22 yanvar 2017-ci il, bazar 6
Yüklə 76,15 Kb. Pdf görüntüsü
|
- Bu səhifədəki naviqasiya:
- Cavid HÜSEYNLİ, Çexiyadakı Karlov Universitetinin doktorantı Azərbaycan dövləti banklarda korporativ sosial
- TANAP-dan qaz almağa imkan verəcək
- Pakistanda bazarda partlayış törədilib, 21 nəfər həlak olub, 40 nəfər yaralanıb
- Vaqif BAYRAMOV, “Xalq qəzeti” Tanınmış alim, təcrübəli pedaqoq Ermənistan silahlı qüvvələrinin bölmələri
| 22 yanvar 2017-ci il, bazar 6
fikirdədirlər ki, bankların sağlamlaşdırılmasında korporativ sosial məsuliyyət vacib amil olaraq qalır. Siyasi və iqtisadi idarəetmənin bütün spektrlərində beynəlxalq aləmin ən mütərəqqi təcrübələrindən bəhrələnən Azərbaycanda da həmin sahə daim dövlətin diqqət mərkəzindədir. Bu arqumentə dövlət başçımızın son nitq və çıxışlarında daha tez-tez rast gəlirik. Kütləvi informasiya vasitələrindən məlum olduğu kimi, Azərbaycan Res- publikasının Prezidenti İlham Əliyevin sədrliyi ilə Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında cənab Prezident deyib: " Keçən il bank sektorunun sağlamlaşdırılması istiqamətində önəmli addımlar atılmışdır, nəzarət gücləndirilmişdir, şəffaflıqla bağlı tədbirlər görülmüşdür, cəza tədbirləri, inzi- bati tədbirlər görülmüşdür. Bizim iqtisadiy- yatımıza ən böyük zərbə vuran bank sektoru olub. Ona görə, bu sektorun təmizlənməsi, sağlamlaşdırılması, şəffaflaşması, beynəlxalq standartlara uyğunlaşma- sı istiqamətində bu il də ciddi addımlar atılacaq". Fikrimizcə, cənab Prezidentin tələb etdiyi bankların beynəlxalq təcrübə əsasında aparılacaq sağlamlaşdırılması prosesində korporativ sosial məsuliyyət (KSM) modelinin tətbiqi aktualdır. Çünki bu model beynəlxalq təcrübədə uğur qaza- nıb və inkişaf etmiş ölkələrdə kifayət qədər həmin istiqamətli qanunvericilik nümunəsi formalaşdırılıb. Son illərdə korporativ sosial məsuliyyət anlayışı bütün dünyada çox sürətlə yayılır və bütün sektorlarda öz təsirini göstərir, o cümlədən bank sektorunda. Qloballaşma- nın və sosial inkişafın sürətlə yayılması nəticəsində bütün banklar (böyük, orta, kiçik) korporativ sosial məsuliyyəti strateji yanaşma kimi tətbiq edə bilərlər. Belə yanaşma iqtisadi və sosial performansın yaxşılaşdırılmasını nəzərə alır. Təsdiq edilib ki, həmin yanaşma bank sektoru üçün çox üstünlüklər gətirə bilər. Bankların nüfuzunu və maliyyə vəziyyətlərini artırmaq üçün yeni, köhnə və ya potensiallı müştəriləri saxlamaq və cəlb etmək məqsədilə KSM vacib amildir. Əlavə olaraq, qeyd edək ki, banklar sosial vəzifələrinə diqqət yetirərsə, daha yaxşı risklərin idarə edilməsi, işçi sədaqəti kimi amillər yüksək nüfuza və mənfəətə gətirib cıxara bilər. KSM bankla- rın strateji planlarının bir parçası olmalıdır və həmçinin qərarvermə prosesində mühim rol oynamalıdır. Məlumdur ki, bankların mənfəəti onların müştəriləri tərəfindən təmin edilir. Ona görə də banklar qərarvermə prosesində, strateji addımlarda maraqlı tərəfləri nəzərə almalı və əldə edilən gəlir sosial və