Hansı ağaclar tez çiçək açır? İşti ölkələrdən uçub gələn quşlardan
hansılarını müşahidə edirsiniz? Adamlar bağlarda, tarlalarda hansı
işləri görürlər? Havalar necə olur?‖ və s. kimi suallar verilməlidir.
Bundan sonra şagirdlərdən biri otlar, çiçəklər, ikincisi insanların
əməyi, üçüncülər heyvanlar, quşlar, dördüncülər isə ümumiyyətlə
təbiət haqqında danışırlar. Beləliklə, şagirdlər təsvir etdikləri əşya-
ları tutuşdurur, cümlələr qurur, məzmunu monoloji şəkildə ifadə
edirlər.
III-IV siniflərdə monoloji şifahi nitqin inkişafı baxımından bu
Ağarəhim Əsərlər
445
işə bir qədər də geniş yer verilməlidir.
Təcrübə göstərir ki, nəzm əsərlərinin nəsrə çevrilərək nağıl etdi-
rilməsi monoloji şifahi nitqin inkişafında çox əhəmiyyətlidir. Heka-
yə və nağılda olduğu kimi, burada şagirdlər hazır nitq materialların-
dan (ifadə və cümlələrdən) istifadə etmirlər. Onlar təfəkküründə
yaranan obrazı (məzmunu) vermək üçün aydın və dəqiq forma ax-
tarırlar. Bu baxımdan kiçik yaşlı məktəblilərin işini bir qədər baya-
ğı görünsə də, yazıçının işi ilə müqayisə etmək olar. Hər ikisi qu-
rur, hər ikisi yaradır, ifadə edir. Şagirdə məzmunu oxu materialı ve-
rir, yazıçıya isə həyatın özü.
II sinifdə bu işə sadə təmsillərdən başlamaq məsləhətdir. Əvvə-
la təmsillərdə məzmun heyvanların, quşların dili ilə açıldığından
şagirdləri çox maraqlandırır. İikncisi, təmsillər bir qədər sadə süjet
üzərində qurulur. Məzmun oynaq dillə təfsilatı ilə verilir. Məsələn,
II sinifdə E.Mehdiyevin ―Bülbül və qarğa‖ təmsilini oxuyan kimi
şagirdlər çətinlik çəkmədən məzmunu nağıl edirlər. Belə sadə ma-
teriallar üzərində işin təşkili şagirdləri mahiyyəti anlamağa, III-IV
siniflərdə böyük həcmli mürəkkəb və qəliz nəzm əsərlərinin məz-
mununu nağıl etməyə hazırlayır.
IV sinifdə Ə.Kərimin ―Dənizdə şəhər‖ şeirini nəsrə çevirərək
danışmaq məqsədi ilə şagirdlərə müəyyən suallar verilməlidir: III-
IV siniflərdə seçmə nağıletməyə yer verilməlidir. İlk vaxtlar şagird-
lər bu işə girişməkdə çətinlik çəkirlər. Lakin tədricən buna alışırlar.
Məsələn, IV sinifdə H.Senkeviçin ―Çalğıçı Yanko‖ hekayəsinin
məzmunu ilə əlaqədar şagirdlərə ―Yankonun gecələr musiqiyə qu-
laq asmaq üçün meyxanaya gəlməsi təsvir olunmuş hissəni nağıl
edin‖, ―Yankonun mülkədarın evinə gəldiyi hissəni nağıl edin‖,
―Yankonun döyülməsi təsvir olunmuş hissəni danışın‖, ―Yankonun
ölümü təsvir olunmuş hissəni nağıl edin‖ və s. kimi tapşırıqlar ve-
rib danışdırmaq mümkündür. Şagirdlər belə tapşırıqlar əsasında öy-
rəndiklərini təhlil-tərkib etməyə, onları digərlərindən ayırmağa,
fakt və hadisələr arasındakı fərqi tutmağa və öyrəndiklərini mono-
loji şəkildə ifadə etməyə çalışırlar.
Təcrübə göstərir ki, ibtidai siniflərdə məzmunun yığcam nağıl
Ağarəhim Əsərlər
446
olunması müstəsna əhəmiyyət kəsb edir. Bu, şagirdlərdən araşdır-
malar aparmağı, şüurlu fəaliyyət göstərməyi, birinci dərəcəli məsə-
lələri, ikinci, üçüncülərdən fərqləndirməyi, əsas məzmunu tutmağı
və s. tələb edir. Bu işə II sinifdə tədris ilinin ikinci yarısından başla-
maq və şagirdlərə məzmunla bağlı tutarlı sualların verilməsi məslə-
hətdir. Məslən, III sinifdə ―Qara qızıl‖ hekayəsi üzrə ―Hekayə nə
üçün ―Qara qızıl‖ adlanır?‖, ―Nefti necə çıxarırlar?‖, ―Neftdən nə-
lər alınır?‖, ―Qəhrəman neftçilərdən kimləri tanıyırsan?‖ yaxud
―Möcüzə‖ mətni ilə əlaqədar ―İnsan əlləri ilə hansı möcüzələr edil-
mişdir?‖, ―Elektrikin köməyi ilə yer üzündə, su altında, fabrik və
zavodlarda, məktəblərdə və evdə hansı işlər görülür?‖ və s. suallar
şagirdləri konkret vəzifələrlə qarşılaşdırdığından onlar da real fakt-
lara əsaslanır, məzmunu yığcam nağıl etməyə çalışırlar.
III-IV siniflərdə şagirdlər böyük həcmli mətnlərin məzmununu
plan əsasında nağıl etməyi bacarmalıdırlar.
Plan elə tərtib olunmalıdır ki, onun hər bir maddəsi məzmunun
əsas hissəsini, fabulasını açmağa zəmin yaratsın. Məsələn, IV sinif-
də ―Nəsrəddin Tusi ilə bostançı‖ hekayəsi üzrə ―Nəsrəddin Tusinin
Marağaya getməsi‖, ―Nəsrəddin Tusinin qocaya rast gəlməsi‖,
―Nəsrəddin Tusinin qocanı sınağa çəkməsi‖; Qocanın Marağa rə-
sədxanasına gətirilməsi‖ və s. maddələr üzrə yığcam nağıl etdirmək
mümkündür.
I-IV siniflərdə dialoqlu mətnlərin məzmununun improvizasiya
üzrə nağıl etdirilməsi çox faydalıdır. Burada şagirdlər hekayənin
məzmununu təkcə təfsilatı ilə nağıl etməklə qalmırlar, həm də özlə-
ri onun iştirakçısına çevrilirlər. Belə nağıletmə yalnız oxumağa,
eşitməyə deyil, həmçinin əyaniliyə, hissi obrazlara əsaslanır. Şa-
girdlər bir növ aktyor kimi hərəkət etməli olur, məlumat verməklə
onların hissi, duyğusu, emosional fantaziyası da hərəkətə gəlir,
özləri yeni obraz yaradırlar. Belə obrazların dünyası şagirdin şəxsi
həyatına çevrilir. Tərəf müqabilinə emosional təsir göstərməyə çalı-
şır. Nağıletmə canlı şəkil alır. Ona görə də improvizasiya üzrə na-
ğıletmə prosesində müəllim aşağıdakıları nəzərə almalıdır:
— şagirdlərə nağıletmə nümunəsinin (müəllim və yaxud maq-
Dostları ilə paylaş: |