14
Yüksək dozada acqarına və sürətlə venadaxili yeridildikdə ortostatik kollapsa
səbəb ola bilər, üzdə qızartı, qaşınma, başgicəllənmə, qaraciyər piy infiltrasiyası,
diareya, anoreksiya, hiperqlikemiya, hiperurikemiya və qusma törədə bilər.
Mədənin selikli qişasına ulserogen, eləcə də qaraciyərə hepatotoksik təsir göstərir.
İstifadəsinə göstəriş: pellaqra, ateroskleroz, stenokardiya, tromboz, periferik və
baş beyin damarlarının spazmı, bronxial astma, yüngül forma diabet, qlossit,
antasit qastrit, enterokolit, hepatitdir.
Nikotin turşusu, nikotinamid, natrium nikotinat formada buraxılır.
Pantoten turşusu (B
5
vitamini) - Gündəlik təlabat 5 - 10 mq, maksimal 15 mq
- a qədərdir. 1933 – cü ildə Williams ilk dəfə bu maddənin (boy faktoru) mayanın
tərkibində olduğunu müəyyən etmişdir. 5 il sonra onu qaraciyərdən ayırmış,
kimyəvi strukturunu müəyyənləşdirərək pantoten turşusu adlandırmışdır (yunan
dilində “pantos” hər yerdə deməkdir).
Farmakoloji xüsusiyyəti: Pantoten turşusu üzv və toxumaların fizioloji
fəaliyyətində, qlükozanın mənimsənilməsində, polipeptidlərin və zülalların
sintezində mühüm rol oynayır, bağırsaqların peristaltikasını artırır, amin turşu və
karbohidratların bağırsaqdan qana sorulmasını sürətləndirir, asetilləşmə
reaksiyasında (asetil radikalını asetilləşən maddələrin molekuluna birləşməsində)
iştirak edir, koenzim A - nın tərkibinə daxildir. Turşu qalıqlarının (asil) akseptoru
və daşıyıcısı sayılır, koenzim A piroüzüm turşusu və α – ketoqlutar turşusunun
karboksilləşməsində iştirak edir, sirkə turşusunun toxuma daxili çevrilməsini
katalizə edən fermentlərin kofermentidir, yağ mübadiləsi, asetilxolinin sintezi,
kortikosteroidlərin əmələ gəlməsi prosesində iştirak edir, miokardın yığılma
aktivliyinin energetik təminatını yaxşılaşdırır.
Farmakokinetikası: mədə - bağırsaq traktından asan sorulur, əsasən ürək,
qaraciyər, böyrək və böyrəküstü vəzdə depolaşır. Qısa təsir müddətinə malikdir,
odur ki, gündə 2 - 4 dəfə qəbul edilir. Dəyişilməmiş formada 2/3 hissəsi
böyrək,
1/3 hissəsi
isə bağırsaqlarla xaric olur.
Bağırsaqlarda
sintez olunduğu üçün avitaminozuna rast gəlinmir.
Hipovitaminozunda boy atma ləngiyir, yağ mübadiləsi pozulur, qanda xolesterinin
15
miqdarı azalır, qaraciyərdə və böyrəklərdə degenerativ pozğunluq, dermatit,
keratit, böyrəküstü vəzin zədələnməsi, müvazinət pozğunluğu, tənəffüsün
sürətlənməsi, ürəkdöyünmə, timus vəzinin involyusyası, dərialtı qansızma, mədə-
bağırsaq pozğunluğu əmələ gəlir.
Hipervitaminozunda ürəkbulanma, qusma, dispepsiya, allergik reaksiya yaranır.
İstifadəsinə göstəriş: alkoqolizmdə abstinensiya sindromunun kompleks
müalicəsində, maddələr mübadiləsinin pozulması ilə bağlı müxtəlif patologiya-
larda, polinevrit, nevralgiya, paresteziya, ekzema, allergik reyaksiyalar, trofik xora,
yanıq, qaraciyərin xronik xəstəlikləri, xroniki pankreatit, qastroduodenit və
bağırsaq atoniyası zamanı istifadə olunur. Streptomisinin toksik təsirini aradan
qaldırır, reproduktiv funksiya pozğunluğu, dəri, saç, dırnaq xəstəliyi, bronxit,
hamiləlik toksikozu, vərəm, bağırsağın hipomotor diskineziyasında.
Kalsium pantotenat pantoten turşusunun kalsium duzudur. Suda asan, spirtdə
pis həll olur. Nevrit, polinevrit, paresteziya, yanıq, trofik yara, dermatit, tənəffüs
yolları iltihabı, bronxial astma, bağırsaq atoniyası, ürək çatışmazlığında istifadə
edilir.