iqtisadi yollarla cəmiyyətə ötürülməlidir. Əgər banklar cəmiyyətdən mənfəət əldə edirlərsə və bu cəmiyyətdən asılıdırsa, deməli, banklar cəmiyyətin tərkib hissələridir və buna görə də onların maraqlı tərəflərə olan məsuliyyətləri daha da təkmilləşdirilməlidir. Nəticədə, banklar cəmiyyət üçün öz məsuliyyətlərini yerinə yetirərək sosial bank olurlar. Azərbaycan dövləti məhz bu istiqamətli layihələri reallaşdırmaq əzmindədir. Korporativ sosial məsuliyyət artıq banklarda vərdiş halına gəlməlidir. Belə olan təqdirdə KSM strateji yanaşma tərzi kimi bankların tanınmaq və tətbiq etmək, təhsil, mədəniyyət, səhiyyə və ətraf mühitlə bağlı təşəbbüs proqramlarında iştirakını artıracaq. Dövlət başçımızın dilə gətirdiyi əsas narahatlıqlardan biri də məhz Azərbaycan Respublikasının bank sektorunda korporativ sosial məsuliyyət modellərinin hələ zəif ifadə olunmasından qaynaqlanır. Dövlət başçısının bu sahənin fəaliyyətinə məlum münasibəti barədə yuxarıda söz açdıq. Məlumdur ki, bu gün ölkəmizdə banklar, iqtisadi qurumlar və təhsil sahələri tərəfindən korporativ sosial məsuliyyət üzrə daha dərin tədqiqat aparılmasına ciddi ehtiyac vardır. Ümumiyyətlə, korporativ davamlılığın və məsuliyyətin formalaşmasında daxili və xarici amillər özünəməxsus təsir göstərir. Daxili amillərə siyasi islahatlar, sosial-iqtisadi prioritetlər, bank rəhbərliyinin idarəetmədə yol verdiyi boşluqların aradan qaldırılması və nəhayət, böhrana cavab vermək qabiliyyətinin formalaşdırılması aiddir. Xarici amil dedikdə isə, qlobal mənşəyi əsasında bazara təsir göstərən, ölkə xaricində formalaşan təzyiqlər nəzərdə tutulur. Beynəlxalq təcrübədən görünür ki, korporativ sosial məsuliyyət məsələlərinə inteqrasiya istiqamətində ictimaiyyətin maarifləndirilməsi, banklarla əlaqədar qa- nunda və KSM üzrə siyasi islahatların apa- rılması bu fəaliyyətin hərəkətverici qüvvəsi olur. Bunun üçün banklar birbaşa sosial-iq- tisadi prioritetlər və bu prosesdən irəli gələn inkişaf istiqamətləri ilə formalaşmalıdır. Belə istiqamət götürülərkən, bankların idarəetmə qabiliyyətindəki boşluqlar aşkar olunarsa, onda konkret olaraq həmin bankın idarəetməsinin təkmilləşdirilməsi məqsədilə zəruri təlimlər keçirilməlidir. Əlavə olaraq qeyd etmək lazımdır ki, Milli Biznes Sistemi (MBS), hökumət və ya QHT-lərin bank sektorunun KSM təşəbbüslərinə əhəmiyyətli dərəcədə təsiri olmalıdır. Bir mühüm məsələni də qeyd etmək lazımdır ki, təşəbbüs proqramları zamanı sosial me- yarların nəzərə alınması zəruridir. Bankın KSM strategiyası çərçivəsində verilən qərarlar, təbii ki, sosial-iqtisadi məsələləri əhatə etməlidir. Habelə, so- sial-iqtisadi məsələlərin araşdırılması, analizlərin aparılması zamanı banklarda yeni bir fəlsəfə tətbiq ediləcək. Bu fəlsəfə əsasında banklarda gedən əməliyyatlar da öz xüsusiyyətlərini dəyişə bilər. Nəticədə, sosial-iqtisadi məsələləri araşdırmaqla, daxili prosesləri sosial-iqtisadi məsələlərə uyğunlaşdırmaq həm daxili davamlılığa gətirib çıxaracaq, həm