96
larını müdrik bir insan kimi, hamının hörmət edəcəyi bir şəxs və-
ziyyətində, maddi təminatla yaşayacaqsan. Əgər bəd əməl sahibi
olmusansa, ömrünün son illəri xəstəlik və zillət içində, hamının
gözündən düşən bir şəxs vəziyyətində yaşayacaqsan. Ona görə də
hər bir insan çalışmalıdır ki, öz ölümündən sonrakı həyatını və bu
həyatını daha dolğun, yaxşı yaşamaq üçün ən ali varlığın ədalət
qanunlarına riayət etsin. Yəni hər vaxt ağılı ilə hissiyyatın üzə-
rində nəzarət etməyi bacarsın. Ey insan, həqiqətdən uzaqlaşanları
düzgün yola qaytarmağa çalış, bir şərtlə ki, o zaman bu işin daha
yaxşı nəticələri olar ki, özün də həqiqətin daimi yolçusu olasan.
Ən ali varlığın nəzarəti həmişə həqiqətin daimi yolçusu olanların
üzərindədir. Ən ali varlığın daha çox nəzarəti isə həqiqətin daimi
yolçusu olmaqla bərabər, həm də həqiqət yolunu azmışları doğru
yola qaytarmağa çalışanların üzərindədir. Bir haqq yolunu azmışı
düzgün yola qaytarmaq, yüz il ən ali varlığa sədaqətlə ibadət et-
məyə bərabərdir. Hər kəs bir öz yolunu azmışı düz yola qaytarsa,
həyatda natəmiz işlərlə məşğul olan adam tapılmaz. Belə bir halın
yaranması üçün isə hökmən ağılın hökmranlığı lazımdır. Ağıl hök-
mranlıq edən yerdə şər işlər ayaq açıb meydana girə bilməz. Öz
qəlbinin
təmizliyini həmişə qoru, çünki yalnız
təmiz qəlb sahibləri
ən ali varlığın ədalət qanunlarına düzgün əməl edə bilər.
Qəlbində hissiyyatla bağlı bir istək varsa, o istəkdən qorx. His-
siyyatla bağlı hər hansı bir istək son nəticədə şərə xidmət edir. İn-
san qəlbi elə bir evdir ki, onun iki qapısı var, biri ruha, biri bə-
dənə açılır. Çalış ruhun üçün açılan qapı daim açıq olsun. Bədənin
tələbləri üçün heç də həmişə qəlb evinin qapısını açma. Yalnız belə
olan təqdirdə öz qəlbinin təmizliyini və saflığını qoruya bilərsən.
Ləkələnmiş qəlb sahibləri öz qəlblərinə düşən ləkəni silmək üçün,
bu ləkənin düşməməsinə göstərdikləri əzmkarlıqdan daha artıq,
ikiqat əzmkarlıq göstərməlidirlər. Deməli, ən yaxşı hal daim ağılla
hissiyyatının üzərində nəzarət etməkdir ki, qəlbin təmizliyini itir-
məsin. Qəlbin təmizliyinin itməsi şəxsiyyətin korroziyaya uğrama-
sı deməkdir və bu da ən acınacaqlı və cəmiyyət üçün ən qorxu-
lu haldır. Çünki korroziyaya uğramış şəxsiyyət bir bataqlıq kimi