Böyük Azərbaycan yolçusu
149
alçaq dağları bu yaratmışdı. Təcridxanada saxlanılanlara qarşı
hər cür pis hərəkəti eləyirdi.
Burda da bərk xəstələndim. Yenə əvvəl əhəmiyyət
vermədilər, amma sonra təcili yardım çağırdılar. Həkim
nehrəmli Əkrəm Məmmədovun müayinəsi və dava-dərmanı
sayəsində bir neçə gündən sonra vəziyyətim düzəldi.
6. Məhkəmədən qabaq hakim Ramiz Süleymanovla
təkbətək görüşdük. Mənə vəziyyəti çox səmimi şəkildə açıqladı
və mən bizə qarşı münasibəti və mövcud vəziyyəti dəqiq
bilənədən sonra bu saxta ittihamla məhkum olunmağıma etiraz
etmədim. Mənə 18 ay həbs cəzası verildi.
7. Əvvəldən hakimlə görüşdə hər şeydən xəbərim olduğu
üçün məhkəmə mənə çox da maraqlı deyildi. Müəllim
yoldaşlarımdan Naibə Əliyeva, Yusif Rzayev, Mehbalı
Muradov və b. məhkəmədə iştirak edirdi. Hökm oxunandan
sonra zaldan çıxarkən anamın və qızımın xəstəliyinə görə
narahat olduğum üçün hamısı ilə sağollaşıb başımı aşağı salıb
çıxırdım ki, birdən anamın “başını dik tut.
Pis şey üstə
tutulmamısan ki, el üstündə, haqq üstündə tutulmusan, qoy sənə
şər atanlar, səni tutanlar başını aşağı salsın. Sən başını dik tut,
heç nədən də narahat olma” sözlərini eşitdim. Həmin an özümü
ağlamaqdan zorla saxladım. Həbsdən gələndə isə təxminən 10
gün görməyə gələnlərə görə evdən bayıra çıxa bilmədim.
8. Mənə verilən həbs müddətini 10 saylı ümumi rejimli
İslah Əmək Müəssisəsində keçirdim. Nehrəmli İlham
Tarquliyevin burda işləməsi mənim kəndlə, ailəmlə əlaqə
saxlamağımda mənə çox kömək elədi.
Burda bir çox
qüvvədən,- Surət Hüseynovun dəstəsindən, OMON-çulardan,
mütəllibovçulardan, müsavatçılardan, cəbhəçilərdən və s.
adamlar var idi ki, bunların içərisində ən kasıb və acınacaqlı
vəziyyətdə cəbhəçilər idi. Mən həbsdən çıxdıqdan sonra bu
vəziyyəti Əbülfəz bəyə danışanda doldu və ...
Böyük Azərbaycan yolçusu
150
9. Həbsxanada yadımda qalanlardan biri rəis Bəhramın
mənim haqqımda dediyi sözlərdi. Mən rəisin yanına adam
göndərdim ki, məni üçdə birlə buraxsınlar. Həbsxananın rəsi
həmin adama demişdi ki, ”mən onu (yəni məni) ağıllı bir adam
bilirdim. Yəni o başa düşmür ki, onun rəisi mən deyiləm?”.
10. Həyatımın bir hissəsinin
fəaliyyətsiz keçməsinə,
özümün və ailəmin çoxdan-çox əzab çəkməsinə və bir çox
mənfiliklərinə baxmayaraq həbs olunmağıma heç də peşiman
deyiləm. Bir şey sevindirici idi ki, mən və bir çox dostlarım
həbs olunmağımızla da millətimizə və dövlətçiliyimizə xidmət
etmiş olduq. Həbsxanada çox şeyi təkrar-təkrar düşündüm və
analiz etdim.
11. Naxçıvanda təcridxanada olanda demək olar ki, hər
gün öz evimizdən yemək gəlirdi. Amma Bakıya köçürüləndən
sonra vəziyyət dəyişdi. Yenə əziyyətimi bacılarım çəkdi. Hər
ay bir dəfə bacım Zeynəb və oğlu Müzəffər (atası rəhmətə
gedəndən bir müddət sonra doğulduğu üçün atasının adını
qoydular, amma hamı onu Qaqaş deyə çağırır), arada isə bacım
Zeynəbin qızı Sahilə qohumlarla gəlirdi. Həbsdə olduğum
müddət yanıma çox adam gəldi. Bacım Güşvər və yoldaşı
Bağır (ALLAH rəhmət eləsin), qardaşım Əlinin
oğlu Abasət,
xalam oğlu Adil, dayım oğlu David, nehrəmli Bağır Hüseynov,
Əli Rzayev, Məhəbbətin yoldaşı Sahib, AXCP Mərkəzi
qərargahından və s. Amma Arif Rəhimoğlunun Bakı
Gömrüyündə işləyən qaynı Nailin (ALLAH rəhmət eləsin) və
Türkiyədə Mərmərə Universitetində oxuyan keçmiş şagirdim
Şahin Rzayevin məni ziyarət etməsi mənə ən çox təsir edən
hadisələrdən idi.