də sosial-iqtisadi sahənin inkişafına stimul yaradacaq. Təbii ki, bu yanaşma tərzinin tətbiqi zamanı cəmiyyətin mövcud problemlərinə münasibət bildirilməsi müştərilər tərəfindən məmnuniyyətlə qarşılanacaq. Tərəfdaşlıq münasibəti cəmiyyətə ilham verəcək və bu, nəticədə həm bank üçün, həm də müştərilər üçün müsbət olacaqdır. Nəticədə banklar bu yaxınlıqdan mənfəət, gəlir və bazar payı əldə edəcək, həmçinin fərqləndirici amil kimi bank bazarında fəaliyyət göstərəcək. Belə bir addım dövlət tərəfindən müsbət qarşılanacaq və nəticədə yeni qanunların yaranması zəruri olacaqdır. Bu addım, həm xalqın dəyərlərini qoru- maqla yanaşı, həm də bank sistemindəki yeniliklərlə cəmiyyətdəki ab-havaya müsbət təsir göstərəcək. Beynəlxalq təcrübədən məlumdur ki, bank-maliyyə sahəsinə aid olan qanunların dəyişməsində ilk addım banklar tərəfindən atılır. Bankla- rın təkliflərinə hökumət səviyyəsində baxı- lır və normativ şəkildə tətbiq edilir. Çünki banklarla hökumət arasındakı münasibət, sadəcə, vergi məsələləri üzrə və ya dəstək almaq üçün deyildir. KSM-in strateji açar kimi tətbiqi bazarda banklara rəqabət üstünlüyünə və bank bazarında rəqabətə təkan verəcək. Eyni zamanda, KSM stra- tegiyasının tətbiqi bankdaxili tələblərin cəmiyyətə uyğunlaşdırılmasında ümumi riski minimuma endirəcək. Əlavə olaraq qeyd etmək lazımdır ki, KSM təşəbbüsləri və korporativ maliyyə performans (CFP) arasında əlaqələr əhəmiyyətli olmalıdır. Hesabatların cəmiyyətə çıxarılması zamanı KSM ilə ya- naşı, davamlı inkişaf və qeyri-maliyyə hesa- batlarını da əlavə etmək zəruridir. Belə bir addım maraqlı tərəfləri (bank menecerlərini, hakimiyyət orqanlarını, müştəriləri və s.) məlumatlandıracaq. Bunun əsasında bank və maraqlı tərəflərlə münasibət güclənəcək və nəticədə bazar payının möhkənlənməsinə və inamın artmasına gətirib çıxaracaq. Sonda qeyd edək ki, dünyanın bütün bankları kimi Azərbaycan bank sektoru da maliyyə böhranının dağıdıcı təsirləri və ağır yükü ilə qarşı-qarşıya qalıb. Ona görə də çıxış yollarından biri banklarda korporativ sosial məsuliyyətin yüksək səviyyədə təşkil olunmasıdır. Bir daha xatırladaq ki, bunun nəticəsində rəqabətin verdiyi potensial fay- daların artmasına gətirib çıxaracaq. Bank- ların təşəbbüsləri ölkədə KSM tədqiqatının və modellərinin keyfiyyətinin inkişafına zəmin yaradacaq və ölkədaxili sosial-iqtisa- di inkişafa böyük töhfə verəcək. Bankların təhsil sahəsinə davamlı şəkildə yatırımları kadr problemlərini də aradan qaldıracaq. Həm cəmiyyət üçün, həm də bank üçün faydalı olan insan resurslarının inkişafı sağlam və davamlı cəmiyyətin yaradılması- na xidmət edəcək. Bundan əlavə, bankların KSM fəaliyyətinin gələcək illərdə artması üçün maarifləndirmənin genişləndirilməsi, normativ-hüquqi bazanın yaradılması, motivasiyanın təşviq edilməsi və hökumətlə birgə təşəbbüslərin olmasından irəli gələcək. Belə ki, bu işlər bankların KSM-ə adaptasiya prosesini müvəffəqiyyətlə həyata keçirməsinə kömək edəcək.
