Azərbaycan miLLİ elmlər akademiyasi a. A. Bakixanov adına tariX İnstitutu

Tədqiqatın məqsəd və vəzifələri.
Tədqiqat işinin əsas məqsədi 1991-
2011-ci illər xronoloji çərçivəsi daxilində dövlət quruculuğunun mühüm 
tərkib hissəsi sayılan gömrük işinin təşəkkül tapması və inkişafı prosesini 
ətraflı təhlilini aparmaq, tədqiq olunan problemlə bu və ya digər şəkildə 
əlaqəli olan əhəmiyyətli materialları elmi dövriyyəyə daxil etmək, 
Azərbaycan Respublikasının gömrük siyasətinin elmi araşdırılmasına nail 
olmaqdır.
Dissertasiyada qarşıya qoyulmuş məqsədlərə nail olmaq üçün aşağıdakı 
vəzifələr müəyyən edilmişdir:
– Azərbaycan dövlətçiliyi tarixində zəngin tarixi ənənələrə malik yerli 
gömrükxanaların təcrübəsini ümumiləşdirmək, Azərbaycan Xalq Cümhu-
riyyətinin gömrük işinin təşkili, gömrük qanunvericiliyinin yaradılması və 
qaçaqmalçılığa qarşı mübarizə sahəsində fəaliyyətini dəyərləndirmək;
– 1920-1991-ci illərdə Bakı gömrükxanasının və cənub sərhəd-
lərimizdəki gömrükxanalarının fəaliyyətinə nəzər salmaq, eyni zamanda
Azərbaycan SSR-nin xarici iqtisadi-ticarət əlaqələrinin inkişafına sovet 
gömrük-tarif qaydaları ilə süni əngəllər yaradan sovet gömrük sisteminin 
xalqımızın milli mənafeyi ilə qətiyyən uzlaşmadığını göstərmək;
– müstəqilliyin ilk illərində (1991-1993-cü illər) xarici ticarət əlaqələ-
rinə və gömrük işinin inkişafına mənfi təsir edən obyektiv və subyektiv 
faktorları müəyyənləşdirmək və gömrük xidmətinin təşkilində yol verilən 
nöqsanların səbəb və nəticələrini təhlil etmək; 
– Azərbaycan xalqının ümummilli lideri Heydər Əliyevin müasir 
gömrük sisteminin formalaşmasına yönəlmiş möhtəşəm dövlətçilik fəaliy-
yətini, gömrük siyasətinin iqtisadi, təşkilati və hüquqi mexanizmlərinin 
işlənilib hazırlanmasına istiqamət verən tarixi rolunu açıqlamaq;
– müstəqil gömrük sisteminin təşkili və möhkəmləndirilməsi prosesini 
izləmək, ölkəmizin gömrük quruculuğu təcrübəsini təhlil etmək və gömrük 
sisteminin ayrı-ayrı inkişaf mərhələlərinin əsas xüsusiyyətlərini müəyyən-
ləşdirmək;
– milli gömrük sisteminin qanunvericilik bazasının formalaşdırılması 
və daha da təkmilləşdirilməsi sahəsində görülən işləri ətraflı təhlil etmək; 
1
NMRDA: F.2, siy.1, iş 6,10
2
AR DGK-nın Cari Arxivi, 1998-2011-ci illər üzrə kollegiya iclaslarının mate-
rialları

---

20 
– Azərbaycan dövlətinin yürütdüyü gömrük siyasətinin prioritet istiqa-
mətlərini, məqsəd və prinsiplərini təhlil etmək, xarici ticarət əlaqələrin 
gömrük tənzimlənməsinin sosial-iqtisadi inkişafın mühüm faktorlarından 
biri olduğunu əsaslandırmaq; 
– ölkənin iqtisadi təhlükəsizliyinə zərər vuran gömrük hüquqpozma-
ların, qaçaqmalçılıq cinayətlərinin aşkar olunması və qarşısının alınmasına 
yönəldilmiş tədbirlərin, həmçinin narkotik maddələrin qeyri-qanuni daşın-
masına qarşı mübarizənin nəticələrini üzə çıxarmaq; 
– Azərbaycan Respublikasının beynəlxalq gömrük münasibətlərinin 
fəal iştirakçısı olmasını, tərəfdaş ölkələrin gömrük orqanları ilə imzalanan 
ikitərəfli sazişlər əsasında gömrük nəzarətinin normativ-hüquqi sənədlə-
rinin hazırlanması sahəsində aparılan təcrübə və informasiya mübadiləsini 
dəyərləndirmək; 
– gömrük xidmətinin digər ölkələrin gömrük orqanları və beynəlxalq 
təşkilatlarla qarşılıqlı münasibətlərini, o cümlədən BMT-nin İnkişaf Proqra-
mı, DDT, DGT, GUAM kimi beynəlxalq təşkilatlarla və MDB üzv ölkə-
lərinin gömrük orqanları ilə gömrük nəzarətinin hüquqi tənzimlənməsi və 
xidmətin maddi-texniki resursların müasirləşdirilməsi sahəsində görülən 
işləri təhlil etmək; 
– Azərbaycan Respublikasının ayrılmaz tərkib hissəsi olan Naxçıvan 
Muxtar Respublikasının gömrük quruculuğu sahəsində təcrübəsini təhlil 
etmək; 
– gömrük xidmətinin beynəlxalq səviyyədə təşkil olunmuş toplantılara 
cəlb olunması və beynəlxalq tədbirlərə ev sahibliyi etməsinə, beynəlxalq 
gömrük münasibətlərinin əsas aktorlarından biri olmasına obyektiv qiymət 
vermək, həmçinin ölkəmizin Avrasiya Gömrük İttifaqına qoşulmasının 
milli maraqlarımızla ziddiyyət təşkil etməsinə aydınlıq gətirmək; 
– gömrük təşkilatının xalqımızın mədəni və tarixi-arxeoloji irsinin 
qorunması və təbliği sahəsində fəaliyyətini açıqlamaq; 
– müasir dövrdə gömrük sisteminin inkişaf perspektivlərini nəzərdən 
keçirmək, ölkə vətəndaşlarına, xarici iqtisadi fəaliyyət iştirakçılarına və 
xarici ölkə vətəndaşlarına göstərilən gömrük xidmətinin səviyyəsinin daha 
da təkmilləşdirilməsi ilə bağlı təkliflər hazırlamaq.
Tədqiqatın obyekti 
Azərbaycan Respublikasının gömrük işi sahəsində 
fəaliyyətidir. 
Tədqiqat işinin predmeti 
Azərbaycan Respublikasında göm-
rük işinin təşəkkülü, əsas xüsusiyyətləri və inkişaf meyllərinin siyasi-
iqtisadi aspektləridir. Milli gömrük işi və gömrük siyasətinin inkişaf 
tarixinin əsas elementləri aşağıdakılar təşkil edir: a) gömrük işi və gömrük 
siyasəti tarixinin əsas məzmunu; b) gömrük işinin tarixi boyu formalaşan 

---

21 
əsas prinsipləri və xüsusiyyətləri; c) gömrük işi və gömrük siyasətinin 
inkişafına təsir edən hüquqi aktlar; d) gömrük işi sahəsi üzrə formalaşan 
yeni kateqoriya və terminlər sistemi.