Pantenoldan aerozol formasında yara, yanıq və trofik xoranın müalicəsində istifadə
edilir.
Piridoksin (B
6
vitamini) – Piridin törəməsidir, antidermatit vitamin də
adlandırılır. Orqanizmə sutkalıq lazım olan miqdarı kişilərdə 1,8 - 2,2 mq,
qadınlara 1,6 - 2 mq, hamiləlik 0,3 mq və laktasiya zamanı 0,5 mq (əlavə olaraq),
uşaqlar üçün yaşdan asılı olaraq 0,4 - 1,6 mq, maksimal 6,0 mq - a qədərdir. Maya
və düyü kəpəyinin tərkibində olan bu maddənin ilk dəfə 1939 - cu ildə S. Xarris və
K. Folkers tərəfindən kimyəvi strukturu müəyyənləşdirilmiş və “piridoksal”
adlandırılmışdır.
Farmakoloji xüsusiyyəti: Piridoksin orqanizmdə qaraciyər, böyrək və beyində
fosforlaşaraq,
piridoksal
-
5
-
fosfata
çevrilir.
Amin
turşularının
dekarboksilləşməsində iştirak edir. Piridoksalın fosforlu törəməsi transaminləşmə
prosesini katalizə edən, amin qrupunun daşıyıcısı hesab olan fermentin -
transaminazanın tərkibinə daxildir. O, amin turşusunun amin qrupunu qəbul edərək
16
fosfopiridoksaminə çevrilir, sonra ketoturşu ilə reaksiyaya girib, amin turşuya
çevrilir. Sulfhidril (SH) qrupunun bir amin turşudan digərinə keçməsində iştirak
edir. Histidindekarboksilazanın da prostetik qrupudur. B
6
vitamini yağların
orqanizmdə daşınması, üzv və toxumalarda toplanması, oksidləşməsi və sintezində
iştrak edir. Piridoksin diurezi sürətləndirir və diuretiklərin təsirini gücləndirir.
Neyromediatorların sintezində iştirak edir, periferik və MSS - nin funksiyasını
normallaşdırır, fosforlaşmış formada aminturşu, ferment və prostaqlandinlərin
sintezində, histaminin dezaminləşdirərək qamma – aminoyağ (QAYT) turşusuna
çevrilməsində iştirak edir, norepinefrin və serotoninin “relizini” sürətləndirir,
doymamış yağ turşularının istifadəsini yaxşılaşdırır. Hemopoez, leykopoez və
eritropoezi stimulə edir, hemoqlobinin əmələ gəlməsində, qlükogendən qlükozanın
ayrılmasında (qlikogenfosforilazanı aktivləşdirməklə) iştirak edir, müsbət inotrop,
mənfi xronotrop təsir göstərir, ödün sekresiya və xaric olmasını aktivləşdirir,
qaraciyərin dezintoksikasiyaedici funksiyasını yaxşılaşdırır.
Farmakokinetikası: Nazik bağırsaqdan sorulur. Toxumalarda fosforlaşaraq
bioloji aktiv formaya - piridoksin fosfata çevrilir, sonra 90 % - i 4 - piridoksin
turşusuna oksidləşərək və bu formada sidiklə xaric olur.
Piridoksin çatışmazlığında eritrositlərdə porfirin törəməsinin miqdarı kəskin
surətdə aşağı düşür, hipoxrom anemiya törənir, dispeptik pozğunluq, MSS - də
yüksək dərəcədə oyanıqlıq, epilepsiyayabənzər tutmalar, depressiya, yuxusuzluq,
periferik sinirlərin nevriti, iştahanın azalması, ürəkbulanma, konyuktivit, T -
limfositlətin miqdarının azalması, üzdə seboreyalı dermatit, anqulyar stomatit və
qlossit yaranır.
Hipervitaminozunda allergik reaksiyalar və mədə turşuluğu artması baş verir.
İstifadə dozasını 200 - 500 mq - a qaldırdıqda əldə keyimə hissi törənir.
İstifadəsinə göstəriş: hipovitaminoz, hamiləlik toksikozu, sideroblast anemiya,
müxtəlif etiologiyalı leykopeniya, hepatit, Littl xəstəliyi, radikulit, nevralgiya,
Menera xəstəliyi, dəniz və hava xəstəliyi, ateroskleroz, şəkərli diabet,
seboreyayabənzər dermatit, psoriaz, eksudativ diatez, neyrodermit, yeni
doğulmuşlarda qıcolma sindromu, I tip hiperoksalaturiya, homosisteinuriya ilə
Dostları ilə paylaş: |