47
daha çox dünyagörüşə malik olurlar. Ümumiyyətlə, atalar
demişkən: «Məsləhətli don gen olar”. Ona görə də hər hansı
bir işə başlamamışdan əvvəl o sahədə müəyyən məlumata
malik adamlarla məsləhətləşmək lazımdır.
Taparsan yerini öz əməlinlə,
Çoxu hesablaşar onda, səninlə.
Nə qədər olsan da mövqeyi böyük,
Yenə də ey dostum, məsləhət dinlə.
Lakin insan bütün dinlədiyi məsləhətlərə, aldığı məlu
matlara öz əqli ilə tənqidi surətdə yanaşıb nəticə çıxarma
lıdır. İnsan öz arzu və istəklərinin həyata keçməsinə mane
olan müxtəlif təsirlərlə üzləşir. Bu maneələrdən bəzisi öz
şirinliyi ilə, bəzisi gözə və könülə xoş öz aldadıcılığı ilə,
bəzisi öz qorxuncluğu və c. ilə səni öz yolundan sapdır
mağa çalışır. Əgər sənin tutduğun yolun düzlüyünə inamın
varsa, ey insan, bütün maneələri dəf edib öz saf məsləkinin
ardınca getməlisən.
Badə tək əllərdə gəzməz sevənlər,
Zirvədə görünər qrovlar, cənlər.
Həyat dolayların asan sanmasın,
Heç bir maneəsiz vəslə yetənlər.
Öz arzu və istəklərinə çatmaq üçün kimsənin köməkliyi
olmadan irəliləmək isə çətin, lakin şərəflidir. Aşağıdakı bir
təmsilə nəzər salaq.
Gövdəli bir ağaca dolanıb,
Üzüm tənəyi ucaldı göyə.
Yüksəkdən ətrafa boylanıb,
Güldü, yaşamaq asandır deyə.
48
Gün keçdi, artdı yeni pöhrələr,
Köməkli zirvəyə çatdı tənək,
Köməksiz yüksəyə qalxan bilər,
Batdı daha kənək oğlu kənək.
Sənə qarşı göstərilən hiss və təsirləri daxilən araşdırıb
qiymətləndirməyi bacar, o zaman dostunu və düşmənini ta
nıya bilərsən. Adam tənha bir guşəyə çəkiləndə öz keçmiş
və gələcəyi barədə xəyallara dalır, kənar şəxslərin ona qarşı
göstərdikləri hiss və münasibətləri özü üçün arayıb aydın
laşdırmağa çalışır. Bu zaman insan kənar şəxslərin ona olan
münasibətlərini sanki kənardan baxan bir müşahidəçi kimi
seyr edir. Bu zaman insan başqalarının özünə münasibətini
və özünün başqalarının yanında hörmət və ehtiramının
dərəcəsini aydınlaşdıra bilir. Nə qədər insanlarla rastlaşır
sansa, hamısı sənə müxtəlif cür təsir göstərir, sən də başqa
larına təsir göstərdiyini unutmamalısan. Ona görə də saf
niyyətli ol, qoy başqalarına təsirin müsbət olsun. Göstərilən
təsiri hərə bir cür qarşılayır. Misal üçün bəziləri müsbət
davranış və hərəkətlər göstərən şəxsə qibtə hissi ilə baxır,
yeri gələndə özünü ona bənzətməyə çalışır. Bəziləri isə belə
hərəkətə paxıllıq edir. Özünü müsbət hərəkət edən şəxs
kimi aparmaq, ondan nümunə götürmək əvəzinə istəyir ki,
Həmin şəxs öz hərəkətlərindən əl çəksin, onun səviyyəsinə,
hətta ondan da aşağı səviyyəyə ensin. Əlbəttə ki, burada
birincilər, insanlara qibtə hissi ilə yanaşanlar kimi hərəkət
etmək lazımdır. İnsan hər gördüyü, duyduğu və hiss etdiyi
şeydən
bir şey öyrənməsə, o, ən ibtidai halda qalmış olar.
