Azizaxon Rasulova

har birimiz davlat 
tiliga bo‘lgan e’tiborni mustaqillikka bo‘lgan e’tibor deb, davlat 
tiliga ehtirom va sadoqatni, ona vatanga ehtirom va sadoqat deb 
bilishimiz, shunday qarashni hayotimiz qoidasiga aylantirishimiz 
kerak. Bu oliyjanob harakatni barchamiz o‘zimizdan, o‘z oilamiz va 
jamoamizdan 
boshlashimiz, 
ona 
tilimizga, 
urf-odat 
va 
qadriyatlarimizga hurmat, Vatanga mehrimizni amaliy faoliyatda 
namoyon etishimiz kerak
1
.
O‘zbek tili turkiy tillar oilasiga mansub eng yirik tillardan biridir. 
Dunyo miqyosida bu tilda 50 millionga yaqin odam so‘zlashadi.
O‘zbekiston mustaqillikka erishgach, xalqimiz o‘zbek tiliga, o‘zbek 
adabiy tilini yanada rivojlantirishga, uning qonuniy huquqlarini 
tiklashga katta e’tibor berdi. 1989-yil 21-oktabrda o‘zbek tiliga davlat 
tili maqomining berilishi xalqimiz hayotida muhim voqea bo‘ldi. 
Hozirda davlat tilining nufuzini oshirishga doir bir qancha qarorlar, 
davlat dasturlari qabul qilindi va ular izchillik bilan amalga 
oshirilmoqda. Mana shunday ulkan ishlardan biri 21-oktabrning “O‘zbek 
tili bayrami kuni” sifatida belgilanishi bo‘ldi. Bu Qonun 2020-yilning 
10-aprel kunidan kuchga kirgan. “O‘zbek tili bayrami kuni”ning 
nishonlanishi o‘zini o‘zbek millati va xalqining vakili deb bilgan 
yurtdoshlarimiz qalbida cheksiz g‘urur va iftixor tuyg‘ularini uyg‘otdi. 
Doim o‘zbek tili nufuzi va obro‘sini yanada oshirish, o‘z ona tiliga 
mehr-muhabbatini amaliy faoliyatda namoyon etish har bir o‘zbek 
farzandining maqsadi, muhim vazifasi bo‘lishi zarur. 
1
 
https://xs.uz/uzkr/post
. Prezident Shavkat Mirziyoyevning o‘zbek tiliga davlat tili maqomi 
berilganining o‘ttiz yilligiga bag‘ishlangan tantanali marosimdagi nutqi.

---

4 
O‘zbek tili – o‘zbek xalqining milliy tili. Unda o‘zbek xalqining 
o‘zligi, tabiati, saviyasi, tafakkur tarzi o‘z tajassumini topar ekan, 
demak, mazkur tilni asrab-avaylash, uning nufuzini, obro‘-mavqeyini 
ko‘tarish shu tilda so‘zlovchi har bir shaxsning ijtimoiy burchi va 
huquqidir. 
Ta’limning barcha bo‘g‘inlari o‘zbek tilida o‘zlari tanlagan soha 
bo‘yicha o‘zbek tilida nutqiy kompetensiyaga ega bo‘lishi, 
mutaxassisligi bo‘yicha og‘zaki va yozma nutqda terminlarni qo‘llay 
olishi, o‘z bilimlarini o‘zbek tilida ifoda etish malakasiga ega bo‘lishi, 
sohada qo‘llanadigan hujjatlarni rasmiylashtira olishi, nutq uslublarida 
erkin muloqotga kirishishi, amaliyotga tadbiq qilishi, yozma 
savodxonlikni oshirish ko‘nikmalarini o‘zida mujassam etishi kerak. 
Bunda oliy o‘quv yurtlari bakalavr yo‘nalishlari uchun yaratilgan 
“O‘zbek tilining sohada qo‘llanilishi” fanining vazifasi katta. Chunki 
bo‘lajak mutaxassislar kasbiy layoqati bilan birga o‘z kasbi doirasida 
qo‘llanadigan termin (atama)larni, davlat tilida ish yuritish malakasini, 
nutq madaniyati asoslarini to‘la egallashlari kerak.

---

5