Böyük Azərbaycan yolçusu
19
NƏSİR NƏSİRLİ
f.r.e.n.,dosent
ATİ-nin Magistratura və
doktorantura şöbəsinin
müdiri
QƏTİYYƏTLİ VƏ YORULMAZ TƏBLİĞATÇI
1980-ci illərin sonlarında ermənilərin Qarabağ iddiaları
ortaya çıxdığı dövrdən Azərbaycanın hər yerində olduğu kimi
Naxçıvanda da xalqını sevən aydınlar açıq və gizli fəaliyyətə
başladı. Müxtəlif cəmiyyətlər və birliklər yaradılır, tanınmış
elm, ədəbiyyat və incəsənət adamları ilə görüşlər və yığıncaqlar
təşkil edilirdi. Bu sayaq işlərdə fəal olan adamların hər biri
haqqıdna xalq arasında müxtəlif informasıyalar yayılır, bu
informasiyalarla həm
görülən işlər təbliğ olunur, həm də bu
işlərin təşkilatçıları tanınırdı. Belə insanlardan biri də
Bünyamin Qəmbərli idi ki, bu dövrdə onun da haqqında ara-
sıra eşidirdim. 1990-cı ilin əvvəllərində isə onun özünü
gördüm. Müstəqil dövlət ideyasının xalq kütlələrinə təbliğində
fəal iştirak edən millətçi növqedən çıxış edən bu oğlan onun
haqqında eşitdiklərim və danışdıqları baxımından dünya
görmüş, oturuşmuş insan təsiri bağışlasa da görünüşdən çox
Böyük Azərbaycan yolçusu
20
gənc idi. Azərbaycan Dovlət Bədən Tərbiyəsi İnstitutunu
bitirərək Nehrəmdə müəllim işləyən bu gənc oğlanla tanışlıq,
söhbət hər bir insanda ona maraq və hörmət hissi yaradırdı.
Bünyamin müəllim və xalq hərəkəatında iştirak edənlərin SSRİ
- İran sərhəddini sökməsi əhali arasında
onlara inam və rəğbəti
artırmışdı. Belə bir vəziyyətdə Bakıda 20 yanvar hadisələri baş
verdi. Amma Naxçıvanda Xalq hərəkatına rəhbərlik edənlərlə
Naxçıvan Rəhbərliyinin düzgün mövqe tutması və əlaqəli
fəaliyyəti Naxçıvanda nəinki bu hadisələrin baş verməsinin
qarşısını aldı, eyni zamanda SSRİ tarixində ilk dəfə heç kimin
gözləmədiyi, bütün dünyada SSRİ-nin sarsılmazlığı fikrini alt-
üst edən, bütün SSRİ rəhbərliyini sarsıdan və bütün müttəfiq
respublikalarda baş qaldıran Milli Azadlıq mübarizlərinə
qətiyyət və cəsarət aşılayan bir hadisə baş verdi. Naxçıvan
MSSR Ali Soveti Naxçıvanın SSRİ-nin tərkibindən çıxması
haqqında qərar qəbul etdi. Məhz bu qərarın
nəticəsində
Azərbaycan SSR Ali Soveti də toplaşıb SSRİ-nin tərkibindən
çıxmaq məsələsini müzakirə etdi, amma Naxşıvandan fərqli
olaraq bu qərarı qəbul etməyə cəsarəti çatmadı. Naxçıvanda bu
qərarın qəbul edilməsində xalq hərəkatına rəhbərlik edənlərin
və o cümlədən Bünyamin müəllimin də rolu çox idi.
