Maşının işə salınıb və dayandırılma ardıcıllığı
Soyuducu maşını işə salmaq üçün aşağıdakılar zəruridir:
a) Kompressorun sorma və vurma ventillərini açmalı;
b) Kondensatora suyun gəlməsi üçün ventili açmalı, suyun xəttə axmasına sayğacla yoxlamalı. Kondensatora su verilmədən aqreqatı işə salmaq olmaz;
c) Resiverdə agentin çıxış ventilini açmalı;
d) Elektrik–idarəedici şitdən soyuducu maşının elektrik ilə təmin olunmasına əmin olub, temperaturun avtomatik nəzarət-idarəetmə cihazından «Aç» düyməsini basmalı. Bu zaman avtomatik olaraq kompressor işə salınır. Soyuducu maşının iş rejimləri də temperaturun avtomatik nəzarət-idarəetmə cihazı vasitəsi ilə seçilir və təmin olunur.
Maşının sonrakı işi avtomatik olaraq yerinə yetirilir.
Maşının dayandırılması qısamüddətli (7-8 gün) və uzunmüddətli ola bilər.
Qısamüddətli dayandırılması üçün aşağıdakıları yerinə yetirmək lazımdır:
- Avtomatik dövrə qapayıcını açmalı;
- Kondensatora gələn suyu bağlamalı.
Uzunmüddətli (1 ay və daha uzunmüddətə) dayandırılması üçün aşağıdakıları yerinə yetirmək lazımdır:
- Avtomatik dövrə qapayıcını açmalı;
- Kompressorun sorma və vurma ventillərini bağlamalı;
- Kondensatordan agentin çıxmaması üçün ressiverdən sonrakı ventili bağlamalı;
- Kondensatorda suyun giriş ventilini bağlamalı.
Dostları ilə paylaş: |