MÜASİR İNFORMASİYA SİSTEMLƏRİNİN İDARƏ OLUNMASI
___________________________ 205 ____________________________
Təşkilatda
layihə mühitinin mərkəzi prosesi layihəyə
nəzarət prosesidir. Bu proses çərçivəsində biznes nöqteyi-
nəzərindən 2 vacib məsələ həll edilir:
1.Layihələrin seçilməsi;
2.Bu layihələrin reallaşdırılmasının düzgünlüyünə nəzarət
edilməsi.
Birinci məsələ 3 yerə ayrılır:
1.Layihəyə təşəbbüs;
2.Layihənin qiymətləndirilməsi;
3.Layihələrin
prioritetləşdirilməsi,
yəni
üstünlük
dərəcəsinə görə ardıcıl düzülməsi.
Layihəyə nəzarət edilməsinin əsas problemi bu
məsələlərin qeyri-müəyyənlik şəraitində həll edilməsidir. Çünki
təklif edilən heç bir layihənin təşkilata nə verəcəyi
qabaqcadan dəqiq məlum olmur. Bu iş bütün mərhələlərdə
iterativ xarakterlidir. Yəni hər addımda dəqiqləşdirmələr
edilməsi mümkündür. Bu isə həm resurs sərfini, həm də
gözlənilən səmərənin səviyyəsini qeyri-müəyyən edir
.
LAYİHƏ MÜHİTİ: İNFORMASİYA SİSTEMLƏRİ
XİDMƏTİ PROSESLƏRİ
Biznes-proseslərin reinjinirinqi adətən İnformasiya
texnologiyalarının inkişafı komponentlərinin əksər hissəsini
əhatə edir. Layihənin bu təşkiledicilərinə nəzarət informasiya
sistemləri xidməti prosesləri çərçivəsində həyata keçirilir.
Bunlardan biri
dəyişikliklərin idarə edilməsi prosesidir.
Bu, informasiya sistemləri xidmətinin layihəyə nəzarət üzrə
həyata keçirməli olduğu ən vacib prosesdir. Biznes-proseslərin
reinjiniriqi kimi iri layihələrdə informasiya texnologiyaları tabe
rol oynayır. Buna görə də dəyişikliklərin idarə edilməsi prosesi
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 206 ____________________________
layihəyə nəzarət prosesi çərçivəsində fəaliyyət göstərir.
Bununla belə, bu prosesdə tamamilə sərbəst məsələlər həll
edilir.
İnformasiya sistemləri xidmətinin iştirak etdiyi hər bir
layihə üçün layihə meneceri təyin edilir. Bir menecer eyni
vaxtda bir-neçə layihəni idarə edir. Layihə meneceri aşağıdakı
3 mövqedən birində fəaliyyət göstərir:
•
İnformasiya
sistemləri xidməti layihənin əsas
icraçısıdırsa, menecer layihə komandasının vahid
rəhbəri olur. Reinjinirinq layihəsində belə hal çox nadir
hadisədir.
•
Sifarişçi bölmə üzrə layihə meneceri ilə informasiya
sistemləri xidməti meneceri müştərək rəhbərlik edir.
Reinjinirinq layihəsində belə hal da nadir rast gələn
hadisədir.
•
Layihənin informasiya texnologiyaları ilə əlaqəli
istiqamətinə rəhbərlik edir. Bu, reinjinirinq layihəsində
daha böyük ehtimallı haldır.
Dəyişikliklərin idarə edilməsi prosesinin sərbəst
məsələləri aşağıdakılardır:
•
Layihə çərçivəsində icra ediləcək dəyişikliklərin
qeydiyyatı. Çoxsaylı informasiya texnologiyaları ilə bağlı
iri layihələrdə adətən çoxsaylı dəyişikliklər edilir. Buna
görə də həmin dəyişikliklər xüsusi olaraq qeydiyyata
alınmalıdır.
•
Layihə çərçivəsində icra ediləcək dəyişikliklərin
nəticələrinin qiymətləndirilməsi. Təşkilatın biznes
məsələlərini həll edən ixtiyari proqram əlavəsi
informasiya
texnologiyaları
infrastrukturu
resurslarından, yəni serverlərdən, avadanlıqlardan,
lokal şəbəkə kabellərindən, rabitə kanallarından,
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 207 ____________________________
şəbəkə əməliyyat sistemindən, fərdi kompüterin
əməliyyat sistemindən və s. istifadə edir. İnformasiya
texnologiyaları servislərinin müşayiət edilməsi üzrə
informasiya sistemləri xidmətinin gücü bu məsələdə
əsas məhdudiyyət şərti kimi çıxış edir. Yeni biznes-
əlavələrin tətbiqi informasiya texnologiyaları resurslarını
tükədə bilir. Buna görə də bir və ya bir-neçə biznes-
prosesin reinjinirinqi zamanı informasiya texnologiyalari
infrastrukturu genişləndirilə və modernləşdirilə bilər. Bu
işlər layihənin planında nəzərə alınmalıdır.
•
Dəyişikliklərlə
əlaqədar
tam
xərclərin
qiymətləndirilməsi. İnformasiya texnologiyaları infra-
strukturunun modernləşdirilməsi, aparat və proqram
vasitələrinin satın alınması və modernləşdirilməsi işləri
xərc tələb edir. Bu xərclər layihənin büdcəsində nəzərə
alınmalıdır.
•
Dəyişikliklərlə əlaqədar risklərin qiymətləndirilməsi.
Həm layihədə, həm də mövcud informasiya
texnologiyalari servislərində aparılan dəyişikliklər mənfi
nəticə də verə bilər. Məsələn, köhnə sistemə nisbətən
təzə sistemlər bəzən daha dayanıqsız olur. Bu halda
tələsik aparılan dəyişiklik lazımi testləşdirmədən
keçirilmədiyinə görə bəzi servislərin əlçatanlıq səviyyəsi
aşağı düşür.
•
Dəyişikliklərin avtorizasiya
(
avtorizasiya, vəkiletmə,
vəkalət vermə, ixtiyar vermə) edilməsində iştirak.
Biznes-proseslərdə baş verən dəyişikliklərin nəticəsi
kimi meydana çıxan informasiya texnologiyaları
infrstrukturunda aparılan dəyişikliklər layihə reinjiniriqi
miqyasında aparıldığından, dəyişikliklərin avtorizasiyası
bütövlükdə layihə üzrə həyata keçirilir.
Dostları ilə paylaş: |