12. 1997-ci il dekabr ayının 30-u həbs müddətimin
bitməsinə 1 gün qalmış (31 bayram olduğu üçün məni buraxa
bilməzdilər, həbsdə artıq saxlamaq isə qanuna
zidd olduğundan
30-da buraxmağa məcbur oldular) həbs müddətim bitdiyi üçün
sərbəstliyə buraxıldım. Həbsxanadan çıxan kimi Əbülfəz bəyə
Böyük Azərbaycan yolçusu
151
zəng vurdum. İndicə çıxdıqlarını dedilər. Birbaşa AXCP
mərkəzi qərərgahına gəldim. Əbülfəz bəylə görüşdükdən sonra
elə həmin gün də Nehrəmə gəldim.
Sonralar AXCP-nin tərkibində “Məhbuslara yardım” adlı
bir struktur qurmaq istədim. Əbülfəz bəy özü də bu strukturun
yaradılmasında maraqlı olduğundan AXCP-nin ağır topu
sayılacaq bir çox nüfuzlu və aparıcı adamlarla görüşüb
danışdım. Bütün çətinliklərə baxmayaraq (həmin
müddət xalam
oğlu Adil gildə qalırdım) Əsasnaməyə qədər hər şeyi
hazırladıq, amma bəzi özünü bilməzlər buna imkan vermədi.
III BAKI DÖVRÜ
1. Bu mənim Bakıda üçüncü yaşayış dövrüm idi:
- Birinci yaşayış dövrüm tələbəlik dövrüm idi ki, yuxarıda
sizinlə bölüşdüm.
- İkinci yaşayış dövrüm məcburu gətirilmə dövrü-həbs dövrü
idi ki, bu haqda da sizə bilgi verdim.
Üçüncü yaşayış dövrümün də bugünə qədər olan hissəsinə
baxanda əvvəlkilərdən maraqsız deyil. Belə ki, Bakıya
köçəndən sonra təxminən 2 ay işsiz qaldım. Bu müddətdə bir
çox dost dediyimiz adamların nə qədər etibarsız olduğunu
gördüm. Bu müddətdə həmin adamların heç biri nəinki iş
tapmağıma və ya
işə düzəlməyimə kömək eləmədi, hələ əksinə
bəziləri həqiqətən qaçıb gizləndi. Hətta telefonlara belə cavab
vermədilər. Mən elə bilirdim həmin bədbəxtlər mənə qarşı belə
edirlər, sən demə bizim başqa dostlarımıza qarşı da belə
münasibət göstəriblər. Aydın oldu ki, bu yazıqların bəzisi
qazandıqlarını itirəcəyindən qorxub bizdən qaçır, bəzisi bizim
hesabımıza qalxdığı yüksəklikdən bizə yuxarıdan aşağı
baxdığından bizi görmək istəmir (və ya görə bilmir), bəzisi də
onun özünün olduğu kimi bizim də qoltuq ağacı olacağımızı
Böyük Azərbaycan yolçusu
152
düşünüb bizdən qaçırmış. Nə isə... Zamanı gələndə və ya
xatirələrimi geniş yazanda bunları bir-bir daha ətraflı qeyd
edəcəyəm.
2. Bakıda işsiz olduğumdan bir müddət Məhəbbət gildə
(onlar da uşaqlarının xəstəliyi ilə bağlı Bakıda
idilər və kirayə
ev tutmuşdular) qaldım. Sonra bir müddət cəbhəçi dostlarımdan
olan Babəkli Mirməhəmməd Seyidovla şəlalə-fantan tikintisi
ilə məşğul oldum.
3. Dərslər başlayanda Şəmsi bəy Qocayevin vasitəsi ilə
Yasamal rayonu 20 saylı məktəb-liseydə dərs deməyə başladım
(məktəbin direktoru Əkbər Qocayevi rəhmətlə anıram, qəbri
nurla dolsun) və bugün də həmin məktəbdə saat hesabı dərs
deyirəm.
4. 2009-cu ildə Mənə “Nehrəm” Xeyriyyə Cəmiyyətinin
sədrliyi təklif olundu. Bir müddət müzakirədən sonra razılıq
verdim və 2009-cu ilin iyun ayında cəmiyyətin sədri seçildim.
Cəmiyyət 2004-cü ildə qurulub. Mən sədr seçiləndə heç bir
vəsaiti yox idi. Az bir müddətdə vəzifəsindən, mövqeyindən və
yaşından asılı olmayaraq tanınan bütün nehrəmlilərlə əlaqə
yaradıb fikirlərimi onlara çatdırdım və onların təklifləri ilə
maraqlandım.
Sağ olsunlar ki, həm məni düzgün başa düşdülər
və həm də etibar etdilər. Çox qısa bir müddətdə vəsait toplandı
və biz də müəyyən işlər gördük. Bu dövrlə bağlı bir olayın
xüsusi ilə tarixə düşməsini istəyirəm. Bu hadisə çox maraqlı və
düşündürücüdür. 2010-cu ilin Ramazan ayı (iyul-avqust ayları)
idi. Ramazan ayı münasibəti ilə Nehrəm kəndində yardım
paylanırdı. Ailə başçısını itirmiş, iki azyaşlı uşağı olan çox
kasıb bir evə həm ərzaq bağlaması, həm də pul yardımı
verilməsini dedim. Yardımı verərkən təxminən 12 yaşlı oğlu
qəti şəkildə anasını yardımı almağa qoymadı. Axırı mən özüm
uşağa yaxınlaşdım və səbəbini soruşdum. Aldığım cavab çox
sarsıdıcı idi. Uşaq qəti şəkildə deyirdi ki, ”adama müftə şey
verməzlər. ALLAH bilir nə məqsədiniuz var. Mən bilirəm ki,