Memorandumu imzalayıblar. “APA-Economics”in “balkaninsight. com” saytına istinadən verdiyi məlumata görə, Bolqarıstanın energetika naziri Temenuşka Petkova və onun serbiyalı həmkarı Aleksandr Antiç Sofiyada iki ölkə arasında qaz kəməri birləşməsinin inşasına dair Anlaşma Memoran- dumu imzalayıblar. T. Petkova bildirib ki, hər iki ölkə qaz kəmərinin 2019-cu ilin may ayında inşası- na başlanması barədə razılığa gəliblər və bu kəmərin 2020-ci ilin sonuna tam hazır olacağı- na ümid edirlər. A. Antiç isə bildirib ki, Serbiya boru kəmərinin inşasının maliyyələşdirilməsi üçün 2018-ci ildə Avropanın müxtəlif şirkətləri ilə danışıqlar aparacaq. Serbiya üçün bu kəmərin inşası 60 milyon dollara başa gələcək. Bol- qarıstan isə kəmərin öz ərazisindən keçən hissəsinə 45 milyon dollar vəsait sərf edəcək. Qeyd edək ki, Bolqarıstan və Serbiya arasında qaz birləşməsinin yaradılması Mərkəzi və Qərbi Avropa ölkələrində Avropaya qaz mənbələri və nəqlinin diversifikasiyasına yönəlmiş, həmçinin qaz infrastrukturunun yaradılması üçün vacib olan 7 prioritetdən biri hesab olunur. Layihə yekunlaşdıqdan sonra illik Bolqarıstandan Serbiyaya 1 və ya 1,8 milyard kubmetr, həmçinin Serbiyadan Bolqarıstana 0,15 milyard kubmetr təbii qaz nəql etmək mümkün olacaq. Kəmərin uzunluğu 62,2 kilo- metr təşkil edəcək. Bolqarıstanın Energetika Forumunun prezidenti İvan Hinovski bildirib ki, birgə qaz boru kəməri layihəsi hər iki ölkə üçün Rusiya enerji daşıyıcılarından asılılığı azaltmağa və qaz tədarükünün diversifikasiyasına imkan verəcək. Onun sözlərinə görə, bu kəmər hazırda inşası davam edən Trans-Anadolu qaz kəməri vasitəsilə Bolqarıstandan Serbiyaya İran, Azərbaycan və Türkmənistan qazının nəqlinə geniş imkan verəcək. Pakistanda bazarda partlayış törədilib, 21 nəfər həlak olub, 40 nəfər yaralanıb
yaralananların sayı artıb. APA-nın "Associated Press"-ə istinadən verdiyi məlumata görə, terror aktı nəticəsində həlak olanların sayı 21-ə yüksəlib, 40-dək yaralı var. Hadisə Paraçinar şəhərində bu gün səhər saatlarında baş verib. Partlayışın əldəqayırma qurğu ilə törədildiyi bildirilir. Partlayışa görə hələlik heç bir qruplaşma məsuliyyəti üzərinə götürməyib.
sağlam mənəvi idealların möhkəmlənməsinə çalışıb, tibb kadrların inkişafına səy göstərib, çalışdığı ali təhsil ocağında tələbələri nəcib, ülvi məqsədlərə yönəltmək, intellektual səviyyəsini yüksəltmək məramı ilə daim diqqət mərkəzində olub. Elə buna görə də elmi-pedaqoji fəaliyyəti həmişə yüksək qiymətləndirilib, həmkarları, dostları və tələbələr arasında dərin hörmətə sahib olub. Əlbəttə, bu cür nüfuzu, sevgini o, dərin elmi zəkası, səmərəli elmi axtarışları, yüksək insani keyfiyyətləri və ən vacibi isə halal əməyi ilə qazanıb. Ömrünün müdriklik çağını yaşayan görkəmli alimin tələbələri, rəhbərliyi altında elmi dərəcələr alan və tibb elmi sahəsində özünəməxsus yeri və rolu ilə nüfuz qazanan insanlar bu gün respublikamızın səhiyyə sistemində, idarəetmənin müxtəlif sahələrində ça- lışır və ölkəmizin tərəqqisində öz bilik və bacarıqlarını əsirgəmirlər. Söhbət Azərbaycan Tibb Universi- tetinin insan anatomiyası kafedrasının müdiri, Rusiya Tibb Elmləri Akade- miyasının həqiqi üzvü, Azərbaycan Morfoloqlar Assosiasiyasının sədri, Beynəlxalq Morfoloqlar Assosiasiyası Koordinasiya Şurasının, Avropa Təbiət Elmləri Akademiyası və Türk Dünya- sı Araşdırmaları Uluslararası Elmlər Akademiyasının üzvü, Əməkdar elm xadimi və Əməkdar həkim, tibb elmləri doktoru Vaqif Şadlinskidən gedir. Onun ömür yolu haqqında aydın təsəvvür yaransın deyə, əvvəlcə bu böyük alimin uşaqlıq, gənclik illərinə qısaca nəzər salaq.