Deyildir cəvahir, ləllə gözəllik,
Yaranmır ipəklə, şalla gözəllik.
49
Məramın var isə hikmətlər ara,
Yaranar əqillə, əllə gözəllik.
***
Tərki dünyalığa meyl edən də var.
Belə həyat sürmək nəyə yarayar?
Çətin, müəmmalı həyat yolların,
Yalnız düşüncəli kəslər arayar.
İnsan heç vaxt unutmamalıdır ki, onun müxtəlif hiss
və təsirlərə qarşı şəxsi münasibəti həmin kəsin insanlıq
xa rakterini üzə çıxarır. Ona görə də hər hansı bir kəsə öz
münasibətini bildirən kəs, hökmən düzgün yol göstər
məlidir ki, kənardan baxanlar həmin şəxsin özünü müsbət
qiymətlən dirsinlər. Aşağıdakı bir təmsilə nəzər salaq.
Bulaq süzülərək dərəyə axdı,
Dağlarla yaxınlıq etmərəm dedi.
Qarğa altdan-altdan zirvəyə baxdı,
Yüksəyə baş alıb getmərəm dedi.
Yaxşı olardı ki, hər bir şəxs öz imkan və vəziyyətini
nəzərə alıb, yalnız özünə aid olan işlərlə məşğul olsun. Bir
təmsilə nəzər salaq.
Hündür ağacda sərçə qoydu yuva təməli,
Hamıya gülünc gəldi, sərçənin bu əməli.
Çünki bu böyük yuva leyləyə yaraşardı,
Sərçənin bu cür işi görməyə gücü vardı?
Buna görə yuvanı tikə bilmədi sərçə,
Düşüncəsiz iş üçün zəhməti getdi heçə.
Əsil insan da hər vaxt ağıl və kamalla hərəkət etməlidir.
50
İnsanın həyatda müəyyən məqsədə çatması üçün mü
ba rizədən əl çəkib özünü taleyin ixtiyarına verməsi, onun
həm acizliyini, həm də məğlubiyyətlə razılaşdığını gös
tərir. Əsil mübariz insan heç vaxt taleyin oyunlarına bo
yun əyməməlidir. Özünün xoş gün və güzəranını həyatla
mübarizədə görməlidir. Fəal həyat mövqeyindən uzaqlaşıb
süstlüyə qapılmısansa, taleyindən irəliyə doğru inkişafı
gözləmə, o getdikcə səni geriyə atacaqdır. Belə bir vəziyyətlə
razılaşmaq isə aciz, iradəsiz insanların işidir. O insanların
ki, onlarda az da olsa qürur hissi yoxdur. Haqlı da olsa onları
danlasan, sənə canə cavab qaytarmazlar, öz düzgünlüklərini
sübut etmək üçün hərəkət etməzlər. Belə kəslər demək olar
ki, bir şəxsiyyət kimi yox dərəcəsindədirlər. Ona görə də
onlar həyatla mübarizədə həmişə öz məğlubiyyətləri ilə ra
zılaşırlar. Kimdənsə pay umur, kiminsə qarşısında əllərini
həmişə rəzil bir dilənçi kimi açmağa hazırdırlar.
Kədər üz veribsə, yetər ağlama,
Qəlbini əlinlə özün dağlama.
Taleyin əlində oyuncaq olub,
Sonra da başın qara bağlama.
***
Çalma öz əlinlə bəxtini daşa,
Mübariz insan, ol vüqarla yaşa.
Acizlik göstərsən onu bil ki, sən,
Vurasan ömrünü pis günlə başa.
İnsanın taleyindən şikayət etməyə haqqı yoxdur, çünki
hər kəsin taleyi öz əlindədir.
Heç də taleyindən gileylənmə sən,
Təmiz əməlinlə yaşa gülər şən.