37
statistik öyrənərkən ilk növbədə istehlakın yol verilən səviyyəsini təmin edən
gəlirlərin həddi müəyyən edilir. Qeyd edilənlərdən aydın olur ki, orta illik, aylıq və
günlük gəliri müəyyən həddən aşağı olan istənilən şəxs yoxsul hesab edilir. Məlumat
üçün deyək ki, bir çox ölkələrdə bu hədd orta medina gəlirin hissəsi kimi müəyyən
edilir.
Həyat səviyyəsinin beynəlxalq standartları Beynəlxalq Əmək Təşkilatının
(BƏT) «Sosial siyasətin əsas məqsədləri və normaları haqqında» 117 saylı konven-
siyasında göstərilir. BƏT-nin bu sənədində insanlığın nail olunduğu rifah səviyyəsi
qeyd edilir və müasir insanın hansı həyat səviyyəsi hüququna malik olduğu sualına
cavab verilir. Bu suala hər bir ölkə öz iqtisadiyyatının vəziyyətinə və sosial
qanunvericiliyinin inkişaf səviyyəsinə uyğun olaraq cavab verir .
Yoxsulluğun həddi kimi yaşayış minimumu hesablanır. Bunun üçün aşağıdakı
anlayışların izahı zəruridir:
1.Minimum istehlak səbəti. Bu, insanın sağlamlığını saxlamaq və onun həyat
fəaliyyətini təmin etmək üçün zəruri olan qida məhsullarının, qeyri-ərzaq mal və
xidmətlərin minimal dəstidir.
2.Ailə - qohumluq yaxud birgə yaşayış xüsusiyyətləri və birgə təsərrüfatın
aparılması ilə bağlı şəxslərdir.
3.Əhalinin əsas sosial-demoqrafik qrupları (əmək qabiliyyətli əhali, pensi-
yaçılar, uşaqlar).
Yaşayış (fizioloji) minimumu dedikdə - yalnız müəyyən vaxta insanın sağlam-
lığının və onun həyat fəaliyyətinin saxlanması üçün zəruri olan mal və xidmətlərin
minimal dəstinin və məcburi ödəmə və yığımların dəyəri başa düşülür. stehlakın
həyatı zəruri ünsürlərinə yalnız qida deyil, sanitariya və gigiyenanın ən zəruri
əş
yalarına, dərman, kommunal xidmətləri xərcləri və digər məcburi ödəmələr də
daxil edilir.
Yoxsulluq gəlirlərin bölgüsündəki qeyri-bərabərliyin mühüm xarakteristika-
sından biridir. Yoxsulluğun səviyyəsi - əhalinin ümumi sayında gəlirləri yaşayış
minimumundan aşağı olan əhalinin xüsusi çəkisidir və o, ölkənin sosial-iqtisadi
vəziyyətinin informativ göstəricisi kimi çıxış edir. Bazar iqtisadiyyatı şəraitində
38
yaşayış minimumundan sosial siyasəti işləyib hazırlayarkən və həyata keçirərkən,
ölkə səviyyəsində minimum əmək haqqının, pensiyanın, təqaüdlərin, yardımların və
digər sosial ödəmələrin minimal həcmini əsaslaşdırarkən, büdcəni formalaşdırarkən
ə
halinin həyat səviyyəsinin qiymətləndirilməsi meyarı kimi istifadə edilir. Bu zaman
minimum istehlak səbəti və yaşayış minimumunun hesablanması həm bütün əhali
üzrə, həm də əsas sosial-demoqrafik qruplar üzrə həyata keçirilir [7, 32].
Ailənin (yaxud tək yaşayan vətəndaşın) dövlətdən sosial kömək almaq hüququ
vardır və əgər onun hər nəfərinə orta gəliri müəyyən olunmuş yaşayış minimumundan
aşağıdırsa o, aztəminatlı hesab edilir.
Bir qayda olaraq statistika təcrübəsində dövlətin əhaliyə göstərdiyi sosial
təminatların həcminin nisbəti əmsalla ifadə olunur. Bu sosial təminatın bütün növləri
ilə əhalinin sosial-demoqrafik qrupları üçün müəyyən olunmuş yaşayış minimumu
arasındakı nisbətdir. Yaşayış minimumu metodundan istifadə edərək yoxsulluğun
qiymətləndirilməsi ev təsərrüfatının hər bir üzvünün yaşayış minimumunun həcmi
nəzərə alınmaqla bütövlükdə yoxsulluğun həddini təşkil etməyə imkan verir.