1940-cı il yanvarın 24-də Vedi rayonunun Böyük Vedi kəndində ziyalı ailəsində dünyaya göz açan professor Vaqif Şadlinskinin ailəsi 1948--1950- ci illər erməni deportasiyasına məruz qalaraq məcburi köçkün həyatı yaşa- yıb. Atası Bilas müəllim əvvəl doğma yurdundan perik salınandan sonra isə Şəmkirin Leninkənd qəsəbəsindəki (in- diki Çinarlı) orta məktəblərdə direktor vəzifəsində çalışıb. Təlim-tərbiyə və maarifləndirmə sahələrində göstərdiyi qüsursuz xidmətlərinə görə Lenin və Qırmızı Əmək Bayrağı ordenlərinə, “Əməkdar müəllim” fəxri adına layiq görülüb. Xalq qəhrəmanı Abbasqulu bəy Şadlinskinin yaxın qohumu olan Bilas Şadlinski dövrünün bacarıqlı pedaqoqlarından, dəyərli ziyalılarından biri kimi tanınıb. Anası Gülüzar xanım isə səkkiz uşaq boya-başa çatdırıb. Göründüyü kimi, başı müsibətlər çəkən bu ailə zəhmətə, elmə, maarifə bağlı olub, el-obada xətir-hörməti halallıqla, vətənpərvərliklə qaza- nıb. Təbii ki, bütün bu keyfiyyətlər , xüsusən gənclik illərindən ağır zəhmətə qatlaşması gələcəyin tanınmış alimi- nin 1963--1968-ci illərdə Azərbaycan Tibb İnstitutunda oxuyarkən ona bəslənilən ümidləri doğrultmasına öz müsbət təsirini göstərib. Dərin zəkası və çalışqanlığı gənc Vaqif müəllimin sonrakı elmi fəaliyyətində mühüm uğurlara imza atmasında, bir insan, vətəndaş, pedaqoq, alim, ictimai xadim kimi cəmiyyətdə nüfuz qazanmasında mühüm rol oynayıb. Burada bir məqamı da xüsusi qeyd etmək yerinə düşür. Professor Vaqif Şadlinskinin atası Bilas müəllim ömrü boyu kitaba, elmə sonsuz sevgi ilə bağlı olub. Tarixi araşdırmalara da böyük maraq göstərib. Yaratdığı zəngin kitabxansında da ermənilərin qonşu ölkələrdən Azərbaycana nə vaxt, nə səbəbə köçürülmələrindən, terrorçu “Daşnaksütyun” partiyasının xalqımı- za qarşı düşmənçilik fəaliyyətindən, törətdikləri qırğınlardan, əsassız torpaq iddialarından bəhs edən qəzet-jurnal məqalələri, broşüralar, kitablar və digər sənədlər xüsusi yer tuturdu. Elə gün olmazdı ki, məktəbli gənclər, qiraət həvəskarları, qəsəbəyə yolu düşən qo- naqlar bu kitabxanaya baş çəkib onları maraqlandıran, düşündürən məsələlərlə bağlı məlumat almasınlar. Bax, yeniyetmə Vaqifin kitaba, elmə, tarixə dərindən bağlılığı həm də bu zəngin mənbədən qaynaqlanıb. Əməkdar elm xadimi Vaqif Şad- linski 1970-ci ildə o vaxtkı Tibb İnsti- tutunun insan anatomiyası kafedrasında elmi-pedaqoji fəaliyyətə başlayıb. İlk günlərdən nizam-intizamı, yeniliyə can atması ilə diqqət çəkib. Səmimiyyəti, tədris, təlim-tərbiyə işlərinə ürəkdən bağlanması ilə əməkdaşların, eləcə də kafedra müdiri, professor Kamil Bala- kişiyevin hörmət və rəğbətini qazanıb. Vaqif müəllim həmin kafedranın müdiri vəzifəsinə seçildiyi 1995-ci ildən