130
mühəndis Əmini təmkinli, sadə və qayğıkeş bir insan kimi
göstərir. Bununla belə, son şəkildə onun Nihalın önündə diz
çökməsi, heç bir qəbahəti olmaya-olmaya yazıq və zavallı
görünməsi tamaşaçını razı salmır. Ümumiyyətlə, epizodik surətlər
dramaturji materialın azlığı üzündən bir pozitiv kimi yaxşı
aşkarlanmamışdır” (42).
Sözsüz ki, bu iradlarla razılaşmamaq olmaz, teatrla
dramaturqun əməkdaşlığı gedişində daha çox epizodik səciyyə
daşıyan bu məqamlar islah olunmuş, B.Vahabzadə dramaturgiyası
püxtələşdikcə səhnə təcəssümü də mükəmməlləşmişdir.Ümumən,
“Yağışdan sonra” pyesi bəzi xırda qüsurlarına baxmayaraq,
Naxçıvan Dövlət Musiqili Dram Teatrının repertuarında xüsusi
seçildi, bir dram əsəri kimi teatrın ümumi yaradıcılıq inkişafına
müsbət təsirini göstərdi.
3.3. B.Vahabzadə pyeslərinin ġəki Dövlət Dram Teatrında
səhnə taleyi
Bəxtiyar Vahabzadənin “Vicdan” pyesinin 1960-cı ilin mart
ayında Nuxa xalq teatrındakı tamaşası onun Şəki tetatrsevərləri ilə ilk
ünsiyyəti olduğundan bu məqamı da xatırlamaq məqsədəuyğundur.
Xalq teatrları teatrla tamaşaçı auditoriyası arasında bir körpü olub,
çevik ünsiyyət yaratmağa xidmət edir. Azərbaycan xalq teatrları
meydan tamaşaları ənənəsinin davamı olub, belə ünsiyyətə imkan
yaradırdı. Uzun illər fəaliyyət göstərən Nuxa Xalq Teatrı da
bunlardan biri olub, öz üslubu ilə seçilən, gərgin zəhmət və axtarışlar
bahasına başa gələn bir teatr kollektivini təmsil edirdi. Daim yenilik
sorağında olan bu kollektivin tamaşalarında gənclik təravəti,
orijinallıq təşəbbüsləri vardı. Bu təşəbbüslərin bəziləri mübahisəli
görünsə belə, yenə də maraqlıydı.
“Vicdan” dramında müəllifin qaldırdığı problemlərə münasibəti
məhz xəlqi mövqeyi ilə kollektivə yaxın görünmüş, işgüzar, savadlı,
əməyi sevən, böyüklərə ehtiram göstərən, həyatda namusla
yaşamağı, vicdanla işləməyi bacaran Fəxrəddin (xalq hakimi), Əşrəf
(aspirant), Pakizə (elmi işçi), Bahar (müəllimə) və Tükəz (ana) kimi
insanların müsbət obrazı, özündən bədgüman, gözünü pula dikən,
131
özünü işə verməyən, adını alim qoyub, hərəkətləri ilə alim adını
ləkələyən, xudbin, vicdanını itirmiş Sultan Zöhrabov, tüfeyli həyat
keçirən, faydalı əməkdən qaçan Qulam və Atobba kimi, həyatın
mənasını yalnız yemək, içmək və gəzməkdə görən, heç kəsin xeyir-
şərinə yanmayan, süni bəzək-düzəyi sevən Mirəstə kimi tüfeylilərin
mənfi nümunəsi kollektivə səhnədən söz demək imkanı yaratmışdı.
“Vicdan” tamaşasının quruluşunu xalq teatrında da
respublikanın əməkdar artisti, rejissor H.Şəmsizadə vermişdi, bədii
tərtibatını isə rəssam C.Qazıyev hazırlamışdı. Mətbuatın məlumatına
görə, rejissor işə məsuliyyətlə yanaşaraq, qısa müddət ərzində uğurlu
tamaşa yaratmağa müvəffəq olmuşdu. O, teatrın aktyorları ilə əlbir
işləyərək meydana keyfiyyətli tamaşa çıxarmışdı.
Tamaşada əsərin konflikti şəxsi mənafe ilə ictimai mənafeyin
toqquşması şəklində təzahür edirdi. Özlüyündə yeni olmayan bu
münaqişə B.Vahabzadənin yanaşmasında aktual həyat materialı ilə
möhkəmlənərək, forma və kompozisiya baxımından da səlis
işlənmişdi.
Tamaşada
dövlət
malını
mənimsəyənlərin
tərbiyələnməsində xalq məhkəmələrinin və ictimaiyyətin rolunun
işıqlandırılması ilə yanaşı, cinayətkarları müdafiə edənlərin səhvləri,
bu səhvlərin törətdiyi bədbəxt nəticələr də öz əksini tapmışdı.