Yaşayış minimumunun əsasını istehlakın minimal norması üzrə qida məhsul-
larının natural dəsti, kaloriliyinin və yeyinti məhsullarının kimyəvi tərkibinin tarazlığı
təşkil edir.
Bütövlükdə ev təsərrüfatı üzrə yaşayış minimumunun ərzaq hissəsinin kəmiy-
yəti onun üzvlərinin sayından, cinsindən və yaşından asılı olaraq müəyyən edilir.
Minimum ərzaq səbətinin dəyəri müəyyənləşdirildikdən sonra ona qeyri-ərzaq
mallarına xərcin, pullu xidmətlərin və vergi ödəmələrinin, üzvlük haqlarının məbləği
ə
lavə edilir.
Yaşayış minimumunun kəmiyyətindən əhalinin sosial qeyri-bərabərliyinin
dərəcəsini xarakterizə edən meyar kimi istifadə edilir. Adətən hər nəfərə düşən gəliri
yaşayış minimumundan aşağı olan ev təsərrüfatı qrupları müəyyən edilir.
Bir qayda olaraq şəxslərin, yaxud ev təsərrüfatı qruplarının yoxsulluq
vəziyyətində olanlara aid edilməsinin meyarı kimi hər nəfərə düşən gəlirlərin
səviyyəsinin yaşayış minimumunun kəmiyyətindən iki dəfə, yaxud çox aşağı
39
olmasından və ya qida məhsullarının istehlakı kaloriliyinin elmi cəhətdən əsaslan-
dırılmış fizioloji normadan aşağı olmasından istifadə edilir.
Digər metodikaya uyğun olaraq kasıb qrupa gəlirləri əhalinin qalan qrupunun
gəlirindən aşağı olanlar aid edilir. Kasıblığın qiymətləndirilməsinin bu metodu bütün
ə
halinin orta gəlir göstəricisinə müəyyən nisbətdə maddi çatışmazlığın
müəyyənləşdirilmiş həddinə əsaslanır. Bu halda kasıblara gəlirləri medina gəlirdən
aşağı olanlar aid edilir.
Kasıblığın qiymətləndirilməsinin digər metodu statistik qiymətləndirmədən
istifadəyə əsaslanır. Bu zaman kasıblığın meyarı kimi ailənin gəlirində (xərcində)
qida məhsullarına xərclərin xüsusi çəkisi tətbiq edilir. Əgər əhalinin, yaxud ev
təsərrüfatının gəlirində qida məhsullarının alınmasına xərclərin xüsusi çəkisi olduqca
böyükdürsə onda ailə kasıb qrupa aid edilir.
Bəzən tədqiqatçılar yoxsulluğu qiymətləndirmək üçün kriteriya kimi qida
məhsullarının istehlak səviyyəsindən istifadə edirlər. Bu zaman ərzaq istehlakı, bir
qayda olaraq gündə hər nəfər hesabı ilə məhsul istehsalının kaloriliyi vasitəsilə
qiymətləndirilir və fizioloji normativlərlə müqayisə edilir. Təbii ki, normativlər
ə
halinin müxtəlif cins-yaş qrupları üçün fərqləndirilir və əhalinin yaşadığı təbii-iqlim
şə
raiti nəzərə alınır. Kasıblığı təhlil edərkən qida kaloriliyinin hesablanması yeyinti
məhsullarının tərkibinin qiymətləndirilməsi ilə də tamamlana bilər.
Qeyd edilən kasıblıq kriteriyalarını obyektiv hesab etmək olar. Lakin təcrübədə
tez-tez kasıbçılığın subyektiv qiymətləndirilməsindən də istifadə edilir. Belə
qiymətləndirmələr respodentlərin həyat səviyyəsi haqqındakı fikirlərinə əsaslanır. Bu
halda kasıblara maddi vəziyyətləri (gəlirləri, əmlakı) özlərinin tələbatlarını tam
həcmdə ödəməyə imkan verməyənlər aid edilir.
Yoxsul əhalinin gəlirləri haqqındakı məlumatlar əsasında yoxsul əhalinin hər
nəfərinə düşən gəlir göstəricisi, gəlirin çatışmazlığı, yoxsulluğun dərinliyi və kəs-
kinliyi əmsalları kimi nisbi göstəricilər hesablanır və statistik təhlil edilir.
Dostları ilə paylaş: |