Böyük Azərbaycan yolçusu
133
yaradıcılıq örnəyinə dönmüşdü. Şagirdlər nə pioner qalstuku,
nə də komsomol nişanı taxırdı.
4. Bu dövrdə bəzi şagirdlərə ayrı-ayrılıqda həm
vətənsevərlik təbliğ edir, müxtəlif ədəbiyyatları oxutdururdum,
həm də əlimdə olan Güney Azərbaycanla bağlı və orda ərəb
əlifbası ilə çap olunan kitabları oxuya bilmələri üçün əski
Azərbaycan əlifbasını öyrədirdim. Sonralar bu hal kütləviləşdi
və hardasa 150-200 şagirdə əski əlifba ilə yazıb-oxumağı
öyrətdim.
5. 1987-ci ildə Moskvada Heydər Əliyevə qarşı aqressiya
başlayanda bir türkə olan hücumlara qarşı dostlarımızla birlikdə
çox geniş kompaniya apardıq və bir çox tədbirlər həyata
keçirdik.1988-ci ildə isə həm Moskvada və həm də
Azərbaycanda Heydər Əliyevə qarşı kompaniya
başlayanda
yenə dostlarımızla buna qarşı çıxdıq, çoxlu teleqram və
məktublar təşkil elədik. Mən o zaman Moskvaya Heydər
Əliyevə həm dəstək məqsədi ilə, həm də 65 yaşı münasibəti ilə
anam başda olmaqla (anam 11 uşaq anası olduğu üçün
Qəhrəman Ana adını almışdı) bir neçə Qəhrəman Ananın
adından təbrik teleqramı vurdum.
6. 1988-ci ildə Naxçıvanda (bəlkə də Azərbaycanda) ilk
dəfə məktəbin direktorunun məktəb kollektivi tərəfindən
seçilməsinə nail olduq. Məncə bu ilk və son oldu.
7. Əvvəlcə Afiyəddin Cəlilov, sonra isə Heydər Əliyev
Naxçıvan Ali Məclisinin sədri seçiləndən sonra mənə bir neçə
vəzifə təklif elədi. Mən bütün bu təkliflərdən imtina elədim.
Düzdü bu təkliflərdən imtina etməyimin başqa səbəbləri də
vardı, amma əsas səbəblərdən biri
də məktəbi və şagirdləri çox
sevməyim idi.
8. Güney Azərbaycana gedişlər başlayandan sonra Deputat
səlahiyyətimdən və proseslərdəki rolumdan istifadə edərək 25
müəllimin Güney Azərbaycana getməsini təmin elədim.
Böyük Azərbaycan yolçusu
134
9. Ata yurdum bir dəhliz və iki otaqdan ibarət balaca bir
ev idi. Evimizə daimi çoxlu qonaq gəlib-getdiyindən bəzən bu
qonaqları yerləşdirməkdə çətinlik çəkirdik. Məhz buna görə
1991-ci ildə həyətimizdə yeni bir ev tikməyə başladım. Bir çox
imkanlı və vəzifəli adam evin tikintisinə kömək etmək istədi.
Evi halal qazancım ilə tikmək istədiyimi bildirib heç birinə
razılıq vermədim. Demək olar ki, evin tikintisində usta qisminə
xərcim çıxmadı. Bacıoğlum Ədalət Bağırov tikinti işinə,
dostlarım Vəli Həmzəyev elektrik
işinə və beton üçün
qəliblərin qurulmasına, İlqar Əliyev dülgər işinə, Allahverdi
Fətəliyev suvaq işlərinə, əvvəllər şagirdim olanlardan Azər
Rzayev, Rəşid Əliyev, Əbülfəz Ələkbərov və b. da müəyyən
işlərdə mənə çox kömək etdilər. Amma hələ də evi tamamlaya
bilməmişəm.
10. Həbsdən çıxdıqdan sonra yenə həmin məktəbdə işimə
bərpa olundum (dərs ilinin ortası olmasına baxmayaraq
müəllim yoldaşlarım
Cəlil Fətullayev, Səməd Bağırov, Rima
xanım və hətta tarix müəllimi Mehbalı Muradov mənim dərs
yükü ala bilməyim üçün ərizə yazaraq öz dərslərinin bir
qismindən imtina etdilər) və 2008-ci ildə-Bakıya köçənədək
həmin məktəbdə işlədim.
11. Məktəbdə işlədiyim bütün dövrdə, xüsusi ilə hərəkat
başlayandan sonra həm məktəbin kollektivi, həm də rəhbərliyi
tərəfindən hər zaman hörmətlə yanaşı xüsusi diqqət və qayğı
görmüşəm.
12. 2003-cü ildə heç istəmədiyim bir olay oldu. Sentyabrın
2-si səhər dərsə yenicə başlamışdıq. Məktəbin direktoru Yaqub
Həsənovla gözlənilmədən mübahisə yarandı və çox pis
qalmaqala çevrildi. Yaqub müəllimin şikayəti
üzərinə məni
işdən azad elədilər və cinayət işi açdılar. Məhkəmə prosesində
mənə 3 il 6 ay sınaq dövrü olmaqla şərti məhkumluq cəzası
verilməsi, işimə bərpa olunmağım və boş qalan aylarımın əmək
haqqının ödənilməsi haqqında qərar verildi. Düzdür sonradan
Böyük Azərbaycan yolçusu
135
biz Yaqub müəllimlə barışdıq, amma mən bir daha Yaqub
müəllimdən onu incidəcək bütün söz və davranışlarıma görə
üzürxahlıq edirəm.