Lalayanın oynadığı Sultan Zöhrabov obrazı tamaşaçıların haqlı
nifrətinə səbəb olmuşdur. O, Zöhrabovu alim olduqdan sonra kəndi,
hətta doğma anasını bəyənməyən, elmi yaradıcılıq əvəzinə elmi
təqlidçiliklə məşğul olan, dostunun sevgisinə xəyanət edən, ailəsində
səmimiyyət yarada bilməyən, uşağının tərbiyəsinin qayğısına
qalmayan, onu yetişdirən müəllimə hörmət göstərməyən bir tip kimi
təqdim edirdi. Sultan Zöhrabov öz qüsurlarına göz yumur, düzgün
tənqidlərə dözmür, lazım gəldikdə vəzifəsindən sui-istifadə edir,
gənc elmi işçilərə qayğı göstərmir, hətta inkişafına əngəl olurdu.
Bahar müəllimə və Sultan Zöhrabovun anası Tükəz obrazları
tamaşada məharətlə səciyyələndirilmişdi. Respublikanın əməkdar
artisti B.Əsgərova Bahar müəllimənin simasında xalq müəllimlərinin
tipik nümunəsini yaratmışdı. O, Bahar müəllimə rolunu coşqun
ilhamla yaradırdı. B.Əsgərova Bahar müəllimənin qayğıkeş, tələbkar,
sənətini sevən gözəl tərbiyəçi və yaxşı bir insan olduğunu öz ifasında
böyük ustalıqla canlandırırdı. O, özü dediyi kimi, ağ saçlarının hər
132
biri bir direktor, bir alim yetişdirən qocaman xalq müəllimidir.
Zöhrabov oğlu Arifin pis oxuması və məktəbdə özünü pis
aparmasına görə Bahar müəllimə tərəfindən məktəbə dəvət edilərkən
“mən direktoram, vaxtım yoxdur, qəbul saatlarımda buyurun, siz
gəlin mənim yanıma” - deyərək öz sabiq müəlliməsini yanına çağırsa
da, Bahar müəllimə, Arifin qayğı ilə tərbiyə edilməsi xatirinə onun
atasının yanına gəlir, Zöhrabovla bir xalq maarifçisi və tərbiyəçi kimi
çox ciddi danışırdı.
Bahar müəllimə ilə Qulamın altıncı şəkildə üz-üzə gəlməsi
tamaşaçılarda xalq malına xəyanət edən və faydalı əməklə məşğul
olmayan Qulama qarşı nifrət, Bahar müəlliməyə qarşı yüksək
məhəbbət oyadırdı. Müəllimənin xeyirxah nəsihətləri, ibrətamiz
sözləri, özü dediyi kimi, ömrünün çoxunu xəyanətdə keçirən
Qulamın qəlbinə nüfuz edirdi. Ağsaçlı müəllimənin “kişi də bikar
olar”, “səndən kişilik, mərdlik istəyirəm”, “iş səni ayıldar” kimi
sözləri Qulamın daxilində ciddi bir sarsıntı əmələ gətirirdi. O,
Zöhrabovun evinə gələrək ona məsləhət verirdi ki, öz xudbinliyindən
əl çəksin, vicdanı qarşısında cavab versin: “Unutma ki, bu
hərəktələrinə görə sənin yerinə mən xəcalət çəkirəm, axı sən mənim
şagirdim olmusan, indi isə məni, hər şeydən əvvəl, bir müəllim kimi
Arifin gələcəyi narahat edir. Sən onu tamamilə unutmusan. Sən öz
xudbinliyin ucundan özünü cəmiyyətdən yüksək tutursan. Nə üçün?
Ona görə ki, sən vicdanını itirmisən. İnsan üçün vicdanını itirməkdən
böyük faciə ola bilməz! Bax, bu gün sən heç kəsdən utanmadan,
xəcalət çəkmədən özünün haqlı olduğunu sübuta çalışırsan. Heç
olmasa özündən utan, vicdanın qarşısında hesabat ver, vicdanından
utan!‟ (124, 56).
Z.Telyakovanın oynadığı Tükəz obrazı insanpərvər, alicənab,
qayğıkeş bir insandır. Zöhrabovun öz anası Tükəzə qayğısız, qeyri-
insani münasibət göstərməsinə baxmayaraq, o, oğlunun hərəkətlərinə
səbrlə dözür, ailəsinin dağılmasına mane olur. Səhnədə beşinci
şəkildən görünməyə başlayan ana - Tükəzin oğlu Sultanla söhbəti
tamaşaçıların həyacanına səbəb olurdu. Ana məhəbbətini çoxdan
itirmiş xudbin Zöhrabov kənddən gəlmiş anasını soyuqqanlıqla
qarşılayır və onun gəlişindən narazı qalırdı. Lakin Tükəz
(Z.Telyakova) bunların hamısına dözür, oğlunun, gəlinin, nəvəsinin
Dostları ilə paylaş: |