246
Sacının hər biri sahmara donər.
Bəlkə də qadına bunlar xos deyil,
Axı, nəvazisdir onun təməli.
Fikirli olanda sinəm bos deyil,
Konlumə fıkirlər dolur deməli...
Oğru olmaq istəyirəm
Qoy polislər eşitməsin,
Qorxulu bir sirr deyirəm:
Çoxdandır ki, bir arzum var,
Oğru olmaq istəyirəm!…
İnsanların arasından
Əqidəsiz adamları,
Vicdanını pula satan
nadanları
Oğurlamaq istəyirəm!
Bu torpağın gündən-günə
Niyə artır dərdi-səri…
Dövlətlərin arasından sərhədləri
Oğurlamaq istəyirəm!
Axı, nə iş görmüşəm ki,
Oğurluq da işdi barı.
Mən anamın sifətinə
Vaxtsız düşmüş qırışları
Oğurlamaq istəyirəm!…
Birisini yıxmaq üçün
İkisinin ülfətini,
İnsanların ürəyindən
Hər kinini, nifrətini,
Yalanını bundan ona,
Ondan buna satanları,
İki sevən arasından
247
O üçüncü adamları
Oğurlamaq istəyirəm!
Araz axır…
O taydan da insan baxır,
Bu taydan da insan baxır,
Necə milyon gözüyaşlı əzizimi,
O həsrətli Təbrizimi
Oğurlamaq istəyirəm!
İndi necə dövlətlər
Məzlumların ah-zarinı,
Yad torpaqda yatıb qalan,
Əsrlərin arxasından
Qollarını çatıb qalan
Kərbəladan Füzulinin,
Hələbdənsə Nəsiminin məzarını
Oğurlamaq istəyirəm!
Nə gizlədək, bilir hami
Tonqal çatıb yandırırlar
bu cahanı.
Qəlbim deyir:
“Bir azəri məsəlini yadına sal:
“Oğrudan-oğruya halal…”
Prometey oğurlayib
İnsanlara verən odu
Oğurlamaq istəyirəm!
Lap qəzəbi tutsa belə
Yerin mənə, göyün mənə
Nə deyirsiz, deyin mənə
Allahdan istəyim
Diz çöküb qarşında dua edirəm.
Ucalardan uca bilirəm səni.
248
Saxla öz yanında ruhumu,Allah,
Bir də bu dünyaya gətirmə məni.
Sirli röyalarım dağılacaqsa,
Arzum gözlərimdə boğulacaqsa,
Əzabım mənimlə doğulacaqsa,
Bir də bu dünyaya gətirmə məni
Namərdi mərdinən cox olacaqsa
Alim ac, gədalar tox
olacaqsa.
Yaranmışlar bir gün yox olacaqsa
Bir də bu dünyaya gətirmə məni.
Bu yalan dünyanın tərs aynası var,
Sevincə bənzəyən cox bəlası var
Təkrar görməyimin nə mənası var?
Bir də bu dünyaya gətirmə məni
Gördüm bu dünyanı,quru qəfəsdir,
Sən bizə verdiyin ibrətli dərsdir.
Bir dəfə peşman olmuşam,Bəsdir!
Bir də bu dünyaya gətirmə məni...
Sən demə təzədən sevmək olarmış
Sən demə təzədən sevmək olarmış,
Tale də təzədən gülə bilərmiş,
Küsüb gözüyaşlı gedən məhəbbət
Peşiman-peşiman dönə bilərmiş.
Ürək bulud kimi boşalırsa da
Demək bulud kimi təzədən dolur.
Sonuncu şöləsi titrəyən şamdan
Ayrı bir şamı da yandırmaq olur.
Sən demə təzədən sevmək olarmış,
249
Köhnə yaraları vaxt, zaman silir,
Kəsilən budaqla ölən ağaclar
Təzə pöhrələrlə dirilə bilir.
Ağlaya-ağlaya dünyaya gəlib
Biz ana südüylə gülməmişikmi?!
Hər axşam sapsarı batan günəşi
Hər səhər təzə-tər görməmişikmi?