Bünyamin Qəmbərlinin deputatlıq dövrü xalq arasında onu
daha çox sevdirdi. Naxçıvan parlamentindəki ağıllı, məntiqli
və cəsarətli çıxışları bugün də əhalinin yadından çıxmayıb. Heç
vaxt yaddan çıxmayacaq hadisələrdən biri də yeni seçilmiş
Naxçıvan MR parlamentinin Heydər Əliyevin sədrlik etdiyi ilk
iclasında Üçrəngli bayrağımızın Naxçıvan
MR-in Dövlət
Bayrağı kimi qəbul olunması və Bünyamin Qəmbərlinin ilk
dəfə olaraq bayrağı Ali Məclisin zalına gətirməsidir.
Sonra tale elə gətirdi ki, mənə Bünyamin Qəmbərli ilə
birlikdə işləmək nəsib oldu. Azərbaycan Turizm İnstitutunda
birgə işlədiyimiz dövrdə mən Bünyamin müəllimi həm bir
insan, həm bir aydın, həm də bir dost kimi daha dərindən
Böyük Azərbaycan yolçusu
21
tanıdım. Bünyamin Qəmbərli öz işinə məsuliyyətlə yanaşan və
tələbkar bir müəllimdir. İş prosesində bir
çox məsələ müzakirə
olunur və bəzən də bu müzakirələr həddən çox dərinləşirdi. Bu
müzakirələrdə Bünyamin Qəmbərlinin çox məlumatlı və
savadlı olması ilə yanaşı həm də məsələlərə necə məntiqli və
dərindən yanaşdığını gördüm. Bu müzakirələr zamanı mən
Bünyamin müəllimin xarakterinə də dərindən bələd oldum.
Belə ki, Bünyamin Qəmbərli çox məsələdə güzəştə gedər və
yaxud onunla razılığa gəlmək olar, amma milli məsələdə və
dövlətçilik məsələsində öz mövqeyindən bir addım da geri
çəkilən deyil.
Bütün dedilkərimi ümumiləşdirərək deyə bilərəm ki, mən
Bünyamin müəllimi ümummilli lider Heydər Əliyevin
Dövlətçilik və Milli Azadlıq Hərəkatının lideri Əbülfəz
Elçibəyin Bütöv Azərbaycan ideyalarının qətiyyətli və
yorulmaz təbliğatçısı kimi tanıdım.
Ömrünün 50-ci baharını yaşayan milli köklərə bağlı, əsil
vətəndaş, qayğıkeş ailə başçısı və tələbkar
müəllim olan
Bünyamin müəllimə gələcək fəaliyyətində uğurlar və can
sağlığı arzulayaraq deyirəm: Sükanı belə saxla!
Böyük Azərbaycan yolçusu
22
XƏLİYƏDDİN DƏSGİRALI
OĞLU XƏLİLLİ
AMEA Arxeologiya və
Etnoqrafiya İnstitutunun
aparıcı elmi işçisi, t.e.n.
ADINLA YAŞA
İnsan dünyaya gətirdiyi övladı, nəsli ilə fiziki, mənəvi
və ideoloji cəhətdən gələcəyə addımlayır.
Valideynlər
övladlarına verdikləri ad vasitəsi ilə arzuladıqları gələcəyi
gəldikləri dünyada hələ heç nəyi dərk etməyən, bacarmayan,
günəşdən belə gözünü qoruyan, yaşamaq üçün ancaq
qışqırıqları ilə ətrafındakılardan kömək istəyən körpənin
(övladlarının) çiyninə yükləyirlər. Beləcə, hələ heç özü
haqqında
heç nəyi düşünməyi bacarmayan, istəyini ətrafına
qışqırıqları ilə bildirən körpəni bir qurtum südlə qane edən ana,
valideynlər özlərinin həyatda bütünlüklə nail ola bilmədikləri
arzularını körpəyə verdikləri ad vasitəsi ilə onun çiyinlərinə
yükləyirlər. Körpənin hər istəyinə cavab olaraq bir qurtum süd,
nəvaziş, təbəssüm, oyuncaq və s. ilə onu sakitləşdirib, ona
verdikləri adları arzularını nazlamaya, əzizləməyə, laylaya