downloaded from KitabYurdu.org
98
də yalnız həmin iki kabel telefonu, lazım olanda, kənd
camaatının işinə yarayırdı.
Ağamurad şöbədən maşın istəyib dəstəyi yerinə qoydu və
Mehdixan kişiyə dedi:
-
Bunu aparmalıyam şöbəyə!
-
Özün bilərsən! - Mehdixan kişi qısa cavab verdi.
-
Ancaq Ağayara da baş çəkmək istəyirəm. Bəlkə özüm
gedim evlərinə?
-
Ağayar indi yas mərasimində olmalıdır. Bu gün rəhmətlik
qardaşının üçüdür axı?! Bir azdan durub gedərik. Həm
Ağayarla söhbət edərsən, həm də başsağlığı verərik.
Yas mərasiminə Əhliman rəhbərlik edirdi. Cavan uşaqlara
müxtəlif tapşırıqlar verir, ora- bura qaçırırdı. Ağayar isə
çəkilib bir kənarda oturmuşdu. Bir-iki nəfər də başına yığışıb
nədənsə söhbət edirdilər. Mirsahib də onların arasında idi.
Ağamurad Əhlimanla görüşəndən sonra Ağayan bir kənara
çəkib ondan hal-əhval tutdu. Qardaşının faciəli ölümünə görə
başsağlığı verdi. O, bu kəndə işləməyə gələndən Ağayarla
tanış olmuşdu və söhbətləri həmişə tuturdu. Mehdixan kişinin
süfrəsində ürəyi istədiyi qədər araq içə bilmədiyi üçün, kənddə
nahar vaxtına düşəndə özünü bir bəhanə ilə Ağayargilə
verirdi. Ağayann süfrəsində isə araq həmişə bol olurdu.
downloaded from KitabYurdu.org
downloaded from KitabYurdu.org
99
Miriyev Ağayardan öyrəndi ki, Mirsahib onun evinə hava
qaralanda gəlib və bir saatdan artıq oturub, sonra çıxıb gedib.
Mərhumun qardaşına bir daha başsağlığı verib, Mehdixan kişi
ilə küçəyə çıxdı. Yavaş-yavaş nümayəndəliyə tərəf getdilər.
İdarənin qarşısında polis şöbəsinə məxsus «UAZ»
dayanmışdı. Sahə müvəkkili küçədən keçən bir uşağa
Mirsahibi çağırmağı tapşırdı.
Mirsahib gələn kimi Ağamurada sataşdı:
-
Nədi, Ağamurad, istintaqın qurtarmadı?
-
Gəl otur maşına, şöbəyə getməliyik! - Ağamurad sifətini
ciddiləşdirdi.
-
Niyə?
-
Rəis tapşırıb!
-
Nə deyirəm, gedək! Ancaq onu da deyim ki, mən sizə heç
bir ifadə verməyəcəm.
-
Yaxşı, zarafatı burax, keç maşına!
Mirsahib maşına minən kimi, Ağamurad da icra nümayəndəsi
ilə sağollaşıb, sürücünün yanında əyləşdi. Maşın yola düşdü.
Mehdixan kişi bir müddət maşının arxasınca baxdı. Sonra isə
dönüb, tələsmədən ehsan verilən həyətə doğru addımladı.
downloaded from KitabYurdu.org
downloaded from KitabYurdu.org
100
II HİSSƏ
Müstəntiq Zeynalov rayon polis şöbəsinin istintaq otağında
oturub Bayəddinin istintaqa gətirilməsini gözləyirdi. Yaman
fikirli və yorğun görünürdü.
Axşam, rayonun prokuroru Mahmudun sirli qətli ilə bağlı
vacib şəxslərin hamısını kabinetə yığmışdı. Şöbənin rəisi
Xəlilov da orada idi. Müşavirə çox gərgin keçdi. Bayəddinin
müvəqqəti saxlama kamerasında özünə qəsd cəhdi ilə
əlaqədar Əmirəliyev xeyli məzəmmət edildi. Mayor burada da
öz xarakterinə sadiq qalıb prokurora etirazını bildirdi:
-
Bayəddin, ən azı, istintaqa yalan ifadə verməkdə
günahkardır. Kəndə apardığı adamın kim olduğunu demək
istəmir. Bəlkə onun başını tumarlamalı idim?!
Prokuror onu sakitləşdirib, çox təmkinlə cavab verdi:
-
Telman, sən əslində pis oğlan deyilsən. Bilirəm ki, təmiz
adamsan. Çirkin işlərlə aran yoxdu. Ancaq belə işləmək
olmaz. İndi əvvəlki zəmanə deyil. Hamı öz hüququnu başa
düşür və onu müdafiə edir. Yadında saxla ki, qarşındakı adam
lap cinayətkar olsa da, onu cəzalandırmaq sənin vəzifənə aid
deyil. Bu məhkəmənin işidir!
Baş vermiş qanlı cinayət çox geniş müzakirə ediləndən sonra
iş müstəntiqin icraatına verildi və ibtidai istintaq aparmaq
Zeynalova həvalə edildi. Şübhəli şəxs qismində hələlik iki
nəfər - Bayəddin və Mirsahib dindirilməli idi.
downloaded from KitabYurdu.org
downloaded from KitabYurdu.org
101
Müşavirədə, həmçinin Əhlimanın Xəlilova yazdığı ərizəsi də
müzakirə olundu və qərara gəlindi ki, Mahmudun öldürülməsi
ilə Səfayənin itkin düşməsi arasında, əslində, heç bir əlaqə
yoxdur. Yoxa çıxmış qadının axtarışı bir daha mayor
Əmirəliyevə tapşırıldı.
İndi istintaqı aparmalı olan müstəntiq Zeynalovun qarşısında
mütləq cavab tapılmalı bir-neçə sual dururdu. Birincisi,
Bayəddin 18 may gecəsi kəndə kimi aparmışdı? İkincisi,
həmin
şəxs axtarılan qatilin özüdürsə, Mahmudun
öldürülməsinə qədərki bir sutka vaxt ərzində o harada
olmuşdu? Üçüncüsü, Mirsahib sahə müvəkkilinin göstərdiyi
həmin yanm saat müddətində harada və nə işlə məşğul
olmuşdu? Onun Bayəddinin sirli və naməlum sərnişini ilə
əlaqəsi varmı? Və nəhayət, Əhlimanın cinayət baş verən gecə
Mahmudun pəncərəsində gördüyü kölgə kimin olmuşdur?
Əslində, bütün şübhə və xəyallar həmin sirli kölgənin başında
fırlanırdı. Zeynalov isə qəti inanırdı ki, Mahmudu məhz həmin
kölgənin sahibi öldürmüşdü.
O, Bayəddin barədə də çox düşünürdü.
Bütün vasitələrə əl atılmasına baxmayaraq, şübhəli sürücü
həmin gecə maşınında kiminsə olduğunu boynuna almırdı.
Bəlkə doğrudan da o, həmin uğursuz gecədə kəndə tək
getmişdi? Bəlkə Cavanşir adlı o cavan sürücü səhv edir, ya
bəlkə bilərəkdən yalan danışır? Yox, əgər Bayəddin doğrudan
downloaded from KitabYurdu.org
Dostları ilə paylaş: |