etibarən tədrisin dünyanın inkişaf etmiş ali məktəblərinin kəmiyyət və keyfiyyət göstəriciləri səviyyəsində qurulması üçün universitetdə apa- rılan islahatlarda, həyata keçirilən tədbirlərdə yaxından iştirak edib. Təhsil, təlim-tərbiyə sahəsində əldə etdiyi uğurlara görə dəfələrlə ATU rektorluğunun və Səhiyyə Nazirliyinin fəxri fərmanlarına layiq görülüb. Tanınmış alim-pedaqoq Azərbaycan Tibb Universitetində çalışdığı dövrdə elmi fəaliyyəti ilə yanaşı, ictimai işlərdə də fəallığı ilə seçilib. O, eyni zamanda, müalicə-profilaktika fakültəsinin dekan müavini, ümu- mi işlər üzrə prorektor, həmkarlar ittifaqı komitəsinin sədri, tədris işləri üzrə prorektor vəzifələrini yerinə yetirərkən də prinsipal- lığı, obyektivliyi, humanistliyi ilə hörmət qazanıb. İllər ötdükcə Vaqif müəllimin elmi-pedaqo- ji, ictimai-siyasi fəaliyyətinin miqyası da genişlənib. Professor ölkəmizdə morfologiya elminin insan anatomiyası sahəsində elmi axtarışla- rını və bu fənnin tədrisini onun spesifi- kasına uyğun daim təkmilləşdirərək yüksək nəticələr qazanıb, bu sahəni beynəlxalq aləmdə layiqincə təmsil edib. Vaqif Şadlinski kafedra mü- diri kimi dünyanın bir sıra ali tibb məktəblərinin insan anatomiyası kafedralarının müdirləri, morfoloji elmlərlə məşğul olan görkəmli tibb alimləri ilə rəsmi müqavilələr imza- lamağa, yeni layihə və proqramlar hazırlanmağa, kafedranın beynəlxalq əlaqələrini genişləndirməyə nail olub. Onun İ.M.Seçenov adına Moskva Dövlət Tibb Universitetinin insan anatomiyası kafedrasının müdiri, akademik M.R.Sapinlə, Moskva Dövlət Tibbi-Stomatologiya İnstitu- tunun insan anatomiyası kafedrasının müdiri, akademik L.L.Kolesnikovla, akademik D.V.Bajenovla, Tbilisi Morfologiya İnstitutunun direktoru, akademik N.A.Cavaxişvili ilə, Xarkov Dövlət Tibb İnstitutunun insan anato- miyası kafedrasının müdiri, professor V.V.Bobinlə, həmçinin Almaniyadan dünya şöhrətli anatom-alim, pro- fessor A.Şumaxerlə, Gürcüstandan olan akademik T.Gibradze, Kazan, Ufa, Mahaçqala alimləri, Türkiyənin bir sıra universitetlərinin tibb fakültələrinin anatomiya kafedralarının mütəxəssisləri ilə yaratdığı dostluq və əməkdaşlıq əlaqələri ölkəmizdə morfologiya elminin müasir tələblər səviyyəsində dinamik inkişafına güclü təkan verib. Vaqif müəllimin pedaqoji fəaliyyətindən söhbət açarkən bir məqama da xüsusi diqqət yetirmək istərdik. Bu, böyük alimin rəhbərlik etdiyi kafedranın hazırda işinin müasir tələblər səviyyəsində yenidən qurul- ması ilə bağlıdır. Xatırladaq ki, Vaqif müəllimin səyi ilə kafedranın unikal tədris muzeyinin sahəsi son illərdə xeyli genişləndirilib və yeni ekspo- natlarla zənginləşdirilib. Tələbələrin təhsili və əməkdaşların fəaliyyəti