Sən demə təzədən sevmək olarmış,
Sevgi fürsət deyil quş kimi uça.
Nə də kölgədir ki,
Qaçasan qova,
Ya da sən qovasan
O səndən qaça...
Çıxarsan qəlbindən ötən sevgini,
Bir gün də tənhalıq sıxacaq səni.
Kiməsə etdiyin yaxşılıq kimi
Məhəbbət qarşına çıxacaq sənin.
İlk sevgi yuvadan düşən quşcuğaz,
Körpə qanadları pöhrələnməyib.
Məcnunun ahıyla uçan məhəbbət
Min hiylə əliylə yerə enməyib...
Mən ki görməmişəm sevgini susan,
Məhəbbət zirvədə bəslənən qarmış.
Kim deyir bir dəfə sevilir insan,
Sən demə hər zaman sevmək olarmış.
İyun 20, 2011
İndi gedəcəyəm
İndi gedəcəyəm, tək qalacaqsan,
Sıxacaq bu çılpaq divarlar səni.
250
Özün öz evində mənə qonaqsan,
Bir azdan kədərlər qovarlar səni…
Çağırma!
Özünə qayıdar səsin,
Səsin divarlarda sürüşəcəkdir.
Çırpınıb içində bu daş qəfəsin,
Xəyalən əksimlə görüşəcəkdir.
Güzgü yaddaşımda nə qalacaq ki?!
Xumarlı gözlərmi, pərişan telmi?
Yalandan gözünü yumacaqsan ki,
Yatasan…
Tərslikdən yuxun da gəlmir.
Boş qalan stulda görünər yerim,
Otağın bir həsrət adası olar.
Pillələri döyən ayaq səslərim
Ürək döyüntünün sədası olar.
Sükut qanadını üstünə sərib,
Boşalan ürəyin dolacaq yenə.
Külqabı içində baş-başa verib
Ölü siqaretlər qalacaq sənə…
Elə qəmli baxma!
İzin ver gedim,
Sənin biçin yerin, zəmin deyiləm.
Yalın ayağımla həmdəmin idim,
Geyindim…
Mən artıq sənin deyiləm...
Bəhanəsiz get
Getmək istəyirsən, bəhanəsiz get
Oyatma mürgülü xatirələri.
Səsin həmin səsdir, baxışın ögey,
Gedirsən səsin də yad olsun, barı.
251
Sən dəniz qoynuna tullanmış çiçək,
Üstünə dalğalar atılacaqdır.
Saxta məhəbbətin saxta sənəd tək,
Nə vaxtsa, üstündə tutulacaqdır.
Yollar tək döşənib ayaqlarına,
Sənə yalvarımmı? Bu mümkün deyil
Qoymaram qəlbim tək vüqarım sına,
Alçalıb yaşamaq ömür-gün deyil...
Demirəm, sən uca bir dağsan, əyil,
Demirəm,qalıbdır əlacım sənə.
Nə səndə məhəbbət qara pul deyil,
Nə mən dilənçiyəm, əl açım sənə.
Getmək istəyirsən, o yol, o da sən,
Bir cüt göz baxacaq arxanca sənin.
Getdinmi, geriyə dönmək istəsən,
Tikanlı yastığa dönəcək yerin.
Getmək istəyirsən, nə danış, nə din,
Yox ol xəyal kimi dumanda, çəndə.
Nəyimi sevmişdin, deyə bilmədin,
İndisə, yüz eyib görürsən məndə.
17 октября – день памяти поэта
25 сентября 1946 года родился в Газахском районе Азербай-
джана известный азербайджанский поэт Нусрет Кесеменли.
Н.Кесеменли в 1966 году поступил на факультет журнали-
стики Азербайджанского Государственного Университета (ныне
БГУ), работал в газете «Бакы».
Поэт, вошедший в литературу в 60-е годы прошлого века, счи-
тается самым ярким представителем 70-х годов, прошлого столетия.
Его бесчисленные стихотворения, полные любви, молодости, мира
ощущений получили широкую славу среди молодежи.
С 1981 по 1984 год был председателем Комитета Профсоюза
в Союзе писателей Азербайджана.
Dostları ilə paylaş: |