13. Elə bu dövrdə qarşıma qoyduğum bir çox məsələlərin
həlli üçün Bakıya köçməyi qərara aldım. Amma məhkum
olunduğum üçün bu qərarımı bir müddət təxirə salmalı oldum
və məhkumluğum bitdikdən bir müddət sonra 2008-ci ildə Bakı
şəhərinə köçdüm.
MİLLİ AZADLIQ HƏRƏKATI DÖVRÜ
1. Azərbaycan tarixinin ən şərəfli
səhifələrindən biri də
1988-ci ildə başlayan Milli Azadlıq Hərəkatı-Xalq Hərəkatı
dövrüdür. Bu proses birdən birə və təsadüfən yaranmadı. Bu
dünyada və SSRİ-nin özündə gedən bir çox bizdən kənar
proseslərlə yanaşı həm də yuxarıda da qeyd etdiyim kimi
minlərlə insanların birləşdiyi gizli təşkilatların fəaliyyətinin
məntiqi nəticəsi idi.
2. Səhv etmirəmsə 1987-ci ilin dekabr ayında erməni
akademik Ağanbekiyanın çıxışı ilə bağlı biz bir vərəqə
(intibahnamə) hazırlayıb, əhalini etiraz etməyə çağırmağı
planlaşdırdıq. Bu fikir yenə səhv etməsəm fevralın əvvəllərində
həyata keçdi. Fevralın axırlarına yaxın Naxçıvan şəhərində
150-200 nəfər olmaqla camaat univermaq ətrafına yığışıb
ümumi narazılıq elədi. Səhv etmirəmsə bizim birinci ciddi
çıxışımız 1988-ci il fevralın 28-də Qızlar bulağının yanında
oldu. Düzü təşkilini biz eləsək də normal idarə edə bilmədik.
Biri çağırdı Ali Sovetə tərəf, biri çağırdı Koroğlunun heykəlinə
tərəf və s. Amma bundan sonrakı mitinqlərin təşkilatçılığı ilə
yanaşı idarəetməsini də ciddi şəkildə planlaşdırmağa başladıq.
Və beləliklə hərəkatı tamamı ilə öz nəzarətimizə götürdük.
3. İlk əvvəllər yalnız bizim Gizli təşkilatın üzvləri yığışıb
müzakirə edirdik, amma sonradan digər gizli təşkilatın uşaqları
Böyük Azərbaycan yolçusu
136
o, cümlədən proseslərdə fəallığı ilə seçilib üzə çıxan
dostlarımız da bu müzakirələrə və idarəetməyə qoşuldu. İlk
belə ciddi yığıncaq səhv etməsəm 1988-ci ildə Naxçıvan
şəhərinin yaxınlığında Canəmbər
çeşməsində oldu və biz orada
həm təşkilatı təsis etdik və həm də 9 nəfərdən -Arif Rəhimoğlu,
Asif Kələntərli, Sərdar Cəlaloğlu, Sülhəddin Əkbər, Əli Şamil,
İbrahim İbrahimli, Kazım Teymurlu, Əsgər Qəliloğlu və
Fəxrəddin Şeyx Ələsgərsoydan ibarət İdarə Heyyəti seçdik.
4. Proseslər get-gedə dərinləşirdi. Naxçıvanda gizli
təşkilatların olması həm proseslərin düzgün idarə olunmasında,
həm də aparılan antitəbliğat və təxribatların qarşısının
alınmasıda çox böyük rol oynadı. Bunun da əsas səbəbi bir-
birini tanıyan və bir-birinə inanan insanları parçalamağın və
onlar arasında intriqa salmağın mümkün olmaması idi.
5.1989-cu ilin yazında Nehrəm kəndində,
Nəsirin meşəsi
deyilən yerdə səhv etməsəm 12 nəfərlə yığıncaq keçirib
Nehrəm Xalq Cəbhəsini təsis etdik və mən sədr seçildim.
Sonraki dövürdə Xalq Cəbhəsi Nehrəmdə çox genişləndi və
1000 nəfər ətrafında üzvü oldu.
6. 1989-ci ilin avqust-iyul aylarında Babək rayon
Zeynəddin kəndində AXC Babək rayon şöbəsinin təsis
yığıncağını keçirdik. İbrahim İbrahimlini sədr seçdik.
7. 1989-cu il noyabrın 11-də Əbülfəz Elçibəyin də iştirak
etdiyi Naxçıvan Mədəniyyət sarayında keçirilən konfransda
AXC Naxçıvan MR şöbəsi İdarə Heyyətinə seçilən 11 nəfərdən
(demək olar ki,əksəriyyəti bizim gizli təşkilatın üzvləri idi) biri
də mən idim.
8. Həm
Azərbaycan tarixində, həm də Xalq Hərəkatının ən
əsas olaylarından biri Sərhəd hərəkatı idi. Bu hərəkat bizim
Gizli Təşkilatın illərlə arzuladığı bir proses idi ki, ilk fürsətdə
biz bu imkandan çox ustalıqla yararlandıq və uğurlu nəticə əldə
etdik. İndi bu hərəkatı hərə bir ada bağlamağa çalışır. Mən
qətiyyətlə deyirəm ki, bu heç kimin adı ilə bağlı deyil və bu