üçün burada hər cür şərait yaradılıb, bütün dərs otaqları müasir avadanlıqla təchiz olunub. Təhsildə ən yeni tədris metod- larından-- kompüter otaqlarından, animasiyalardan, son innovativ texno- logiyalardan, müxtəlif proqramlardan düşünülmüş şəkildə geniş istifadə edi- lir. Anatomiyanın bütün sahələri üzrə Azərbaycan, rus və ingilis dillərində çoxsaylı dərslik, atlas, anatomik ter- minologiya kitabları, dərs vəsaitləri, tədris-metodik ədəbiyyat yazılıb və nəşr olunub. Kafedrada morfoloqla- rın beynəlxalq elmi konfranslarının keçirilməsinin təşkili və belə tədbirlərin materiallarının toplu şəklində çap olunmasının təmin edilməsi diqqət mərkəzində saxlanılıb. Alimin kafedraya rəhbərlik etdiyi dövrdə onun elmi məsləhətçiliyi və rəhbərliyi altında neçə-neçə elmlər doktoru, tibb üzrə fəlsəfə doktoru hazırlanıb, 500-ə yaxın elmi işi, o cümlədən çoxsaylı monoqrafiya, dərslik və dərs vəsaiti, onlarca elmi- kütləvi məqaləsi işıq üzü görüb. Akade- mik Yusif Məmmədəliyev mükafatı, Hacı Zeynalabdin Tağıyev mükafatı, BMT-nin Təltiflər Komitəsinin I dərəcəli Hippokrat ordeni, Albert Şvaytzer mükafatı, Robert Kox medalı, UNESCO-nun Beynəlxalq Akade- miyasının qızıl medalı və s. bir sıra beynəlxalq mükafat və təltiflərə layiq görülüb. Vaqif Şadlinski Azərbaycanda və bir sıra xarici ölkələrdə çıxan tibbi jurnalların redaksiya heyətlərinin üzvü kimi də yorulmaq bilmədən fəaliyyət göstərir. Prinsipiallığı, yüksək idarəçilik qabiliyyəti, tədqiqatçılıq əzmi və insani keyfiyyətləri ilə fərqlənən professor Vaqif Şadlinskiyə bundan sonra da səmərəli elmi-pedaqoji fəaliyyətində uğurlar arzu edirik. Vaqif BAYRAMOV, “Xalq qəzeti” Tanınmış alim, təcrübəli pedaqoq Ermənistan silahlı qüvvələrinin bölmələri iriçaplı pulemyotlardan da istifadə etməklə atəşkəs rejimini 39 dəfə pozub
cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 39 dəfə pozub. Müdafiə Nazirliyi- nin mətbuat xidmətindən AZƏRTAC-a bildiriblər ki, Ermənistanın Noyemberyan rayonunun Dovex, İcevan rayo- nunun Berkaber, Azatamut və Paravakar kəndlərində yerləşən mövqelərdən Qazax rayonunun Kəmərli, Qızılhacılı, Cəfərli, Köhnəqışlaq kəndlərində və adsız yüksəkliklərdə, Berd rayonunun Çinari, Moses- qex kəndlərində və adsız yüksəkliklərdə yerləşən mövqelərdən Tovuz rayo- nunun Ağbulaq, Koxanəbi, Ağdam kəndlərində və ad- sız yüksəkliklərdə yerləşən mövqelərimiz atəşə tutulub. Tərtər rayonunun işğal altında olan Göyarx, Çiləbürt, Ağdam rayonunun Yusifcanlı, Şuraabad, Xocavənd rayonunun Kuropatkino, Füzuli rayonunun Aşağı Seyidəhmədli, Horadiz kəndləri yaxınlığında, həmçinin Goranboy, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub. Yüklə 76,15 Kb. Dostları ilə paylaş:
|